2020 September Archive - People's Balita

Archive for September, 2020

Nietes tindero na

Posted on: September 25th, 2020 by @peoplesbalita No Comments

RUMARAKET muna sa kanyang maliit na negosyo si dating four-division world men’s professional boxing champion Donnie ‘Ahas’ Nietes lalo pa’t walang laban ngayong panahon ng COVID-19.

Ipinahayag kamakalawa ng 38-taong gulang, 5-3 ang taas at tubong Murcia, Negros Occidental ang pinagkakaabalahang trabaho.

“Nagtayo muna ako ng kaunting negosyo,”salaysay ni boksingero. “Nagtitinda ako ng chorizo, kimchi at mga gulay at bigas. Iyan ang pinagkakaabalahan ko during the pandemic.”

Hinirit pa ni Nietes, “Kasi wala akong ginagawa, walang boxing. So naisip kong magka- income ako,” wakas na saad ng dating kasapi nang nagsarang ALA Boxing Promotions. (REC)

Ads September 25, 2020

Posted on: September 25th, 2020 by @peoplesbalita No Comments

TRUMP PINAPANAGOT ANG CHINA SA COVID-19

Posted on: September 25th, 2020 by @peoplesbalita No Comments

SUMIKLAB muli ang tensiyon sa pagitan ng Amerika at China sa ginanap na UN General Assembly sa New York.

Ito’y matapos diretsahang sisihin ni US President Donald Trump ang China sa pagkalat ng coronavirus.

Giit ni Trump, dapat panagutin ang China sa pandemya.“We must hold accountable the nation which unleashed this plague on to the world – China,” giit ni Trump, sa ulat ng BBC.

“In the earliest days of the virus China locked down travel domestically, while allowing flights to leave China and infect the world. China condemned my travel ban on their country, even as they cancelled domestic flights and locked citizens in their homes,” dagdag ng US president.

Sa kanya namang speech, sinabi ni Chinese President Xi Jinping na walang intensyon ang kanyang bansa na pumasok sa “Cold War” sa anumang bansa. (Ara Romero)

PDu30, binanggit ang tagumpay ng Pilipinas laban sa China hinggil sa agawan ng teritoryo sa South China Sea

Posted on: September 25th, 2020 by @peoplesbalita No Comments

TINUKOY ni Pangulong Rodrigo Roa Duterte ang tagumpay ng Pilipinas laban sa China sa agawan ng teritoryo sa South China Sea.

Sa kanyang naging talumpati sa United Nations General Assembly, sinabi ng Pangulo na hindi pinapayagan at hindi tinatanggap ng Pilipinas ang anumang pagtatangka na sisira sa July 2016 ruling ng Permanent Court of Arbitration in The Hague.

“The award is now part of international law, beyond compromise and beyond the reach of passing governments to dilute, diminish or abandon,” ayon kay Pangulong Duterte.

Aniya, ang commitment ng Pilipinas sa pinag-aagawang teritoryo sa South China Sea ay laging nakasalig sa United Nations Convention on the Law of the Sea at sa 2016 ruling ng Permanent Court of Arbitration sa the Netherlands.

Matatandaang, ilang ulit nang hindi kinilala ng China ang 2016 ruling ng arbitral tribunal.

Sa kabilang dako, pinasalamatan din ng Chief Executive ang iba pang mga bansa na sumusporta sa arbitral victory ng Pilipinas.

“We welcome the increasing number of states that have come in support of the award and what it stands for — the triumph of reason over rashness, of law over disorder, of amity over ambition. This — as it should — is the majesty of the law,” dagdag ng pangulo.

Sa ulat, noong nakaraang linggo ay ipinaalam ng mga bansang France , Germany at United Kingdom sa UN na hindi nila tinatanggap ang “historic rights” ng China sa South China Sea.

Sa note verbale na isinumite ng permanent mission ng UK sa UN sa New York, ini-refer ng European states sa arbitral ruling taong 2016 na pinaninindigan niti ang pag-angkin ng Pilipinas base sa UN Convention on the Law of the Sea.

“France, Germany and the United Kingdom also highlight that claims with regard to the exercise of ‘historic rights’ over the South China Sea waters do not comply with international law and UNCLOS provisions and recall that the arbitral award in the Philippines v. China case dating to 12 July 2016 clearly confirms this point,” ang nakasaad sa note verbale.

Ang note verbale ay inihain, araw ng Miyerkules sa New York (Huwebes sa Maynila ).

Hiniling naman ng UK mission sa UN na ipakalat ang note verbale “to all States Parties to UNCLOS and all Member States of the United Nations.”

Ayon kay Pangulong Duterte “geopolitical tensions continued to rise despite the COVID-19 pandemic.”

Nagpahayag din ito ng pangangailangan para sa “deescalation of tension” lalo pa’t may maliliit na bansa ang hindi kayang makipagkumpitensiya.

“Escalating tensions benefit no one. New flashpoints heighten fears and tend to tear peoples apart,” ang pahayag ni Pangulong Duterte.

“When elephants fight, it is the grass that gets trampled flat,” dagdag na pahayag ng Pangulo.

Aniya pa, “one could only imagine and be aghast at the terrible toll on human life and property that shall be inflicted if the ‘word war’ [deteriorated] into a real war of nuclear weapons and missiles.”

“I therefore call on the stakeholders in the South China Sea, the Korean Peninsula, the Middle East and Africa: if we cannot be friends as yet, then in God’s name, let us not hate each other too much,” lahad nito sabay sabing “I heard it once said, and I say it to myself in complete agreement,

Samantala, ito ang unang pagkakataon na nagtalumpati ang pangulo sa UN. (Daris Jose)

Black nais ang PBA championship, ROY

Posted on: September 25th, 2020 by @peoplesbalita No Comments

PINAPAKAY ng anak ni Philippine Basketball Association (PBA) 1989 Grand Slam coach Norman Black ng Meralco Bolts na si Aaron Black na makasungkit agad ng kampeonato sa pro league at ang Rookie of the Year Award.

“Of course every rookie that comes to the league wants to earn the Rookie of the Year as well as win the championship,” bulalas ng magbe-23-anyos sa darating na Nobyembre 19 at may taas na 6-1 na basketbolista.

Hinirit ng four-year University Athletic Association of the Philippines (UAAP) veteran na may isang titulo sa Ateneo de Manila University Blue Eagles point guard, na nais niyang patunayan na hindi porket nakatuntong na sa pro league mag-rerelaks na.

“My dad told me when I got drafted was when you get to the PBA, some people think that that is the end of the journey, [but] really it’s a start if you think about it,” pagsisiwalat ng nakababatang Black na isang veteran internationalist na rin sa pagsabak sa 2019 Taiwan Jones Cup.

Sinigurado rin ng cager na ibibigay niya ang lahat ng kanyang magagawa upang tapusin ang pagkatuyot sa kampeonato ng Bolts sa 10 taon sa unang Asia’s play-for-pay hoop.

“We’ve been aching for a championship now for what? 10 years?” wakas na namutawi kay Aaron sa pagbubukas ng liga sa Oktubre 9 sa Angeles City. “Hopefully I can help out there and we can finally win one.” (REC)

Magkikita-kita muli – Jimmy Alapag

Posted on: September 24th, 2020 by @peoplesbalita No Comments

HINDI pamamaalam at sa halip ay pagkikitang muli sa lalong madaling panahon ang minensahe ni dating ASEAN Basketball League (ABL)-San Miguel Alab Pilipinas coach at Philippine Basketball Association (PBA)-San Miguel Beermen assistant coach Jimmy Alapag sa paglisan niya at kanyang pamilya para bumalik sa Estados Unidos ng Amerika.

“Hard to put into words the love I have for the Philippines. It’s been an incredible journey, and an experience that has been nothing but a blessing on my life. From the young, naive kid hungry just for an opportunity, to the man who fulfilled a life long dream and got a chance to see the world along the way. So many amazing memories, so many incredible people whose impact on my life will last a lifetime,” litanya ng former national at professional cager sa Instagram post niya nito lang Linggo.

“Yet as the past months have shown, sometimes our lives can take unexpected turns toward a path of struggle, doubt and uncertainty. But these times also give us a chance, a chance to learn more, grow more, and value what means most to us in our lives.” dagdag pa ng 42-anyos, 5-9 ang taas.

Kasama niyang nagtungo USA sa hangaring makapag-coach alinman sa National Basketball Association (NBA) G League o National Collegiate Athletic Association (NCAA), ang kanyang asawang si LJ Moreno at tatlo nilang supling.

“Not sure what lies ahead, but we have absolute trust and faith in God’s plans for our family. A new season, a new chapter. But no matter where this new path leads us, our heart will always be here in the (Philippines). Never goodbye, just see you all again soon… #NewSeason #NewChapter #Thankful #Blessed #Family #PBA #Gilas” dagdag nang nakapaglaro sa PBA sa Talk ‘N Text KaTropa at Manila Electric Company (Meralco) Bolts.

Maski sa Alapag Family Fun vlog na kanilang ipinost sa YouTube, iginiit din niya ang makabalik pa sa bansa sa hinaharap. (REC)

25k katao na pinaghihinalaang may Covid-19, matagumpay na na-isolate ng gobyerno

Posted on: September 24th, 2020 by @peoplesbalita No Comments

MATAGUMPAY na na-isolate ng pamahalaan ang mahigit sa 25,000 katao na pinaghihinalaang mayroong COVID-19.

Layon nito na mapigil ang pagkalat ng nasabing sakit.

Sa public address ni Pangulong Rodrigo Roa Duterte, Lunes ng gabi ay sinabi ni Sec. Carlito Galvez, chief implementer of the country’s national plan against COVID-19, na may kabuuang 25,430 katao mula sa National Capital Region at Regions 3 at 4A ang kanilang na-isolate.

“Kung ito pong 25,000 na ito ay hindi natin na-isolate, ito po ay magti-triple,” aniya pa rin.

Idinagdag pa nito na karamihan sa mga taong dinala sa govern- ment isolation facilities ay residente ng “densely populated areas” na mayroong problema sa home quarantine.

“Sa Metro Manila, naging aggressive po tayo sa pagkuha sa mga positive doon sa mga areas na hindi po ma-implement na mabuti ‘yung home quarantine,” ang pahayag ni Galvez.

Ani pa ni Galvez, maraming Alkalde ang nagpapatupad ng “no home quarantine policy” para sa mga confirmed COVID-19 cases sa kanilang lugar para maiwasan ang pagkalat ng nasabing sakit.

“Wala naman tayo magawa. You do it, may masabi sila,” ayon kay Pangulong Duterte. (Bishop Jesus “Jemba” M. Basco)

Posibleng magpatupad ng price cap sa swab test

Posted on: September 24th, 2020 by @peoplesbalita No Comments

MALAKI ang posibilidad na magpatupad si Pangulong Rodrigo Roa Duterte ng price cap sa RT-PCR o swab tests para sa COVID-19.

Sinabi ni Presidential spokesperson Harry Roque na hindi posibleng magpalabas si Pangulong Duterte ng isang executive order na magre-regulate ng presyo ng swab tests.

“I don’t think it is impossible for him to issue this executive order. Alam ko po may mga nagnanais sa inyo bagama’t non-profit kayo na kumita; huwag naman po,” ayon kay Sec. Roque.

Tinukoy nito ang naunang pagpapalabas ng Pangulo nang pagtatakda ng maximum retail price sa ilang medisina.

“Ibigay na po natin sa taumbayan iyong benepisyo ‘pag kayo po’y nakatanggap ng libreng makina galing sa gobyerno at sa pribadong sektor o mga libreng mga testing kits. Iyon po talaga ang pangunahing pamamaraan para mapababa po ang halaga ng testing,” dagdag na pahayag nito.

Sa ulat, nais ng Department of Health na magkaroon ng price ceiling sa presyuhan ng mga Covid -19 testing sa bansa.

Ayon kay Health Usec Ma Rosario Vergeire, nagsumite na ang DOH ng rekomendasyon kay Pangulong Duterte para maglabas ito ng isang executive order para sa regulasyon ng presyo ng mga swab testing.

Napansin din kasi aniya ng DOH ang malaking diperensya ng presyuhan ng mga swab test sa iba’t ibang laboratoryo sa bansa.

Ipinaliwanag ni Vergeire na kailangan ng isang executive order mula sa Pangulo para maregulate ang bayad sa swab testing dahil sa ngayon ay mga gamot pa lamang ang saklaw ng batas para sa price ceiling.

Para naman matukoy ang posibleng maging price range ng swab testing, magsasagawa ang DOH ng mga survey.

Bukod ito makikipag-ugnayan din sila sa mga eksperto at maging sa Department of Trade and Industry para rito.

Sa ngayon ay naglalaro sa mahigit 3 libong piso pataas ang presyuhan ng swab testing depende sa mga ospital, laboratoryo o iba pang health institution.

Samantala, kinukunsidera naman ng medical experts ang RT-PCR test bilang gold standard para sa confirmatory testing dahil nade-detect nito ang virus na dahilan ng COVID-19. (Daris Jose)

Cemetery pass sa mga gugunita ng undas sa Navotas

Posted on: September 24th, 2020 by @peoplesbalita No Comments

NAGTAKDA ang Pamahalaang Lungsod ng Navotas ng mga panuntunan sa mga nais maggunita ng Undas at mag-i-isyu ng pass sa mga dadalaw sa puntod ng mga mahal nila sa buhay kaugnay ng pansamantalang pagsasara ng lahat ng pampubliko at pribadong sementeryo sa lungsod mula October 30 hanggang November 4, 2020.

Ang naturang hakbang ay para maiwasang dumagsa at magsiksikan ang mga bibisita sa mga puntod, hindi masunod ang 1-2 metrong physical distancing at ma-expose sila sa COVID-19 virus.

Ayon kay Mayor Toby Tiangco, sa mga nais magunita ng Undas ay gawin ang itinakdang mga panuntunan bago o pagkatapos ng nabanggit na mga petsa.

Kumuha ng cemetery pass tatlong araw bago bumisita sa puntod at para makakuha nito, mag-TEXT JRT na nakalagay ang pangalan, address, edad, petsa, at araw ng pagbisita sa mga cemetery (public, catholic, immaculate garden).

Hintayin ang reply ng TEXT JRT para sa cemetery pass. Ang pass ay magagamit lamang sa dalawang tao alinsunod sa schedule na nakalagay. Ipakita ang cemetery pass at valid ID sa mga nakabantay sa sementeryo.

May tatlong time slot ang pagbisita, 7am hanggang 9am, 11am hanggang 2pm at 3pm hanggang 6pm.

Paalala ng local na pamahalaan na iwasang magdala ng pagkain o inuming nakalalasing, magsuot ng pface mask at face shield, at siguraduhing may 1-2 metrong distansya mula sa mga kasama.

Hindi naman pinapayagang lumabas ang mga wala pang 21- taong gulang o mga senior citizen para pumunta sa sementeryo alinsunod sa polisiya ng IATF para sa kanilang kaligtasan. (Richard Mesa)

BSP sa financial institutions: Sundin ang mandatory 60-day grace period’ sa mga utang

Posted on: September 24th, 2020 by @peoplesbalita No Comments

NAGPAALALA ang Bangko Sentral ng Pilipinas (BSP) sa lahat ng mga bangko o financial institutions na agad na sundin ang itinatadhana ng bagong batas na dalawang buwan na puwedeng hindi muna bayaran ang pagkakautang.

Sa ipinalabas na memorandum ni BSP Gov. Benjamin Diokno, sinabi nito na ang 60-days na grace period sa mga loans ay nakapaloob sa Bayanihan 2 law na epektibong naging batas simula September 15.

Batay sa Bayanihan to Recover As One o kaya Bayanihan 2 law, sakop ng batas ang lahat nga mga institusyon sa bansa na tuparin ang mandatory one- time 60-day grace period sa mga kasalukuyan o current at outstanding loans.

Nagpaalala naman ang BSP na maaari namang lumampas pa sa 60-days ang grace period nang pagbabayad ng interes o kaya naman ay utay-utay kahit higit pa sa December 31, 2020 depende sa kanilang mapagkakasunduan.

“The mandatory one-time 60-day grace period shall apply to each loan of individuals and entities with multiple loans,” bahagi ng memorandum ni Diokno.