2020 September Archive - People's Balita

Archive for September, 2020

Tugon sa trending sa FB na #wagkalimutanyungbinulsang 15BsaPhilhealthChallenge

Posted on: September 28th, 2020 by @peoplesbalita No Comments

NANANATILI ang posisyon ng pamahalaan na panagutin ang mga tiwaling opisyal ng Philippine Health Corporation (PhilHealth) na sangkot sa katiwalian sa state insurer.

“There is no let-up in our drive to make erring officials of the Philippine Health Corporation (PhilHealth) accountable for their alleged misdeeds,” ayon kay Presidential spokesperson Harry Roque bilang tugon sa trending ngayon sa FaceBook na #wagkalimutanyungbinulsang15BsaPhilhealthChallenge.

Sa katunayan aniya, ang Department of Justice, sa pamamagitan ng PhilHealth Task Force, ay isinasapinal na ang reklamo laban sa mga opisyal na nasa report na isinumite kay Pangulong Rodrigo Roa Duterte para sampahan ng kaso sa tamang venue.

Kaalinsabay nito, ang composite teams na inatasan na tingnan hindi lang ang PhilHealth Legal Sector ay nagpapatuloy sa kanilang inbestigasyon.

“Zero tolerance against corruption is not just a catchphrase but a serious matter in the current administration,” ayon kay Sec. Roque.

Jay Sonza, kinasuhan ni Julia Barreto ng Cyber Libel sa NBI

Posted on: September 28th, 2020 by @peoplesbalita No Comments

SINAMPAHAN kahapon ng kasong paglabag sa Cybercrime case ng aktres na si Julia Barreto , ang dating broadcaster na si Jay Sonza sa National Bureau of Investigation(NBI),kahapon ng tanghali kaugnay sa pahayag nito na siya ay buntis at ang ama ay si Gerald Anderson.

“Andami ko na ring pinagdaanan, ang dami ko na rin pinalampas lalo na sa social media, binastos na ang reputationnko, ang pangalan ko.I think, i just want to show people na hindi ko na pinapalampas yung mga bagay na ganito,”ayon kay Julia.

Kasama ni Julia na nagreklamo sa NBI-Cybercrime Division,ang kanyang ina na si Marjorie Barreto para imbestigahan ang walang katotohanan at iresponsableng pahayag ni Sonza sa kanyang social media account.

“I am pursuing this case because the statements made by Mr. Sonza are untrue and irresponsible. The widespread reposting of the news based on his post caused distress to me and my family. I don’t want to take this matter lightly. Mr. Sonza, and all those who publish these reckless and baseless posts, must be held accountable for their actions so that they think twice before claiming things as fact,” dagdag pa ni Barreto.

Sinabi ni Julia na gusro niyang turuan ng leksiyon si Sonza.

Una nang ipinos ni Sonza na si Julia ay nagdadalang tao at ang ama ay si Anderson na kanng mga kapit bahay.

“Dito muna tayo sa mga balitang may katotohanan, may pag-iibigan, may pinagsaluhang nakakapanginig ng laman at higit sa lahat, nagbunga.

“Napatunayan nina Visoy (visayan tisoy) Gerald Anderson at anak nina Dennis Padilla at Marjorie Barretto na si Julia Barreto na kapuwa hindi sila bago. After months of love lockdown and ESQ (exact sex quadrant) – may nabuo sa sinapupunan ni Julia.

Gayunman, muling nag post noong Miyerkoles si Sonza ang kanyang naging pahayag at binawi rin nito ang kanyang masayang pagbati kay Julia at Anderson.

“Kung ganoon po, binabawi ko ang aking masayang pagbati. Happy & excited kasi ako kappa may nabibiyayan ng Buhay.

Pasensya na kung napaaga ang aking Congratulations,” pagbawi ni Sonza sa kanyang pahayag. (Ara Romero)

‘PINAS GAGAPANG SA 2021 SEA GAMES

Posted on: September 28th, 2020 by @peoplesbalita No Comments

SA nakikinita ni Philippine Olympic Committee (POC) president Abraham Tolentino magiging mahirap para sa Pilipinas na na maidepensa ang pangkalahatang kampeonato sa 31 st Southeast Asian Games 2021 sa Hanoi, Vietnam.

Kaya puntirya ng opisyal na makapaghanda nang nang todo ang mga atletang Pinoy hindi lang sa 32 nd Summer Olympic Games 2021 sa Tokyo, Japan sa Hulyo 13-Agosto 8, kundi sa SEA Games din sa Nobyembre 21-Disyembre 2.

“Defintely, mahihirapan tayo sa overall title dahil na rin sa sports na gusto isagawa ng host na Vietnam. May mga plano pero I will reveal it na lang siguro after the POC election,” pahayag niya.

Makikipagtalakayan si Tolentino sa mga opisyales ng Southeast Asian Games Federation (SEAGF) sa Nobyembre kung saan isusumite niya ang final report sa 30th SEAG 2019 sa ‘Pinas at ang pagbibigay ng coffeetable book.

“Gusto ng Vietnam organizers gawin lang ang original na 46 sports dahil din sa budget cut sa kanila. So hintay tayo kung ano mangyayari. Binabantayan ko ang budget hearing ng PSC kung magkano ba ang isinubmit nila dahil doon nakasalalay ang pondo at exposure ng mga atleta para sa Olympics at sa SEA Games,” wakas niya. (REC)

Malacanang labas sa mungkahing ipagpaliban ang 2022 polls – Arroyo

Posted on: September 28th, 2020 by @peoplesbalita No Comments

NILINAW ni House Deputy Majority Leader Mikey Arroyo na walang kinalaman ang Malacanang sa kanyang mungkahi sa Comelec na irekonsidera na ipagpapaliban ng halalan sa 2022 dahil sa COVID-19 pandemic.

Sinabi ni Arroyo na hindi niya nakausap ang ehekutibo, maging si Speaker Alan Peter Cayetano, patungkol sa rekomendasyon niyang ito.

Iginiit ng kongresista na nais lamang niyang mapaghandaan ng Comelec ang worst-case scenario lalo pa kung pagsapit ng Mayo 2022 ay banta pa rin ang COVID-19 dahil wala pa ring bakuna laban dito.

Nauna nang pinuna ni Foreign Affairs Sec. Teodoro Locsin Jr. ang naging statement ni Arroyo sa pagdinig ng House Committee on Appropriations sa 2021 budget ng Comelec.

Ayon kay Locsin, treason at labag sa demokrasya ang pagpapaliban sa halalan.

Pero binigyan diin ni Arroyo na hindi niya hangad na gumawa nang paglabag sa anumang umiiral na batas o palawigin ang termino ng mga nakaupong opisyal ng pamahalaan.

Magsayo humahanap pa ng makakaupakan

Posted on: September 28th, 2020 by @peoplesbalita No Comments

PURNADA ang laban ni World Boxing Council – Asian Boxing Council (WBC-ABC) featherweight champion Jessel Mark Magsayo kasama ang MP Promotions nang magretiro na si Jose Haro ng Estados Unidos.

“My kids don’t want (me) to fight anymore. It breaks my heart to say this but I’m retiring from boxing. I have too many kids to keep putting my life on the line every time I step in the ring,” esplika ni Haro sa Powcast Sports nitong isang araw.

Magpapang-abot dapat ang dalawang boksingero nitong Setyembre 23 bago inusog ng organizers sa Oktubre 3 dahil sa Covid-19.

“Once they switch the date for the fight that’s when I decide it’s best for me to walk away,” dugtong na saad ng 33-taong gulang na boksingero. “I would like to apologize to all the Pilipino people. I wanted to give them a great fight. Just my heart is not in it anymore.”

Binanggit naman ni MPP president Sean Gibbons na tuloy ang laban sa Oktubre 3 ng kanyang 25-anyos na bata buhat sa Tagbilaran City, maghahanap na lang ng kapalit. (REC)

Mga guro tutukan sa gitna ng pandemya – Gatchalian

Posted on: September 28th, 2020 by @peoplesbalita No Comments

SA pagdiriwang ng National Teacher’s Month, inihayag ni Senador win Gatchalian na dapat tutukan ng pamahalaan ang kapakanan at kaligtasan ng mga guro sa gitna ng pananalasa ng corona virus 2019 (COVID-19) pandemic.

Para kay Gatchalian, ito ang pinakamabuting pamamaraan upang ipagdiwang ang National Teacher’s Month na magpapatuloy hanggang Oktubre 5, araw ng World Teacher’s Day at opisyal na pagbubukas ng klase ngayong taon.

Ayon sa mambabatas, dapat bigyang prayoridad ang mga pangangailangang pang-kalusugan ng mga guro upang matiyak na matagumpay na pagpapatupad ng Basic Education Learning Continuity Plan sa kabila ng patuloy na banta ng COVID-19.

“Dapat natututukan at natutugunan ang pagpapagamot ng mga guro, lalo na kung nagpositibo sila sa COVID-19,” giit ng mambabatas.

Bagama’t hindi saklaw ng 2020 budget ang pagpapagamot ng COVID-19, tiniyak naman ng Department of Education (DepEd) na makatatanggap ng mga benepisyo mula sa Philippine Health Insurance Corporation (PhilHealth) ang mga guro tulad ng ibang mga kawani ng pamahalaan.

Dagdag ng DepEd, nakikipag- ugnayan na rin sila sa PhilHealth, Employees’ Compensation Commission (ECC), at Government Service Insurance System (GSIS) upang matugunan ang kapakanan ng mga guro.

Mahalaga ani Gatchalian na maisapinal na ang mga ugnayang ito bago magsimula ang klase dahil maaaring malagay sa panganib ang kalusugan ng mga guro kapag nagsimula na silang mmahagi ng self-learning modules.

“Nakita natin ang malasakit nila sa mga estudyante at pagmamahal sa kanilang propesyon. Mayroon pa sa kanilang gumagasta mula sa sariling bulsa upang may maipambili lang ng ilang kagamitan para sa blended learning. Nararapat lamang na magbigay-pugay tayo sa mga guro ngayong National Teachers’ Month,” ani Gatchalian, Chairman ng Senate Committee on Basic Education, Arts and Culture.

“Ang mga guro ay parang mga sundalong ipapadala natin sa digmaan. Kung hindi natin sisiguruhin ang kanilang kaligtasan, mawawalan sila ng kumpiyansa at hindi tayo magtatagumpay sa pagpapatupad ng distance learning,” dagdag pa niya.

Batay sa datos ng DepEd, mahigit walong daang (823) mga mag-aaaral at kawani ng DepEd ang nag-positibo sa COVID-19 noong Agosto 23. Dalawampu’t tatlo (23) rito ang namatay, mahigit tatlong-daan (310) ang maituturing na mga “active cases” at halos limang daan (490) ang gumaling. Sa mga nabanggit na kaso, halos tatlong daan (297) ay mga mag- aaral, tatlong-daan at apatnapu (340) ay mga guro, at isang daan at walumpu (186) naman ay mga non-teaching personnel.

Hinimok din ni Gatchalian ang pamahalaan na agad ipamahagi ang cash assistance sa mga guro at non-teaching personnel na nawalan ng trabaho dahil sa COVID-19 pandemic. Ang naturang ayuda para sa mga guro at non-teaching personnel ay bahagi ng Bayanihan to Recover As One Act o Bayanihan 2.

Mga dawit sa multi-bilyong pisong iregularidad sa ahensiya, nailagay na sa pangalan ng iba -Sec. Roque

Posted on: September 28th, 2020 by @peoplesbalita No Comments

KUMBINSIDO si Presidential spokesperson Harry Roque na nailagay na sa ibang pangalan ang mga ari-arian ng ilang opisyal ng Philippine Health Insurance Corporation (PhilHealth ) na sangkot sa anomalya sa ahensiya.

Ito ang isiniwalat ni Presiden- tial spokesperson Harry Roque batay na rin aniya sa naikasa na nilang lifestyle check bago pa lumabas ang tindig ng Ombudsman na itigil na ang lifestyle checks sa mga public officials.

Aniya, dahil sa may alam sa batas ang una nang mga siniyasat na opisyal ng PHILHEALTH ay nakagawa na aniya ang mga ito ng kaukulang hakbang upang mailagay sa pangalan ng iba ang kanilang ari- arian.

Ilan lang sa mga nabanggit ni Roque na asset na wala na sa pangalan ng ilang PHILHEALTH officials na idinadawit sa iregularidad ay ang umano’y bahay ng mga ito sa Baguio.

“At sa totoo lang sa panahon ngayon, unless ikaw talaga’y garapal, ang mga kurakot naman ay magaling nang magtago. Diyan po sa PhilHealth tatapatin ko kayo, nagkaroon kami ng lifestyle check. Eh siyempre dahil marunong sa batas iyong mga nila-lifestyle check, nailagay na sa pangalan ng iba ‘no. Pero kumpirmado na umuuwi sa bahay sa Baguio, ganyan ganyan… na napakalaki pero hindi sa kaniya nakapangalan ‘no,” lahad nito.

Ganunpaman aniya ay hindi na tinukoy pa ni Sec. Roque kung sinu- sino ang mga naturang opisyales ng ahensiya na ani Roque ay may alam sa usapin sa batas.

Ang mas importante aniya ngayon ay ang pagpapatupad ng Anti-Money Laundering Council (AMLC)dahil ang AMLC aniya ay may paper trail kapag may pumasok na pera. (Daris Jose)

Mga senior citizens, pinayuhan na mag-doble ingat

Posted on: September 28th, 2020 by @peoplesbalita No Comments

PINAYUHAN at pinaalalahanan ng Malakanyang ang mga senior citizen na dagdagan pa ang ginagawang pag-iingat kasunod ng nakitang datos ng DOH sa hanay ng mga nasa critical cases.

Batay kasi sa pinakahuling numerong inilabas ng DOH, tumaas kasi ang porsiyento ng mga pasyenteng nakahanay sa critical status.

Sinabi ni Presidential spokesperson Harry Roque, nasa 3 percent na ngayon ang porsiyento ng mga pasyenteng nasa kategoryang kritikal.

Kaya paalala ng Malakanyang lalo na sa mga senior citizens na manatiling nasa bahay lang lalo’t sila aniya ang madaling kapitan ng virus at malalang tamaan nito.

Bukod sa mga nasa 60 taong gulang pataas, dapat din ayon kay Sec. Roque na huwag lumabas ng tahanan ang mga kabataan, mga mayroong sakit at buntis.

Sa kabuuang bilang ng COVID 19, 9.2 percent ay asymptomatic, ang mild ay nasa 86.5%… 1.3 percent ay severe habang ang kritikal ay nasa 3%.

“Mayroon po tayo ngayong 58,127 aktibong kaso ng COVID- 19, at sa numerong ito ay 9.2 po ay asymptomatic, ang mild po ay 86.5%, ang severe ay 1.3%, ang kritikal ay 3% — medyo tumataas po ang kritikal. Iyong mga seniors, iyong mga kabataan, iyong mga mayroon pong mga may sakit, buntis, kinakailangan po ay manatili po tayo sa ating mga tahanan,” ayon kay Sec. Roque.

“At lalung-lalo na po ang mga seniors, talagang seniors po ang tinatamaan ng COVID-19 at sila po ang lumulubha,” dagdag na pahayag nito. (Bishop Jesus “Jemba” M. Basco)

Construction worker nagbigti

Posted on: September 28th, 2020 by @peoplesbalita No Comments

ISANG 39-anyos na construction worker ang nagpasyang wakasan ang kanyang sariling buhay sa pamamagitan ng pagbigti sa sarili sa Malabon City.

Sa imbestigasyon ni PSSg Ernie Baroy at PCpl Archie Beniasan, alas-11:50 ng gabi nang madiskubre ng kanyang ina ang biktima na si Jobeth Vicente, 39, na nakabigti sa loob ng kanyang kuwarto sa kanilang bahay sa No. 31 Sitio 6, Brgy. Catmon.

Kaagad humingi ng tulong ang ina ng biktima sa kanilang mga kaanak na mabilis naman itong kinalas sa pagkakabigti subalit, wala na itong buhay kaya’t ipinaalam na lamang ang insidente sa pulisya.

Inaalam pa ng pulisya ang motibo ng biktima sa pagpapakamatay nito habang naniniwala naman ang ina at ang uncle ng biktima na si Jessie Vicente, 62, na walang naganap na foul play sa insidente.

Hindi na rin interesado ang mga kaanak ng nasawi sa isasagawang imbestigasyon ng pulisya sa insidente at gagawa ang mga ito ng kanilang written affidavit. (Richard Mesa)

Paulo at Michelle, marunong pa ring tumanaw ng loob sa network

Posted on: September 26th, 2020 by @peoplesbalita No Comments

NAWALA na ang exclusive contracts ang lahat ng mga artista o tinatawag na network contract nang ipasara ng Kongreso ang ABS-CBN dahil hindi nila inaprubahan ang aplikasyon para sa bagong prangkisa.

Ganito rin ang Star Magic talents na puwede silang tumanggap na ng ibang offers sa ibang network base rin sa pahayag ng namamahala ng caeer nila na si Ms. Mariolle Alberto at Mr. Johnny Manahan.

Marami kaming kilala na may mga show na sa ibang network, pero ang Star Magic pa rin ang nakikipag-negotiate para sa kanila, sa madaling salita, hindi pa rin nawala ang nasabing talent management ng ABS-CBN.

Ito rin ang katwiran nina Paulo Angeles at Michelle Vito na kasama sa teleseryeng Ang Sa Iyo Ay Akin na pinagbibidahan nina Iza Calzado, Jodi Sta. Maria, Sam Milby at Maricel Soriano mula sa JRB Creatives.

Sa virtual mediacon ng dalawa ay natanong sila kung may mga offer silang natanggap.

“Secret,” tumawang sagot muna ni Paulo. “Ha, ha, siyempre meron.”

Hindi naman daw agad-agad ang mga offer nang magsara ang ABS-CBN, “matagal din.

“Hindi ko tinanggap kasi may show pa ako dito (Kapamilya network), siyempre priority din naman talaga muna,” katwiran ng aktor.

Pero kung wala raw siyang show ay posibleng tanggapin niya pero mananatili pa rin siyang Star Magic talent at hindi lilipat sa ibang manager.

“May Star Magic pa naman, so hindi (kailangan) lumipat,” saad ni Paulo.

At ang paliwanag naman ni Michelle tungkol sa offer sa kanya.

“Meron po, pero hindi pa puwede because may show, pero for me kasi hindi lang naman ‘yun ang reason because parang fresh pa ‘yung nangyari sa ABS-CBN and ang tagal ko with ABS, so I respect ‘yung mga bosses, I respect kung ano ‘yung nangyari sa situation, I respect ABS-CBN, so, ayokong madaliin po ‘yung decision ko or kung may opportunity sa iba ayoko muna po na tanggapin muna ‘coz ang dami pang nangyayari and pinag- uusapan pa and all so ayoko po munang makisabay and since nag-school din po ako ngayon so ayoko munang i-rush talaga (ang lahat).

“Kailangan munang okay lahat at makapag-move one lahat kasi ang dami pang artist, bosses and worker’s ng ABS-CBN na ang sakit pa sa kanila nu’ng nangyari so, I respect that po.”

Wala ring planong magpalit ng manager si Michelle, “may mga meetings kami with our handlers and bosses so for them naman po kasi since ‘yun nga ‘yung nangyari sa ABS may pandemic ngayon naiintindihan nila ‘yung part na kailangan naming magtrabaho kasi marami sa amin ang tumutulong sa fam- ily namin, may kailangan kaming gastusin o sustentuhan hindi po nila talaga kami pinipigilang mag-guest sa iba, magtrabaho sa ibang station.”

Nabanggit na kung may mga offer o opportunity ay kailangan lang ipaalam nina Michelle at Paulo ang lahat sa Star Magic para aware raw sa lahat ng mga nangyayari sa kanila.

At least marunong tumanaw pa rin sina Paulo at Michelle ng utang na loob sa network na nagpasikat sa kanila dahil hindi sila nagpalit ng manager.

‘Yung iba may mga show pa sa Kapamilya network, pero nagpalit na ng manager agad, hindi man lang naisip na kung hindi dahil sa ABS-CBN ay hindi sila makikilala o sisikat.

Samantala, sina Paulo at Michelle ang magka-love team sa Ang Sa Iyo Ay Akin na dati nang magkaibigan kaya walang ilangan sa mga eksena nila at wala rin selosan na nangyayari since may kanya-kanya silang karelasyon.

Si Enzo Pineda ang boyfriend ni Michelle na nakasama niya sa programang Nang Ngumiti ang Langit noong 2019. (REGGEE BONOAN)