IGINIIT ni Senate President Sherwin Gatchalian na walang epekto sa nagpapatuloy na impeachment trial ni Vice President Sara Duterte ang kasong grave threats na isinampa laban sa kanya sa Quezon City RTC, kahit pa may inilabas nang warrant of arrest.

Sa panayam sa radyo, binigyang-diin ni Gatchalian na magkaiba ang regular courts at impeachment court, kaya’t hindi maaaring iugnay ang proseso ng isa sa isa pa.

“Personal opinion ko ito. Walang effect sa akin at sa impeachment dahil iba naman kasi ‘yung sa korte at ‘yung sa impeachment,” aniya.

Nilinaw pa ng Senate President na ang probable cause na nakita ng korte ay hindi nangangahulugang guilty na ang hatol laban kay Duterte.

Kasabay nito, nanawagan si Gatchalian sa mga awtoridad na seryosohin ang mga pahayag ni Duterte hinggil sa mga banta at pangha-harass.

“Dapat kung meron man banta… dapat seryosohin ito,” ani Gatchalian, sabay panawagan sa kapulisan na imbestigahan kung saan nanggagaling ang mga banta.

Giit niya, mahalaga ang kaligtasan ng lahat — mula sa mataas na opisyal ng gobyerno hanggang sa ordinaryong mamamayan.

Nagpiyansa na si Duterte sa Quezon City court matapos lumabas ang warrant of arrest kaugnay ng kasong grave threats. Sa kanyang pahayag, sinabi ng bise presidente na may dokumentado siyang threats and harassment mula pa noong 2023, at iginiit na hindi siya ligtas maging ang kanyang mga anak. (DARIS JOSE)

PAYAPA at walang naitalang gulo ang Manila Police District (MPD) sa unang araw ng 2026 Bar Exam sa University of Sto. Tomas at San Beda University kahapon.

Ayon kay Manila Police District (MPD) Director PBGen. Arnold Santiago, nasa 348 na pulis ang naka-deploy sa testing sites—180 sa UST na ipinoste sa mga gate sa Padre Noval at Lacson Avenue at 168 naman sa San Beda University na may drop-off points sa Concepcion Aguila at J.P. Laurel Sts.

Bago ito, bandang alas-4:30 ng madaling araw nang mag-inspeksyon si Santiago kasama si Manila Mayor Francisco “Isko Moreno” Domagoso upang tiyakin ang inilatag na seguridad at paghahanda sa bar exams.

Sinabi ng alkalde na nakaantabay naman ang lahat ng resources ng pamahalaang lokal kabilang ang Manila City Disaster Risk Reduction and Management Department para sa emergency at medical assistance; Manila Traffic and Parking Bureau para sa pagsasaayos ng trapiko; Department of Engineering and Public Works (DEPW) na namamahala sa pagtatayo ng mga tents, nagkabit ng mga karagdagang ilaw at binawasan ang mga sanga ng mga puno at inayos ang mga drainage.

“I wish the bar examinees, sana pumasa silang lahat. Sa mga magulang naman na nag-aalala sa kani-kanilang tahanan, pumanatag kayo. The entire resources of the City Government and MPD is in place para maging panatag ang Bar Examination ngayon 2026 Everything is in place,” anang mayor. (Gene Adsuara)

(DA) Assistant Secretary at Tagapagsalita Arnel de Mesa ang tunay na sitwasyon ng mga lokal na magsasaka at ang mga pangunahing suliraning kinakaharap ng sektor ng agrikultura sa bansa. Isinagawa ang talakayan upang ilatag ang mga hakbang at tugon ng kagawaran para sa pagtataguyod ng seguridad sa pagkain at pagtiyak ng makatarungang presyo ng mga bilihin para sa mamamayan.

Binigyang-diin ni De Mesa na nakasalalay ang kinabukasan ng sambayanang Pilipino sa bawat butil ng palay at produktong inaani sa bansa. Gayunpaman, kinikilala ng opisyal na nananatiling malaking hamon ang pagtiyak ng sapat, masagana, at abot-kayang pagkain sa bawat hapag-kainan dahil sa epekto ng pabago-bagong panahon, patuloy na pagtaas ng presyo ng mga kagamitang pang-agrikultura, at mga suliranin sa supply chain.

 (SER MORALES Sr.)

ITO ang reaksyon ni Akbayan Partylist Rep. Perci Cendaña sa pahayag ni Vice President Sara Duterte na hindi niya nararamdamang ligtas siya matapos magtungo sa korte matapos pagpapalabas ng warrant of arrest laban sa kanya.

“Yung pamilya mo sanay na mang-EJK ng mahihirap at gamitin ang batas para i-harass ang mga kritiko nyo. Pero pag idinadaan sa due process ang pagpapanagot sa inyo, you “don’t feel safe?” Such an entitled brat!” ani Cendaña.

Nitong Agosto, naghain ang Department of Justice ng tatlong counts ng grave threats laban sa VP kaugnay sa pahayag niya na kumuha umano siya ng indibidwal para patayin sina President Ferdinand “Bongbong” Marcos Jr., First Lady Liza Araneta Marcos, at dating Speaker Martin Romualdez.

Kasunod nito, naghain ang kampo ni Duterte ng motion to quash on the ground of jurisdiction.

Sa kautusan ng QC Regional Trial Court Branch 98, nakitaan ito ng probable cause para paharapin sa trial si Duterte.

Ang piyansa ay itinakda sa P120,000 per count. (VINA de GUZMAN)

Sa ceremonial signing, binigyang-diin ng Pangulo na ang reporma ay nakatuon sa mga higit na nangangaila­ngan, partikular ang mga benepisyaryo ng Pantawid Pamilyang Pilipino ­Program (4Ps).

Ayon kay Marcos, umakyat na sa 2.6 milyon ang bilang ng Free Higher Education Beneficiaries ngayong unang semestre mula sa dating dalawang milyon.

“Ang edukasyon ang susi sa kakayahan at kaunlaran, kaya ito ang pangunahing prayoridad ng administrasyon,” giit ng Pangulo, kasunod ng kanyang pahayag sa SONA.

Inatasan din niya ang CHED, TESDA, UniFAST, at iba pang ahensiya na tapusin agad ang implementing rules and regulations upang masiguro ang maayos na pagpapatupad ng batas.

BAGSAK sa kulungan ang isang construction worker na sangkot umano sa droga nang maaresto habang naglalaro ng ilegal na sugal kasama ng isang pedicab driver sa Valenzuela City, kamakalawa ng hapon.

Sa ulat, habang nagsasagawa ng Anti-Criminality Operation ‘Oplan Galugad’ ang mga tauhan ni Valenzuela Police Chief P/Col. Joseph Talento nang maaktuhan nila ang dalawang indibidwal na nagsusugal umano ng ‘cara y cruz’ sa loob ng isang basketball court sa Cadena De Amor St., Brgy., Balangkas pasado alas-5 ng hapon.

Kaagad nilapitan nina PSSg Santos at PSSg Pingad ang dalawa sabay nagpakilala bilang mga pulis na kapwa nakatalaga sa Valenzuela Police Sub-Station 5 saka ipinaalam sa kanila ang kanilang nilabag na kasalanan bago inaresto.

Nakumpiska sa dalawa ang perang taya sa sugal, pangara at isang plastic sachet na naglalaman ng hinihinalang shabu na nakuha umano kay alyas “Dominador”, 49, residente sa nasabing barangay.

Ayon kay SDEU investigator PSSg Alfredo Mendoza III, na-inquest na ang suspek kaugnay sa kasong paglabag sa PD 1602 (Anti-illegal Gambling Law) at R.A 9165 (Comprehensive Dangerous Drug Act of 2002) sa Valenzuela City Prosecutor’s Office. (Richard Mesa)