30% vanue capacity sa religious gatherings sa National Capital Region (NCR) Plus, may go signal na ng IATF

PINAPAYAGAN na ng Inter-Agency Taks Force (IATF) ang 30% vanue capacity sa religious gatherings sa National Capital Region (NCR) Plus.

Sinabi ni Presidential Spokesperson Harry Roque na nagpulong kahapon ang IATF kung saan ay nagsabi ang Metro Manila Council na payagan na ang mga Alkalde ng NCR na mapatupad ng 30% venue capacity sa mga religious gatherings.

Kung matatandaan ani Sec. Roque ay una nang pinayagan ng IATF ang religious gatherings na hanggang 10% ng venue capacity sa ilalim ng General Community Quarantine “with heightened restrictions”.

Subalit binigyan aniya ng diskresyon ang mga Local Government Units (LGUs) na taasan ang venue capacity ng religious gatherings na hindi tataas sa 30% allowable venue capacity.

Sa kabilang dako, sinabi ni Justice Secretary Menardo Guevarra na ang bagong polisiya na ia-apply din sa ibang lugar na nasa ilalim ng GCQ with heightened restrictions, ayyinaprubahan ng Inter-Agency Task Force for the Management of Emerging Infectious Diseases (IATF) kasunod na rin ng naging kahilingan ng mga Simbahan.

Ipatutupad ito hanggang Mayo 31.

“This applies to all religious faiths, sects, and denominations,” ayon sa Kalihim.

Nauna rito, nagpatupad ang pamahalaan ng 10% venue capacity limit para sa religious gatherings para pigilan ang paglaganap ng virus.

Matatandaang isinailalim ni Pangulong Rodrigo Roa Duterte ang Metro Manila at mga karatig-lalawigan gaya ng Bulacan, Rizal, Cavite, at Laguna — na mas kilala bilang NCR Plus — sa GCQ with heightened restrictions mula Mayo 15 hanggang Mayo 31.  (Daris Jose)