2021 March Archive - People's Balita

Archive for March, 2021

Fajardo alalay lang sa pagbabalik-PBA

Posted on: March 10th, 2021 by @peoplesbalita No Comments

HINAY-HINAY lang muna ang kilos sa kanyang pagbabalik ni June Mar Fajardo sa 46th PBA Philippine Cup 2021 na magbubukas sa Abril 9 dahil sa minor operation sa infection ng fractured tibia kamakailan.

Ito ang ibinunyag nitong isang araw lang ng matagal ng mentor ng six-time PBA MVP na si Atty. Baldomero Estenzo.

“He’s still on rehab which was slowed down by the pandemic. The doctor, however, assures he can start practicing with the team by April,” sabi ng abogado. “Minor surgery lang naman to remove some screws.” (REC)

Rookie NBA card ni Bryant naibenta sa halos $2-M

Posted on: March 10th, 2021 by @peoplesbalita No Comments

Naibenta sa halagang $1.79-M o mahaigit P86-M sa isang auction ang basketball card ni NBA star Kobe Bryant.

Ang flawless Kobe Bryant rookie card ay ikinokonsidera bilang “one of the rarest in existence”.

Ayon sa Goldin Auctions, nabili ito ng hindi na nagpakilalang buyer.

Ang Topps trading card ay isa sa dalawa lamagn sa buong mundo na itinuturing na “black label pristine condition”.

Ito rin ang pinakamahal na Kobe Bryant card na naibenta.

Magugunitang nasawi noong 2020 ang Los Angeles Lakers star ng bumagsak ang helicopter na sinakyan nito kasama ang anak na si Gianna at pitong iba pa.

29k Mga Pinoy, nabakunahan na laban sa Covid-19

Posted on: March 10th, 2021 by @peoplesbalita No Comments

TINATAYANG mahigit na sa 29,000 Filipino ang nabakunahan laban sa COVID-19 simula nang sumipa ang inoculation program ng pamahalaan noong Marso 1.

Tinukoy ang Department of Health data, sinabi ni Presidential Spokesperson Harry Roque na may 29,266 indibidwal na ang nakatanggap ng first dose ng bakuna “as of March 7.”

Nakapagpadala na ang pamahalaan ng 383,980 doses ng bakuna na dinevelop ng Chinese firm Sinovac at British-Swedish pharmaceutical company AstraZeneca sa iba’t ibang ospital at medical facilities sa iba’t ibang lugar sa bansa.

Inaprubahan naman ng Food and Drug Administration (FDA) ang emergency use authorization (EUA) para sa tatlong bakuna gaya ng Pfizer-BioNTech, AstraZeneza at Sinovac.

Ang tatlong bakuna ay kailangan na magbigay ng dalawang doses.

Sa ngayon, ang Pilipinas ay mayroong 1.1 million doses ng COVID-19 vaccines — 600,000 doses ng Sinovac vaccine na dinonate ng China at 525,600 doses ng AstraZeneca mula COVAX facility.

Milyon-milyong doses mula sa ilang vaccine suppliers ang inaasahan na darating sa bansa sa mga darating na buwan.

Layon ng Pilipinas na mabakunahan ang 70 milyong Filipino ngayong taon. (Daris Jose)

CHRIS EVANS, planong bumisita sa Pilipinas pag maayos at ligtas na

Posted on: March 10th, 2021 by @peoplesbalita No Comments

PAGKATAPOS na maging bagong celebrity endorser ng Smart Communication, nasa plano na raw ng Marvel Cinematic Universe actor na si Chris Evans ang bumisita sa Pilipinas kapag maayos at ligtas na ang bumiyahe.

Kelan lang daw nalaman ng aktor na maraming magagandang pasyalan sa Pilipinas.

“What do I know about the Philippines? Well, I’ve heard great beaches, I’ve heard that today. Great food, great people, every time there’s an Asian territory it’s always hard to leave because it’s welcoming, aesthetically beautiful.

“I can’t wait to get out there. I can’t wait to visit, I’ve heard so many wonderful things and this partnership makes me more excited to come and say hi.”

In regards sa social media, hindi raw big fan si Chris ng maraming social media apps dahil gusto niyang mag-ingat.

Kung matatandaan last year, kumalat via social media ang photo ng kanyang pagkalalake by accident. Dapat ay video ang ipo-post niya sa Instagram, pero mali ang napindot niya sa kanyang gallery.

“I’m not a big fan of social media apps in general and I’m only on Twitter and Instagram. I mean, what are the other ones? Facebook, I’m not on Facebook but I do know there’s a Facebook page for me but I had nothing to do with it.

“I mean, I’m new to Instagram. I suppose I use Twitter the most. It’s tough to choose a favorite because they all make me just a little sad.”

***

HINDI lang charm at galing sa acting ang ini-offer ni Paul Salas sa The Lost Recipe, kundi pati na rin ang talent niya sa pagkanta.

Si Paul ang umawit ng “Tama Ba o May Tama Na,” na kabilang sa OST ng nasabing fantasy-romance series. Ang single ay produced ng Playlist Originals at available na for download sa iba’t ibang digital platforms worldwide.

Tila saktong-sakto ang kanta sa mga nangyayari ngayon sa trending series ng GMA Public Affairs dahil palakas na nang palakas ang nararamdaman ng karakter ni Paul as Frank para kay Chef Apple (Mikee Quintos). May pag-asa nga ba siya sa kanyang ‘match’?

Huwag nang pigilan ang kilig at manuod ng The Lost Recipe, gabi-gabi pagkatapos ng 24 Oras simulcast sa GTV!

***

HINDI raw mapigilan minsan ni Benjamin Alves na maalala ang kanyang yumaong ama tuwing kaeksena niya si Leo Martinez sa teleserye na Owe My Love.

Marami raw kasing hindi nasabi at nagawa si Benjamin sa kanyang ama bago ito pumanaw noong 2018.

Kaya dinadaan na lang daw ito ng aktor sa mga eksena niya with Leo na gumaganap na lolo niya sa teleserye.

“I hope you hear the things I never got to say to you through my relationship with Lolo Badong (Leo Martinez). I hope you see how much I wanted to say I love you but never could. I wish I could’ve taken better care of you the way Migs does to his Lolo. Still, I hope you are happy with me as your son,” post ni Benjamin via Facebook.

Kaya lahat daw ng mga linya ni Benjamin bilang si Doc Migs sa Owe My Love ay sinasapuso niya. Natutuwa naman ang aktor dahil marami raw televiewers ng teleserye ang nakaka-relate sa lolo-apo relationship nila Doc Migs at Lolo Badong. (RUEL J. MENDOZA)

Pagbabakuna kontra COVID-19, umarangkada na sa Bulacan

Posted on: March 10th, 2021 by @peoplesbalita No Comments

LUNGSOD NG MALOLOS – Pormal nang sinimulan ang pagbabakuna laban sa COVID-19 sa lalawigan ng Bulacan sa itinalagang COVID-19 Vaccination Site sa The Pavilion Hiyas ng Bulacan Convention Center sa lungsod na ito ngayong araw.

Bago ito, isinagawa ang simbolikong pagbabakuna sa harap ng vaccination site na dinaluhan nina Gob. Daniel R. Fernando, Bokal Alexis Castro at mga pinuno ng tanggapan sa Kapitolyo kung saan unang binakunahan ng Sinovac’s Coronavac Vaccine ni Development Management Officer V Dr. Emily Paulino ng Department of Health – Bulacan sina Response and Vaccine Cluster Head ng Provincial Task Force at Chief of Hospital Dr. Hjordis Marushka Celis, Hospital Training Officer Dr. Jose Emiliano Gatchalian at Nurse Supervisor Alma Villena ng Bulacan Medical Center ayon sa pagkakasunud-sunod.

Layon ng Pamahalaang Panlalawigan ng Bulacan na mabakunahan ang may 300 indibidwal kada araw na bahagi ng 833 health workers, frontliners at mga empleyado mula mga district hospital at PHO-PH na kabilang sa mga prayoridad na mabigyan ng unang dose ng bakuna.

Sinigurado din Fernando, Paulino at Celis na may Emergency Use Authority (EUA) na aprubado ng Food and Drug Administration ang mga bakunang gagamitin.

“Ang pagbabakuna po ay para sa ating lahat. Ito ay hindi lamang para sa iyo at sa iyong pamilya. Para rin po ito sa inyong mga barangay, lungsod, at probinsiya. Ito po ay unang hakbang upang muli po tayong makabangon,” anang gobernador.

Aniya,” the faster we vaccinate Filipinos at the soonest possible time, the better for Filipinos. Mahalaga po na mas marami po tayong mabakunahan sa lalong madaling panahon upang mas mabilis rin po nating mabuksang muli ang ekonomiya. Kapag bukas ang ekonomiya, mas marami ang makapagtrabaho at mas mababawasan ang nagugutom.”

Nagpasalamat naman si Dr. Jerica Miah Borgonia, isa sa mga nabakunahan mula sa BMC, dahil sa kaayusan at proseso ng pagbabakuna ng Pamahalaang Panlalawigan.

“Maayos po ang naging proseso ng pagbabakuna. Sa akin naman po ay walang problema kahit anong bakuna ang available, ang mahalaga ay mabakunahan laban sa COVID-19.

Sa kanyang panapos na mensahe, sinabi ng punong lalawigan na pinakamabisa sa lahat ang paghingi sa Panginoon ng gabay laban sa nararanasang pandemya. (Bishop Jesus “Jemba” M. Basco)

SHARON, nag-react sa #CuBao dahil mas type niya ang #MaRon sa team-up nila ni MARCO

Posted on: March 10th, 2021 by @peoplesbalita No Comments

BENTANG-BENTA sa netizens ang pinost ni Direk Darryl Yap sa kanyang FB account VinCentiments na kung saan nag-last shooting day na pala sila ng Revirginized na pinagbibidahan ni Megastar Sharon Cuneta.

Kasama nga ni Sharon ang newest leading man niya na si Marco Gumabao sa naturang post na kinakiligan din ng netizens.

May caption na, #ReVirginized• Last Day of Shoot cuneta <3 gumabao #CuBao ilalim o ibabaw? SAKAY NA!!! #MaRon #Sharon #Marco written and directed by Darryl Yap.”

Ni-repost naman ito ni Sharon at nag-caption ng, “Morphe & Carmela (“Revirginized”). #sharoncuneta #direkdarrylyap @gumabaomarco #pawi.”

Tuwang-tuwa nga ang followers ni Mega at may nagsasabing meron silang chemistry ni Marco kahit na malayo ang kanilang edad.

Marami rin ang pumili sa Team #CuBao, bagay na nag-react si Sharon.

Post niya sa IG, “Pleeeeeeease don’t call us CUBAO!! MARON (marron means pala “brown” in French) please na lang utang na loob! Or I’ll call you BROWNIE hala!Hahaha!”

Ni-repost din niya ang IG post ni Marco na labis-labis ang pasasalamat sa Megastar, “It’s a wrap!! Grabe, di pa rin ako makapaniwala @reallysharoncuneta for the opportunity to work with you. A dream come true! I will forever cherish this project.

“Of course thank you also to direk Darryl Yap! Such a brilliant and cool director. can’t wait for the next one!”

Nakisakay din si Marco sa #hashtags ni pinost ng kanilang direkytor.
Sabi niya, “So guys, #Maron or #CuBao? Take your pic. (STOOOOOOOP! Hahahaha! Pawiiiiiii!).”

Kaya nag-react din si Sharon dahil hindi talaga niya type na tawagin ang tandem nila ni Marco na #CuBao.

“Don’t na kasi encourage CuBao!!! Para naman tayong stop sa bus o MRT nyan! Hahaha! You’re welcome Pawi! And thank you so much also. It was really nice working with you too!”

Agad din namang nag-react ang mga followers at nag-agree sa gusto ng Megastar. Kaya gumawa sila ng fan art ng Team #MaRon at request nila na magkaroon ng collab vlog ang dalawa, tulad ng Q & A or game, na usong-uso sa YouTube channels ng mga stars.

Well, abang-abang na lang tayo kung pagbibigyan nina Sharon at Marco ang nire-request ng mga fans. (ROHN ROMULO)

DOTr: PNR Clark Phase 1,2 pinabibilis ang konstruksyon

Posted on: March 10th, 2021 by @peoplesbalita No Comments

Ang Philippine National Railways (PNR) Clark Phase1,2 project ay inaasahang matatapos ayon sa schedule matapos na ipagutos ni Department of Transportation (DOTr) Secretary Arthur Tugade na pabilisin ang konstruksyon nito.

“We have a lot of catching to do with so little time left. I want to have this project benefitted a lot of people. That’s why I am pushing and pressuring the Railway sector really hard to fast tract the construction works of this big-ticket railway project in the best way possible,” wika ni Tugade.

Mayron nang overall progress rate na 43 percent at construction phase rate na 11.78 percent noong January 2021.

Ang 38-kilometer PNR Clark Phase 1 ay magkakaron ng operasyon mula sa Manila papuntang Malolos sa Bulacan. Ito ang unang bahagi ng North-South Commuter Railway (NSCR).

Inaasahang mababawasan ang travel time sa pagitan ng Tutuban sa Manila at Bulacan mula isang oras at 30 minuto ng 35 minuto na lamang. Tataas naman ang railway capacity sa 330,000 passengers kada araw.

“This will be partially operable by the fourth of 2021 and full operations in the second quarter of 2024,” saad naman ni PNR general manager Junn Magno.

Samantala, ang 53-kilometer na PNR Clark Phase 2 na mula sa Malolos hanggang Clark sa Pampanga ay may overall progress rate na 27.79 percent noong katapusan ng January 2021.

“Once completed, travel time between Bulacan and Pampanga will be reduced from the current one hour and 30 minutes to just 35 minutes. It can accommodate 150,000 passengers daily as the country’s first airport express service,” dagdag ni Magno.

Ang ikalawang bahagi ng NSCR ay inaasahang magiging partially operational sa second quarter ng 2023 at ang full operation ay tinatayang mangyayari sa third quarter ng 2024.

Travel time mula sa Manila papuntang Clark ay magiging 55 na minuto na lamang kumpara sa 2 oras ng paglalakbay sakay ng kotse.

Ayon pa rin kay Magno ang mga ginagawang improvements sa PNR stations, routes, at trains ay tuloy-tuloy.

Dati rati noong 2017, ang PNR ay may 4 routes, 24 stations at seven-train sets lamang subalit sa ngayon ito ay mayron ng 7 routes, 34 stations at 11-trains sets noong katapusan ng 2020.

Ang huling bahagi ng NSCR ay ang PNR Calamba na may 56-kilometer na haba mula Solis sa Manila papuntang Calamba, Laguna at magkakaron ng travel time na isang oras na lamang mula sa dating tatlong oras na paglalakbay. (LASACMAR)

Bulkang Taal itinaas sa Alert Level 2 dahil sa ‘increasing unrest’

Posted on: March 10th, 2021 by @peoplesbalita No Comments

Matapos ang halos isang taon, iniakyat muli ng Philippine Institute of Volcanology and Seismology (Phivolcs) sa Alert Level 2 ang Bulkang Taal matapos ang serye ng papatinding ligalig magmula pa noong nakaraang buwan.

Umabot na sa 866 shallow volcanic tremor episodes at 141 low-frequency volcanic earthquakes ang ipinamamalas ng bulkan magmula pa noong ika-13 ng Pebrero, na isa sa mga dahilan ng pag-aakyat ng alert level ngayong Martes.

Maliban diyan, lubha ring umiinit at sumipa ang acidity ng Main Crater Lake. Patuloiy din ang “slight deformation” ng Taal Volcano Island sa ngayon maliban sa “microgravity changes.”

“Ang ibig sabihin, maaaring may magmatic activity na pwedeng mauwi o hindi sa pagsabog,” ayon sa babala ng Phivolcs sa Inggles, Martes.

“Sa Alert Level 2, hindi pa naman inirerekomenda ang paglikas. Gayunpaman, ipinaaalala sa publiko na Permanent Danger Zone (PDZ) ang Taal Volcano Island at ang pagpasok sa TVI, lalo na sa mga lugar ng Main Crater at Daang Kastila fissure, ay dapat panatilihing ipinagbabawal.”

Pinapayuhan din ng state volvanologists ang mga lokal na pamahalaan na patuloy tasahin ang dati nang evacuated barangays sa paligid ng Lawa ng taal para sa mga pinsala.

Pinasusuri din ang accessiblity ng mga kalsada at pinaghahanda ang mga nabanggit kung sakaling magkaroon ng mga panibagong pagkaligalig.

“Dapat ding ipaiwas ng civil aviation authorities ang mga piloto sa paglipad malapit sa bulkan lalo na’t posibleng maging magdulot ng peligro sa eroplano ang airborne ash at ballistic fragments mula sa biglaang pagputok,” dagdag pa ng Phivolcs.

Dagdag pa nila, maaaring maging delikado ang wind-remobilized ash. Patuloy naman inoobserbahan ng naturang ahensya ang aktibidad ng Bulkang Taal at agad-agad naman daw ibabalita.

Ika-16 lang ng Pebrero ngayong taon nang magkasa ng mga forced evacuations sa dalawang sitio ng Talisay, Batangas bilang pag-iingat sa mga aktibidad ng bulkan.

Matatandaang ika-14 ng Pebrero, 2020 nang ibaba rin ng gobyerno sa Alert Level 2 ang bulkan matapos nitong mag-alboroto nang husto noong Enero ng taong iyon.

Ika-12 ng Enero nang magbuga ng ash column ang Taal hanggang sa tuluyang magluwa ng lava fountain sa sumunod na araw. Dahil dito, inilikas ang libu-libo at nasira ang maraming kabahayan at establisyamento sa Batangas.

Umabot hanggang Metro Manila ang abo mula roon, dahilan para payuhan ang lahat na magsuot ng n95 masks dahil sa negatibong epekto nito sa kalusugan. (Gene Adsuara)

BARBIE, itinuturing na ‘lucky charm’ ang boyfriend na si JAK

Posted on: March 10th, 2021 by @peoplesbalita No Comments

NAGPASALAMAT si Kapuso actress Barbie Forteza sa kanyang boyfriend na si Jak Roberto na itinuturing niyang lucky charm ang actor.

Sa interview ni Barbie sa 24 Oras, inihayag niyang simula nang maging sila ni Jak three years ago, nagkasunud-sunod na raw ang kanyang mga projects.

“Tulad po ngayon na magtatapos pa lamang ang primetime series naming ‘Anak ni Waray Vs. Anak ni Biday’ this Friday, March 12, isinama na po ako sa noontime variety show na ‘All Out Sundays’ as one of the hosts, at may bago na ulit akong project na gagawin,” sabi ni Barbie.

“Magsisimula na po akong mag-taping ng isang episode ng drama anthology na ‘I Can See You’, na makakatambal ko si Paul Salas, parang reunion namin ito, dahil una kaming nagkasama ni Paul sa ‘Kara Mia.’ At excited po ako dito kasi first time kong makakasama si Mr. Christopher de Leon.

“May separation anxiety naman kami ng buong cast ng matatapos naming series, mami-miss namin ang isa’t isa, lalo na at talagang naging close kami nang mag-lock-in taping kami, at mas nakilala namin ang isa’t isa.

“It’s great to work kasama ang mga mahuhusay na actor na sina Ms. Snooky Serna, Ms. Dina Bonnevie at si Sir Jay Manalo, ganun din si Kate Valdez at Migo Adecer. Ang aabangan po rito ay kung as Ginalyn, ang tunay na anak ni Ms. Dina, ay tatanggapin niya ako.”

Ang serye ay napapanood 8PM after ng 24 Oras.

***

MARAMI nang naghihintay kung gaano raw kataray ang character ni Carmina Villarroel sa GMA Afternoon Prime na Babawiin Ko Ang Lahat.

First time kasi ito ni Carmina na gumaganap bilang kontrabida at labanan sila ng actng ng nagbabalik na actress na si Tanya Garcia-Lapid.

“Pero binasa ko rin muna ang script nang i-offer nila sa akin ang kontrabida role at nagustuhan ko naman ang character ko, tapos, gusto ko ring makatrabaho si Tanya, dahil first time kaming magsasama. Madali kaming nagkapalagayang-loob nang mag-lock-in taping na kami.

“At dahil parehong nanay, lagi kaming nagkukuwentuhan tungkol sa mga anak namin, kambal ang mga anak ko at siya naman tres marias ang mga anak nila ni Mark.

“Abangan ninyo rito kung paano ko aapihin si Tanya as Kristine at ang anak niyang si Iris (Pauline Mendoza), na siyang magsasabi na ‘babawiin ko ang lahat.’

Napapanood daily ang serye at 3:20 PM after Magkaagaw. (NORA V. CALDERON)

NBA ipinagmalaki na walang dinapuan ng COVID-19 sa All-Star games

Posted on: March 10th, 2021 by @peoplesbalita No Comments

Ipinagmalaki ng NBA na wala silang naitalang anumang nadapuan ng COVID-19 pagkatapos ng NBA ALL-STAR GAME.

Kasunod ito sa pangamba ng ilang manlalaro na pinangungunahan ni LeBron James na maaring dumami ang kaso ng COVID-19 dahil sa All-star games.

Ayon sa NBA na mahigpit nilang ipinatupad ang pagsasailalim sa tatlong beses na testing ang mga manlalaro, coaches at mga opisyal na nanood sa Atlanta.

Dahil rin sa protocols na ipinatupad ay hindi na pinaglaro sina 76ers star Joel Embiid at Ben Simmons matapos na na-exposed sila sa taong nagpositibo sa virus.

Magugunitang nagpahayag ang ilang manlalaro ng pagkabahala na magiging daan pa ang All-Star games kapag ito ay itinuloy.