2020 June Archive - People's Balita

Archive for June, 2020

RECORD BREAKING UNEMPLOYMENT SA PILIPINAS

Posted on: June 10th, 2020 by @peoplesbalita No Comments

Umakyat sa nakalululang 17.7% ang unemployment rate sa bansa o katumbas ng 7.3 milyong indibidwal na walang trabaho mula sa dating 2.3 milyon pagtatapos ng taong 2019. Ito ang bagong pinakamatas na rekord matapos ang 1998 economic recession sa Pilipinas kung saan umabot sa 10.3% ang kawalan ng hanapbuhay.

Ayon kay Department of Labor and Employment (DOLE) Secretary Silvestre Bello III, matapos tumama ang Corona Virus Disease-2019 sa bansa at sa mahigit 200 pang lugar sa mundo, inasahan na diumano ang mataas na bilang na ito.

Pinakaapektadong sektor ang mga manggagawa sa transportasyon, construction industry, turismo, private education, entertainment, arts and culture, fashion and beauty, health and wellness, services sector, electronics at maging ang ating Overseas Filipino Workers.

Sa pagpapatupad ng Enhanced Community Quarantine (ECQ) sa Luzon area, tanging mga manggagawa lamang sa manufacturing na may kinalaman sa pagkain, gamot, at ilang essentials ang pinayagang makapasok sa trabaho,limitadong bilang sa ospital, tanggapan ng pamahalaan at food and beverage.

Ang tinatawag na digital economy lamang ang buhay na buhay na industriya.

Bumagsak naman sa 55.6% ang labor force participation rate mula sa 61.5% noong December 2019.

Ang mataas na bilang ng mga walang trabaho ay sanhi ng pagsasara ng ekonomiya ng bansa dahl sa panganib na dala ng COVID-19 sa kalusugan..

Sa plano ng Department of Education na internet-based education, kakailanganin ang mga Teacher Assistant na puwedeng makatulong sa mga guro na mag-monitor ng mga estudyante sa bawat barangay linggo-linggo.
Kilala naman tayong mga Filipino na matatag at matibay kaya naman mabilis tayong makababangon mula sa pandemyang ito

PBA, nagpadala na ng liham sa IATF para payagan ang team practices

Posted on: June 10th, 2020 by @peoplesbalita No Comments

Nagsumite na umano ng pormal na liham ang PBA sa Inter-Agency Task Force kaugnay sa posibilidad ng pagsasagawang muli ng mga team practices sa buwan ng Hulyo.

Kaugnay pa rin ito sa ginagawang mga preparasyon ng liga para sa posibleng pag-usad muli ng 2020 season na pansamantalang sinuspinde dahil sa COVID-19 pandemic.

Sa isang virtual press briefing, sinabi ni PBA Commissioner Willie Marcial, noong Huwebes pa nila naipadala sa IATF, partikular kay Health Sec. Francisco Duque III, ang sulat kaugnay sa apela.

Sa ngayon ay hinintay na lamang daw nila ang magiging tugon ng task force para makapagpatuloy na sila sa binabalangkas nilang mga plano.

Ngunit ayon kay Marcial, kung tanggihan daw ng IATF ang kanilang hiling, ito na rin umano marahil ang hudyat para pagdesisyunan na ang kapalaran ng ika-45 season.

“Doon namin dedesisyunan, katulad ng sinabi namin [na] by August, kung ano na ang mangyayari kasi kung practices baka hindi pa payagan,” wika ni Marcial.

“So talagang nakahintay kami kung ano ang gagawin ng gobyerno. Kung hindi papayagan ‘yun, kung hindi papayagan ang basketball, doon na tayo magdedesisyon sa August, kung mayroon pa tayong season o wala na.”

Una rito, tiniyak ni Marcial na mahigpit ang ipatutupad nilang safety protocols, na aprubado rin ng PBA Board of Governors.

Kumpiyansa si Marcial na pasok sa pamantayan ng IATF ang kanilang protocols, kung saan kabilang dito ang mahigpit na requirement kung saan kinakailangang sumailalim ang lahat ng mga players sa COVID-19.

Sa oras na mabigyan na ng go signal, sunod na target naman daw ng PBA ang pag-practice ng kada batch na binubuo ng anim na katao kung saan apat dito ay mga manlalaro, pero limitado lang sa conditioning.

Ads June 10, 2020

Posted on: June 10th, 2020 by @peoplesbalita No Comments

Posibleng pagdami ng Covid-19 cases sa bilangguan, kinatatakutan

Posted on: June 3rd, 2020 by @peoplesbalita No Comments

Kasabay nang bababala sa posibleng pagdami ng COVID-19 cases sa bilangguan, nanawagan si Anakalusugan Party List Rep. Michael Defensor sa agarang pagsasagawa ng confirmatory testing sa lahat ng inmates at correction officers na nagpapakita ng maaagang sintomas ng naturang nakakahawang sakit.

“Nobody should be left behind in terms of prompt access to free testing as well as patient care, support and treatment just because they happen to be in prison,” ani Defensor, House health committee vice chairperson.

Nangangamba ang mambabatas na baka tumaas pa ang COVID-19 case fatality rate sa mga inmates ng na rin sa poor nutrition, limited access sa health care at high rates of undiagnosed pre-existing conditions, kabilang na ang tuberculosis at human immunodeficiency virus (HIV) infection.

Umaasa si Defensor sa Department of Health at Department of Justice na magsasagawa ng agresibong hakbang para mapigilan ang pagkalat ng COVID-19 sa loob ng kulungan.

“There’s no question that on account of severe overcrowding, all of our correction facilities across the country are extremely high-risk closed settings for transmission, rendering both inmates and correction officers exceptionally vulnerable,” pahayag pa ni Defensor.

Batay sa istatistika ng Bureau of Corrections (BuCor), sinabi ni Defensor na nasa 49,114 inmates ang nakakulong sa walong bilangguan na para lamang sa 11,981 ibdibidwal.

Sa New Bilibid Prison (NBP) sa Muntinlupa City, halimbawa aniya na para lamang sa 6,435 convicts ay mayroong 28,885 inmates o may congestion rate na 349%.

Habang ang Davao Prison and Penal Farm sa Panabo City, Davao del Norte ay 384% congested (na may 6,555 inmates para sa 1,354 kapasidad lamang); Correctional Institute for Women (CIW) sa Mandaluyong City na 235% congested (3,371 inmates kumpara sa 1,008capacity), Iwahig Prison and Penal Farm sa Puerto Princesa City, Palawan ay 314% congested (2,793 inmates vs 675 capacity; Sablayan Prison and Penal Farm sa Occidental Mindoro ay 168% congested (2,665 inmates vs 994 capacity; San Ramon Prison and Penal Farm sa Zamboanga City ay 212% congested (2,288 inmates vs 733 capacity; Leyte Regional Prison sa Abuyog, Southern Leyte ay192% congested (1,982 inmates vs 679 capacity; at CIW-Mindanao sa Sto. Tomas, Davao del Norte ay 463% congested (575 inmates vs 102 capacity).

Iniulat din ng BuCor ang 195 confirmed COVID-19 cases – na kinabibilangan ng 161 inmates at 34 correction officers – sa NBP at CIW sa Mandaluyong.

Kasama sa naturang bilang ang 49 anyos na correction officer sa NBP na umuwi sa kanyang probinsiya at siyang unang nakumpirmadong COVID-19 case sa Itogon, Benguet nitong Mayo 29.

Tatlong inmates at tatlong opisyal ang nawasi dahil sa naturang sakit. (Ara Romero)

MGA KABASTUSAN sa mga JEEP at TRICYCLES, IAYOS NA RIN!

Posted on: June 3rd, 2020 by @peoplesbalita No Comments

May isang nanay ang nagpadala ng hinaing sa Lawyers for Commuters Safety and Protection(LCSP) tungkol sa mga bastos daw na rap song na madalas nang pinapatugtog ng mga jeepney drivers habang bumibyahe.

Ang sumbong sa akin, malalaswa at bastos ang mga kanta na noon lang niya narinig nang sumakay siya ng jeep. Gaya raw halimbawa ng mga rap song na may lyrics na “huwag ka paiy*# girl … huwag ka pai?0t” … meron pa yung isang kanta na ang sabi … “mas gusto mo ba na dinidi&*an ka … kasi gusto mo na binx@bayo kita.”

May mga stickers din daw na puro pambabastos sa mga kababaihan at walang respeto at paggalang ang mga mensahe. Nababastos po ang ilang mga babaeng pasahero lalo na ang nanay na nagsusumbong kasi madalas kasama nya ang anak na babae na 11 years old pa lang.

Meron din na mga tricycle na may mga stickers ng gagamba na ang sabi – Miss pasapot naman”. Sana raw ay hindi nabibigyan ng prankisa ang mga public transportation na ganyan. Dapat ipagbawal ang mga malalaswang tugtog sa jeep at mga malalaswang mga stickers lalo at hindi naman mapipigil o mapipili ang mga sumasakay sa jeep at tricycle.

Ayon sa sumbong, madalas magpatugtog ng mga bastos ang mga jeep na ito lalo kapag may mga high school students na mga babaeng pasahero. Minsan pa nga raw ay yung nga bastos na salita ay nakasulat pa sa mga tshirts ng drivers.

Nakikiusap ang nanay na nagsumbong, na sana ma-regulate ang mga ganitong bastos na mga drivers lalo na yung ang mga ruta ay kung saan maraming mga menor-de-edad ang sumasakay. Sana ay makarating sa mga kinauukulan ang mungkahi ng nanay na nagsumbong. (LASACMAR)

2020-2021 season ng MPBL tuluyan ng kinansela

Posted on: June 3rd, 2020 by @peoplesbalita No Comments

Kakulangan sa oras at kaligtasan ng mga manlalaro ang tanging dahilan kaya nagpasya ang Maharlik Pilipinas Basketball League (MPBL) na kanselahin na lamang ang kanilang 2020-2021 season.

Sinabi ni MPBL Commissioner Kenneth Duremdes, na kinuha nila ang suhestiyon ng maraming manlalaro at karamihan sa kanila ang nagsabi na hanggang walang bakuna laban sa coronavirus ay hindi pa rin sila maglalaro.

kailangan kasi ng walon buwan para matapos ang isang season kaya tiiyak na hindi na nila ito matatapos ngayong taon.

Magiging magastos din sa Local Government Unit kapag nagbukas na sila dahil kailangan ng tuloy-tuloy na pagsuri sa mga manlalaro at mga commissioner.

Sa ngayon aniya ay tatapusin muna nila ang mga natitirang mga laro sa Lakn Season kapag pumayag na ang gobyerno sa paglalaro ng mga iba’t-ibang mga laro.

PSC: Tulong ng pribadong sektor, hihingin para mabigyan ng allowance ang mga nat’l athletes, coaches

Posted on: June 3rd, 2020 by @peoplesbalita No Comments

Binabalak ng Philippine Sports Commission (PSC) na hingin ang tulong ng pribadong sektor para bayaran ang bahagi ng monthly allowance ng mga national athletes at coaches.

Tinapyasan kasi ng PSC kamakailan ang natatanggap na allowance ng mga atleta at coaches bunsod ng epekto ng COVID-19 pandemic.

Sa isang pulong balitaan, partikular na tinukoy ni PSC chairman William “Butch” Ramirez ang mga business magnates na sina Dennis Uy at Ramon Ang na posible raw makatulong sa mga atleta.

“If our conversation here will be heard by the rich private corporations like Dennis Uy (Phoenix Petrolium), Ramon Ang (San Miguel), SM and others, they could help our athletes,” ani Ramirez.

Maliban dito, sinimulan na ng ahensya ang pagkansela sa karamihan sa mga kontrata ng grassroots coaches, at nasa 30 hanggang 45 PSC coordinators sa iba’t ibang sulok ng bansa.

“It breaks our hearts and from the start of the lockdown, but we never cut off our connection to the athletes,” wika ni Ramirez.

Pinag-uusapan na rin daw nila sa PSC ang reevaluation ng contract renewal ng nasa 23 foreign coach, kasama na ang mga coach nina EJ Obiena at Carlos Yulo na kwalipikado na sa Tokyo Olympics.

Sa ngayon din ay hindi pa naipapadala ng PSC ang P2-milyong funding para kay Obiena, na pambayad naman nito sa kanyang gastusin sa Formia, Italy.

Una nang ipinaliwanag ng ahensya na bahagi ito ng paghihigpit nila ng sinturon dahil sa malaki ang nabawas sa natatanggap nilang monthly remittance mula sa Philippine Amusement Gaming Corporation.

Mula kasi sa buwanang pondo na umaabot hanggang P150-milyon, nakatanggap lamang sila ng P9-milyon kaya napilitan silang tapyasan ng kalahati ang allowance na nakukuha ng mga atleta at mga coaches.

Malakanyang, todo-depensa

Posted on: June 3rd, 2020 by @peoplesbalita No Comments

Todo-depensa ang Malakanyang sa naging panawagan ni Pangulong Rodrigo Roa Duterte sa mga mambabatas na amiyendahan ang anti-terrorism law ng bansa. Ayon kay Presidential Spokesman Harry Roque na walang ‘draconian provisions’ ang nakapaloob sa Human Security Act of 2007.

“Wala naman pong draconian na provision diyan. Lahat po ng provision diyan binase rin natin sa batas ng iba’t ibang bansa na mas epektibo po ang kanilang pagtrato sa sa mga terorista,” ayon kay Sec. Roque.Ang batas ay naka-pattern ani Sec. Roque sa anti-terrorism laws ng United Kingdom, United States, at Australia. “Wag po natin kalimutan hindi po tayo istranghero sa terorismo,” aniya pa rin.

Nauna rito, sinertipikahan bilang urgent measure ni Pangulong Duterte ang panukalang pag-amyenda sa Anti-Terrorism Law, upang mapabilis ang pag-usad nito sa Kongreso.

Ang panukalang ito ay layong palakasin pa ang laban ng Pilipinas kontra terorismo.

Sa ilalim ng bersyon ng panukala na inadopt ng Kongreso, dinagdagan ang bilang ng araw na maaaring i-detain ang hinihinalang terorista kahit walang arrest warrant. Mula sa tatlong araw, iniakyat ito sa 14 na araw at maaaring ma-extend ng 10 pa.

Ilan rin sa mga nilalaman ng panukala na kinukwesyon ay ang pag-aalis ng probisyon ng Human Security Act of 2007.

Sa press briefing sa Malacañang, sinabi ni Defense Secretary Delfin Lorenzana na walang basehan ang pangamba ng mga tumututol dito.

Matatandaan kasi na kinuwestyon ito ng ilang mambabatas, habang inulan rin ito ng batikos sa social media, dahil sa umano’y posibleng paglabag sa karapatang pantao.

Ayon sa kalihim, mayroong mga nakapaloob na kaparusahan sa panukalang ito upang matiyak na hindi ito maabuso.
Ayon naman kay DILG Secretary Eduaro Año, walang dapat ikatakot ang publiko sa batas dahil pinag-aralan itong mabuti at matagal na panahon itong tinalakay.

Ani DILG Secretary Eduardo Año, “So ito po naman ay para sa kaligtasan ng lahat, at pinag-isipang mabuti at sinisigurado po natin na walang abusong mangyayari. Kaya sana po ay suportahan na rin natin itong anti-terrorism bill po natin.” (Daris Jose)

Bagong billing sa kuryente, hintayin muna

Posted on: June 3rd, 2020 by @peoplesbalita No Comments

Pinayuhan ni Marinduque Rep. Lord Allan Velasco ang consumers na hintayin ang bagong electricity bill ng Manila Electric Co. (Meralco) na base sa kanilang aktuwal na power consumption bago ito bayaran at isantabi ang nakalipas na billings na ibinase lamang sa estimates.

Ang pahayag ni Velasco ay kasunod na rin sa paniniguro ni Victor Genuino, first vice president at pinunong Customer Retail Services and Corporate Communications ng Meralco, sa isinagawang public hearing ng House Committee on Energy.

“In this meeting, we were able to get the assurance of Meralco that consumers can disregard their estimated billing which were questioned by many of its customers,” ani Velasco, chairman ng energy committee.

Inaasahan na makukumpleto ng Meralco sa Hunyo 8 ang aktuwal na meter readings at maipapadala sa customers ang panibagong billing na may tamang singgil.

Sa nasabing tamang billing, ilalagay ng Meralco ang nabasang metro ng nakonsumo ng consumers na hindi naman kailangang bayaran agad.

Siniguro din ng Meralco na walang magaganap na disconnection sa hindi nabayarang kuryente na nakonsumo sa panahon ng ECQ (enhanced community quarantine).

Inihayag naman ni Energy Regulatory Commission Chair Agnes Devanadera na dumalo sa pagdinig na nagbigay kasiguruhan din ang Meralco na mare-refund ng customers ang sobra nitong bayad o ibabawas sa susunod na billing.

Ikinatuwa naman ni Velasco ang ulat na magkakaroon ng mekanismo para matulungan ang consumers na mabayaran ang kanilang outstanding bills sa panahon ng ECQ sa pamamagitan ng equal monthly installments depende sa nakonsumo nitong kuryente.

Sinabi pa ni Devanadera sa komite na nagpalabas na ang ERC ng advisory na nagdedetalye sa amortization scheme para sa unbilled power consumption.

Sa ilalim ng bagong scheme, ang consumers na may buwanang consumption na 200kWh pababa para sa buwan ng Pebrero ay maaaring magbayad sa 6 na equal monthly installments habang yaong may konsumo na mataas sa 200kWh ay maaaring magbayad ng apat na monthly installments. Ang unang bayad o amortization for ay sa June 15, 2020.

“I think that we made significant headway in today’s meeting by clarifying the cause of the spike in electricity bills during the ECQ and getting the commitment of Meralco, PHILRECA and the ERC that they are on top of problem and will be taking the necessary steps to correct errors in billing and ultimately charging the households only for the actual electricity they consumed,” ani Velasco.

Mayweather at Pacquiao nanguna sa greatest boxer ng BoxRec.com

Posted on: June 3rd, 2020 by @peoplesbalita No Comments

Nasa pangalawang puwesto sa bilang ‘greatest’ boxer ng BoxRec. com ang si Filipino boxing champion Manny Pacquiao.

Mayroong record ang fighting senator na 62 panalo, pitong talo at dalawang draw.

Nasa unang puwesto naman si US retired boxing champion Floyd Mayweather Jr dahil sa walang talo ito sa 50 na laban.

Base sa tinaguriang “official record keeper” ang dalawang boksingero kasi ang siyang matunog na pangalan kung boxing ang pag-uusapan.

Pumangatlo naman sa listahan si Carlos Monzon, pang-apat si Muhammad Ali, pang-lima si Sugar Ray Robinson, pang-anim si Bernard Hopkins, pang-pito si Joe Louis, pang-walong puwesto si Archie Moore, pang-siyam si Oscar dela Hoya at pang-sampu si Julio Cesar Chavez.