2021 May Archive - People's Balita

Archive for May, 2021

Malakanyang, matabang sa ideya na magtambal sina PDu30 at VP Leni Robredo sa vaccine infomercial

Posted on: May 24th, 2021 by @peoplesbalita No Comments

MATABANG ang Malakanyang sa ideya na magtambal sina Pangulong Rodrigo Roa Duterte at Vice-President Leni Robredo para sa isang vaccine infomercial.

Nanawagan kasi si Senator Joel Villanueva sa pagtatambal nina Pangulong Duterte at VP Leni para sa isang infomercial na manghihikayat sa publiko upang magpabakuna kontra COVID-19.

Ayon kay Villanueva, tila magiging mabisa kung maglalabas ng isang joint public service announcement ang Pangulo at ang Bise Pangulo upang makumbinsi ang malaking populasyon ng mga Pilipino na ligtas at epektibo ang bakuna.

Sinabi ni Presidential Spokesperson Harry Roque, na mangyayari lamang ang infomercial kapag isinantabi na ni VP Leni ang politika at aminin na ang Sinovac’s COVID-19 vaccine ay epektibo gaya ng iba.

“Kasi ang alam ko po sa unang panahon ay kinuwestyon pa nga ni VP Leni ang paggamit ng Chinese vaccines. So parang I cannot see na ie-enderso niya na pare-pareho ang vaccines,” ayon kay Sec.Roque.

“Sana po kung masasabi niya at ‘yan ay matuloy pero alam niyo po ginawa talagang politika pati itong bakuna. Kaya nga po sinabi nila itong Chinese (vaccine) ginagamit natin kapalit ng [West Philippine Sea.],” dagdag na pahayag ni Sec. Roque.

Sinabi pa ni Sec. Roque na sa pagitan nina Pangulong Duterte at VP Leni ay tanging ang una lamang ang nanghikayat sa publiko na magpaturok na ng available na bakuna kahit na ano pa ang brand nito.

“So sa akin po, sana po masabi mismo ni vice president ‘yon. Simulan po natin don at kung masasabi niya na pantay-pantay ang mga bakuna at isasantabi niya ang politika ay pag-aaralan natin ‘yan, bakit naman hindi. Pero ang tanong ay masasabi niya ba yon?”ang panukala ni Sec. Roque.

Sa kabilang dako, bukas naman ang kampo ni VP Leni sa suhestiyon na magtambal sina Pangulong Duterte at ang Bise-Presidente sa infomercial hinggil sa bakuna.

Sinabi ni Atty. Barry Gutierrez, tagapagsalita ni VP Leni na bukas ang kampo ng bise-presidente sa ganitong suhestiyon na makakatulong na mapalakas ang public confidence sa COVID-19 vaccines.

“Kung may magri-reach out sa kanya at magsasama sila ni Pangulong Duterte para magkaroon ng infomercial para lalong ma-enganyo ang ating mga kababayan na magpabakuna sa lalong madaling panahon, eh bukas ho siya d’yan,” ang pahayag ni Gutierrez.

Ang tanggapan aniya ng Office of the Vice President ay nagpalabas na ng infomercial ukol sa COVID-19 vaccines noong unang bahagi ng Pebrero.

Tiniyak naman ni Gutierrez na handa si Robredo na isantabi ang politika para abura ang pagdududa ukol sa COVID-19 vaccines’ efficacy. (Daris Jose)

MGA DAYUHAN NA MAY EXEMPTION DOCUMENTS, MAY HANGGANG MAY 31 UPANG MAGAMIT

Posted on: May 24th, 2021 by @peoplesbalita No Comments

INANUNSIYO ng Bureau of Immigration (BI) na simula sa June 1 ay hindi na papayagan na makapasok sa bansa ang mga dayuhan na may ipapakitang entry exemption documents (EED) na inisyu ng Department of Foreign Afffairs (DFA) na may petsa hanggang February 8.

Paliwanag ni Morente na ipapatupad nila ang nasabing travel guidelines alinsunod sa kommunikasyon na natangap nila mula sa DFA.

“We were informed by the DFA that entry exemption documents now have a validity of 90 days from the date of issuance,” ayon kay Morente. “As an effect, we were informed that all issued before Feb 8 are deemed expired by June 1,” dagdag pa nito..

At sa mga dayuhan na may hawak na EED’s para magamit nila ay kinakailangan nilang makapasok ng bansa bago May 31.

Sinabi naman ni Atty. Carlos Capulong, BI Port Operations Division Chief, na ang entry exemption na inisyu ng National Task Force Against Covid-19 (NTF) sa travel ban noong March 22 hanggang April 30 ay maari pa nilang ggamitin hanggang May 31.

Pinaliwanag ni Capulong na alinsunod sa IATF, lahat ng 9(a) visa holders, gayundin ang Special Resident Retirees Visas, ay kinakailangang kumuha ng entry exemptions mula s aDFA para makapasok sa Pilipinas. (GENE ADSUARA)

Patung-patong na kaso, ibinabala sa nagbebenta ng bakuna at vaccination slots

Posted on: May 24th, 2021 by @peoplesbalita No Comments

Binalaan ng Department of Interior and Local Government (DILG) ang mga lokal na gobyerno, para bantayan ang kanilang mga tauhan sa isyu ng pagbebenta ng bakuna o maging ng vaccination slots.

Ayon kay DILG Undersecretary Jonathan Malaya, seryosong usapin dito, lalo’t hanggang ngayon ay hindi pa rin sapat ang dumarating na bakuna para sa karamihang mga kababayan natin.

Sinabi ni Malaya na patung-patong na kaso ang isasampa sa mga dawit sa bentahan.

Kabilang sa mga paglabag ay pagnanakaw, paggamit ng government property at pananabotahe sa programa ng pamahalaan.

Ang LGU officials namang masasangkot dito ay kakasuhan agad sa Office of the Ombudsman.

DOTr, SM Group nag ground-breaking ng EDSa busway concourse

Posted on: May 24th, 2021 by @peoplesbalita No Comments

Nagkaron ng ground-breaking ceremony noong May 18 ang pagtatayo ng EDSA busway concourse sa pangunguna ng Department of Transportation (DOTr) kasama ang SM Group na ilalagay sa pinakaabalang langsangan sa Metro Manila.

Sa pamamagitan ng EDSA busway concourse makakamit at matitikman ng publiko ang pagbabago sa EDSA gamit ang concourse. Mas magiging ligtas ang pag-akya’t baba ng mga pasahero sa mga sasakyan. Magiging kombinyente na rin ang pagsakay dahil magkakaron ito ng ticket booths, concierge at turntiles para sa automatic fare collection system (AFCS).

“The world-class and state-of-the-art EDSA busway concourse will provide convenient and safe transport access to commuters, especially those in vulnerable sectors, such as senior citizens, persons with disabilities (PWDs) and pregnant women,” wika ni DOTr Secretary Arthur Tugade.

Ang mga sasakay na pasahero ay gagamitin ang mga concourses upang doon bumili ng ticket at andon din ang AFCS at concierges.

Ang Memorandum of Agreement (MOA) para sa pagtatayo nito ay nilagdaan noong November 2020.

Tatlong (3) concourses ang itatayo ng SM Group. Ang isa ay sa SM Mall of Asia at ang dalawa (2) naman ay sa SM Megamall sa Mandaluyong at SM North sa Quezon City.

Makakatulong din ang mga concourses sa pagtutulak ng isang mas ligtas, kaaya-aya, maginhawa, mabilis at komportableng EDSA busway system.

Ayon kay SM Supermalls president Steven Tan gagastusan nila ang proyekto dahil gusto nilang maging bahagi ng commuting experiences ng mga pasahero sa pagbibigay ng mas ligtas at maginhawang paglalakbay.

“SM has invested over P120 million for this project. We really aspire to provide a convenient, fast, and safe commuting experience to Filipinos. The project is slated to start next month June 2021 and the target completion is within 10 months, so by the first quarter of 2022, we hope that everybody can already enjoy this convenient and pleasurable experience of commuting along EDSA,” saad ni Tan.

Sinabi ni DOTr assistant secretary Steven Pastor na maaari pa na madagdagan ang mga concourses na ilalagay sa mga stations ng EDSA busway.

“Through our private partners, the Double Dragon and Wenceslao Group, there would be additional two (2) concourses to be constructed in Roxas Boulevard and Macapagal Avenue. On top of that four (4) stations may still be added in Buendia, Taft, Roxas Boulevard, and Tramo,” wika ni Pastor.

Ang proyekto ito ay inulungsad sa pagtutulungan din ng mga ahensiya ng pamahalaan tulad ng Department of Public Works and Highways (DPWH) at Metro Manila Development Authority (MMDA). Ito ay ginawang konsepto ng kasagsagan ng COVID 19 pandemya noong June 2020 upang magbigay ng isang tuloy-tuloy na paglalakbay ang high-capacity Public Utility Buses (PUBs).

Samantala, ayon sa ulat ng MMDA may 47.3 percent na pagbaba ang paglalakbay ng mga buses na dumadaan sa EDSA mula January 2020 hanggang January 2021 habang mayron naman naitala na pagtaas ng 89.81 percent o 9.61 kilometers per hour average ang travel speed ng PUBs para sa ganon din panahon. (LASACMAR)

NCAA sasambulat sa June 13

Posted on: May 24th, 2021 by @peoplesbalita No Comments

Matapos ang mahigit isang taon pagkakatengga, lalarga sa Hunyo 13 ang special edition Season 96 ng National Collegiate Athletic Association (NCAA).

Pormal nang inanunsiyo kahapon ni NCAA Management Committee (Mancom) chairman Fr. Vic Calvo ng host school Colegio de San Juan de Letran ang petsa ng opening ceremony ng pinakamatandang collegiate league sa bansa.

Ang NCAA ang unang collegieate league sa Pilipinas na makapagsisimula sa gitna ng pandemya.

“We’re happy to be the first collegiate league in the country to open its season during the pandemic,” ani Calvo.

Espesyal ang edisyong ito ng NCAA dahil tanging skills-based events sa basketball at volleyball lamang ang itataguyod kumpara sa mga actual games.

Nakalinya rin ang online chess, taekwondo at poomsae.

Hindi pa pinapayagan ng Inter-Agency Task Force (IATF) ang pagsasagawa ng anumang amateur leagues gaya ng NCAA, UAAP at iba pang collegiate leagues.

Tanging mga professional leagues lamang ang pinapayagan sa pamamagitan ng isang bubble setup.

Kaya naman nagdesisyon ang pamunuan ng NCAA na mga events na hindi na nangangailangan pa ng face-to-face encounter ang ganapin sa taong ito.

Mapapanood sa GMA-7 ang mga events sa season na ito.

Ito ang unang pagkakataon na makakasama ng NCAA ang naturang network bilang broacast partner.

“With GMA as our media partner, expect a more creative way of doing sports under the new normal,” ani Calvo.

MGA NAGPAREHISTRO SA ELEKSIYON 2021, UMABOT SA HALOS P3M

Posted on: May 24th, 2021 by @peoplesbalita No Comments

UMABOT na sa 2,904,347 ang kabuuang bilang ng mga nagparehistro para sa Eleksyon 2022.

Ayon sa Comelec, simula ito noong nakalipas na taon nang ibalik ang pagpapatala sa gitna ng pandemya hanggang nitong Mayo 15.

Sa inilabas na datos ng Comelec, pinakamarami ang nagpatala para makaboto sa 2022 noong Enero hanggang Marso ngayong 2021 na umabot sa 1,436,604

Sa halos 3-milyon, nasa 1,493,417 ang mga bagong nagparehistro na mula 18-anyos pataas

Kasama rin sa datos ng Comelec ang mga nagpalipat ng presinto, nagpa-reactivate ng kanilang registration matapos mabigo makalahok sa nakalipas na ilang eleksyon at mga dating OFW na nagbalik bansa dahil sa pandemya. (GENE ADSUARA)

Ads May 24, 2021

Posted on: May 24th, 2021 by @peoplesbalita No Comments

SHARON, sinagot ang tanong ng netizen: ‘wedding ring’ nila ni GABBY matagal nang binigay kay KC

Posted on: May 22nd, 2021 by @peoplesbalita No Comments

ILANG araw after na makapag-vaccinate si Megastar Sharon Cuneta, masaya naman niyang pinost ang pagmo-mall nila na aminadong na-miss niya.

Say ni Sharon, “I missed and still miss this mall near my former home here. Happy to be here again though! First time at a mall since March 2020!!!”

Kasunod nito ang pag-dine in nila sa favorite Japanese resto niya, “Anywhere in the world, I will go to you, Gyu-Kaku!!!”

Pero mas binigyangn pansin ng netizens ang isa pa niyang post na kung saan natanong siya sa kanyang mga singsing.

Sa post kasi ni Mega na kung saan suot-suot niya ang isang hoodie na may naka-print in bold letters na ‘I Feel Like Pablo’.

Caption ng mommy ni KC Concepcion, “I do feel like Pablo. Not Kanye, but Pablo Cuneta.

“Oh Daddy…I miss you so much. Wish you were here to punch some people in the face for me! Hahaha!”

Sagot niya sa tanong ni @haven_cates, “Those are my other “wedding rings” for two different wedding anniversaries. The one ring on my other hand is my Daddy’s wedding ring.

“Oh and that big red ring is my birthstone, the Garnet. I always wear it. Sometimes said it’s supposed to be my ‘power ring’.”

Naglakas naman ng loob si @chasebernadotte na magtanong ng, “Ms. Mega I hope you won’t mind my curiosity but did you keep your wedding/engagement ring from Gabby C?”

Na sinagot naman niya ng, “I gave my wedding ring to KC many years ago.”

Of course, may reaction na naman ng netizens sa post at sagot ni Sharon:

“Ah kaya pala dala dala ni KC yung mga hate at regrets ni Nega……nasa kanya pala yung Ring!”

“ibig mong sabihin may malas yung ring?”

“Maybe it’s a Filipino thing to wear so many jewelries… I used to when I live in the Philippines but when I move out of the country, I only wear my wedding ring, sometime I add watch if I have time, as I don’t see people i worked with everyday wears gazillion jewelries, except for some black woman (but not all) wears a lot of blings…”

“Not just Filipinos, Chinese, Middle-Eastern and other Southeast Asians are so into jewelries. Japanese and others from rich nations are not fond of displaying their jewelries. For me I don’t like it, it is braggart’s thing.”

“Mga thai din grabe gold.”

“Meaning hindi nya pa rin itinapon ang wedding ring nila ni Gabo. Kung yung iba kasi ihahagis sa ocean while nag eemote. Char!”

“For what? To remind KC of her broken family?”

“To use as an accessory, perhaps? Or for KC to be more careful in choosing a life partner? Regardless of the reason, wala na tayong pakialam don.”

“No. More like to remind her that she is complete even with a broken family.”

“KC doesn’t need a ring to remind her of that jusko. Baka gusto nya lang ibigay sa anak nya since galing yun sa tatay ng anak nya.”

“Mahilig sa alahas si kc, kahit yung mga alahas ng lola nya sa kanya pinamana.”

“Nagandahan lang sa rings, story of my life na agad si mega.”

“Binigay niya siguro kay kc as a memento keme. Hindi naman yung tipo niya mukhang nagsasangla.”

May kakaiba namang pinagtuunan ng pansin ang isang netizen, hindi ang rings, kundi ang huling parte ng post ni Mega.

Comment nito, “ang napansin ko hindi yun ring yun. punch the people for me???? anu problema si Sharon???? nakapag pahinga na sa amerika at vaccine? may work nmn? mayaman nmn? mkha nmn maayos ang pamilya nila ni kiko, bati na sila ni KC. may kaaway parin????”

(ROHN ROMULO)

WHO hindi pa rin inirerekomenda ang mga international travel

Posted on: May 22nd, 2021 by @peoplesbalita No Comments

Patuloy pa rin ang paalala ng World Health Organization (WHO) na hindi pa rin ligtas ang mga international travel.

Ayon sa WHO Europe Director Hans Kluge na lahat ng uri ng bakuna ay epektibo sa anumang uri ng variants pero nararapat na maging maingat at kung maaari ay iwasan ang bumiyahe muna sa ibang bansa.

Isa kasing dahilan ng pagdami ng pagkakahawaan ang pagpayag sa pagbiyahe sa ibang bansa.

Nakita ang Indian-variant sa 26 na bansa at ito ay mabilis na kumalat. (Gene Adsuara)

DOLE pinaalalahanan ang mga employer na libre ang bakuna sa kanilang empleyado

Posted on: May 22nd, 2021 by @peoplesbalita No Comments

Muling nagpaalala ang Department of Labor and Employment (DOLE) na hindi dapat ibigay ng libre ng mga private company ang mga bakuna laban sa COVID-19.

Ayon kay DOLE Secretary Silvestre Bello III na ipinagbabawal sa batas na ipabayad sa empleyado ang nasabing bakuna dahil sagot ito ng gobyerno.

Kahit na ang mga kumpanya na bibili ng sariling bakuna ay dapat ito ay maging libre.

Malaking tulong kasi sa kumpanya na mabakunahan ang kanilang empleyado para maging ligtas ang mga ito. (Daris Jose)