2020 November Archive - People's Balita

Archive for November, 2020

DOH pinaiiwas muna ang publiko sa Christmas caroling dahil sa COVID-19

Posted on: November 11th, 2020 by @peoplesbalita No Comments

PINAIIWAS muna ng Department of Health (DOH) ang publiko sa mga nakagawiang aktibidad tuwing holiday season tulad ng Christmas caroling dahil sa banta ng COVID-19.

Pahayag ito ng ahensya sa gitna ng mga paghahanda sa ilang tradisyon tuwing sasapit ang Pasko at Bagong Taon.

“Let us limit the number of people in social gatherings and activities, preferably to people within the same household. Avoid activities that require travel to areas with higher quarantine classification and keep activities as short as possible,” ani Health Sec. Francisco Duque III.

Ayon sa tagapagsalita ng ahensya, may mga lumabas nang pag-aaral tungkol sa risk o banta ng COVID-19 transmission ng ilang aktibidad na ginagawa ng mga tao.

“May lumabas na pag-aaral na ipinakita na kapag ikaw ay may certain activity how much load of the virus can you transmit. Mayroon diyan yung pagsasalita, paghinga, pag-ubo, pagbahing, pagkanta at pagsasalita ng malakas,” ani Health Usec. Maria Rosario Vergeire.

“Nakita diyan na yung pagkanta ng malakas, ‘yan yung pinakamataas na porsyento or highest yield of the virus if you’re infected na lalabas.”

Sa ilalim ng Department Circular No. 2020-0355, pinapayuhan ng ahensya ang publiko na iwasan pa rin ang malalaki at matagal na pagtitipon.

Hindi rin muna inirerekomenda ng DOH ang holiday activities sa enclosed spaces o masisikip na lugar, kung saan malabong masunod ang physical distancing protocol.

Pinag-iingat din ng Health department ang magpapamilya sa pagtanggap sa mga kamag-anak na galing sa malalayong lugar.

SINAS, MOST TRUSTED NI PDU30 – Sec. ROQUE

Posted on: November 11th, 2020 by @peoplesbalita No Comments

SI National Capital Region Police Office (NCRPO) director Police Major Gen. Debold Sinas ang itinuturing na ‘most trusted’ ni Pangulong Rodrigo Roa Duterte kaya’t itinalaga bilang bagong hepe ng Philippine National Police (PNP).

Ito ayon kay Presidential Spokesperson Harry Roque ang kalamangan ni Sinas sa ibang kandidato sa puwesto.

“Let’s just say that the appointment to the post is a matter of trust and confidence. And he is, for the moment, the most trusted by the President. So let’s leave it at that,”ayon kay Sec. Roque.

Nauna rito itinalaga na ni Pangulong Duterte si Sinas bilang bagong PNP Chief.

Si Sinas ay naging kontrobersiyal matapos taguriang mañanita cop.

Nauna rito, inanunsyo ni Sec. Roque, na nagsimula sa kanyang bagong posisyon si Sinas kahapon, November 10, kasabay ng pagbaba sa puwesto ni outgoing PNP Chief, Gen. Camilo Cascolan na nagretiro na.

Aniya, kung ang seniority ang susundin o ang rule of succession, si PNP deputy chief for administration Lt. Gen. Guillermo Eleazar ang number two man ng PNP.

Samantala, napaulat na posibleng ang magkaklase sa Philippine Military Academy (PMA) Hinirang Class of 1987 na sina Police Lt. General Guillermo Eleazar, na kasalukuyang commander ng Joint Task Force Covid Shield, at National Capital Region Police Offcie (NCRPO) Police Major General Debold Sinas ang maaring mapagpilian bilang susunod na PNP chief.

Si Eleazar ay mahigit isang taon pa sa serbisyo at nakatakdang magretiro sa Nobyembre 2021 habang si Sinas naman ay magreretiro sa Mayo 2021.

Samantala, hindi titigil ang pamahalaan sa laban nito sa iligal na droga at isulong pa ang mga tagumpay na una nang nakamit ng Philippine National Police (PNP) sa larangan ng kaayusan at kapayapan.

Nais din aniya ng Chief Executive na manatili at isulong pa ang pagkakaroon ng peace and order sa bansa, na napatunayan na aniya sa pinakahuling survey ng Gallup, kung saan lumalabas na ang Pilipinas ay pang-12 sa mga pinakaligtas na bansa mula sa 144 countries.

Sa kabilang dako, nakiusap naman si Sec. Roque sa publiko na bigyan ng pagkakataon si Sinas na gampanan ang kanyang bagong tungkulin sa kabila ng kontrobersiya nitong kinasangkutan dahil sa Mañanita, ayon sa kalihim, maiging bigyan ng pagkakataon si Sinas. (DARIS JOSE)

Bicol, CALABARZON, at MIMAROPA, malamang na isailalim sa State of Calamity

Posted on: November 11th, 2020 by @peoplesbalita No Comments

MALAMANG na isailalim ni Pangulong Rodrigo Roa Duterte sa state of calamity ang Bicol, CALABARZON, at MIMAROPA dahil sa pinsalang iniwan matapos bayuhin ng mga bagyong Quinta at Rolly.

“Most likely po pero antayin natin ‘yung papel mismo na manggagaling sa tanggapan ng Presidente,” ayon kay presidential spokesperson Harry Roque.

Sa ulat, umabot sa P5.6 bilyong pinsala sa agrikultura ang iniwan ng Bagyong Quinta at Rolly sa ilang rehiyon sa bansa, ayon sa pagtataya ng Department of Agriculture.

Sinabi ni Agriculture Secretary William Dar na lubhang napinsala sa paghagupit ng dalawang bagyo ang mga palayan ngunit sa kabuuan ay tumaas naman ng 16 porsyento ang produksyon ng bigas nitong third quarter ng taon.

Aniya pa, may apat na araw na produksyon ng bigas lamang ang nawala dahil sa pagsalanta ng magkasunod na bagyo.

“Apat na araw lang ang bumaba, ang present inventory 94 days. Meron pa tayong tatlong buwan na sapat na bigas para sa ating bansa,” aniya.

Nauna nang nabanggit ni Dar sa ibang panayam na inaasahang tataas ang produksyon ng palay ngayong 2020 ng pitong porsiyento, o kabuuang 20.175 milyong metriko tonelada (MT), kumpara sa 18.81 milyong MT noong 2019. Aniya pa, sa third quarter ng taon ay umabot ng 3.542 milyon MT ang ani ng palay.

Sinabi pa ni Dar na handa ang ahensya sa epekto ng La Niña phenomenon o ang madalas na pag-uulan at malamig na panahon na maaaring magtagal hanggang sa susunod na taon.

“Handang-handa po tayo doon sa sinasabi nilang La Niña, ang sabi po nila moderate La Niña ito, ibig sabihin hindi po masyadong malakas and that would be very beneficial sa ating bansa kung merong ulan during that period, until the first quarter of next year,” ani Dar.

Sa kabilang dako, dahil sa pananalasa ng dalawang bagyo ay nagresulta ito ng pagkamatay ng ilang katao at nag-iwan ng pagkawasak hindi lamang sa agrikultura kundi maging sa imprastraktura

Ito ang dahilan ani Sec. Roque kaya inirekumenda ng National Disaster Risk Reduction and Management Council (NDRRMC) kay Pangulong Duterte na ilagay ang ‘most affected regions’ sa ilalim ng state of calamity.

Inirekomenda rin ng NDRRMC sa Department of Social Welfare and Development (DSWD) at National Housing Authority (NHA) na i- standardize ang Emergency Shelter Assistance kung saan ang mga benepisaryo ay nakatatanggap ng financial assistance para kumpunihin ang bahay.

Pinayuhan naman ng NDRRMC ang NHA na tulungan ang local government units sa relokasyon ng mga na-displaced na pamilya mula sa danger zones at pagtatayo ng temporary shelters.

Inatasan naman ang Department of the Interior and Local Government na magsumite ng update report ukol sa status o kalagayan ng local disaster risk reduction and management fund at irekumenda ang posibleng pagdaragdag ss kanilang quick response fund.

Inatasan din ng NDRRMC ang kasalukuyang Philippine Humanitarian Assistance Registry (PHAR) na i- record at i- monitor ang mga donasyon para sa iba pang kalamidad. (Daris Jose)

Rematch hamon ni Holyfield, kay Tyson

Posted on: November 11th, 2020 by @peoplesbalita No Comments

HINAMON na ni dating heavyweight boxing champion Evander Holyfield si Mike Tyson.

Sa inilabas nitong video, direktahang hinamon nito si Tyson.

Nakatakda kasing makalaban ni Tyson si Roy Jones Jr sa November 28 kaya sinabi nito na nais niya na siya ang sumunod na makalaban nito.

Lumabas din sa kampo ni Holyfield na iniiwasan siya ni Tyson na makaharap mula.

Nagharap ang dalawa noong 1996 sa MGM Grand sa Las Vegas kung saan nagwagi si Holyfield sa 11th round TKO.

Nagrematch ang dalawa noong 1997 kung saan naging kontrobersiyal ang laban dahil sa pagkagat ni Tyson sa tenga ni Holyfield sa ikatlong round.

Taylor Swift, malaya na muling i-record ang limang hit albums

Posted on: November 11th, 2020 by @peoplesbalita No Comments

SA December na iluluwal ni Aicelle Santos ang first baby nila ni Mark Zambrano at ang napili nilang name para kay Baby Z ay Zandrine Anne.

Ni-reveal nila ito sa naganap na virtual baby shower kamakailan.

Pinost ni Aicelle ang highlights ng baby shower sa kanyang Instagram.

“Still on a high from Baby Zandrine’s online baby shower!

“Yes! We are naming our first- born, Zandrine Anne! Our heartfelt gratitude to friends, families, ninangs and ninongs, GMA and STAGES family, sponsors and brands for showering us with their presence, heartwarming messages, gifts and songs. We are truly, truly grateful for each one of you.

“And to our STAGES Family, the team behind this fun and mean- ingful online event, thank you, thank you very much. We hope one day we can give back all the love you have been blessing us with through the years. God bless your hearts. Maraming salamat po. #amazinggrace #AizReadyToPop #ZandrineAnne.”

Kabilang sa mga nakisaya sa online baby shower nila Aicelle at Mark ay sina Christian Bautista, Maricris Garcia at Lea Salonga.

*****

MUKHANG hindi na tinatago ng ‘That’s My Bae’ winner na si Kenneth Medrano ang kanyang asawa at anak sa Cebu City.

Sa kanyang Instagram, naka- post ang maraming photos at video ng kanyang anak na si Troian Earl na mag-turn 5 years old na.

“Ang bilis ng panahon! Parang kailan lang karga2x pa kita. Hanggang ngayon kinakarga pa din naman kita pero hindi na kita kaya, para kang isang sako ng bigas sa bigat. Best gift ever! You’re turn- ing 5 na. You will always be my baby,” caption ni Kenneth.

Noong manalo pala si Kenneth sa ‘That’s My Bae’ sa Eat Bulaga noong 2015 ay may baby na pala siya.

Kaya pala walang nali-link na ibang babae kay Kenneth dahil may sariling pamilya na pala ito sa Cebu.

Cute ang anak ni Kenneth at magaling ding sumayaw. Marami ngang Tiktok videos ang mag- ama.

“Father and Son, d ko talaga alam steppings nyan eh, mas alam nya pa!” caption ni Ken- neth sa isang IG video.

*****

MALAYA na si Taylor Swift na muling i-record ang kanyang limang hit albums na ikinatuwa ng kanyang mga fans.

Noong nakaraang November 1 ay legal nang gawin ni Taylor ang pag-record ng new version ng albums niya under Big Machine.

Nasa huling kontrata ng singer-songwriter na sa November 2020 ay malaya na siyang gawin ang mga gusto niya sa kanyang albums na Taylor Swift, Fearless, Speak Now, Red at 1989 kahit na pag-aari pa ni Scooter Braun (Justin Bieber’s manager) ang kanyang music catalog na binili nito sa Big Machine for $300 million.

Nag-trend sa Twitter ang hashtag na #TaylorIsFree at natuwa ang kanyang fans, the Swifties, na pag-aari na ulit ni Taylor ang kanyang music.

“It’s something that I’m very excited about doing, because my contract says that starting November 2020, I can record albums one through five all over again. I’m very excited about it. I think that artists deserve to own their work. I just feel very pas- sionately about that,” sey ni Taylor sa Good Morning America. (RUEL J. MENDOZA)

“BAWAL ang caroling sa Maynila.”

Posted on: November 11th, 2020 by @peoplesbalita No Comments

ITO ang ipinahayag ni Manila Mayor Isko Moreno Domagoso ngayong araw kung saan hindi papayagan ng lokal na pamahalaang lungsod ng Maynila ang pangangaroling ngayong Kapaskuhan.

Ang naturang pahayag ni Domagoso ay alinsunod sa ipinapatupad na alituntunin ng Inter-Agency Task Force (IATF) hinggil sa pinapairal na health protocols upang hindi na kumalat pa ang impeksyon dulot ng COVID-19.

Matatandaan na bukod sa pangangaroling ay una nang iniutos ng Alkalde ang “No Christmas Party” sa mga tanggapan o opisina sa pamahalaang lungsod ng Maynila.

Ayon kay Domagoso, wala umanong magaganap na Christmas party alinsunod na rin sa naunang pahayag ni Pangulong Rodrigo Duterte na walang Christmas parties dahil sa patuloy na banta ng corona virus disease.

Aniya, maituturing umano na “mass gathering” ang Christmas party kaya hangga’t maaari ay huwag munang magdaos ng mga ganitong pagtitipon para na rin sa kaligtasan ng mga dadalo.

Bukod aniya sa mga tanggapan ng lokal na pamahalaang lungsod ng Maynila ay sakop na din sa “No Christmas party” ang mga nasa pribadong sektor.

Sa kabila ng pagbabawal sa pangangaroling at Christmas Party, papayagan naman ng lokal na pamahalaang lungsod ang Christmas Bazaar.

Ayon kay Domagoso, layon nito na matulungan ang mga negosyanteng Manilenyo at hindi residente ng lungsod na mai-promote ang kanilang mga ibinebentang produkto.

Aniya, sinisimulan na nil ani Bureau of Permits Dir. Levi Facundo ang mga lugar at panuntunan para sa gaganaping Christmas bazaars.

Maging ang Mall umano sa lungsod ay maaaring magdaos ng bazaar basta’t maipatutupad ang health protocols.

Iginiit naman ng Alkalde na dapat maging responsable ang lahat, mula sa mga organizer, mga negosyante at mga taong mamimili ngayong holiday season. (Gene Adsuara)

Medvedev naungusan si Federer sa ATP ranking

Posted on: November 11th, 2020 by @peoplesbalita No Comments

NAUNGUSAN na ni Daniil Medvedev si tennis star Roger Federer sa world ranking ng inilabas ng Association of Tennis Professionals (ATP).

Sa pinakahuling ranking ay nasa pang-apat na puwesto na ngayon ang Russian tennis star habang nasa pang-limang puwesto ang Swiss tennis star na si Federer.

Isang naging susi para umangat ang puwesto ni Medvedev ay ang panalo niya kay Alexander Zverev sa Paris Masters finals.

Nangunguna pa rin sa listahan ng ATP si Novak Djokovic habang nasa pangalawang puwesto si Rafael Nadal.

3 patay sa sunog sa Caloocan

Posted on: November 11th, 2020 by @peoplesbalita No Comments

TATLONG katao, kabilang ang isang tatlong taong gulang na batang babae ang nasawi matapos makulong sa nasusunog nilang bahay sa Caloocan City, Lunes ng madaling araw.

Kinilala ang mga nasawing biktima na sina Beatris Oralio Alegria, 64, Vicente Junior Oralio Alegria, 65, at Althea Oralio, 3- anyos, pawang ng Kamagong St. Pangarap Village, Brgy. 182.

Sa inisyal na imbestigasyon ng Caloocan Bureau of Fire Protection (BFP), dakong alas-2 ng madaling araw nang sumiklab ang apoy sa loob ng bahay ng mga biktima kung saan hindi nagawang makalabas sa kanilang bahay ang tatlo kaya’t kasama silang nasunog.

Kuwento ng dalawang kaanak ng mga nasawi, lumabas sila ng bahay para kumain subalit, pagbalik nila ay natupok na ng apoy ang kanilang bahay.

Dakong alas-2:34 ng madaling araw nang ideklara ng BFP na under control na ang sunog at tuluyang naapula bandang alas- 2:41 ng madaling araw.

Wala namang ibang bahay ang nadamay sa insidente habang tinatayang nasa P150,000.00 halaga ng ari-arian ang tinupok ng apoy.

Ayon sa BFP, kabilang sa kanilang mga tinitignan na posibleng dahilan ng insidente ay napabayaang kandila dahil wala umanong kuryente ang naturang bahay at kandila ang gamit ng pamilya upang magka-ilaw. (Richard Mesa)

Sec. Roque, walang ideya kung mag-State Visit ang Pangulo sa ilalim ng liderato ni US President-elect Joe Biden

Posted on: November 11th, 2020 by @peoplesbalita No Comments

WALANG ideya si Presidential spokesperson Harry Roque kung may plano si Pangulong Rodrigo Roa Duterte na bisitahin ang Estados Unidos sa ilalim ng liderato ni President-elect (Joe) Biden bago matapos ang termino nito sa 2022.

“Wala po akong nalalaman ‘no at siyempre po iyan naman po ay sang-ayon din sa magiging imbitasyon nitong si President-elect (Joe) Biden. So, hayaan na po muna natin mag-settle in si President-elect Biden,” ayon kay Sec. Roque.

“Let’s cross the bridge when we get there” naman ang sagot ni Sec. Roque sa tanong na kung sakali naman at personal na hilingin ni US president-elect, Joe Biden kay Pangulong Duterte na mag-state visit ito at pumunta sa Estados Unidos.

Giit ni Sec. Roque, wala naman siyang nakikitang dahilan para tanggihan ang nasabing imbitasyon kung sakali.

“Pero uulitin ko nga po ‘no, si President-elect Biden is president- elect until January 20, ang proseso po nila iku-confirm pa ang kanyang pagkapanalo ng electoral college na tinatawag,” lahad nito.

Samantala, muling nagpaabot ng pagbati ang Malakanyang sa pagkapanalo ni Biden.

Sinabi ni Sec. Roque na tiwala naman ang pamahalaan na dahil napakalapit ng relasyon ng Pilipinas at Estados Unidos ay patuloy na magiging mas mabuti pa ang samahan ng dalawang bansa sa ilalim po ng pamumuno ni Presidente Duterte at ni President-elect Biden. (Daris Jose)

40 BI officials na sangkot sa ‘Pastillas Scheme’ sinabon at pinakain ng pera

Posted on: November 11th, 2020 by @peoplesbalita No Comments

MAHIGIT 40 opisyal ng Bureau of Immigration (BI) na sangkot sa “Pastillas Scheme” ang ipinatawag ni Pangulong Rodrigo Duterte sa Malacañang.

Ito ang mga tauhan ng BI na nakatalaga sa airport na tumatanggap ng pera na suhol para makabilis na makapasok sa bansa ang mga Chinese nationals king saan nakarolyo ang perang suhol sa papel na kapareho sa pastillas.

Nabatid na sinermunan at sinabon nang husto ni Pangulong Duterte ang mga tauhan ng BI.

Sa photo release ng Malacañang, may mga nakalagay na nakarolyong papel na kamukha ng pastillas sa mga upuan ng mga ipinatawag na BI officials.

Una rito, sinabi ni Justice Sec. Menardo Guevarra na ipinakain ni Pangulong Duterte ang mga pastillas na nasa upuan.

Pero ayon kay Sec. Guevarra, hindi totoong pastillas ang mga nasa upuan kundi perang nakarolyo kagaya ng pastillas.

Wala naman daw naglakas ng loob na umimik o sumagot habang nagsasalita si Pangulong Duterte.

Maliban kay Sec. Guevarra, kasama rin kagabi ni Pangulong Duterte sina Executive Sec. Salvador Medialdea at Sen. Bong Go. (Richard Mesa)