2020 February Archive - People's Balita

Archive for February, 2020

‘Injectable shabu’ nasabat, 2 kelot nadakma

Posted on: February 21st, 2020 by @peoplesbalita No Comments

KALABOSO ang dalawang suspek na nagbebenta ng mga liquid o injectable shabu sa online sa ikinasang drug buy bust operation sa Barangay Highway Hills, Mandaluyong City kahapon (Huwebes, Pebrero 20) ng umaga.

Kinilala ni Philippine Drug Enforcement Agency (PDEA) Special Enforcement Service Director Levi Ortiz ang mga naarestong suspek na sina Mark Kenneth del Rosario San Juan, at Jeffrey Villarin Saclao, kapwa nasa hustong gulang, at mga residente ng Makati City.

Batay sa ulat ng PDEA, alas-12:10 ng hatinggabi, Pebrero 20 nang ikasa ng Team Alpha ang buy-bust operation sa bisinidad ng isang fast food chain sa Guevarra St., Barangay Highway Hills.

Nakabili umano ang undercover agent ng PDEA mula sa mga suspek ng limang piraso ng heringgilya na naglalaman ng liquid shabu at nagkakahalaga ng P10,000 kaya’t agad nang inaresto ang mga ito.

Nakumpiska rin mula sa mga suspek ang isang pirasong plastic sachet ng shabu na may street value na P13,600; 26 pirasong heringgilya na naglalaman ng liquid shabu, na may sukat na 10.4 milliliters at tinatayang may street value na P52,000; at isang pirasong sterile water bottle, digital weighing scale at marked money.

Ayon sa mga awtoridad, modus operandi umano ng mga suspek ang magbenta sa social media ng droga kabilang na ang injectable shabu.

Ipinakikita pa umano ng dalawa sa kanilang mga parokyano kung paano gamitin ang injectable shabu.
Nakapiit na ang mga suspek sa PDEA office at sasampahan ng mga kasong paglabag sa Comprehensive Dangerous Drugs Act of 2002.

Inbound, outbound mails delay muna – PHLPost

Posted on: February 21st, 2020 by @peoplesbalita No Comments

BUNSOD ng ng mga kaso ng Corona Virus Disease o COVID-19, maaantala ang lahat ng inbound at outbound mails o mga sulat mula sa iba’t ibang bansa.

Ito ang abiso ng Philippine Postal Corporation o PHLPost sa publiko na naghihintay ng kanilang mga koryo.
Partikular na apektado ang mga sulat mula at patungong Mainland China, Hong Kong at Macau, ayon sa PHLPost
Ang delays ayon pa sa PHLPost ay upang maiwasan ang pagkalat o paglawak pa ng COVID-19.

Maliban dito ay suspendido rin ang serbisyo ng gobyerno sa mga apektadong lugar na nakaka-dagdag sa delays sa lahat ng inbound at outbound mails.

Humingi na rin ng paumanhin at umaasa naman ang PHLPost sa publiko na maunawaan ang nangyayaring sitwasyon dahil sa naturang virus.

Bagamat millenials na ngayon at napapanahon na ang teknolohiya, marami pa rin ang nagapapadala ng sulat at pakete sa pamamagitan PHLPost.

Nagpapasalamat naman ang PHLPost sa publiko dahil sa patuloy na pagtingkilik sa tradisyunal na pagpapadala ng mensahe sa kanilang mahal sa buhay kahit pa mayroon nang social media. (Gene Adsuara)

Prangkisa ng ABS-CBN, pagkatapos ng SONA uusad – Cayetano

Posted on: February 21st, 2020 by @peoplesbalita No Comments

MAAARING sa pagtatapos na ang State of the Nation Address (SONA) ni Pangulong Duterte na magsimula ang pagtalakay sa aplikasyon ng ABS-CBN na ma-renew ang prangkisa nito.

Ayon kay House Speaker Alan Peter Cayetano dalawang opsyon ang kanilang tinitignan kung kailan magsasagawa ng pagdinig ang House committee on legislative franchise.

“There are two options, one is that depende kung ano matapos namin in the next three weeks and a the longer option, right after SONA. Kasi ang session namin ng January to March maiksi, ang session namin ng Mayo maiksi rin, ang pinakamahaba natin is ‘yung July hanggang mag-adjourn ng October,” ani Cayetano.

Sinabi niya na “hindi ito teleserye na magandang bitin” ang pagtalakay sa prangkisa ng ABS-CBN.

“Unlike teleserye na lamang ang network kapag maganda ending at medyo bitin, hinahanap-hanap mo yung season 2 eh di ba? Pero dito sa Kongreso, in my experience mas mabuti na inumpisahan natin, tapusin na natin,” imporma ng mambabatas.

Iginiit muli ni Cayetano na nais niya na makapagsalita ang lahat ng pabor at tutol sa panukala bago magdesisyon ang komite kung ire-renew ang prangkisa o hindi.

Sa Marso mage-expire ang prangkisa ng ABS-CBN subalit naniniwala ang liderato ng Kamara de Representantes na maaari pa ring magpatuloy ang operasyon nito hanggang nakabinbin ang aplikasyon at hindi pa ibinabasura.

Tiniyak din ng House Speaker na hindi magsasara ang ABS-CBN kahit na matapos ang prangkisa sa katapusan ng susunod na buwan dahil makikipag-uganayan sila sa National Telecommunications Commission (NTC) habang nakabinbin sa Kamara ang usapin.

Samantala, hindi nagustuhan ni Cayetano ang gagawing pagdinig ng Senado sa franchise renewal ng broadcast giant na ABS-CBN.

Ayon sa mambabatas, labag sa konstitusyon ang gagawing imbestigasyon ng komite ni Senator Grace Poe.
Sinabi nito na nagtataka siya kung bakit atat na atat ang mga senador na pag-usapan ang ABS-CBN franchise gayong tiklop naman sa panukalang Charter Change o ChaCha.

Sinabi nito na nagtataka siya kung bakit atat na atat ang mga senador na pag-usapan ang ABS-CBN franchise gayong tiklop naman sa panukalang Charter Change o ChaCha.

Sang-ayon din aniya siya sa pagkwestyon ni Senate President Vicente “Tito” Sotto III kay Poe kung ano ang didinggin nito gayong hindi pa naman nasisimulan ng Kamara ang franchise hearing.

Kapag ibinasura ng Mababang Kapulungan ang franchise ng network ay wala namang dapat dinggin ang Senado.
Mainam, ayon kay Cayetano, na hintayin na lamang ng Senado ang resulta ng pagdinig sa franchise ng Kamara upang magkaroon sila ng records ng mga may gusto at ayaw sa franchise renewal.

Bukod dito, isang local bill din na maituturing ang franchise bill ng ABS-CBN kaya dapat na sa Kamara talaga ito magsisimula. (Ara Romero)

Ads February 21, 2020

Posted on: February 21st, 2020 by @peoplesbalita No Comments

Takot sa COVID-19, nabawasan

Posted on: February 21st, 2020 by @peoplesbalita No Comments

KAPANSIN-PANSIN na nabawasan na ang takot at pag-aalala sa bantang pagkalat ng 2019 Coronavirus Disease (COVID-19).

Iilan na lang ang nakasuot ng face mask at nabawasan na rin ang mga post sa social media na may kaugnayan sa nasabing sakit saan mang kalsada.

Sinundan ito ng paglilinaw ng mga ahensiya ng gobyerno na safe namang magdaos ng malakihang event sa bansa.
Matatandaang, nag-abiso ang Department of Health (DOH) sa publiko na iwasan muna ang pagdaraos ng events na mangangailangan ng malaking bilang ng attendees. Bagama’t, may ilang concerts na natuloy, binantayan naman nang todo para makaiwas sa COVID-19 ang mga nanood.

Hanggang sa inilabas na ang joint statement ng DOH, Department of Tourism (DOT) at Department of Interior and Local Government (DILG) na nagsasabing ligtas nang mag-organize at dumalo sa mga public gathering tulad ng concert, assembly at festival. Kasabay ang paalala na tiyaking may precautionary measures na sinusunod sa mga idaraos na events.

Meron pa ring pagsusuri sa temperatura ng mga dadalo sa malalaking pagtitipon at may mga ilalaang hand sanitizers sa venue kaya naman masasabing naroon pa rin ang pag-iingat.

Sa totoo lang, kahit walang COVID-19 o tuluyan nang mawala ang banta nito, dapat lamang talagang tiyakin ang kaligtasan ng lahat laban sa anumang uri ng sakit.

DILG nag-init sa galit: Ban vs tricycle, pedicab sa highways

Posted on: February 21st, 2020 by @peoplesbalita No Comments

NAGLABAS ng kanyang galit sa mga “pasaway” tsuper ng tricycle at pedicab si Department of the Interior and Local Government (DILG) Secretary Eduardo Año dahil sa patuloy nilang pag-iral sa mga national highway kahit matagal na itong ipinagbabawal ng batas.

Dahil dito ay inatasan ni Año ang mga local chief executive na magtatag ng ‘tricycle task force’ na bubuo ng ‘tricycle route plan’ sa ilalim ng Memorandum Circular 2020-036 sa kani-kanilang nasasakupan na dapat isagawa sa loob ng 30 araw pagkalabas nito.

Ginawa ng kalihim ang kautusan na nagbabawal sa mga tricycle, pedicabs, motorized pedicabs at habal-habal na dumaan sa main at national highways bunsod na rin ng road clearing operations kung kaya’t idinidiin ito sa mga lokal na pamahalaan.

“Matagal na nating ipinagbawal ang tricycles at pedicabs sa national highway ngunit ang daming pasaway,” sabi ni Año.

Aniya, dapat nang maging mahigpit ang mga mayor at pulis at siguruhing maipapatupad ang pagbabawal sa mga ito sa lansangan.

Babala ng kalihim, ang hindi susunod na LGUs sa kanyang direktiba ay iisyuhan ng show cause order na magsisilbing ‘ground’ para sampahan ng kasong administratibo na maaaring ikasibak nila sa posisyon.

Saklaw ng hihigpitan ang mga sasakyang tricycle, motorized pedicab at pedicab sa kahabaan ng nasabing mayorya na kalsada.

Tuloy niya, “Hindi lang ito nakasasagabal sa daan kundi nagiging sanhi rin ng sakuna sa kalye. Kaya dapat nang maging mahigpit ang mga mayor at ang pulis at siguruhing maipapatupad ang ban na ito.”

Pwede ang mga tricycle at pedicab sa mga national highway kung ito na lamang ang natitirang daan para sa kanila, ngunit hindi lahat ng dumadaan dito ay nasa tama. Meron pa rin bumabagtas dito bilang “shortcut” sa kanilang mahabang ruta.

Ang batas na nagtatakda dito ay ang Memorandum Circular 2007-01: “For safety reasons, no tricycles or pedicabs will operate on national highways utilized by 4-wheel vehicles greater than 4 tons and where normal speed exceed 40 KPH. However, the SP/SB may allow if there is no alternate route.”

Ang kautusan ay nagawa noong 2007, ngunit makalipas ang 13 taon, patuloy pa rin ang pagsaway dito ng ilan.
Ayon sa World Health Organization (WHO) noong 2016, 43% ng mga aksidente sa kalsada sa Southeast Asia mula sa mga two o three-wheeled vehicle.

Taong 2016, matatandaang naitala ang 2,658 disgrasya kaugnay ng mga tricycle, ayon kay John Juliard Go ng WHO Philippines.

Mami vendor sinisi pa: ‘Safety tips’ sa publiko, ibinida ng holdaper

Posted on: February 21st, 2020 by @peoplesbalita No Comments

“‘PRE pasensya kana, kinausap naman kita ng matino eh, ‘di mo kasi ibinigay…hindi sana mangyayari yun, ayaw mo kasi maniwala sakin eh.. kala mo nagbibiro ako.”

Ito ang mensahe ng suspek sa kanyang biktimang “pares mami” vendor matapos na masakote sa isinagawang follow up operation ng Manila Police District PS 5 kagabi sa Baseco, Port Area, Maynila.

Dahil sa nasabing mensahe at “piece of advice” na binitawan ng suspek na si Alexander Ogdamina, alyas Kalbo, 36-anyos, residente ng Gasangan, Baseco Compound, sa Port Area, ay kaliwa’t kanang pagbatikos ang natanggap niya ngayon sa social media.

Bukod pa rito, kumpiyansa pang pinayuhan ng suspek ang publiko kung ano ang gagawin kapag may nagtangkang mangholdap sa kanila.

“Kayong mga nakakarinig ng holdap, ibibigay niyo para ‘di kayo madisgrasya kasi kapag sinabing ituutuloy, itutuloy nila ‘yan para hindi kayo madisgrasya. Kapag naholdap kayo, ibigay niyo nalang para hindi na kayo mabaril,” ayon pa sa akala mong concern na suspek.

“Huwag pagsayangin ang buhay sa pera dahil pera lang yon,” dagdag pa ni Ogdamina.

Ayon pa sa suspek, ayaw aniyang ibigay ng biktimang si Samson Bautista ang kanyang sling bag kahit pa nakikiusap na ito kaya nagawa niyang barilin ang biktima.

Saad ni Ogdamina, kanya nang nagamit ang lahat ng pera na nanakaw sa pares vendor, at inamin ding lulong sa iligal na droga.

Itinangi naman ng suspek na gumamit siya ng iligal na droga nang mangyari ang insidente ngunit aminado siyang nakainom.

Aminado naman ang suspek na magsisi man siya ay nangyari na ang lahat kaya paninindigan na lamang aniya ang ginawa niya sa biktima.

Ang suspek ay mahaharap sa kasong robbery hold-up with frustrated murder at paglabag sa RA 10591 (Comprehensive Law on Firearms and Ammunition ).

Narekober sa suspek ang ginamit na baril sa biktima na magnum 357 at mga live magnum ammunitions.

Sa ngayon ay nanatiling nakaratay sa Gat Andres Bonifacio Memorial Medical Center (GABMMC) ang biktima dahil sa tinamong tama ng bala sa kanyang leeg kung saan napinsala ang kanyang cervical 6 at 7 na bahagi o nakakonekta sa spinal cord kaya posible umano itong ma-paralyze.

Matataandaan na Martes ng madaling araw ang harangin ng suspek ang biktima at kaibigan nito habang sakay ng kanilang mami food cart kung saan nagdeklara ng holdap at nang hindi ibigay ng biktima ang kanyang sling bag ay saka ito binaril sa leeg bago tuluyang tinangay ang bag ng biktima na naglalaman ng maghapong kinita sa pagtitinda.
(Gene Adsuara)

OPISYALES SA ‘pastillas modus’, sibak kay digong

Posted on: February 21st, 2020 by @peoplesbalita No Comments

SINIBAK ni Pangulong Duterte ang lahat ng opisyal at empleyado na sangkot sa pinakabagong iskandalo sa Bureau of Immigration (BI) kung saan pinapayagang makapasok ang mga Chinese national kapalit ng “pastillas” bribery scheme ilang libong piso.

Sinabi ni Presidential Spokesperson at Chief Presidential Legal Counsel Salvador Panelo na itinuturing ni Duterte na napakagrabe at matinding uri ng katiwalian ang bagong anomalya sa BI na “pastillas” bribery scheme at hindi kailanman palalampasin ng administrasyon.

Ayon kay Panelo, gaya ng paulit-ulit nilang sinasabi, walang “sacred cows” sa administrasyon at sinumang opisyal na magkakasala sa kanilang pagpapatupad ng tungkulin ay mapaparusahan.

Sa susunod na Cabinet meeting, tatalakayin umano ang isyu ng bribery sa Immigration.

“President Rodrigo Roa Duterte has relieved all officials and employees of the Bureau of Immigration who are involved in the latest bribery scheme where they purportedly facilitate the entry into — and exit from — Philippine territory of foreigners working for Philippine offshore gaming operators (POGOs) for an unauthorized fee,” ani Panelo.

Wala namang ideya ang kalihim kung ilang opisyal at empleyado ng BI ang kasama sa nasabing hakbang ng Punong Ehekutibo subalit ang alam niya ay nakitaan ng probable cause o prima facie kaya’t nagawa ito ng Pangulo.
Ang kasalukuyang situwasyon ngayon sa BI, at kung paano ito pinatatakbo ni Commissioner Jaime Morente, ay tatalakayin sa susunod na cabinet meeting.

Nananatili namang may tiwala si Duterte kay BI Commissioner Jaime Morente sa kabila ng may isyu ng pastillas scheme.

Matataandaan na pinag-utos na ng BI Commissioner na imbestigahan ang pastillas modus kung saan pinagbabayad ang mga Chinese ng P10,000 para mapadali ang immigration process paglapag sa Pilipinas.

“The President considers this anomaly, which some define as the ‘pastillas scheme’ as a grave form of corruption which cannot be countenanced by the government,” ayon kay Panelo.

Maging ang mga terminal head ng Ninoy Aquino International Airport at ang hepe ng travel control and enforcement unit ay inalis sa pwesto kasunod ng imbestigasyon.

“Any official or employee who commits any wrong in the performance of their respective duties shall be meted out with the punishment that they deserve and in accordance with our penal laws,” saad pa.

Samantala, lumantad na sa Senado kahapon (Huwebes) ang whistleblower kung saan binunyag nito ang sindikato sa Immigration na nasa likod ng multi-billion “pastillas” money-making scheme.

Inihayag ni Allison Aguas Chong, immigration officer sa BI Ninoy Aquino International Airport (NAIA), na simula nang tanggalin ng Department of Justice (DOJ) ang overtime pay ng immigration officer, doon na nagsimulang gumawa ng iligal ang ilang kawani ng BI.

At para mapunan ang bawas sa kanilang suweldo, ilang immigration officer ang nag-alok ng mga “VIP service” para sa mga immigrant partikular ang mga casino high-roller.

Ang VIP service ay kinasasangkutan ng mga immigration officer na tumatanggap ng P2,000 kada high-roller kapalit ng mabilisang pagpapalusot sa kanila.

Nang makitang may pera sa operasyon, nagdesisyon ang mga hepe ng Travel Control Enforcement Unit (TCEU) na sina Bien Guevrra, Glen Comia at Den Binsil, na dating tauhan ni Ports Operation Division chief Red Marinas, na i-takeover ang operasyon.

“These Chinese nationals were no longer required to under screening; they will simply let inside the Philippines without question or investigation,” sambit pa nito.

Sabi pa ni Chong, binura ang unang Viber Group Chat nang mag-imbestiga ang National Bureau of Investigation kaugnay ng iligal na aktibidad ng mga immigration officer.

Para maiwasang mabuking, nag-iba ng galaw ang operasyon ng grupo kung saan bawat Chinese ay sinasamahan na lang ng mga ito sa holding area ng TCEU.

Isang miyembro ng TCEU ang titingin kung ang pangalan ng isang Chinese ay nasa master’s list.
Kung nandoon, agad itong papayagang makapasok sa Pilipinas na hindi na dadaan sa screening o profiling.

Pinangalanan pa ni Chong ang nasa likod ng sindikato sa BI, kabilang dito sina Totoy Magbuhos, Deon Albao (alias “Nancy”), Paul Borja (alias “Lisa”), Anthony Lopez (alias “AL”) at Dennis Robles (alias “DR”).

Sabi pa ni Chong, kahit na wala na sa BI sina Guevarra, Comia at Binsol, napapatakbo pa umano nila ang kanilang operasyon sa Terminal 3.

Bawat immigration officer, ani Chong, ay tumatanggap ng P20,000 kada linggo para sa naka-assign sa Terminal 1 at P8,000 kada linggo naman para sa mga nakatalaga sa Terminal 3.

Ayon pa kay Chong, nagdesisyon siyang lumantad at tumestigo nang mapanood sa TV ang imbestigasyon ng Senado sa pangunguna ni Sen. Risa Hontiveros sa isyu ng tumataas na bilang ng prostitusyon sa POGO.

“I was compelled to come forward and share what I know based on my personal knowledge as a frontline immigration officer,” sambit pa nito. (Daris Jose/Ara Romero)

Incentives Trust Fund, itinatag ng POC sa mga atleta

Posted on: February 21st, 2020 by @peoplesbalita No Comments

SA hangarin na lalo pang humusay ang mga atletang Pinoy sa larangan ng sports, nagsagawa ang Philippine Olympic Committee (POC), sa pangunguna ng pangulo nitong si Abraham Tolentino, ng incentive plan para sa mga medalist ng bansa sa mga international multi-sports tournaments.

At sa kauna-unahang pagkakataon sa kasaysayan ng lokal na Olympic body, sinabi ni Tolentino na itinatag nito ang isang Athletes Incentives Trust Fund (AITF) na nagkakaisang inaprubahan sa ginanap na POC executive board meeting.

“It will give our athletes something to look forward to when they compete in international multi-sport events,” sabi ni Tolentino.

Subalit ang AITF ay nakatutok lamang sa pagbibigay ng pondo sa mga medal winners sa Olympics, Asian Games at Southeast Asian Games ayon sa PhilCycling chief.

“We will raise funding through the help of the private sector. We will be transparent with our sponsors, they will know that any financial aid will be intended purely for the trust fund,’’ sabi pa ni Tolentino.

Nagkaloob ang POC ng cash bonuses sa 149 gold medalists sa 30th Southeast Asian Games na ginanap sa Pilipinas at nagbigay din ito ng mga insentibo sa 117 silver at 121 bronze medal winners.

Ito ay hiwalay sa cash incentives na ibinibigay ng pamahalaan sa pamamagitan ng Philippine Sports Commission (PSC) at Philippine Amusement and Gaming Corporation (Pagcor) base sa batas kung saan ang mga gold-medal winners ay tatanggap ng P300,000 habang ang silver at bronze medal winners ay makatatanggap ng P150,000 at P60,000.

Maliban sa mga benepisyong pinansyal mula sa PSC at POC, nagbigay din ang Pangulong Rodrigo Duterte ng insentibo sa mga SEA Games medalists. (Ara Romero)

Puri ng 6-anyos ‘binaboy’, 15-anyos na kapitbahay tiklo

Posted on: February 21st, 2020 by @peoplesbalita No Comments

HAWAK agad kahapon (Huwebes) ng mga awtoridad ang 15-anyos na binatilyong inireklamo para sa umano’y paghalay sa 6-anyos na kapitbahay sa Pasay City.

Dinampot ng mga security guard ang binatilyo sa tinitirhan nitong condominium matapos ireklamo ng ina ng biktima Miyerkules ng gabi, ayon sa ulat ng Southern Police District.

Bago ito’y natagpuan ng ina ang anak na babae na umiiyak, at ipinagtapat ng bata na siya’y hinalay ng kanilang kapitbahay sa condo.

Tinanggal umano ng suspek ang kanyang saplot pang-ibaba saka siya pinatungan at ‘binayo’ ang kanyang pagkababae.

Nabatid na kapwa naninirahan ang grade 1 student at suspek sa ikasiyam na palapag ng naturang condominium nang yayain ng binatilyo ang bata sa ika-12 palapag at doon hinubaran bago pinuwersa ang ari sa murang katawan ng biktima.

Napag-alaman sa inisyal na imbestigasyon na dinala ng binatilyo ang grade 1 student sa 12th floor ng condominium at doon ito hinalay.

Isinasailalim na rin ang bata sa counseling at idinaan sa Medico Genital sa pangangasiwa ng crime lab habang patuloy ang isinasagawang imbestigasyon ng Womens and Children Protection Desk ng Pasay City Police sa nasabing kaso.