INAPRUBAHAN ng gobyerno ang panukalang iprayoridad ang COVID-19 vaccination sa mga atletang Filipino at opisyal bago pa magtungo ang mga ito sa Tokyo Olympics at Southeast Asian Games.

Sinabi ni Presidential Spokesperson Harry Roque na pinapayagan ng Inter-Agency Task Force ang maagang pagbabakuna sa mga magiging kinatawan ng Pilipinas sa dalawang nabanggit na sport major sporting events.

Sa ulat, umapela si Senate Committee on Sports chairman, Senator Christopher “Bong” Go sa pamahalaan na tiyaking mababakunahan ang mga kuwalipikadong miyembro ng Team Philippines na sasabak sa Summer Olympics sa Tokyo City, Japan at Southeast Asian Games sa Hanoi City, Vietnam sa July-August at November-December, ayon sa pagkakasunod.

“Ang tagumpay nila ay tagumpay din ng buong bansa. Hirap na hirap na ang ating mga kababayan pero subukan nating bigyan ang taumbayan ng rason na magkaroon ng pag-asa at magkaisa,” ayon kay Go.

“Marami rin po ang naghihirap sa ating mga atleta at tatandaan natin na bukod sa pagrepresenta sa ating bansa, lahat po sila ay may mga pamilya rin pong pinapakain at binubuhay. Ang pagbabakuna sa kanila ay hindi lang bilang suporta sa ating mga atleta, kundi suporta rin upang maiangat muli ang kanilang kabuhayan,” aniya pa.

Nauna rito, tinalakay ni Go ang kanyang apela kina vaccine czar Carlito Galvez, Jr. at Health Secretary Francisco Duque III at nangako ang dalawang opisyal na ilalagay sa priority list ang mga kuwalipikadong atleta.

“Bilang Chair ng Senate Committees on Sports at Health, umaapila ako na bakunahan na agad ang ating mga atleta na sasabak sa upcoming international competitions. Makiisa at magmalasakit tayo sa Team Pilipinas. Suportahan at proteksyunan natin sila dahil karangalan rin ng bansa ang nakataya rito,” ang apela ni Go.

Sinabi ng senador na bandila ng Pilipinas at dangal ng lahing Pilipino ang itatanghal ng ating mga atleta sa mga nasabng palarong kaya dapat lamang na bigyan din sila ng sapat na proteksyon.

Ginunita ni Gp na noong nakaraang 2019 SEA Games, naging kampeon ang Team Pilipinas dahil sa suporta ng buong sambayanang Pilipino. Nagkaisa ang gobyerno, pribadong sektor, at ordinaryong Pilipino para sa mga atleta.

“Ngayon na kailangan nila ang tulong at proteksyon mula sa sakit, ibigay muli natin ang suportang kailangan nila hindi lamang sa oras ng kanilang kompetisyon, kundi pati na rin sa kanilang preparasyon at panahon ng kanilang pangangailangan,” giit ng mambabatas.

Ayo sa PSC aat POC, inaasahan na bubuuin ng 100 miyembro ng delegasyon ng bansa para sa Olympics. May 1,500-strong delegation ng bansa ang kalahok sa SEA Games. Ang mga ito ay kinabibilangan ng atleta, coaches, team officials at iba pa.

“Bilisan na po natin para hindi tayo maipit sa oras dahil malapit na po ang mga kompetisyon. Tutal patuloy naman po ang pagdating ng mga bakuna at ginagawa rin ng gobyerno ang lahat para mapabilis ang ating vaccine rollout sa iba’t ibang parte ng bansa,” idiniin ni Go.

Samantala, ang Pilipinas ay mayroong 8 atleta na magtutungo sa Tokyo Games na nakatakda sa Hulyo 23 hanggang Agosto 8 at ito ay sina : weightlifter Hidilyn Diaz, pole vaulter EJ Obiena, gymnast Carlos Yulo, boxers Eumir Marcial, Irish Magno, Carlo Paalam, and Nesthy Petecio, at rower Cris Nievarez.

Plano naman ng Philippine Olympic Committee na magpadala ng 626 atleta sa Hanoi SEA Games.

Ang organizers ng games sa Vietnam ay nagpatupad ng “no vaccination, no participation” policy sa biennial sports meet na nakatakda sa Nobyembre 21 hanggang Disyembre 2.

Samantala, sinabi ni POC President Bambol Tolentino na ang national sports associations ay pinayuhan na kilalanin ang mga atleta na ipa-prayoridad para sa vaccination program. (Daris Jose)

Binulabog ni Senator Manny Pacquiao nitong Sabado ng madaling araw (afternoon in US) ang mundo ng boxing nang ianunsiyo niya sa pamamagitan ng kanyang social media account ang laban kontra sa undefeated welterweight champion na si Errol Spence.

Ang unified welterweight championships ay gaganapin sa August 21 nitong taon sa Las Vegas.

Ang 31-anyos na American boxer ay hawak ang dalawang korona na IBF at WBC welterweight title sa kanya ng 11 taon.

Si Spence (27-0, 21KOs) rin ang itinuturing na pinakamatindi ngayon sa naturang dibisyon.

Naging aktibo rin si Spence, na tubong Desoto, Texas, noong nakaraang taon kung saan tinalo niya noong buwan ng Disyembre via unanimous decision ang dati ring kampeon na si Danny Garcia (Dec 5, 2020).

Kung maalala ang huling laban ni Pacman ay noon pang taong 2019 (July) nang talunin niya si Keith Thurman sa bakbakan na ginanap din sa Las Vegas.

Kabilang sa mga bigating boksingero na tinalo rin ni Spence ay ang dating sparring partner ni Pacquiao na si Shawn Porter (Sept. 2019), tinalo rin niya ang dating kampeon na si Mikey Garcia, Lamont Peterson, Chris Algerie, at naagaw niya ang korona ng British boxer na si Kell Brook.

Sa edad naman na 42-anyos, nasa dalawang taon na rin na hindi pa lumalaban ang ring legend na si Pacman (62-7-2, 39KOs).

Dahil dito, marami rin ang agad na nabahala, marami rin naman ang humanga lalo kay Pacquiao kung bakit pinili pa rin niyang labanan ang mas bata

Dumating na sa Playa Tunco, El Salvador, ang six-man Philippine team para sa pagsabak sa International Surfing Association World Surfing Games 2021 Olympic Qualifiers.

Sa panayam ng coach ng Bicolano surfer na si Vea Estrellado, ginagamay na ng team ang galaw ng dagat sa magiging venue ng palaro na gaganapin mula sa darating na Mayo 29 hanggang Hunyo 6.

Sa walong taon na pag-ensayo ni Villaroya kay Vea sa Sorsogon, tinitingnang magiging dagdag na hamon sa 17-anyos na surfer ang malalaking alon sa El Salvador kompara sa kinasanayan.

Hindi man kasama sa event at tanging sa chat muna ang komunikasyon, mahigpit ang bilin nito kay Vea na alalahanin na “safety first” at suriing maigi ang galaw ng dagat bago ang kompetisyon.

Kahit pa kumpiyansa sa kakayahan ng pinakabatang surfer sa team, hindi rin naman aniya maaaring ipagwalang-bahala ni Vea na matindi rin ang paghahanda ng mga makakatunggali.

Magwagi man o hindi, naniniwala ang coach ng Bicolano surfer na malaking tulong ang pinakaunang international event nito sa “competitive maturity” ng dalaga.