May “Fake Receipt Representatives” tagging pala sa LTFRB. Ayon sa mga nagrereklamo ay kapag napabilang ka sa tinatawag na “List of Authorized Representatives submitted Fake/ Tampered Receipts” ay ban ka pumasok sa LTFRB central office.

Nakakuha ang Lawyers for Commuters Safety and Protection (LCSP) ng listahan at kinumpirma sa amin na hindi nga sila pinapapasok ng mga guards sa gate pa lang. Pero marami sa mga nasa listahan ay nagtataka at nagtatanong kung bakit sila napasama sa listahan na nag-submit daw sila ng pekeng mga resibo sa mga binayaran nila sa LTFRB.   Tinanong namin kung sila ba ay naimbestigahan dito o kinasuhan ba base sa pamemeke ng resibo – wala raw at iginiit naman na hinid sila namemeke.   Paano raw sila masasabing namemeke, eh hindi naman daw sila ang nagi-issue ng resibo.

May mga bagay na nais naming itanong sa issue na ito:  Una, paano nasabi na peke ang resibo?   Ano ba ang peke, yung mismong resibo o genuine naman ang resibo pero tampered dahil peke ang nakasulat.

Halimbawa, nakasulat sa resibo ang pinagbayaran pero hindi naman natanggap ang bayad ng cashier ng LTFRB.  Kung ang papel na resibo ay genuine ibig sabihin ay galing sa loob ng Ahensya ang pamemeke ng entrada sa resibo. Kung mismong yung papel na resibo ang peke ay dapat malaman kung saan naimprenta ang mga ito.

Pangalawa, totoo bang may utos ang LTFRB sa mga guards na huwag papasukin ang mga nasa listahan? Nasaan ang Memorandum Circular o ang office resolution?  At paano nila napagdesisyunan na isama ang isang tao sa listahan. Nagkaroon ba ng imbestigasyon ukol dito. Pinatawag ba sila ang mga implicated ng nasabing listahan, at kinasuhan na ba?  Ano ang batayan kung bakit bawal pumasok ang mga nasa listahan.   Magkakaroon ba ng solusyon ang diumamong pamemeke ng resibo kung hindi lang magpapapasok ng ilang indibiduwal na kanilang pinaghihinalaan?

Di ba’t mas mainam na makausap ang mga ito para makapagpaliwanag kung paano sila nagkaroon ng sinasabing pekeng resibo?

May kasabwat ba silang mga empleyado o opisyal sa loob ng LTFRB? Ang mga nasa listahan ba ay may kakayahang mameke ng resibo o biktima rin sila ng ilang namemeke na taga loob ng LTFRB.  Sa amin sa LCSP, suportado namin ang tamang paglilinis ng Ahensya laban sa mga tiwaling opisyal at mga taong mapagsamantala.  Pero papano natin masusugpo ito kung ang hakbang lang ay huwag papasukin ang mga nasa listahan na diumanoy nag-submit ng mga pekeng resibo.

At bakit ng aba hindi papasukin sa LTFRB office kung hinala pa lang ang basehan.

Malalim na mga tanong na nangangailangan ng malinaw na kasagutan! (Atty. Ariel Enrile-Inton)

Nagkaron ng inagurasyon noong nakaraang buwan ang bagong bukas na P85 million na 3D aerodome tower simulator ng Civil Aviation Authority of the Philippines (CAAP).

Nakalagay ang bagong 3D aerodome tower simulator sa CAAP’s Civil Aviation Training Center (CATC) sa Paranaque City. Natapos ang pagtatayo noong March 30 ng taong kasalukuyan.

Ang 3D aerodome tower simulator ay tutulong upang magkaron ng artificially recreation ang control tower environment para sa air traffic controller (ATC) training, design at ipa pang pangagailangan.

“For the Department of Transportation (DOTr), security and safety are paramount. This facility will not only provide training, it will also help in handling flight emergencies and risky situations without the threat of danger as experienced before,” wika ni DOTr Secretary Arthur Tugade.

Ayon sa CAAP ang nasabing simulator ay makakatulong sa mga ATCs sa kanilang training, testing at maintaining ng proficiency sa paghawak ng operasyon sa aerodome ng walang kapahamakan sa mga buhay ng tao at kabuhayan.

Mas mura ang earodome simulator kumpara sa pagkakaron ng training sa actual na air traffic control conditions.

Ang anim (6) na airport scenario settings na nakalagay sa simulator program ay maaaring gamitin sa ATC proficiency sa mga airports sa Manila, Clark, Mactan, Plaridel, Davao at mga generic single-runway project.

Noong una ang ginagamit ng mga ATC instructors ay ang miniature model airplane upang makagawa ng air traffic scenarios.

“With the arrival of our new aerodome simulator, this practice is now obsolete,” saad ng CAAP.

Gagamitin din ang aerodome simulator sa mga gagawing training ng mga bagong ATCs sa pamamagitan ng comprehensive air traffic service course na binibigay ng CATC. (LASACMAR)