2020 December Archive - People's Balita

Archive for December, 2020

Vice bumalik ang trauma, Maine hindi kinaya ang pamamaril sa mag-ina

Posted on: December 23rd, 2020 by @peoplesbalita No Comments

Tulad ng karamihan hindi rin kinaya nina Vice Ganda, Angel Locsin, Maine Mendoza at iba pang celebrities ang napanood na video sa pagpatay sa mag-ina ng isang pulis sa Tarlac dahil sa right-of-way.

Nag-viral ang nasabing video ng pamamaril ng pulis-Parañaque na si Police SMSgt. Jonel Nuezca sa mag-inang sina Sonya – 52 -– at Frank Gregorio – 25 – na kinasuhan na kahapon ng double murder.

“Natulala ako matapos ko mapanuod ung video. Bumalik yung trauma ko. Bumalik lahat ng pilit ko ng ibinabaon na alaala. Ung putok ng baril. Ung itsura nung tatay ko na parang baboy na sinasakay sa jeep. Ung mukha ng demonyo. Ang bigat ng nararamdaman ko,” tweet ni Vice.

Tweet naman ni Maine ; “BAKIT KAILANGANG UMABOT DOON? Hindi ko kaya, grabe, Hindi ko alam kung ano ang mararamdaman ko pero pwede bang barilin ka nalang din sa harap ng anak mo? Sorry Lord pero sobra kasi yun eh. Sobra yung ginawa niya. Hustisya para sa mag-inang Gregorio. #STOPTHEKILLINGS.

“Bihira nalang magcheck ng Twitter, yun pa talaga bubungad sayo. Ang sakit talaga sa puso… #STOPTHEKILLINGSPH #EndPoliceBrutality,” dagdag ni Maine·

Maging si Alessandra de Rossi ay galit ang naramdaman sa ginawa ng pulis noong Linggo ng hapon sa harap mismo ng anak niyang menor de edad. “Di” dapat yan, hindi Jon. Pota. #STOPTHEKILLINGSPH #EndPoliceBrutality. Justice sa lahat ng nawalan ng mahal sa buhay dahil lang sa init ng ulo ng ibang tao. It’s not fair.”

Pahayag naman ni Julius Babao – “Gusto kong maniwala na maraming pulis pa din ang mabubuti, Ang PNP ang dapat gumawa ng paraan para maayos nila ang kanilang hanay dahil ang video na ito ay patunay na mayroon talagang mga abusadong pulis na umaastang sila na ang batas at gobyerno. #StopTheKillingsPH.”

Kuhang-kuha sa video ang brutal na pagbaril ng pulis sa ulo ng mag-inang walang nagawa.

LIFE HACK 101: ANG PINAKAMALUPIT NA SIKRETO UPANG IKAW AY YUMAMAN AT UMUNLAD SA BUHAY, ISA-ISAHIN!

Posted on: December 23rd, 2020 by @peoplesbalita No Comments

Alam ba ninyo na anumang simpleng bagay na ginagawa natin sa araw-araw ay nagdidikta ng uri ng kapalaran at pamumuhay na magkakaroon tayo?

Ang simpleng pagliligpit lamang ng higaan sa umaga ay magsasabi na kung ikaw ay magiging matagumpay sa buhay. Oo. Dito mo masasabi kung ikaw ay nakatadhanang umasenso o hindi. Ang pagliligpit ng hinigaan pagkagising sa umaga ay simbolo ng pagiging masinop, maingat, at organisado. Kung iniiwan mo ang iyong higaan na magulo, asahan mo na magiging magulo rin ang takbo ng buhay mo. Ang magulong higaan ay simbolo ng magulong kaisipan na nagbubunsod ng kahirapan, kalituhan at kawalang kaayusan sa buhay.

Ang taong marunong magpahalaga sa mga bagay na mayroon siya ay tanda ng mataas na antas ng kaisipan.

Naalala ko ang isang matandang kasabihan na huwag na huwag raw gagawing basahan ang ating damit kahit gaano pa ito kaluma. Ayon sa matatanda, kapag raw ginagawa mong basahan ang iyong damit, para na rin daw binabalewala mo ang iyong pagkatao dahil inihalintulad mo ito sa basahan. Tama nga naman. Ang mga bagay ay ginawa para sa kanilang specific purpose. Ang damit ay ginawa para suotin. Ang basahan ay ginawa para panlinis. Kahit gaano pa raw kaluma ang iyong damit, bigyan mo ito ng kaukulang respeto sapagkat minsan ay isinuot mo ito at naging repleksiyon ng iyong pagkatao. Kung may luma kang damit at talagang hindi na maaaring i-donate dahil sira na, sa halip na itong basahan ay ibaon mo na lamang ito sa lupa. Ang ginagawa ko, hindi ko na hinihintay na maluma ang akign mga damit sa aparador. Kapag alam ko naman na hindi ko na ito magagamit dahil sawa na ako o kaya hindi na kasya sa akin, sa halip na lumain ko lamang siya sa aparador ay idino-donate ko na lang. Hindi ko ginagawang basahan ang damit ko dahil tinatandaan ko ang aral na aking natutuhan. Ang damit mo ay ikaw. Kaya kapag ginawa mo itong basahan, tiyak na magiging basahan din ang buhay mo.

Isa pa sa natutuhan ko ay ang maging presentable sa lahat ng pagkakataon. Ayon sa matandang kasabihan, kahit raw nasa bahay ka lang ay dapat maaayos ang iyong kasuotan. Huwag kang magsusuot ng sira-sira o butas-butas na damit sapagkat ito ay simbolo ng kahirapan. May katotohan sa kasabihang ito sapagkat alinsunod sa Law of Attraction, BE WHOEVER YOU WANT TO BE. Sino ba ang hindi nagnanais na maging maayos at maalwan ang buhay? Upang guminhawa ang buhay, i-set mo ang iyong isipan na ikaw ay maginhawa. I-manifest o i-reflect mo sa iyong sarili na ikaw ay maginhawa. Kung ikaw ay laging maayos–nakasuklay, naka-damit ng malinis at presentable–makatutulong ito upang ma-reprogram mo ang iyong utak na maging positibo. Kung ikaw ay nanhihilamid, marumi, at hindi presentable, parang ipinapakita mo sa mundo na ikaw ay problemado at iretable. Sabi nga ng Singaporean socialite at multi-millionaire na si JAIME CHUA, responsiblidad nating ayusin ang ating sarili sapagkat ito ay nakaka-inspire ng positibong pananaw at kompiyansa sa sarili. Kung ikaw ay masaya sa iyong sarili, ikaw ay makagagawa ng mga produktibong bagay.

Kaya mahalaga na maging maingat tayo sa mga bagay na ating ginagawa sapagkat ito ay nagiging repleksiyon ng ating pagkatao. Kahit ang mga simpleng kilos at gawi natin ay may malaking impact sa ating pagkatao.

Ayon sa great philosopher na si Lao Tzu:

WATCH YOUR THOUGHTS; THEY BECOME WORDS.

WATCH YOUR WORDS; THEY BECOME ACTIONS.

WATCH YOUR ACTIONS; THEY BECOME HABITS.

WATCH YOUR HABITS; THEY BECOME YOUR CHARACTER.

WATCH YOUR CHARACTER; IT BECOMES YOUR DESTINY.

Ang LAW OF ATTRACTION ay bahagi ng ating buhay sa pang-araw-araw. Kaya ingat sa gusto mong i-attract sa iyong buhay! (Rey de Leon)

BANGKAY SA BAKANTENG LOTE SA TARLAC, NATUKOY NA

Posted on: December 23rd, 2020 by @peoplesbalita No Comments

NATUKOY na sa pamamagitan ng DNA test ang natagpuang bangkay sa isang bakanteng lote sa Capas,Tarlac na si Normandie Pizarro na isang retirado nang Court of Appeals Justice .

Ito ang kinumpirma ng National Bureau of Investigation (NBI) makalipas ang halos dalawang buwan mula nang matagpuan ang bangkay .

Ayon kay NBI OIC Director Eric Distor , ang bangkay na nakita sa Capas, Tarlac noong October 30 ay hindi agad nakilala dahil tinanggal ang mga daliri bukod pa sa pinutol ang isang kamay nito upang mawala ang kanyang finger print.

Nabatid na maliban sa DNA test ay isinailalim din sa iba pang pagsusuri ang bangkay upang masiguro ang kanyang pagkakilanlan tulad ng dental records nito na nag-match sa nakalap na ebidensya ng forensic team ng NBI.

Batay sa inisyal na imbestigasyon, si Pizarro ay brutal na pinatay sa Tarlac pitong araw bago ito matagpuang bangkay noong October 30 gayundin ang inabandonang sasakyan nito sa San Simon na may bahid ng dugo. (GENE ADSUARA)

Quezon province niyanig ng magnitude 4.9 na lindol – Phivolcs

Posted on: December 23rd, 2020 by @peoplesbalita No Comments

NIYANIG ng magnitude 4.9 na lindol ang General Nakar sa probinsiya ng Quezon.

Ayon sa Philippine Institute of Volcanology and Seismology (Phivolcs-DOST), naramdaman ang lindol dakong alas-2:14 ng Martes nitong madaling araw.

Tectonic in origin ito at may lalim na 15 kilometers ang sentro nito.

Naramdaman din ang nasabing lindol sa ilang bahagi ng National Capital Region. Inaalam pa ng Phivolcs kung may mga naitalang danyos sa nasabing pagyanig.

Ilang hospitals sa MM, treatment facilities naghahanda na sa COVID-19 ‘case surge’

Posted on: December 23rd, 2020 by @peoplesbalita No Comments

Handa na ang mga ospital at treatment facilities sa bansa sa harap ng inaasahang pagtaas ng mga kaso ng coronavirus disease (COVID-19) sa gitna ng mga aktibidad ngayong panahon ng kapaskuhan.

Sa ngayon mababa pa rin ang bilang ng mga pasyenteng may COVID-19 sa ilang ospital sa Metro Manila.

Ang Philippine General Hospital (PGH) may 96 ang naka-admit at nasa 200 kama ang bakante ngunit dahil may pangambang surge, naglaan ng dagdag na 100 kama ang ospital para sa COVID-19 patients mula sa dating 30 hanggang 40 na naka-admit kada araw.

Sinabi naman ni Lung Center of the Philippines Administrative Services Manager Antonio Ramos, nasa 28 na lang ang pasyente nila ngayon mula sa 70 COVID-19 beds na napupuno ng ospital.

Sa San Lazaro Hospital naman, may nasa 27 moderate at severe cases ang naka-admit ngayon.

Ayon sa kanilang tagapagsalita na si Ferdinand De Guzman, aabot sa 111 kama ang kapasidad ng ospital para sa COVID-19 patients.

Tiniyak ng ospital na tuloy-tuloy ang kanilang konsultasyon at screening para sa mga hinihinalang may COVID-19 at ina-assess kung ia-admit sila o sa bahay lang magpapagaling.

Naunang sinabi ni treatment czar at Health Undersecretary Leopoldo Vega na tinutugunan na ngayon ang expansion ng health capacity lalo na sa Metro Manila.

Pinadaragdagan na rin ulit nila ang bed capacity para sa COVID-19 patients sa mga pampublikong at pribadong ospital.

Magugunitang naglabas ng kautusan ang DOH sa mga ospital na taasan ang porsyento ng alokasyong kama para sa mga pasyenteng may COVID-19.

Para sa private hospitals, dapat may 20% bed allocation sa infected patients; habang 30% ang mandato sa public hospitals.

Una na ring nagbabala ang Department of Health at mga eksperto na may tsansang “surge” o pagbulusok pataas sa mga kaso ng COVID-19 sa Enero kung hindi maipapatupad ng maayos ang health protocols ngayong holiday season.

Aminado rin naman si Health Usec. Maria Rosario Vergeire na sa ngayon 36% pa naman ang antas ng occupancy rate ng COVID-19 beds sa buong bansa.

Katumbas daw nito ang kategoryang “low risk.”

Bagong strain ng COVID-19 binabantayan ng DOH

Posted on: December 23rd, 2020 by @peoplesbalita No Comments

Binabantayan na ng Department of Health (DOH) ang nai-report na bagong strain ng COVID-19 sa United Kingdom na nagresulta upang magpatupad ang iba pang European countries ng restrictions sa mga biyahe mula sa UK.

“According to Research Institute for Tropical Medicine (RITM), wala pa silang nakikitang bagong strain na mayroon dito sa ating bansa, based on their monitoring,” ani Health Usec. Maria Rosario Vergeire.

Sa kabila nito, tiniyak ni Vergeire na hindi nagpapabaya ang DOH at patuloy nilang tututukan ang development ng coronavirus sa ibang bansa para makapaghanda agad ng aksyon ang pamahalaan.

Siniguro rin ni Vergeire na walang pangangailangan upang magpatupad ng mas istriktong travel restrictions dahil ang pinapayagan lamang sa bansa ay ang pagpasok ng mga diplomats, indibidwal na may negosyo sa Pilipinas at mga Filipino citizen.

Mas pinalakas din naman aniya nila ang mga hakbang na kanilang mga ipinatutupad sa pagsusuri at quarantine sa mga boarders ng bansa.

Nitong Sabado kinumpirma ng UK government na may bagong strain ang sakit. Tinawag itong “VUI – 202012/01,” na unang natukoy noong Setyembre.

Bagama’t wala pang ebidensya na mas nakakamatay ang bagong strain ng coronavirus, pinaniniwalaan namang mas nakakahawa ito ng hanggang 70%. (ARA ROMERO)

Pangamba ng MMFF producers sa ‘1st day, last day’ showing, pinawi

Posted on: December 23rd, 2020 by @peoplesbalita No Comments

Walang dapat ipangamba ang mga producer ng 10 entries ng Metro Manila Film Festival (MMFF) ngayong taon.

Ito’y kaugnay sa tila nangyayaring pullout o pag-alis sa mga sinehan sa mga nakalipas na taon, kapag hindi pumapatok sa takilya ang isang MMFF entry.

Ayon kay Dondon Monteverde, ang pinuno ng online streaming na siyang mag-eere sa 2020 “magic 10” film fest entries, makakaasa ang mga producer na walang “first day, last day showing” sa pagkakataong ito kahit sa mga pelikulang hindi muli bebenta sa panlasa ng masa.

“I think we’ve covered that very well for the producers. Number one, we have unlimited screens and unlimited seats in Upstream, meaning we are able to have all the producers to enjoy the two-week run without them worrying na matatanggal ‘yung content nila anytime habang tumatakbo ‘yung festival,” saad ng nasabing Upstream head sa ABS-CBN.

Kabilang sa “magic 10” film fest entries ay yaong may “touch of drama” na:

“Fan Girl”
“The Boy Foretold By The Stars”
“Coming Home”
“Tagpuan”
“Isa Pang Bahaghari” at
“Suarez: The Healing Priest”

Nariyan din ang fantasy adventure film na “Magikland,” at comedy na “Pakboys: Takusa.”

Habang sa horror thriller ay “The Missing” at comedy theme na “Mang Kepweng: Ang Lihim ng Bandanang Itim.”

Taliwas naman sa nakagawian, walang anomang entry si Vice Ganda na madalas ay tumatabo sa takilya.

Una nang naiulat na via online lamang mapapanood ang 46th MMFF entries bunsod ng coronavirus pandemic, ngunit ito ay itinakda sa mismong araw pa rin ng Pasko sa December 25.

Virtual o sa pamamagitan lamang din ng online mapapanood ang Parade of Stars at Gabi ng Parangal.

Noong nakaraang taon, big winner ang war drama entry na “Mindanao” matapos humakot ng 11 parangal, pero kabilang sa mga agad inalis sa ilang sinehan.

Kapuso network at NCAA, nagsanib-puwersa

Posted on: December 23rd, 2020 by @peoplesbalita No Comments

Mas excited na ang mga sumusubaybay ng grand finale, ng pinag-uusapang “The Philippine Adaptation ng “Descendants of the Sun” na magwawakas na sa Friday, on Christmas Day pa mismo, at 9:20PM, pagkatapos ng “Encantadia.”

Ang tanong, ano ang mananaig, ang pagmamahal sa tungkulin sa bayan ni Capt. Lucas Manalo – played by Kapuso Primetime King Dingdong Dantes. O ang pagmamahal niya sa girlfriend na si Dra. Maxine dela Cruz, played by Jennylyn Mercado? Sino ang ililigtas niya, si Maxine o ang kapatid nitong si Rodel (Neil Ryan Sese), na nanganganib ang buhay sa tauhan ng mga rebeldeng sundalo? Malaki rin ang kasalanan ni Rodel kay Lucas na muntik nang ikasawi ng ama nito (Roi Vinzon) kung hindi nailigtas ni Lucas, pero nabalda naman at hindi na nakalakad.

Kaya ngayong Christmas day, magkaroon ba ng kapatawaran sa puso ni Lucas para kay Rodel o tanggapin ang kanyang kasalanan o pagdusahan nito ang kanyang kasalanan?

Will it be a happy wedding day sa buong Alpha Team nina Lucas Manalo at Maxine dela Cruz, Sgt. Diego Ramos at Capt. Moira Defensor?. The “Descendants of the Sun,” The Philippine Adaptation, 9:20PM sa GMA -7 after “Encantadia”

*****

Ilang araw bago mag-Pasko, exactly on Thursday, December 17, opisyal na ang pagiging Kapuso ng NCAA matapos ang signing ng Memorandum of Agreement sa pagitan ng GMA Network at pamunuan ng National Collegiate Athletic Association (NCAA).

Pinangunahan nina GMA Network Chairman and CEO Felipe L. Gozon at President and COO Gilberto R. Duavit, Jr. na parehong dumalo virtually, ang mga Kapuso executive. Sa panig ng NCAA, pinangunahan nito ni Season 96 Policy Board President Fr. Rector Clarence Victor C. Marquez, OP kasama ang iba pang NCAA PolicyBoard Members.

“This team-up with the country ‘s first athletic league is very much meaningful for us in GMA. We are looking forward to show everyone the world –class talent of our young Filipino student athletes and rest assured that we still only give what is best for them as GMA Network wholeheartedly welcomes NCAA into our home,” pahayag ni Atty. Gozon.

Para naman kay Fr. Rector Marquez, ang pagsasanib-pwersa ng number one network is really at ng first collegiate atletic league ay malaking bagay para sa NCAA. “More than putting ink on paper, this MOA between NCAA and GMA Netwok is really an act of hope, committing the 10-member schools of the first and longest-running collegiate athletic league in partnership with number 1 multi-media network, to fulfilling the dreams of our student-athletes to healthy and safe competition , and inspiring our school communities and the entire country towards a better ways of engaging and enjoying sports, especially in the context of this pandemic.”

Mapapanood ang NCAA sa GMA News TV, GMA PinoyTV sa www.GMANetwork.com. Ang inaabangan naman na Men’s Basketball Finals ay ipapalabas sa main channel ng Kapuso Network sa GMA-7. (Nora V. Calderon)

Ads December 23, 2020

Posted on: December 23rd, 2020 by @peoplesbalita No Comments

Del Carmen tigasin sa WNBL Draft Combine

Posted on: December 19th, 2020 by @peoplesbalita No Comments

PINANGUNAHAN ng 82nd University Athletic Association of the Philippines (UAAP) 2019 Finals Most Valuable Player na si Monique Allison del Carmen ang 54 pang ikalawang grupo ng mga aspirante na nagladlad ng kanilang talento sa ikalawa’t pinaleng ng araw ng 1st Women’s National Basketball League (WNBL) Draft Combine 2020 nitong Linggo, Disyembre 13 sa Victoria Sports Tower sa Quezon City.

Kapansin-pansin din bukod kay Del Carmen ng six-peat University Athletic Association of the Philippines (UAAP) women’s basketball champion National University Lady Bulldogs, sina Gilas Women at dating University of the Philippines standout Fille Claudine Cainglet, na kapatid ng volleyball player na si Fille Saint Merced Cainglet-Cayetano, at iba pa.

Pribilehiyo ng mga point guard na ipakita ang kanilang husay maghapon sa pagdaan din sa kanilang liksi, bilis at lakas na kabilang sa basehan sa pagpili sa mga manlalaro na huhugutin naman sa unang draft din ng liga sa buwan ding ito.

Kabilang ang mga dumalo sa unang pangkat nitong Sabado, Dis. 12, nasa kabuuang 115 lady ballers ang bumahagi sa dalawang araw na okasyon para sa mga nangangarapna makapaglaro sa unang ligang propesyonal ng sport sa bansa sa papasok na taon. (REC)