2021 May Archive - People's Balita

Archive for May, 2021

Pagunsan, Delos Santos Que lalagare pa sa JPG

Posted on: May 1st, 2021 by @peoplesbalita No Comments

SAMA-SAMANG humataw sina Juvic Pagunsan, Angelo at at Justin Delos Santos sa pagsambulat ng 48th Japan Golf Tour 2020-21 ninth leg, ¥100M (P44.7M) 61st The Crowns sa Wago Course ng Nagoya Golf Club sa Nagoya City, Aichi Prefecture nitong Huwebes, Abril 29.

Makikipagrambulan ang tatlong bala ng ‘Pinas sa titulo kaharap ang 102 pang players sa may apat na araw, 72-butas na kompetisyon na may tumataginting na ¥20M (P9.8M) para sa maghahari sa Linggo, Mayo 2.

Ito na ang ika-153 torneo sa mayamang men’s professional circuit ng 42-anyos mula sa Bacolod City na si Pagunsan, 42, ng Bacolod mula nang maging kasapi ng JGT noong 2012, pero bokya pa siya sa kampeonato habang pangwalo ng Fil-Am na si Delos Santos, 25, buhat noong 2019 na wala ring panalo.

Ika-94 paligsahan na ito para kay Que, 42, ng Maynila at puntirya ang ikalawang titulo makaraang makaisa noong 2018 buhat nang magmiyembro ng JGT noong 2015.

Pangsiyam na ang palarong ito sa 25 taong-gulang na Fil-Am na si Delos Santos buhat nang makapasok sa Tour noong 2019 at naglalaway sa unang panalo. (REC)

PEKENG FB ACCOUNT NG FB, BINALAAN

Posted on: May 1st, 2021 by @peoplesbalita No Comments

NAGBABALA ang National Bureau of Investigation (NBI) sa publiko kaugnay sa pekeng Facebook page ng ahensya na nag-aalok ng serbisyo ng ahensya.

Sa abiso ng NBI, ang “NBI ONLINE APPOINTMENT 2021” ay hindi official facebook page ng NBI- Information and Communications technology Division (NBI-ICTC) o anumang konektadong division o ng NBI.

Ayon pa sa abiso, ang nasabing FB page ay nag-aalok ng serbisyo at nagpapakilalang bahagi ng ahenysa gamit ang NBI logo o insignia.

Pinayuhan naman ng NBI ang lahat ng clearance applicants na magrehistro lamang online para sa appointment sa NBI Clerance appointment and renewal website sa https://clerance.nbi.gov.ph/

Pinaalalahanan din ng BI ang publiko sa mga hindi otoriosadong paggamit ng official logo ng NBI na isang illegal act at ang mga kawatan ay maaring maharap s reklamo o kaso. (GENE ADSUARA)

Nakipagbarilan, magtiyuhin tigbak sa parak sa Malabon

Posted on: May 1st, 2021 by @peoplesbalita No Comments

Todas ang isang 53-anyos na lalaki at kanyang pamangkin matapos makipagbarilan sa rumespondeng mga pulis sa Malabon City, kamakalawa ng gabi.

Kinilala ni Malabon police chief Col. Joel Villanueva ang nasawing mga suspek na sina Nolito Cimanes, alyas “Koping” at kanyang pamangkin na si Manuel Cimanes, 34, construction worker at kapwa ng 444 Gulayan St. Brgy. Catmon.

Batay sa report nina police investigators PMSg Julius Mabasa at PSSg Ernie Baroy kay Col. Villanueva, dakong alas-10:45 ng gabi nang respondehan ng mga tauhan ng Malabon Police Intelligence Unit sa pangunguna ni PLT Joseph Alcazar ang natanggap na tawag mula sa isang concerned citizen hinggil sa umano’y nagpaputok ng baril sa Gulayan St., Brgy. Catmon.

Pagdating sa lugar, nakita ng mga pulis si Nolito na may hawak na baril at nang mapansin ng suspek ang mga parak ay kaagad niya itong pinaputukan habang naglabas din ng isang granada si Manuel.

Para ipagtanggol ang kanilang sarili, gumanti ng putok ang mga pulis hanggang sa tamaan sa katawan ang mga suspek bago pa man maihagis ni Manuel sa kanila ang hawak nitong granada.

Matapos ang insidente, isinugod ng mga pulis sa Ospital ng Malabon ang mga suspek subalit, idineklarang dead on arrival ang mga ito sanhi ng tinamong tama ng bala sa katawan.

Narekober ng rumespondeng mga tauhan ng SOCO at EOD team sa pangunguna ni PSSg Rodel Victor sa crime scene ang isang M26 fragmention hand grenade, cal. 38 revolver na kargado ng apat na bala at dalawang basyo ng bala, itim na sling bag na naglalaman ng tatlong sealed plastic sachets ng hinihinalang shabu, P170 cash at anim na basyo ng bala ng cal. 9mm. (Richard Mesa)

DOH sa publiko: Huwag magpapabakuna sa mga ‘illegal vaccination sites’

Posted on: May 1st, 2021 by @peoplesbalita No Comments

Nagbabala ang Department of Health (DOH) sa publiko kasunod ng mga ulat na may ilang grupo ang nagsasagawa ng hindi otorisadong pagbabakuna laban sa COVID-19, sa mga hindi rin opisyal na vaccination site.

Ayon kay Health Usec. Maria Rosario Vergeire, delikadong magpabakuna sa mga hindi opisyal na vaccination site dahil walang katiyakan na dumaan ang mga ito sa standards ng ahensya.

Hindi rin daw masisiguro na galing sa gobyerno ang mga bakuna, gayundin ang monitoring sa mga indibidwal matapos mabakunahan.

“Any vaccination site that will be assigned as official vaccination site, ini-inspect yan ng DOH because we have standards that we have set kung ano dapat yung mga facility natin for vaccination site.”

“Kung hindi yan (pagbabakuna) sa official vaccination site, ang isang issue diyan ay how are we going to track these patients if these was done na hindi alam ng department.”

Paliwanag ni Vergeire, hanggang isang taon imo-monitor ng ahensya ang mga naturukan ng COVID vaccines, para makita ang pangmatagalang epekto ng mga bakuna.

“Kung magkakaroon ng private vaccination sites kailangan masigurado kung saan galing ang bakuna, ito ba ay galing sa national government? Mayroon bang local government na nakipag-coordinate sa kanila para magkaroon ng ganitong bakunahan?”

“Itong mga bakunang walang rehistro, hindi masisiguro ng gobyerno na ito ay ligtas at makaka-protekta laban sa COVID-19.”

Una nang nagbabala ang DOH at Food andd Drug Administration sa mga doktor at healthcare workers na tatanggalan sila ng lisensya kapag napatunayang nasangkot sila sa illegal vaccination, lalo na ang mga nagamit ng hindi pa rehistradong bakuna.

Sa huling tala ng DOH, aabot na sa 3,263 ang bilang ng official COVID-19 vaccination sites sa buong bansa.

Ngayong araw naman inaasahang maglalabas ang National Task Force against COVID-19 ng update sa kabuuang bilang ng mga nabakunahan na laban sa COVID-19 buong Pilipinas.

4 nalambat sa buy bust sa Malabon

Posted on: May 1st, 2021 by @peoplesbalita No Comments

Kulong ang apat na hinihinalang drug personalities kabilang ang isang 18-anyos na bebot matapos masakote sa isinagawang buy bust operation ng pulisya sa Malabon City, kahapon ng madaling araw.

Kinilala ni Malabon police chief Col. Joel Villanueva ang naaresrong mga suspek na si Harold Arroyo, alyas “Akyat”, 47, Usha Tobias, 18, kapwa ng NHC Road Tala, Caloocan City, Sherwin Operario, 25 ng Brgy. Longos, at Niño Cacnio, 44 ng Brgy. Acacia.

Ayon kay Col. Villanueva, dakong 12:05 ng madaling araw nang masagawa ang mga operatiba ng Station Drug Enforcement Unit (SDEU) sa pangunguna ni PLT Amadeo Tayag ng buy bust operation sa Maria Clara St. Brgy. Acacia.

Nagawang makapagtransaksyon ng isang pulis na nagpanggap na buyer sa mga suspek ng P500 halaga ng droga at nang tanggapin ng mga ito ang marked money mula sa poseur-buyer ay agad silang inaresto ng mga operatiba.

Nakumpiska sa mga suspek ang limang plastic sachets na naglalaman ng nasa 12.77 gramo ng hinihinalang shabu na tinatayang nasa P86,836.00 ang halaga at buy bust money.

Mahaharap ang mga suspek sa kasong paglabag sa R.A 9165 o ang Comprehensive Dangerous Drug Act of 2002. (Richard Mesa)

Santiago interesadong mag-SEAG at AWVC

Posted on: May 1st, 2021 by @peoplesbalita No Comments

PINANGUNAHAN ng sikat na si Alyja Daphne ‘Jaja’ Santiago ang 16 na mga dumalo buhat sa 40 inanyayahan ng Philippine National Volleyball Federation (PNVF) sa women’s indoor team tryout nitong Miyerkoles sa Subic Gymnasium sa Zambales.

Karay ng Japan V. League gold medalist sa pagtitipon sina incoming Premier Volleyball League (PVL) stars Abigail ‘Aby’ Maraño, Mary ‘Majoy’ Baron, Mylene Paat, Dell Palomata, Iris Tolenada, at Ria Meneses.

Nagsadya rin sina Ejiya ‘Eya’ Laure, Faith Janine Shirley Nisperos, Jennifer Nierva, Ivy Lacsina, Mhicaela Belen, Alyssa Solomon, Bernadette Pepito, Kamille Cal, at Imee Hernandez.

“The federation puts the health and safety of the participants in equal footing with our goal of forming the national teams as soon as possible,” bigkas ni PNVF president Ramon Suzara.

Hinirit pa niyang ang mabubuong koponan ang magiging pambato ng bansa para sa 31st Southeast Asian Games 2021 sa Hanoi, Vietnam sa Nobyembre 21-Disyembre 2, at sa 21st Asian Women’s Volleyball Championship sa itatakda pang petsa sa Agosto sa Pilipinas o sa China.

Pinangasiwaan ni national coach Arthur Mamon ang kaganapan na hindi napuntahan ni Mar-Jana ‘MJ’ Phillips na nasa quarantine sa pagkapositibo ng isang Sta. Lucia Realty staffer.

Idinagdag ni Suzara na ang mga hindi nakapunta’y malamang na hindi na masama sa team maliban na lang kung balido ang rason.

Tama lang iyan Tats. Nasa likod mo ang Opensa Depensa.

Cong. Tiangco nagpositibo sa COVID-19

Posted on: May 1st, 2021 by @peoplesbalita No Comments

Inanunsyo ni Navotas City Congressman John Rey Tiangco na positibo siya sa COVID-19 makaraang lumabas sa kanyang RT-PCR na kumpirmado ang naging resulta nito.

Sa post niya sa kanyang facebook account, unang sinabi ni Cong. Tiangco nagpositibo siya sa kanyang antigen test kaya’t agad siyang nagpa RT-PCR test.

“Mabuti naman po ang aking pakiramdam at kasalukuyan po akong naka-quarantine. Patuloy po akong magbibigay ng ulat sa inyo tungkol sa aking kalagayan” ani Cong. Tiangco.

Nanawagan siya sa kanyang mga nakasalamuha na mainam na magpa-swab test para na rin para sa kanilang kaligtasan. Libre aniya ang RT-PCR swab test at makipag-ugnay lamang sa kanilang barangay o health center.

“Sa kabila ng lahat ng aking pag-iingat, hindi pa rin po ako nakaligtas sa virus na ito. Sabi nga nila, OA ako dahil doble-doble ang aking face mask, di ako umiinom o kumakain kapag nasa labas, at nagbibihis at naliligo agad pagdating ng bahay. Gayunpaman, nahawaan pa rin po ako. Kaya higitan n’yo pa po ang inyong pag-iingat, lalo na kung di talaga maiwasang lumabas ng bahay para magtrabaho” pahayag ni Cong JRT.

“Gagawin ko po ang lahat ng aking makakaya para maipagpatuloy ang aking mga tungkulin at mga programang ating nasimulan” dagdag niya.

Nagpapasalamat ang mambabatas sa lahat ng mga nag-aalala at mga nanalangin para sa kanyang paggaling sa lalong madaling panahon. “Sa awa ng Panginoon, malalampasan din po natin ang pagsubok na ito!” Sabi niya. (Richard Mesa)

KIDLAT TAHIMIK at FDCP, magkatuwang sa paglulunsad ng ‘Unsung Sariling Bayani’ Short Film Competition

Posted on: May 1st, 2021 by @peoplesbalita No Comments

NAPAKARAMI ng spectacular hero stories sa Philippine history, mayroon ding simple accounts of heroism na tunay na nakaka-inspire.

Kaya naman ang mga ‘unheard stories of heroism’ ay deserving sa spotlight, at ito nga ang iso-showcase sa Kidlat Tahimik’s Unsung Sariling Bayani (USB) Short Film Competition.

Pormal na ngang ni-launch ang USB Online Film Festival noong April 27 na pinangunahan ni Chairperson Liza Diño ng Film Development Council of the Philippines (FDCP) in partnership with the National Quincentennial Committee (NQC) and the Bureau of Learner Support Services-Youth Formation Division of the Department of Education.

“Balik tayo sa simple storytelling. I think we are all, even at a high school age, we are intelligent enough to see a positive value in somebody older or chosen as a hero who can really bring out the best in us,” pahayag ni National Artist for Film and Broadcast Arts Kidlat Tahimik.

Ang araw ng April 27, 2021 ay naging significant moment sa Philippine history dahil kasabay nito ang 500th anniversary of the Victory at Mactan as well as the 500th anniversary of the Philippine part in the first circumnavigation of the world.

Ayon pa sa 78 years old na si Kidlat Tahimik, “I think it is very timely, itong 500 years after to let this be a catalyzer. Para sa akin, magandang catalyzer itong pang-udyok para maka-focus tayo on heroism but maybe also on redefining ‘Ano ba talaga ang heroism?’”

Ang competition ay para sa mga Filipino, tatanggapin ang ano mang shorts of any genre as long as na tinatalakay dito ang kuwento na nagpapakita ng kahit anong uri ng kabayanihan at may habang 5 to 8 minutes, kabilang na ang credits.

Ang USB ay may three categories: Youth Category – Senior High Student (Public School), Youth Category – Senior High Student (Private School), and Adult Category (Aged 18 and above). Ang deadline for the submission of entries ay sa Oct. 11, 2021.

The FDCP Channel will host the USB Online Film Festival from Nov. 11 to 17 at magkakaroon ng streaming ang Awards Ceremony na gaganapin sa Nov. 14.

Bukod sa festival proper, magsasagawa rin ang USB ng FDCP Film School Basic Workshops on Filmmaking at “Storming with Kidlat: Usapang Bayani Forum”.

Finalists will receive cash prizes and free access to all educational events to aid in their filmmaking process. After the competition, USB winners and finalists will get the chance to attend more free training sessions and workshops to be conducted by the FDCP.

“Through the guidance of National Artist and Father of Philippine Independent Cinema Kidlat Tahimik together with other esteemed Filipino filmmakers, I am confident that the USB finalists will take inspiration and motivation from Tatay Kidlat’s ‘bamboo camera filmmaking’ to promote the appreciation for lesser-known local heroes through short films,” pahayag ni Chair Liza Diño.

Ang ‘bamboo camera’ na ang naging simbolo ng mga remarkable local storytelling ni Kidlat Tahimik sa mga nagdaang taon.

“Let the bamboo cameras guide our filmmaking,” sabi ng National Artist na ang buong pangalan ay Eric Oteyza de Guia.

“Sa dami ng mga bagong kuwento, I think yayaman ang kasaysayan ng Pilipinas and we, the small filmmakers, can contribute to the archives of our relevant local history,” tugon pa ni Kidlat Tahimik na nakatanggap na ng pangalan mula Cinemalaya, Gawad Urian, Prince Claus Fund, Amiens International Film Festival, Berlin International Film Festival, at marami pang iba.

For more information and to download the application form, visit www.fdcp.ph/sariling-bayani and for inquiries, contact Mr. Mark John Pamintuan at sarilingbayani.fdcp@gmail.com with the subject heading “Query: USB 2021.” (ROHN ROMULO)

Tautuaa, Gilas ‘Pinas 3×3 babatak sa ‘Calambubble’

Posted on: May 1st, 2021 by @peoplesbalita No Comments

UUMPISAHAN na sa darating ng Linggo ng Gilas Pilipinas national men’s 3×3 basketball team ang ‘Calambubble’ training camp sa Inspire Sports Academy sa Calamba, Laguna bilang preparasyon sa International Basketball Federation Olympic (FIBA) Qualifying Tournament sa Mayo 26-30 sa Graz, Austria.

Magpapatikas ng porma sina Philippine Basketball Association (PBA) stars Moala ‘Mo’ Tautuaa at Christian Jaymar ‘CJ’ Perez ng San Miguel Beer, at incoming rookies Joshua Munzon ng Terrafirma at Alvin Pasaol ng Meralco.

Sasamahan sila ng mga reserbang sina Rain or Shine newcomer Leonard Santillan ng Rain at pro league journeyman Karl Dehesa.

“All the players and coaches, led by 3×3 program director Ronald Magsanoc, have started the protocol necessary to enter the training bubble and they will start their practices next week,” bigkas nitong Miyerkoles ni Samahang Basketbol ng Pilipinas Inc. (SBPI) president Alfredo Panlilio.

Pinapurihan at pinasalamatan din ng opisyal si PBA Commissioner Wilfrido Marcial, ang Board of Governors ng liga at limang team ng mga player sa pagtulong sa pambansang koponan.

Kabangga ng Nationals ang Qatar at Slovenia sa May 26o, at ang Dominican Republic at France sa Mayo 28.

Kumpiyansa ang SBPI at PBA si Panlilio na makakarating ang PH squad ng top 3 upang makapaglaro sa 32nd Summer Olympic Games 2020 sa Tokyo, Japan na inusog lang ng Covid-19 sa Hulyo 23-Agosto 8. (REC)

Pamahalaan, pinayagan na ang 10% dine-in capacity; barber shop, parlors ng 30% sa MECQ

Posted on: May 1st, 2021 by @peoplesbalita No Comments

PINAPAYAGAN na ng pamahalaan ang ang dine-in operations sa mga lugar na nasa ilalim ng Modified Enhanced Community Quarantine (MECQ).

Pinapayagan na rin na mag-operate ang mga barbershops, beauty parlors, at iba pa sa 30% capacity sa MECQ

Sa isang kalatas na ipinalabas ni Presidential Spokesperson Harry Roque, inaprubahan ng Inter-Agency Task Force (IATF), araw ng Huwebes, Abril 29 2021, ang rekomendasyon na payagan ang mga restaurants, eateries, commissaries, at iba pang food preparation establishments na ibalik na ang kanilang indoor dine-in services sa mga lugar na nasa ilalim ng Modified Enhanced Community Quarantine (MECQ) sa iniyal na 10% venue o seating capacity.

Ang mga food preparation establishments, sa kabilang banda ay maaaring mag-operate ng kanilang indoor dine-in services “beyond this limitation,” sa kondisyong kailangan nilang mag-comply sa Joint Memorandum Circular No. 21-01 (s. 2021) o Safety Seal Certification Program.

Inaprubahan din ng IATF ang pagbabalik ng operasyon ng beauty salons, beauty parlors, barbershops at nail spas na may inisyal na 30% venue o seating capacity sa MECQ areas.

“Moreover, these establishments shall only provide services that can accommodate the wearing of face masks at all times by clients and service providers,” ayon kay Sec. Roque.

Ang ganitong personal care establishments, ay maaring mag-operate ng lampas sa limitasyon, “provided that they comply with Joint Memorandum Circular No. 21-01 (s.2021) or the Safety Seal Certification Program.”

Ang personal care establishments at serbisyo na hindi nabanggit ay hindi papayagan na mag-operate.

At dahil pinayagan na ay siguradong mabibigyan na ng trabaho ang nasa 500,000 displaced workers.

“Ngayong pinayagan na ng IATF ‘yung personal care services and indoor dining, we will have 400,000 workers doon sa personal care and another 100,000 sa restaurants na madadagdag sa dine-in,” ani Castelo.

Paliwanag pa niya, ang mga barbershops at salon ay maaari rin naman maglagay ng outdoor spaces para sa bentilasyon. (Daris Jose)