AMINADO ang Department of Health (DOH) na mas malaking banta ang kapalit nang tinapyas na pondo sa National Tuberculosis (TB) Control Program ng ahensya sa susunod na taon.
“Sa kabila ng mataas na bud- get utilization ng programa sa taong 2019 (99%) at 2020 (96%), Php 502,835,000.00 lamang ang naapprubahan na budget para sa programa para sa taong 2021 base sa nilabas na National Expenditure Program,” ayon sa ahensya.
Paliwanag ng Health department, nakalaan sana para sa diagnostic supplies, TB medication sa mga bata at pasyenteng drug resistant, at preventive therapy ang tinapyas na pondo sa panukala.
Dahil dito, posible raw tumaas ang kaso ng TB sa Pilipinas dahil mababawasan ang tsansa na maka-detect ng mga kaso bunsod ng limitadong supply ng diagnostic test.
“At magkaroon ng kakulangan sa supply ng gamut para sa buwanang gamutan ng pasyente hanggang makumpleto ang kanilang full-course treatment.”
Bukod dito, asahan din daw ang pagmahal sa presyo ng gamutan ng drug resistant TB cases dahil wala ng bisa ang kanilang first line medicine. Kakailangan kasi nila ng mas malakas na antibiotic, kombinasyon ng iba’t-ibang TB drugs at mahabang gamutan.
Ayon sa DOH, kapag hindi naagapan ang banta ay tiyak na mas malaking pondo na ang aasahan para treatment ng drug resistant TB cases sa mga susunod na taon.
“Bukod pa yan sa mga preventive na pamaraan upang tuluyang mawakasan ang pagkalat ng TB.”
Umaasa ang ahensya na magbubunga ang patuloy na lobbying o panawagan para madagdagan ang pondo ng National TB Control Program. Tintingnan daw nila kung pwedeng kumuha sa budget ng ibang infectious disease control programs at ang suporta mula sa Global Fund.
“May mga ongoing procurement ng 2020 na pwedeng magamit sa taong 2021, ngunit hindi pa rin ito sasapat sa pangangailangan ng programa batay sa projected TB cases.”
“Mawawalan din ng buffer ang ating mga pasilidad sa katapusan ng 2021 or sa unang quarter ng 2022.”
Iginiit ng Health department na ang dagdag na budget para sa naturang programa ay makakatulong para matugunan ang kailangang gamot at gamit.
“Para maisakatuparan ang mga stratehiya ng programa tulad ng pagpigil sa pagkalat nito sa iba, agarang pagsuri sa taong may sintomas, at higit sa lahat agarang gamutan para sa taong may sakit na TB.” (Ara Romero)
SINABI ng Malakanyang na dapat gamitin ng Department of Social Welfare and Development ang natitirang P10 billion sa ilalim ng COVID-19 emergency cash assistance program para tulungan ang mga mahihirap na sambahayan at vulnerable sectors.
INOOBLIGA na ng Inter-Agency Task Force on Emerging Infectious Diseases (IATF) ang mga positibo sa COVID-19 na asymptomatic at mild ang sintomas na ma-quarantine sa mga pasilidad na aprubado ng gobyerno.
MAY bahid na ang rekord sa Games and Amusements Board (GAB) bilang blacklisted ang Global Football Club (GFC) dahil sa hindi pagpapasuweldo sa mga player at empleyado simula pa noong Agosto na umabot na halos P6M.
PUNO ng exciting games at all-out performances mula sa naglalakihang Kapuso stars ang GMA musical-comedy- variety program na All-Out Sundays sa pagbabalik-studio nito ngayong Linggo (September 27). 
KAPWA aminado ang Armed Forces of the Philippines (AFP) at Philippine National Police (PNP) na may posibilidad na malantad ang mga online learner sa ginagawang recruitment ng New People’s Army (NPA) para sumapi sa kanilang grupo.
KINUMPIRMA ng Cebu Pacific Air na umaabot na sa P2.4 billion ang kanilang naibibigay na refund sa mga pasahero mula nang ipatupad ang mga kanselasyon ng biyahe dulot ng COVID crisis.
SINIGURADO ng Land Transportation Franchising and Regulatory Board (LTFRB) ang mga commuters na may 69,000 na public utility vehicles ang magiging available upang magsakay ng mga commuters kahit na may concerns tungkol sa mahigpit na pagpapatupad ng one-meter distancing policy sa mass transportation.
DAHIL sa paglagay na ng Magnolia Chicken sa kanya sa unrestricted free agent, ipinasya ni Peter June ‘PJ’ Simon na magretiro matapos ang 17 taong paglalaro sa Philippine Basketball Association (PBA).
HANGGANG presstime nitong Huwebes ng hapon, nananatiling wala pang kapalit sa nagbitiw at naban na si Aldin Ayo para sa coach ng University of Santo Tomas men’s basketball team Growling Tigers para sa 83 rd University Athletic Association of the Philippines (UAAP) 2020-21.