2020 November Archive - People's Balita

Archive for November, 2020

Bianca, isa sa tatlong leading lady ni Dennis

Posted on: November 12th, 2020 by @peoplesbalita No Comments

MUKHANG nalilinya si Kapuso young actress Bianca Umali, dahil pagka- tapos niyang gawin ang matagumpay at award-winning cultural drama na Sahaya, na gumanap siyang isang Muslim girl na naging unang teacher sa kanilang lugar sa Tawi-Tawi, siya muli ang napili ng GMA Entertainment Group na gumanap sa isa pang malaking proyekto, ang Legal Wives na first time silang magtatambal ni Kapuso Drama King Dennis Trillo.

Isa si Bianca sa magiging legal wife ni Dennis, kasama sina Alice Dixson at Andrea Torres. Ito ang magiging unang adult role ni Bianca.

Sa story, si Ishmael (Dennis) ay isang Muslim mula sa lahi ng mga Maranaw na iibig at mapapangasawa sina Amirah (Alice), Diane (Andrea) at Farrah (Bianca).

Kaya tiyak na labanan sa acting ang tatlong legal wives at paano kaya ito iha-handle ni Ishmael?

Nagkaroon na ng look-test ang mga magsisiganap na mga Mus- lim, sina Dennis at Bianca, ganoon din sina Cherie Gil as Zaina at si Al Tantay as Hasheeb, na gaganap na mga magulang ni Ishmael, ganoon din sina Shayne Saba at Abdul Raman, sa kanilang unang teleserye pagkatapos ng StarStruck 7.

Sa ngayon, kasunod ng look- test ang paghahanda nila ng lock-in taping na tiyak na uubos ng maraming araw dahil bago pa lamang silang magsisimula ng produksiyon, hindi tulad ng mga naunang nag-lock-in taping na tatapusin lamang nila ang kanilang mga serye na inabutan ng lockdown dahil sa Covid-19 pandemic.

*****

KAHIT hindi napapanood ngayon si All Access to Artists child actor na si Baeby Baste sa longest-running noontime show na Eat Bulaga, ay tuloy naman siya sa kanyang online classes at sa pagganap niya ng ilang endorsements.

Mayroon siyang Book Development Project at may partic pation sa National Children’s Month. May culminating Activity and Book Launching sila ng Children’s Book. Naimbita rin si Baste to be a Child Am- bassador of Good Neighbors Philippines.

Magkakaroon sila ng launching sa November 27, sa pamamagitan ng Facebook Live.

** ***

ISA-ISA nang ipinakikilala kung sinu-sino ang bumubuo sa production ng Alden Reality: The Virtual Reality Concert ni Asia’s Multimedia Star Alden Richards.

Siyempre pa ay kasama rito ang GMA Network at ngayon ay lumabas nang line-producer din ni Alden si Asia’s Romantic Balladeer Christian Bautista. Director naman ni Alden si Paolo Valenciano na alam na alam na ang paggawa ng virtual concert.

Pero ang concert ni Alden ang first Virtual Reality Concert na gagawin sa bansa at mapapanood din sa iba’t ibang lugar ng mundo.

Mai-experience ito ng mga manonood kung bibili sila ng VIP ticket worth P1,200 dahil ang ticket ninyo ay may kasamang VR device at sa paggamit nito, parang kaharap mo lamang si Alden.

Kaya get your tickets now, mag-log in lamang sa www.gmanetwork.com/synergy

Sa magiging special guests ni Alden sa two-day concert niya on December 8 at December 9, abang-abang na lamang tayo kung sinu-sino sila! (NORA V. CALDERON)

Training ni Obiena sagot na ng PSC

Posted on: November 12th, 2020 by @peoplesbalita No Comments

WALA nang dapat alalahanin si pole vaulter Ernest John Obiena tungkol sa kanyang gastusin para sa paghahanda sa 2021 Olympic Games.

Inaprubahan ng Philippine Sports Commission (PSC) ang kanyang pondong gagamitin para sa mga lalahukang torneo hanggang sa 2021 Olympics na idaraos sa Tokyo, Japan sa Hulyo.

“The budget for EJ, from now up to the Olympics, has been approved, thankfully, generously, by the Philippine Sports Commission,” wika kahapon ni Philippine Athletics Track and Field Association (PATAFA) president Philip Ella Juico. “We’re happy to announce that.”

Matapos angkinin ang gold medal sa 30th Southeast Asian Games noong Disyembre ay dumiretso ang 22-anyos na si Obiena sa training camp sa Formia, Italy bilang preparasyon sa 2021 Tokyo Olympics.

Sa anim niyang podium finishes sa walong nilahukang kompetisyon ay humakot ang 6- foot-2 Pinoy pride ng isang ginto, dalawang pilak at tatlong tansong medalya.

Ang nasabing gold medal ni Obiena ay nagmula sa 59th Ostrava Golden Spike competition sa Czech Republic sa kanyang itinalang 5.74 meters.

“His needs will all be met, despite the pandemic,” wika ni Juico kay O-biena, isa sa apat na Pinoy athletes na nakakuha ng tiket para sa 2021 Tokyo Games bukod kina gymnast Carlos Edriel Yulo at boxers Eumir Felix Marcial.

Muling sisimulan ni Obie-na ang kanyang training sa Pebrero.

IATF, wala pang desisyon sa mungkahing ipagbawal ang carolling

Posted on: November 12th, 2020 by @peoplesbalita No Comments

HANGGANG ngayon ay wala pang desisyon ang Inter-Agency Task Force (IATF) sa mungkahing ipagbawal ang carolling sa buong bansa pagsapit ng simbang gabi sa Disyembre para maiwasan ang anumang hawaan ng Covid-19.

Sinabi ni Presidential Spokesperson Harry Roque na bagama’t hindi pa ito pinagpapasyahan ng IATF, ay naniniwala siya na mayroong siyensiya sa likod ng bagay na ito.

Hindi kasi maiiwasan na magkaroon ng pagtitipun-tipon ang mga carollers upang umikot sa mga bahay-bahay.

Sa ganitong pagkakataon aniya ay hindi maiiwasan na kapag kumanta na ang mga carollers ay siguradong may tatalsik at kakalat na laway na siyang isa sa pangunahing dahilan ng impeksyon o pagkahawa sa virus o COVID19. (Daris Jose)

Guidelines sa motorcycle taxis inilabas

Posted on: November 12th, 2020 by @peoplesbalita No Comments

INILABAS na ng National Task Force Against COVID-19 at ng Department of Transportation (DOTr) ang operational guidelines sa mga motorcycle taxis at mga tricycle back-riding upang mas madagdagan ang pampublikong sasakyan.

Ayon kay Presidential Spokesperson Harry Roque, dapat ay maayos ang kalusugan ng mga motor taxi drivers at may sertipikasyon ng clinic na accredited ng Department of Health.

Kailangang magsuot ng protective gear gaya ng jacket o long-sleeve shirt, closed shoes, long pants habang nasa biyahe ang driver at pasahero.

Dapat din may reflectorized vest na may motorcycle taxi branding at identification card, at siguraduhin na lahat ng drivers ay bahagi ng DOTr, TTWG, motorcycle taxi pilot study driver master list.

Kailangan ding may sariling helmet na may full-face visor habang nagbibiyahe na magsisilbing face shield. Magsuot ng face mask na natatakpan ang ilong at bibig.

Kukunin din ang body temperature at motorcycle sanitation report bago magsimulang bumiyahe sa motorcycle network company o ride-hailing service.

Titiyakin din na ang mga kamay ng driver at pasahero ay nag-sanitize bago sumakay ng motorsiklo. (Bishop Jesus “Jemba” M. Basco)

Ads November 12, 2020

Posted on: November 12th, 2020 by @peoplesbalita No Comments

Cash aid para sa turismo at scholarship, ibibigay na

Posted on: November 12th, 2020 by @peoplesbalita No Comments

NAKAHANDA na ang bilyong-bilyong cash aid para sa turismo at scholarship ng mga overseas Filipino workers (OFWs) na apektado ng pandemya.

Ayon kay Labor Secretary Silvestre Bello III, kabuuang P13 bilyon ang maipapamigay na payout.

Kasama na rito ang P3 bilyon para sa sector ng turismo, P bilyon para sa scholar na anak ng mga OFWs na nawalan ng hanapbuhay dahil sa Covid-19 pandemic at P300 milyon naman para sa mga guro na non teach- ing positions.

Samantala, ang mga biktima ng bagyong Rolly sa Catanduanes ay napagkalooban na rin ng cash aid ng DOLE sa pamamagitan ng TUPAD program. (Gene Adsuara)

Suspek sa pagpatay sa opisyal ng HPG, nasa Camp Crame na

Posted on: November 12th, 2020 by @peoplesbalita No Comments

SUMUKO na ang driver ng negosyanteng nakaengkuwentro ng mga tauhan ng Cavite Provincial-Highway Patrol Team na ikinamatay ng isang opisyal at ng suspek matapos silang sitahin dahil walang plaka ang sinasakyang Nissan Terra sa Manila -Cavite Road Barangay 8, Pulo 3, Cavite City.

Ang suspek na dinala kaninang umaga ng mga tauhan ng SOD- HPG sa Camp Crame Quezon City sa pamumuno ni PCMS Edison Manocum ng Cavite City-PNP ay kinilalang si Reymundo de Leon Suniga, 34, tubong Barangay Salomague, Bugallon, Pangasinan.

Matatandaan na nitong November 6, 2020 habang nagsasagawa ng Anti-Carnapping Operation ang mga miyembro ng Cavite Provincial Highway Patrol Team ay namataan nila ang Nissan Terra ng mga suspek na walang plate num- ber at conduction sticker.

Sinita ng mga pulis ang mga suspek at hinanapan ng dokumento ng sasakyan subalit nagpakilalang mga Navy.

Nang walang maipakitang dokumento ang mga suspek, kaagad na pinaputukan ng napatay na suspek na si Methusael Brown Cebrian ang mga tauhan ng HPG gamit ang isang caliber 5.56 Bushmaster.

Namatay noon din PCMS Julius Arcallas at ikinasugat nina PSSg Emerson Domingo ,P/Capt Eduardo Joy Guadamor at isang bystander na si Eduardo Magbana ng Barangay 8 Pulo 3 Cavite City.

Habang kasagsagan ng engkuwentro ay mabilis na tumakas siya.

Narekober ang sasakyan ng mga suspek silver gray na Nissan Terra na mayroon nang plaka na F2 G911 matapos abandonahin ng sumukong driver sa Alabang. (Gene Adsuara)

Sa kabila ng pandemya, tradisyon sa pagdiriwang ng Pasko pangungunahan ng mga LGU

Posted on: November 12th, 2020 by @peoplesbalita No Comments

SA kabila ng kinakaharap na pandemya, tiniyak ni Manila Mayor Isko Moreno Domagoso na handa ang lokal na pamahalaang Lungsod ng Maynila na buhayin ang ekonomiya at pasiglahin ang nakasanayang tradisyon ngayong panahon ng Kapaskuhan.

Sa ginanap na directional meet- ing kahapon na pinangunahan ni Domagoso kasama ang mga opisyal ng lokal na pamahalaan, inanunsiyo nito na magsasagawa ng tradisyunal na “Simbang Gabi” sa Kartilya ng Katipunan sa tulong ng pamunuan ng Quiapo Church.

Napag-alaman naman kay Department of Tourism, Culture and Arts of Manila (DTCAM) Director Charlie Duñgo, dakong- alas-8 ng gabi gaganapin ang “anticipated” Simbang Gabi sa Kartilya ng Katipunan na sisimulan sa Disyembre 15 kung saan dadaluhan ito ng mga kawani at opisyal ng mga departamento ng lokal na pamahalaang lungsod.

Ayon pa kay Duñgo, nakatakda umano silang mag- organisa ng “coffee festival” na may temang “Kape’t Luntian” sa Bonifacio Shrine Garden sa pakikipagtulungan sa Sagada Coffee.

“Let the City of Manila be the beacon of hope during this season. We will not be stopped by the pandemic. Ang gusto ko makita nila is welcome po sila sa Maynila. What is the purpose of government? Government is service, public service,” ani Domagoso. (Gene Adsuara)

ORGANIZERS NG OLYMPICS NATUWA SA BALITA NA MAY COVID-19 VACCINE NA

Posted on: November 12th, 2020 by @peoplesbalita No Comments

IKINATUWA ng Tokyo Olympics organizers ang balitang mayroon ng coronavirus vaccine pero sinabi nitong tuloy pa rin ang kanilang mahigpit na bio- security planning para sa naunsiyameng Games.

Ayon sa Olympic officials, hindi basehan ang pagkakaroon ng COVID-19 para matuloy o maidaos ang Olympics sa 2021.

Pero sinabi nito na kung magkakaroon ng epektibong vaccine ay siguradong madadali ang kanilang trabaho lalo pa at ibinalita na ang isang vaccine ay 90 percent na epektibo base sa ginawang trial.

“The organizing committee is not disconnected from society… and I heard the vaccine news,” ani Tokyo 2020 Games delivery officer Hidemasa Nakamura.

“And the organizing committee is feeling the same as you probably felt, positive sentiment and relief,” dagdag pa nito.

Nagkagulo ang global markets matapos sabihin ng US pharmaceutical giant Pfizer na maganda ang resulta ng vaccine at 90 percent itong epektibo sa isinagawang clinical trial sa 40,000 recipients para sa paghahanap ng vaccine.

Suggested prices sa mga noche buena products inilabas na ng DTI

Posted on: November 12th, 2020 by @peoplesbalita No Comments

INILABAS na ng Department of Trade and Industry (DTI) ang suggested retail price (SRP) ng mga noche buena products ngayong 2020.

Sinabi ni DTI Undersecretary Ruth Castelo, napakiusapan nila ang mga manufacturers na ang gagamiting presyo ngayong taon ay parehas din noong 2019.

Isa aniya itong paraan para matulungan ang mga consumers na naapektuhan ng COVID-19 pandemic.

Maipapatupad ang nasabing presyo sa Disyembre 15 dahil sa nasabing panahon ay doon marami ang namimili para sa kanilang mga handa.

Halimbawa lamang sa mga Noche Buena products na kabilang sa DTI SRP list ay mga ham, fruit cocktail, cheese, sandwich spread, mayonnaise, keso de bola, spaghetti pasta, elbow and salad macaroni, spaghetti sauce, tomato sauce, creamer at iba pa.

Samantala, mayroon namang inilaan ang ahensiya ng hanggang limang araw para i-adjust ng mga ahensiya ng kanilang mga presyo.

Tiniyak din ng DTI na mahigpit nilang babantayan ang mga negosyante kung ito ba ay naipapatupad ng tama.