2021 March Archive - People's Balita

Archive for March, 2021

Muling pagsirit ng Covid-19 cases sa bansa, walang dahilan para mag-panic- Malakanyang

Posted on: March 11th, 2021 by @peoplesbalita No Comments

WALANG nakikitang dahilan ang Malakanyang para mag-panic sa pagsirit ng COVID-19 cases sa bansa.

Sa ulat, may 3,000 na bagong COVID-19 cases ang naitala kada araw sa nakalipas na apat na araw.

“Hindi pa rin ako nagpa-panic, kasi iyong ginawa nga natin iyong lockdown, hinanda natin ang ating health system,”ayon kay Sec. Roque.

“Nasa 60% ang availability ng hospital beds and facilities [for COVID-19] patients. Kaya natin silang pagsilbihan, alagaan at pagalingin,” dagdag na pahayag nito.

Gayunpaman, hinikayat ni Sec. Roque ang publiko na gawin ang kanilang parte para paigtingin ang pagsunod sa minimum health standards kabilang na rito ang pagsuot ng face mask at face shield, paghuhugas ng kamay, pag-obserba sa physical distancing, at magpaturok ng COVID-19 vaccine sa oras na ito’y available na.

Nauna rito, sinabi ni Sec. Roque na walang pangangailangan para baligtarin ang full-scale lockdown sa ngayon.

Kinatigan naman ni dating Health Secretary Manuel Dayrit ang pahayag ni Sec. Roque subalit kailangan na pabilisin ang vaccination program upang maiwasan ang economic downturn. (Bishop Jesus “Jemba” M. Basco)

PDA, bawal na muna

Posted on: March 11th, 2021 by @peoplesbalita No Comments

Muling nakiusap ang pamunuan ng Philippine National Police (PNP) sa mga magsing-irog na maghinay-hinay muna sa paglalambingan sa publiko habang umiiral pa rin ang quarantine protocols sa gitna ng coronavirus disease (COVID-19) pandemic.

Ito ang paalala ni PNP spokesperson Brig. Gen. Ildebrandi Usana kasabay ng muling paghihigpit ngayong nanunumbalik ang lockdowns sa ilang lugar sa Metro Manila.

Aniya, paglabag ang pisikal na lampungan sa publiko sa mga health and safety protocols na una nang itinakda ng gobyerno. Sakop ng “automatic violation” ang yakapan, holding hands at halikan sa labas ng bahay.

“This is a mere reiteration of previous advisory from the [government]. Kahit naman po since [the] start of restrictions, bawal ang mga [public displays of affection] talaga,” sabi ni Usana .

“[B]awal po magtabi at magkakausap ng malapitan ang sinuman, bawal po ang pagpunta sa mga matataong lugar na nagsisiksikan ang bawat isa… Alam po ng mga tao ang bawal po.”

Inutusan ang kapulisan na itahin ang mga lalabag, na sakop din ang mga magkakamag-anak at magkakaibigan sa mga pampublikong lugar.

Wala naman daw arestuhan agad-agad para sa mga magsinta na mahuhuling nag-P-PDA: warning lang daw muna sa first offense.

“The virus may be right before them. Infection happens to families, it can happen to anyone, anywhere. People [should] maintain cautious from the spread of the virus,” dagdag ni Usana, habang iginigiit na hindi na ito bagong alituntunin.

“And if [you love your] spouse, [your] children… be aware of the minimum heal

Noong Biyernes hanggang Lunes, matatandaang lagpas 3,000 ang naidadagdag na bagong hawa ng COVID-19 kada isang araw sa Pilipinas — bagay na ilang buwan nang hindi naitatala ng Department of Health (DOH). Natataon ito sa pagpasok ng mas nakahahawang variants sa bansa na unang nadiskubre sa South Africa at United Kingdom.

Umabot na sa 600,428 ang tinatamaan ng COVID-19 sa Pilipinas sa huling ulat ng DOH nitong Martes. Sa bilanbg na ‘yan, patay na ang 12,528.

5 BARANGAY SA MAYNILA MINOMONITOR SA TUMAAS NA KASO NG COVID-19

Posted on: March 11th, 2021 by @peoplesbalita No Comments

LIMANG barangay sa lungsod ng Maynila ang mahigpit na minomonitor ngayon dahil sa pagtaas ng kaso ng Covid-19 sa lugar.

Ito ang kinumpirma ngayon ni MPD District Director PBGen Leo Francisco sa ginanap na kauna-unahang media forum ng MPD-Press Corps.

Sinabi ni Francisco na kasalukuyan ay bina-validate ang barangays 351, 675, 699, 701, at 725.

Ayon kay Francisco, sa Barangay 351 ay mayroon umanong binabantayan na 12 kaso; sampu naman sa Barangay 675; sa Barangay 699 ay 12; labing-apat naman sa Barangay 71; at 15 sa Barangay 725.

Ayon kay Francisco, mayroon ng koordinasyon ngayon sa Manila Health Department at City Hall ng Maynila at anumang oras ay maaari nang inanunsiyo kung isasailalim sa lockdown ang mga nasabing barangay.

Sabi ni Francisco, limang araw ang paglalagay sa lockdown sa mga nabanggit na barangay.

Tiniyak naman aniya ng alkalde na may sapat na suplay ng pagkain sa loob ng limang araw ang mga residente na kabilang sa isasailalim sa lockdown. (GENE ADSUARA)

Supply agreement para sa 30 milyong doses ng bakuna laban sa Covid-19, nilagdaan ng Pinas

Posted on: March 11th, 2021 by @peoplesbalita No Comments

NILAGDAAN kahapon, Marso 10 ng Pilipinas ang supply agreement sa Novavax para sa 30 milyong doses ng bakuna nito.

“Nilagdaan na ang supply agreement with Novavax. Thirty million po yan,” ang anunsyo ni Presidential Spokesperson Harry Roque.

Kamakailan ay sinabi ni Vaccine czar Carlito Galvez, Jr. na pupunta siya sa India upang pirmahan ang isang supply agreement para sa Covid-19 vaccines na ginawa ng US biotech firm na Novavax.

Unang sinabi ng mga opisyal na makakukuha ang Pilipinas ng 30 milyong doses ng Novavax vaccine na manufactured ng Serum Institute of India (SII) sa Hulyo 2021.

“Pagpunta po namin sa India this coming [March] 9 and 12, pipirma din po kami ng aming supply agreement,” ani Galvez

“Kaya nga pupunta tayo sa India, so that we can really negotiate na magkaroon tayo nang early delivery for humanitarian reasons,” dagdag pa ng opisyal na siya ring chief implementer ng National Task Force against Covid-19.

Sa pagbiyahe nito sa India, binanggit din ni Galvez na ita-target niya ang isang supply agreement sa SII.

Aniya, “Baka magkakaroon po kami ng other supply agreement para naman doon sa AstraZeneca at saka Covishield na bibilin ng gobyerno doon sa Serum Institute of India.”

Malakanyang, pinalagan ang sinabi ni Senador Lacson hinggil sa drug war ng pamahalaan

Posted on: March 10th, 2021 by @peoplesbalita No Comments

PINALAGAN ng Malakanyang ang pahayag ni Senador Panfilo Lacson na failure ang drug war ng administrasyong Duterte .

Ipinamukha ni Presidential Spokesperson Harry Roque sa senador ang malaking tagumpay ng kampanya ng gobyerno laban sa ilegal na droga at ito ay kayang patunayan ng datos.

Sa katunayan ay kalahati na ng mga barangay sa buong bansa ay drug free na kaya’t para kay Sec. Roque ay hindi ito maituturing na failure o isang kabiguan.

Aniya pa, mayroon pang isang taon at ilang buwan ang administrasyon para maabot ang 100% drug-free nation.

“Well, ang posisyon po natin diyan, mahigit kalahati na po ng ating mga barangays ay drug-free, so sa akin po hindi po iyan failure,” ani Sec. Roue.

“Iyan ay malaking tagumpay. Of course, ang ninanais natin 100% drug-free pero mayroon pa naman tayong isang taon at ilan pang buwan para makamit iyang ganiyang objective,” dagdag na pahayag nito.

Nauna nang sinabi ni Senador Lacson na hindi na dapat pang magkuwari ang pamahalaan na bigo ito sa kampanya kontra illegal drugs gayung naririyan pa din aniya ang ipinagbabawal na gamot at hindi pa rin nawawala. (Daris Jose)

Djokovic nahigitan na si Federer sa may pinakamatagal na pagiging numero 1

Posted on: March 10th, 2021 by @peoplesbalita No Comments

Nahigitan na ni Novak Djokovic ang record na hawak ni Roger Federer sa may pinakamaraming linngo na nanatili sa unang puwesto sa world ranking.

Umaabot na kasi sa 311 linggo na nananatili sa unang puwesto ang Serbian tennis star.

Nalagpasan na nito ang 310 na linggo na hawak ng Swiss tennis star.

Bago nito na naabot ang unang puwesto ay nahigitan niya sa puwesto si Rafael Nadal.

Sinabi ng 33-anyos na si Djokovic na pangarap na talaga niya noong bata pa na manguna sa ranking ng tennis sa buong mundo.

Unang naging numero uno sa ranking ay noong 2011 na siyang tinagurian bilang best player in tennis history.

Matapos ang panalo sa Australian Open noong Pebrero ay mayroon ng kabuuang 18 grand slam titles ito.

Team LeBron dinurog ang Team Durant

Posted on: March 10th, 2021 by @peoplesbalita No Comments

Tumipa si Milwaukee Bucks star forward Giannis Antetokounmpo ng perpektong 16-of-16 fieldgoal shooting patungo sa kanyang game-high 35 points para pamunuan ang 170-150 pagdomina ng Team LeBron sa Team Durant sa ika-70 NBA All-Star Game kahapon dito sa halos bakanteng State Farm.

“It’s fun. I was happy, my teammates had fun, and just being around great players, they’re just easy to play with,” ani Antetokounmpo na hinirang na NBA All-Star Game Most Valuable Player.

Nagdagdag si Portland Trail Blazers scorer Damian Lillard ng 32 markers at may 28 points si Golden State Warriors guard Stephen Curry tampok ang kanyang walong three-pointers.

May 4 points naman si LeBron James ng Los Angeles Lakers para sa kanyang sariling koponan.

Pinamunuan ni NBA leading scorer Bradley Beal ng Washington Wizards ang Team Durant sa kanyang 26 points.

Hindi naglaro si Kevin Durant ng Brooklyn Nets dahil sa kanyang hamstring injury.

Samantala, ang pinakahuling money ball shot ni Golden State Warriors star Curry ang nagbigay sa kanya ng ikalawang three-point title.

Inungusan ni Curry si Utah Jazz guard Mike Conley, 28-27, sa final round ng Three-Point Shootout para angkinin ang ikalawa niyang korona matapos noong 2015.

Nag-donate ang Team LeBron ng higit sa $1 milyon sa Thurgood Marshall College Fund habang nagbigay ang Team Durant ng $500,000 sa United Negro College Fund.

Pinas, hindi na kayang bumalik sa “stricter quarantine levels” – Sec. Roque

Posted on: March 10th, 2021 by @peoplesbalita No Comments

HINDI na kayang bumalik ng Pilipinas sa “stricter quarantine levels” sa kabila ng pagtaas ng COVID-19 cases.

Sa Metro Manila, nakapagtala ito ng 1,025 new daily cases sa nakalipas na 7 araw, tumaas ng 42% mula sa nakalipas na linggo at 130% kumpara sa nakalipas na 2 linggo, ayon sa OCTA Research group.

Ang impeksyon ay mabilis na kumakalat kumpara noong “July-August surge,” ng nakalipas na taon, nang ang national capital region (NCR) ay isinailalim sa enhanced community quarantine (ECQ), itinuturing na third strictest ng 4 lockdown levels.

At nang tanungin si Sec. Roque kung ang Metro Manila ay ibabalik sa ECQ, ang naging sagot ni Sec. Roque ay “For the month of March, I don’t think it is called for.”

“About 65 percent of isolation beds and 75 percent of ward beds are available, ” ani Sec. Roque.

“Sabihin na nating dumami ang kaso pero nakikita naman natin, handa tayong gamutin iyong mga seryosong magkakasakit, na 2 to 3 percent ng mga magkakasakit,” aniya pa rin.

Sa ulat, ipinag-utos sa mga lokal na pamahalaan na palakasin ang contact-tracing, facility-based quarantine at localized lockdowns sa mga lugar na may case clustering.

“Sa totoo lang po, hindi na po natin kaya na mag-lock down ng ating ekonomiya. Napakadami na pong nagugutom. So ang ating panawagan: Pangalagaan po natin ang ating mga sarili para tayo po ay makapag-hanapbuhay,” ang pahayag ni Sec. Roque.

Sa mag-iisang taon na quarantine sa bansa ay napatigil nito ang pagkalat ng COVID-19, naging dahilan naman para labis na mahirapan ang mga negosyante at milyong filipino ang nawalan ng trabaho.

“Tingin ko, this surge is actually due to a drop in compliance which we can fix, and also, an increase in the mobility. Dyan natin kailangan ibalanse,” ang pahayag naman ni dating Health secretary Manuel Dayrit.

“Minimum health standards plus accelerated vaccination, I think, is the way to go,” aniya pa rin.

Oribiana nilinaw ang papel nina Garcia, Gavina sa RoS

Posted on: March 10th, 2021 by @peoplesbalita No Comments

KLINARO ng Rain or Shine management na si coach Chris Gavina ang tatawag ng plays at magsasabi ng instructions para sa Elasto Painters sa 46th PBA Philippine Cup 2021 simula sa April 9, habang si dating mentor Carlos ‘Caloy’ Garcia ay parte ng national men’s basketball training team program.

Ipinahayag Lunes ni ROS Alternate Governor Edison Oribiana, na si Gavina ang mangangalaga sa “micro” management samantalang si Garcia na ginawang active consultant, ang bahala sa “macro” management lalo’t gugugululin ang kanyang oras sa training at actual competition ng PH team.

Pinaghahandaan ng Pinoy quintet sa taong ito ang Olympic Qualifying Tournament sa Serbia sa June 29-July 4, 30th Asia Cup Qualifiers sa Clark, Pampanga sa June 14-20, 30th Asia Cup proper sa August 16-28 sa Jakarta, 31st SEA Games sa Hanoi sa November 21-December 2, 19th Asian Games 2022 sa Zhejiang, at 19th World Cup 2023 sa ‘Pinas, Japan at Indonesia.

“It means he will have less time to personally supervise the training and development of his mother team and with the unpredictable schedule of the tournaments there will be conflicts even with actual games of the PBA. We can’t tell him to just politely beg off because we are also an ardent supporter of our National Team ever since,” litanya ni Oribiana.

Hinirit pa niya na pinagpasyahan ang designasyon ni Garcia nina co-team owner Raymond Yu at Terry Que. (REC)

‘Time-out’ ng health workers ‘di napapanahon – DOH

Posted on: March 10th, 2021 by @peoplesbalita No Comments

Hindi pa napapanahon para huminging muli ng ‘time-out’ ang mga healthcare workers sa bansa dahil makakaya pa naman umano ang sitwasyon sa kabila ng muling pagtaas ng bilang ng dinadapuan ng COVID-19.

Iginiit ni Health Undersecretary at Spokesperson Maria Rosario Vergeire na nasa “manageable level” pa rin ang sitwasyon sa mga ospital kahit na tumaas ang admisyon ng mga pasyente.

“When we went around nakita natin dumadami po talaga ang mga tao sa ER (emergency room), ang may mga sintomas ng COVID. Pero to say that the system is overwhelmed? No,” paliwanag ni Vergeire.

Sa kanilang pag-iikot, marami sa mga ospital ay nasa 50 porsyento pa ang available na COVID-beds para sa mga bagong pasyente.

Kung darating naman umano ang punto na kakailanganin muli na magpahinga ang mga healthcare workers para hindi naman sila ang magkasakit o bumigay ay irerekomenda naman ito ng DOH sa pamahalaan.

Sa kasalukuyan, wala pa umanong ebidensya na ang mga new variants ang dahilan ng pagsirit sa mga bagong kaso ng COVID-19. Tanging nakikita nila ngayon ay ang pagpapabaya ng publiko sa ‘safety protocols’ kaya tumaas ang bilang ng mga kaso. (Gene Adsuara)