Ang Diyaryong Pinagkakatiwalaan
AABOT sa mahigit 320,000 na mga gamit na condoms na nirerecycle ang nakumpiska ng mga kapulisan ng Vietnam.
Nakuha ito sa isang bodega sa southern Binh Duong province ang nasabing mga gamit na condom.
Tumitimbang ito ng mahigit 360 kilos. Sa naging imbestigasyon ng mga kapulisan sa isang babae na may-ari ng bodega na binabayaran ito ng $0.17 kada kilo ng condoms.
Inaalam pang mabuti ng mga otoridad kung gaano na karami ang condom na naibenta sa merkado.
HINDI pa rin tahasang umaamin at hindi rin naman nagde-deny sa kabila ng maingay naman na ang isyung buntis nga si Janella Salvador at ang ama ay ang boyfriend na si Markus Patterson.
Nasa U.K. ang mga ito ngayon na kung totoo naman talagang buntis, walang duda na doon na manganganak. At sa Instagram post ng ina ni Janella na si Janine Desiderio, mukhang masaya naman ito ngayon sa kung ano man ang situwasyon ng anak. Mukha rin na very supportive.
Halatang proud din na nang mag-birthday siya sa U.K. at nag-share ng pictures, ang anak at si Markus ang punong- abala sa preparasyon. Kasama rin ang ama ni Markus.
Sey ni Janine, “Thank you very much for all the greetings & wishes! It truly was a memorable quarantine birthday for me here in the UK! Special thanks to @superjanella & @markus for the cake & for cooking this special surprise dinner for me of lobsters, fusilli in fresh mushroom sauce & chilli prawn tomato spaghetti! Done with the help of their look-out, Russel = And to Mr. P, for his special homemade Cherry Gin. My heart is full d’ God is good all the time.”
Natutuwa naman ang mga netizen na makitang okay kay Janine si Markus at okay na rin ang relasyon ng mag-ina ngayon.
*****
MATAPOS ang ilang buwang pagte-tape ng All-Out Sundays: The Stay Home Party sa kani-kanilang bahay, ngayong Linggo ay live na mapapanood ang mga regular hosts ng show.
Noong Linggo ay masayang inanunsiyo ng cast members ang kanilang pagbabalik sa studio. At siyempre, marami sa mga netizens ang na-excite na makita at mapanood muling mag-perform on stage ang AyOS Barkada.
Sinigurado naman ng cast members na magbabalik-studio at lahat ng bumubuo ng programa ang maingat na pagsunod nila sa safety protocols at guidelines habang nasa set.
Bukod sa mga pasabog na performances, may bagong guests din na hindi dapat palampasin. (ROSE GARCIA)
ARESTADO ang limang hinihinalang sangkot sa illegal na droga, kabilang ang tatlong naaktuhang sumisinghot ng shabu sa Caloocan city, kamakalawa ng hapon.
Ayon kay Caloocan police chief Col. Dario Menor, alas-5:20 ng hapon nang respondehan nina PCpl Regner Tolentino, PCpl Nico Stephen Acebron, PCpl Leonard Acain at PCpl Bienvenido Ducusin Jr, pawang nakatalaga sa Bagong Barrio Sub-Station ang report mula sa isang concerned citizen hinggil sa nagaganap na illegal drug trade sa Waling-Waling St. corner Santan St. Brgy. 149, Bagong Barrio.
Pagdating sa lugar, naaktuhan ng mga pulis si Wilmar Escarez, 31, at Federico Medina, 24, na nag- aabutan umano ng droga at nang kanilang arestuhin ay tumakbo ang mga suspek kaya’t hinabol sila ng mga parak hanggang sa madakip si Escarez at makuhanan ng isang sachet ng shabu.
Nakorner naman si Medina sa loob ng pinasukang bahay sa No. 413 Waling-Waling St. kung saan naaktuhan din ng mga pulis sina Wilmer Bagalan, 31, Gerald Salvador, 50, at Allan Jay De Castro, 33, na sumisinghot ng shabu.
Nakuha kay Medina ang dalawang sachets ng hinihinalang shabu habang nakuha naman sa tatlong suspek ang tatlong plastic sachets ng shabu at mga drug paraphernalia. (Richard Mesa)
BALIK kulungan ang isang drug pusher na dati nang naaresto dahil din sa pagbebenta ng ilegal na droga matapos muling masakote sa isinawang buy- bust operation ng mga pulis sa Caloocan city, kamakalawa ng gabi.
Kinilala ni Northern Police District (NPD) Director P/Brig. Gen. Ronaldo Ylagan ang naarestong suspek na si William Tutor, 43, (watchlisted) ng 164 J. Ramos St. Brgy. 7, ng lungsod.
Ayon kay DSOU chief PLTCOL Giovanni Hycenth Caliao I, nakatanggap ng impormasyon ang mga operatiba ng District Drug Enforcement Unit (DDEU) hinggil sa pagbebenta umano ng suspek ng illegal na droga kaya’t nagsagawa ang mga ito ng buy- bust operation sa pangunguna ni P/Capt. Ramon Aquiatan Jr. kontra kay Tutor sa kanyang bahay alas-7 ng gabi.
Isang undercover pulis na nagpanggap na poseur-buyer ang nagawang makapagtransaksyon sa suspek ng P12,000 halaga ng shabu at nang tanggapin ni Tutor ang marked money kapalit ng droga ay agad siyang dinamba ng mga operatiba.
Nakumpiska sa suspek ang aabot sa 60 gramo ng shabu na may standard drug price P408,000 ang halaga, buy-bust money na kinabibilangan ng 1pc tunay na P1,000 at 11 pcs P1,000 boodle money, digital weighing scale at cellphone.
Ani P/Capt. Aquiatan Tutor ay dati nang naaresto ng mga awtoridad dahil din sa pagbebenta ng illegal na droga noong Marso 6, 2015 at nakalabas ito nitong nakaraang February 27, 2020. (Richard Mesa)
PINATALSIK ng Philippine Taekwondo Association si two-time Olympian Donald David ‘Donnie’ von Geisler III bilang kasapi at dineklara ring persona non grata ni PTA chairman Dr. Manolo Gabriel.
“All rights and privileges granted to him as a PTA member has been deemed forfeited and terminated; Declared Persona Non Grata,” pahayag ng opisyal nitong Lunes.
Hinirit pa niyang “That the public and all registered chapters under Geisler have be notified of this decision, which immediately executory, and that the PTA take all necessary measures to prevent him from further engaging in activities that will harm the good name of the PTA.”
Kinasuhan nitong Hunyo ang PTA ni Geisler sanhi nang pang- aabuso sa kanya, sa mga mag-aaral niya ng sport at ilang kapwa atleta.
Isinabit niya sina PTA executive officeri Sung-Chon Hong noong Hun. 24 sa Philippine Competition Commission (PCC), at PTA secretary general Raul Samson sa Paranaque Prosecutor’s Office.
Kinapapalooban ang demanda ng dating atleta at ngayo’y coach- trainer ng tatlong libel at dalawang cybel libel kaugnay sa mga panayam kay Samson ng diyaryo, radyo at online na ‘niloko’ ni Geisler sina national team athletes Samuel Morrison at Arven Alcantara para samahan siya sa D. Geisler Taekwondo Center online webinar.
Beterano ang 45-anyos at residente ng Merville, Paranaque ng 2000 Sydney, 2004 Athens Olympics, at three-time Southeast Asian Games champion.
Sana madaan sa mabuting usapan na lang ang hindi pagkakaunawaan ng mga opisyal at ni Geisler para sa kapakanan ng mga mga batang jinn a tinuturuan ng huli at para na rin sa kapakanan ng sport sa pangkalahatan. (REC)
GUMALING na mula sa COVID-19 si Cardinal Luis Antonio Tagle.
Ayon kay Pontificio Collegio Filipino (PCF) Rector Fr. Gregory Gaston, ang paggaling ni Tagle mula sa coronavirus ay isang magandang balita sa buong simbahan. Nais aniya ng Diyos na ipagpatuloy ni Tagle ang kaniyang misyon sa simbahan.
Una rito, nagpositibo sa COVID-19 ang Prefect of the Vatican’s Congregation for Evangelization of Peoples at president ng Caritas Internationalis dalawang linggo na ang nakalipas nang dumating dito sa bansa.
Huli niyang nakasalamuha si Pope Francis noong August 29 pero hanggang ngayon hindi naman kinakitaan ng sintomas ng virus ang Santo Papa.
BUMITIW na bilang Chairman Emeritus at Director ng ABS-CBN Corporation si Eugenio “Gabby” Lopez III.
Ang resignasyon ay dahil aniya sa “personal reasons”.
Bukod dito, umalis na rin si Lopez sa kanyang posisyon bilang director ng ABS-CBN Holdings Corp., Sky Vision Corp., Sky Cable Corp., First Philippine Holdings Corp., First Gen Corp., at Rockwell Land Corp..
Sa isang press statement na nilabas ngayong Biyernes, Setyembre 24, 2020, sinabing ang resignation ni Lopez ay “effective immediately.”
Nanghihinayang man ay tinanggap ng Board of Directors ng ABS-CBN Corp. ang pagbibitiw ni Lopez sa kanilang organizational meeting ngayong araw.
“We thank him for his dedication and leadership in expanding and transforming ABS-CBN beyond television through the years,” ayon pa sa board.
Ilang araw matapos ibasura ng House Committee on Legislative Franchises ang franchise application ng ABS-CBN noong Hulyo, giniit ni House Speaker Alan Peter Cayetano na dapat tinakwil ni Lopez ang kanyang American citizenship, o hindi na lang naging opisyal ng Kapamilya network.
Isa ang dual citizenship ni Gabby Lopez sa mga pinukol na isyu sa ABS-CBN sa 12 joint hearing ng nasabing House panel na nagdesisyong tuluyang isara ang Kapamilya network. (Ara Romero)
NANGANGAILANGAN na lamang ng isang panalo ang Miami Heat upang tuluyan nang makapasok sa NBA Finals matapos na makaligtas sa naghihingalong Boston Celtics sa Game 4 ng Eastern Conference Finals, 112-109.
Bunga ng panalo, nakuha na ng Miami ang 3-1 lead sa best- of-seven series at makalapit ang koponan sa kanilang kauna- unahang NBA Finals mula noong 2014.
Kung maalala, huling pumasok ang Heat sa finals ay noong naglalaro pa si LeBron James sa Miami.
Nagawa pa ng Boston na mabura ang double-digit na defi- cit para mahawakan ang one- point lead sa fourth quarter, ngunit nakadiskarte pa rin ang Heat para makaabanseng muli.
Namayani nang husto sa kampo ng Heat ang rookie at pinakabatang player sa floor na si Tyler Herro na nagpakawala ng 37 points.
Si Herro rin ang ikalawang 20-anyos sa kasaysayan ng NBA playoffs na maka-iskor ng nasa 37 points sa isang laro.
Ang isa pa ay si Magic Johnson na kumamada ng 42 sa Game 6 ng 1980 NBA Finals para sa Los Angeles Lakers.
“I feel good about it,” wika ni Herro. “There’s a lot of work to be done still. We’re up 3-1.”
Umalalay din sina Jimmy Butler na umiskor ng 24 points, at si Goran Dragic na may 22 points.
Nabalewala naman ang 28 points na binuslo ni Jayson Tatum.
Tatargetin na umano ng Heat na tapusin na ang laban sa Game 5 sa Sabado.
Ngunit alam nilang ibubuhos lahat ng Celtics ang kanilang makakaya para piliting mapalawig pa ang serye sa Game 6 at Game 7 kung kinakailangan.
UMAABOT na sa 9,714 ang mga dinampot na mga lumabag sa mga patakaran ng General Community Quarantine (GCQ) ayon sa Navotas City Police.
Bumida sa mga pasaway ang 5,269 dinampot dahil sa hindi pagsusuot o hindi wastong pagsusuot ng face mask at 3,503 lumabag sa curfew hours.
512 naman ang mga hindi sumunod sa social distancing, 512; traffic violators, 322; nakahubad sa kalye, 51; tumatagay sa labas ng bahay, 36; at 21 nagyoyosi sa pampublikong lugar.
Kaugnay nito, sinimulan ni Navotas Police Chief Col. Rolando Balasabas ang pagpapatupad ng Oplan “Sermon,” na naglalayong turuan ang mga mga magulang o nangangalaga sa mga bata na hinahayaan ang mga paslit na gumala sa kalye sa kabila ng panganib ng COVID-19.
Ito ay matapos makatanggap ang pulisya ng mga ulat na may mga bata sa matataong lugar na patuloy sa paglalagunda sa mga kalye at maging sa mga eskinita kung saan lalo silang nagkakadikit-dikit na para bang walang pandemya.
Bumuo si Col. Balasabas ng pangkat ng mga pulis na armado ng video camera na magpapatupad ng operasyon at magre-record ng sitwasyon na gagamitin sa pagsasampa ng kaukulang kaso laban sa mga magulang at tagapangalaga na patuloy na sumusuway sa mga alituntunin ng pamhalaan.
Ang mga itinalagang pulis na magle-lecture ay sinanay at may taglay na wasto’t sapat na kaalaman sa mga akmang ordinansa sa ilalim ng GCQ, maging sa mga tamang hakbang kung paanong dapat gabayan ng mga magulang ang kanilang mga anak. (Richard Mesa)
PINIGIL ng mga opisyal ng Bureau of Immigration (BI) sa Ninoy Aquino Intrnational Airport (NAIA) ang pito na mga babaeng Pinay na makalabas ng bansa patungong United Arab Emirates dahil sa hinalang mga biktima sila ng human trafficking.
Sa ulat kay Immigration Commissioner Jaime Morente, ng BI’s travel control and enforcement unit (TCEU) na nasabat ang mga babaeng Pinay noong Septemeber 17 sa immigration departure area sa NAIA Terminal 1 habang ang mga ito ay papasakay na sa Philippine Airlines (PAL) biyeheng Dubai.
Tatlo sa kanila ay kinuha na magtrabahi bilang mga caregivers sa Emirate habang ang apat ay ni-recruit na magtrabaho blang mga market- ing at sales agents sa iang interior design company.
Ayon kay BI-TCEU Chief Ma. Timotea Barizo na ang mga babaeng Pinay ay nagtangkang umalis ng Pilipinas na nagpanggap na mga first time na mga overseas Filipino workers pero nasuri sa kanilang mga dokumento na kahina-hinala.
“Verification made on the overseas employment certificates (OECs) they presented revealed that some of them are not in the records of the Philippine Overseas Employment Administrtion (POEA), while the others appear to have been issued to other persons,” ayon kay Barizo.
Lumalabas na ang kanilang UAE visas ay mga tourist visa sa Dubai at hindi upang magtrabaho.
Hindi muna pinangalanan ang nasabing mga babaeng Pinay at i- turnover sa Inter-Agency Council Against Trafficking (IACAT) para sa assistance at maibestigahan.
Dahil dito, muling nagpaalala si Morente na mga gustong magtrabaho s aiabng bansa na huwag makipag-transaksiyon sa mga illegal recruiters.
“We were told that these intercepted victims all said that they met their handlers and recruiters via social media and that their travel papers were only handed to them a few days before their scheduled flights,” Morente noted. “They did not know that these fraudulent papers could result in interception by our officers.”
“These traffickers are taking advantage of our kababayan who need jobs during the pandemic,” ayon kay Morente. (Gene Adsuara)