2021 March Archive - People's Balita

Archive for March, 2021

625 city ordinance violators, huli sa Caloocan

Posted on: March 15th, 2021 by @peoplesbalita No Comments

Hindi bababa sa 625 city ordinance violators ang nahuli ng Caloocan City Police sa unang araw nang pagpapatupad muli ng 10pm-4am curfew hours sa lungsod.

Bukod sa paglabag sa curfew, may mga nahuli rin dahil umiinom sa mga pampublikong lugar at ang iba ay walang suot na face mask habang nasa labas ng tahanan.

Ang mga nahuling lumabag ay dinala sa mga barangay covered court na malapit sa mga Police Sub-Station, kung saan sila inisyuhan ng violation ticket.

Binigyan din ng face mask ang mga nahuling walang suot nito.

Bago pinauwi ay muli rin silang pinaalalahanan at hinikayat na sumunod sa mga umiiral na ordinansa bilang bahagi ng patuloy na laban sa pandemya.

Ayon kay Caloocan Police chief Col. Samuel Mina, mahigpit na ipatutupad ng ating mga kapulisan ang mga ordinansa base na rin sa direktiba ni Mayor Oca Malapitan.

“Patuloy po tayong nakikiusap sa mga mamamayan ng Caloocan. Magiging mahigpit po ang ating pagbabantay, hinihingi po namin ang inyong pagsunod. Kung hindi po tayo nagtatrabaho ay manatili na po tayo sa ating mga tahanan sa oras ng curfew,” pahayag ni Col. Mina. (Richard Mesa)

9 patay sa COVID sa CAMANAVA

Posted on: March 15th, 2021 by @peoplesbalita No Comments

Siyam ang patay sa Caloocan-Malabon-Navotas-Valenzuela (CAMANAVA) area sa COVID-19 nitong Marso 11, habang umakyat sa 2,133 ang active cases at sumipa sa 1,243 death toll.

Sa Caloocan City, 488 na ang namamatay at 520 ang active cases, samantalang 15,216 ang confirmed cases at 14,208 na ang total recoveries.

Isa naman ang patay sa Barangay Baritan at isa rin sa Barangay Panghulo, Malabon City,74 ang nadagdag na confirmed cases, at sa kabuuan ay 7,560 na ang positive cases sa lungsod, 625 dito ang active cases.

Sa kabilang banda, 33 na pasyente ang nadagdag sa bilang ng mga gumaling. Sa kabuuan ay 6,663 na ang recovered patients ng siyudad at 272 na ang COVID casualties.

Binawian naman ng buhay ang isang COVID patient sa Navotas, habang umakyat sa 5,436 ang active cases.

Umabot na sa 6,539 ang total cases sa lungsod, kung san 5,789 na ang gumaling at 204 na ang namamatay.

Patay rin ang isang pasyenteng may COVID sa Valenzuela City habang lumobo sa 442 ang active cases matapos na 90 ang magpositibo at 67 lamang ang makarekober.

Ang confirmed cases sa Valenzuela ay umakyat na sa 10,644, kung saan 9,923 na ang gumaling at 279 na ang namamatay. (Richard Mesa)

Cojuangco, Romasanta at Barrios pararangalan ng PSA

Posted on: March 13th, 2021 by @peoplesbalita No Comments

Tatlong mahuhusay na sports personalities ang gagawaran ng Lifetime Achievement Award sa SMC-PSA (Philippine Sportswriters Association) virtual Awards Night sa Marso 27.

Ito ay sina dating San Miguel Corp. Chairman/CEO Eduardo ‘Danding’ Cojuangco, Gintong Alay Project Director Joey Romasanta at dating PBA Commissioner Renauld ‘Sonny’ Barrios.

Bibigyan ng parangal sina Cojuangco, Romasanta at Barrios dahil sa kanilang kontribusyon sa pagpapalawak ng sports sa bansa.

Makakasama ng tatlong kilalang personalidad si Athlete of the Year choice Yuka Saso sa listahan ng mga awardees sa PSA virtual awards.

Nauna nang ginawaran ng Lifetime Achievement Award sina pool legend Efren ‘Bata’ Reyes, Caloy Loyzaga, Virgilio ‘Baby’ Dalupan, Florencio Campomanes, Mauricio Martelino, Francisco Elizalde, Carlos Padilla, Filomeno ‘Boy Codiñera, at ang 1973 Philippine men’s basketball team.

Binibigyang-parangal ng PSA ang mga atleta at personalidad na nagningning sa kani-kanyang sports sa nakalipas na taon.

Tripol-dobol ni Ayonayon nagpatalsik sa Skycrapers

Posted on: March 13th, 2021 by @peoplesbalita No Comments

BUMIDA sina MiCHAEL Ayonayon at dating Philippine Basketball Association (PBA) John Wilson sa paghatid sa defending champion San Juan Knights sa national finals sa pagpapabagsak sa may limang player lang na Makati Super Crunch Skycrapers, 131-54, sa balik ng 3rd Maharlika Pilipinas Basketball League (MPBL) Lakan Cup 2019-20 North Division Finals nitong Miyerkoles ng gabi sa Subic Bay Convention Center sa Zambales.

Nagbaon si Ayonayon ng triple-double sa likod ng 10 points, 10 rebounds at 11 assists sa pag-angas sa Knights na pugutan ang kalaban na binoykot ng anim na manlalaro dahil sa sahod mula sa pangasiwaan ng koponan na dinahilan ang Covid-19.

Hindi lumaro sina ex-pro Rudy Lingganay, Jeckster Apinan, Joseph Sedurifa, Jeckster at Juneric ‘Jong’ Baloria. Pati sina Cedric Ablaza at Joshua Torralba.

May game-high 22 markers, 6 boards at 4 dimes si Wilson samantalang sumaklolo pa si homegrown talent Jhonard Clarito ng 20 pts., 13 rebs. at 4 asts. Lumamang ura-urada ang San Juan ng 15-0 at hindi na nilingon ang ang katunggali. Dumistansya pa ng hanggang 78 puntos sa labanan.

Aantayin na lang ng Knights ang magwawagi sa sa ihahayag pang petsang pagtutuos sa South Division finale do-or-die Game 3 din ng Basilan Steel at Davao Occidental Tigers.

Nagpositibo sa pandemya ang dalawang Basilan cager at puwersadong nag- one week quarantine ang team kaya kinansela ang laban noon ding Marso 11. (REC)

Pinoy boxers biyaheng Thailand na

Posted on: March 13th, 2021 by @peoplesbalita No Comments

Tutulak na patungong Thailand ang national boxing team upang doon ipagpatuloy ang paghahanda nito para sa iba’t ibang international tournaments.

Nangunguna sa listahan si Tokyo Olympics qualifier Irish Magno gayundin sina world champion Nesthy Petecio at Carlo Paalam na parehong naghahangad na makahirit ng tiket sa Olympics.

Diretso sa Bangkok ang Pinoy boxers kung saan sasailalim ito sa quarantine period bago muling tumulak patungong Ko Samui Island na magsisilbing training venue ng tropa.

Magsasanay ang Pinoy pugs sa Thailand hanggang sa Abril 10.

Kabilang sa pinaghahandaan ng national team ang Asian Boxing Confederation sa Mayo 21 hanggang 30 sa New Delhi, India.

Bahagi ito ng preparasyon para sa Tokyo Olympics.

Maliban sa Tokyo Olympics, naghahanda rin ang Association of Boxing Alliances in the Philippines (ABAP) para sa Southeast Asian Games sa Hanoi, Vietnam.

Nagpasalamat si ABAP president Ricky Vargas sa pamunuan ng Thailand Boxing sa pagtanggap sa Pinoy boxers na sumailalim sa training camp.

PDu30, pinangunahan ang pormal na pagpapasinaya sa development projects sa Dumaguete Airport

Posted on: March 13th, 2021 by @peoplesbalita No Comments

PINANGUNAHAN ni Pangulong Rodrigo Roa Duterte ang pormal na inagurasyon ng development projects sa Dumaguete Airport.

Sa naging talumpati ng Pangulo sa isinagawang pagpapasinaya ng Development Projects sa Dumaguete (Sibulan) Airport sa Brgy. Boloc-Boloc, Sibulan, Negros Oriental ay sinabi nito na ang P252 million rehabilitation projects na pinasinayaan ngayon ay kinabibilangan ng “expansion of the existing passenger terminal and administrative buildings, asphalt overlay of the railways as well as shoulder grade correction, and construction of additional taxiways to allow the airport to accommodate heavier aircraft and increase its passenger volume capacity.”

Sa kabilang dako, pinuri naman ng Pangulo ang Department of Transprotation, Civil Aviation Authority of the Philippines at ang lahat ng naging kaagapay ng pamahalaan na nagbigay ng kontribusyon upang makumpleto ng proyekto sa kabila ng biglaang lockdown dahil sa pandemic.

“I hope this project would inspire us further to provide better services and opportunities for our people and harness the potential of trade and tourism as the catalyst for economic recovery particularly in the provinces,” ayon sa Pangulo.

Tiniyak naman ng Chief Executive sa publiko na mananatiling committed ang pamahalaan para tapusin ang lahat ng infrastructure projects sa tamang oras kung maaari sa ilalim ng kanyang pamumuno na may “least inconvenience” sa publiko at mahigpit na pagsunod sa katapatan at integridad.

“Corruption has no place here,” diing pahayag ng Pangulo.

At habang ginagawa aniya ng pamahalaan ang lahat ng makakaya nito para buhayin ang eonomiya ng bansa at bigyan ng magandang oportunidad ang mamamayan para makabangon at magkaroon ng maayos na pamumuhay ay umapela ang Punong Ehekutibo sa lahat na patuloy na i-obserba ang itinakdang health at safety protocols maging sa loob ng tahanan o sa pampublikong lugar lalo na sa transportasyon.

“It is only when everyone’s cooperation. that a nation can effectively contain the spread of Covid-19 and triumph against pandemic,” ang pahayag ng Pangulo.

“In solidarity, let us take further strides towards a better, more dynamic and prosperous nation for everybody,” dagdag na pahayag ni Pangulong Duterte. (Daris Jose)

PNP Chief Debold Sinas nagpositibo sa COVID-19

Posted on: March 13th, 2021 by @peoplesbalita No Comments

Kinumpirma ng Philippine National Police (PNP) na nagpositibo sa Covid-19 virus si PNP Chief Gen. Debold Sinas.

Sa isang sulat na inilabas mula kay NP Chief, kaniyang kinumpirma na nagpositibo siya sa virus batay sa RT-PCR swab test na inilabas ng PNP Health Service kaninang umaga, March 11,2021.

Sa unang tatlong swab test ni Sinas nuong March 3, March 6 at March 9 ay negatibo ang resulta.

Pero swab test niya nitong March 11 ay nagpositibo na siya sa virus.

Pero sinabi ni Sinas siya ay asymptomatic, posibleng na infect siya ng virus sa loob ng 24-48 hours.

Sasailalim sa quarantine ngayong gabi si Sinas at duon siya didiretcho sa Kiangan Treatment Facilities sa loob ng Camp Crame.

Inanunsiyo din ni Sinas na si The deputy chief for Administration Lt Gen. Guillermo Eleazar ang magiging OIC Chief PNP habang siya ay naka quarantine.

Sa kabilang dako, ayon naman kay PNP Spoksperson BGen. Ildibrandi Usana maayos ang kalagayan ni PNP chief ngayon.

” He is Ok po. No cause for worry po. Prayers na lang po muna para kay Chief,” mensahe ni Usana.

Netflix, promises a Nicholas Sparks-meets-High School Musical vibe with ‘A Week Away’

Posted on: March 13th, 2021 by @peoplesbalita No Comments

THE upcoming Netflix musical is a faith-based feature film set in a Christian summer camp.

Netflix promises a ‘Nicholas Sparks-meets-High School Musical’ vibe with A Week Away.

If you’re looking for an uplifting, inspiring film to watch with the entire family, this upcoming Netflix original might be for you.

In the film, a troubled teen attends a Christian summer camp to avoid juvenile detention. There, he discovers love with a campmate and opens his heart.

Watch the trailer here: https://www.youtube.com/watch?v=dpLaoYw8xug

A Week Away stars Kevin Quinn as Will and Bailee Madison as Avery. The film also features reimagined songs from Christian artists King & Country, Amy Grant, and Michael W. Smith. The musical is directed by Roman White. W

atch the sneak peek of one of the musical numbers from A Week Away, entitled ‘Place In This World’ below: https://www.youtube.com/watch?v=OtD7W2vdGrE

Netflix original film A Week Away available on Netflix this March 26, 2021. (ROHN ROMULO)

DA mangangailangan ng P27.1-B para sa mga programa vs ASF, pagpaparami ng baboy sa Phl

Posted on: March 13th, 2021 by @peoplesbalita No Comments

Aabot sa P27.1 billion ang kakailanganin na pera ng Department of Agriculture (DA) para sa kanilang mga programa kontra African swine fever at sa pagpaparami ulit ng bilang ng baboy sa bansa sa loob ng tatlong taon.

Sa joint hearing ng House Committees on Agriculture and Food at Trade and Industry, sinabi ng DA Usec. Willie Medrano na gagamitin ang P27.1 billion mula 2021 hanggang 2023.

Sa ilalim ng 2021 General Appropriations Act (GAA), sinabi ni Medrano na P2.6 billion ang alokasyon para sa calibrated repopulation at intensified production, swine breeder multiplier farms, insurance premium, at biosecurity at surveillance program.

Subalit kulang aniya ang halagang ito at kailangan nila ng P4.297 billion bilang karagdagang pondo.

Para sa taong 2022, sinabi ni Medrano na P11.340 billion ang kakailanganin nilang pondo, at P9.390 billion naman para sa 2023.

Ayon kay Medrano, target ng DA na pagsapit ng 2023 ay magkaroon ng 10.5 million finishers mula sa 115,800 farmer beneficiaries ng kanilang mga programa.

Hangad nilang matanggal sa quarantine ang 90 percent ng 2,100 ASF-affected barangays gamit ang kanilang sentinel approach, at mapalakas din ang production at protection ng mga ikinukonsiderang Green Zones.

Bukod dito, layon din aniya nilang umabot sa 15.6 million finishers ang masasakop ng insurance mula 2021 hanggang 2023.

Malakanyang, umapela sa EU na imbestigahan ang nangyaring pagpatay sa 9 na aktibista

Posted on: March 13th, 2021 by @peoplesbalita No Comments

UMAPELA ang Malakanyang sa European Union (EU) delegation sa bansa na bigyan ng tsansa ang pamahalaan na imbestigahan ang nangyaring pagpatay sa 9 na aktibista sa Calabarzon region noong Linggo.

Sa ulat, sinabi ng EU na gumamit ng “excessive force” ang kapulisan at sundalo laban sa mga 9 na aktibista at ang di umano’y iregularidad sa law enforcement operations ay nagdulot ng malaking alalahanin.

“I ask the EU to please give the Philippines a chance to discharge its obligation to investigate, punish and prosecute those who may have breached our domestic laws,” ang pahayag ni Presidential Spokesperson Harry Roque.

“We are undertaking and discharging the state obligation to investigate prosecute and punish,” dagdag na pahayag nito.

Samantala, nagulat naman ang United Nations human rights office (OHCHR), sa pagkasawi ng siyam na aktibista sa Calabarzon matapos ang operasyon doon ng pulisya at militar.

Sa isang press briefing sa Geneva, Switzerland kamakailan ay sinabi rin ni OHCHR spokesperson Ravina Shamdasani na nakatanggap siya ng impormasyon na bandang 3:15 ng umaga, Linggo, 8 lalaki at 1 babae ang pinaslang sa Batangas, Cavite, Laguna at Rizal habang sinisilbi ng otoridad ang search warrants na inisyu ng dalawang korte sa Maynila.

Nababahala aniya sila na ang insidente ay nagpapahiwatig ng papatinding karahasan sa mga tagapagtanggol ng karapatang-pantao.

“We are appalled by the apparently arbitrary killing of nine activists in simultaneous police-military operations in Batangas, Cavite, Laguna and Rizal provinces surrounding Metro Manila in the Philippines in the early hours of Sunday morning,” ani Shamdasani, sa ulat ng UN News.

“We are deeply worried that these latest killings indicate an escalation in violence, intimidation, harassment and ‘red-tagging’ of human rights defenders,” dagdag niya, habang binabanggit na may mga insidente na kung saan ang mga human rights advocate ay nire-red-tag.

Pinunto rin ng OHCHR na nagresulta rin sa pagkamatay ang pagsisilbi ng search warrant sa gabi, kabilang ang 9 Tumandok na sinilbihan ng search warrant sa Panay. (Daris Jose)