SA PAGSADSAD ng piso, ₱62.680 sa US dollar nitong September 11, dapat paghandaan ng gobyerno ang pagbibigay ng dagdag tulong sa mga mamamayan laban sa mataas na presyo ng gasolina, kuryente, pamasahe at serbisyo, ayon kay Manila Rep. Rolando Valeriano.

“A weaker peso makes imported oil and other dollar-priced energy inputs more expensive. Government should prevent these costs from cascading into higher fares, power bills, food prices, and other basic expenses,” sabi ni Valeriano.

Ayon kay Valeriano, dapat bigyan ng karagdagang tulong o subsidiya ang mga mahihirap na kumukonsumo ng hindi tataas ng 200 kWh sa kuryente. Karagdagang suporta sa mga PUV at TNVS drivers at operators sa pamamagitan ng pansamantalang suspension sa pagbabayad ng motor vehicle registration fees. Subsidiya sa EDSA Carousel buses o discount sa mga expressways sa mga kwalipikadong behikulo.

“Hindi natin kontrolado ang galaw ng dolyar o ang presyo ng langis sa world market. Pero kontrolado natin kung gaano kabilis at kaepektibo tutugon ang gobyerno upang maitaguyod ang kapakanan ng mga manggagawa, commuter, at maliliit na negosyo. These measures need not be permanent. They are meant to give families, workers, and businesses some breathing room while fuel and energy costs remain high,” sabi ni Valeriano. (VINA de GUZMAN)

HUMIGIT-KUMULANG 3,000 residente ng Malabon ang nakinabang sa iba’t ibang serbisyo at tulong sa pamamagitan ng “Handog ng Pangulo 2026 Serbisyong Tapat Para Sa Lahat,” na pinangunahan ng pambansang pamahalaan katuwang ang Pamahalaang Lungsod ng Malabon, bilang bahagi ng pagdiriwang ng kaarawan ni Pangulong Ferdinand “Bongbong” Marcos Jr. noong September 13.

Ang aktibidad na ginanap sa Malabon Sports Center at Atis Court sa Barangay Potrero ay pinagsama-samang iba’t ibang ahensya ng pambansang pamahalaan at mga tanggapan ng Pamahalaang Lungsod, upang mas madali at maginhawang makakuha ang mga residente ng iba’t ibang serbisyo at tulong-publiko.

“Ang serbisyo ng gobyerno ay dapat nararamdaman at madaling naaabot ng ating mga kababayan. Sa pamamagitan ng Handog ng Pangulo, mas napalapit natin sa mga Malabueño ang iba’t ibang serbisyo at tulong mula sa national at city government. Naging mas madali para sa ating mga residente na makuha ang serbisyong kailangan nila,” ani Mayor Jeannie Sandoval.

Kabilang sa mga programa ang pamamahagi ng tulong sa ilalim ng AICS ng DSWD, Information Booth para sa Sustainable Livelihood Program, Wireless Mental and Psychosocial Support Program. Namahagi rin ang DOLE ng ₱1.96 milyong allowance sa 260 benepisyaryo ng Government Internship Program at sa 300 benepisyaryo ng SPES.

Sa pamamagitan ng Kadiwa ng Pangulo, nasa 1,000 indibidwal ang nakabili ng mga produktong abot-kaya ang presyo, kabilang ang ₱20 bawat kilo ng bigas habang. nagbigay din ang Department of Agriculture (DA) ng mga serbisyong beterinaryo sa 100 benepisyaryo.

Nakakuha rin ang mga residente ng mga serbisyo mula sa iba’t ibang programa ng Department of Health (DOH), at sa PhilHealth para sa pag-generate ng PhilHealth Identification Number, paglabas ng mga ID at Member Data Record, at mga serbisyong YAKAP at GAMOT.

Kabilang sa iba pang serbisyo ang pagproseso ng NBI Clearance, police clearance mula sa PNP, Business Name Registration at Business Counseling mula sa DTI, legal konsultasyon mula sa DOJ, at National ID Registration sa pamamagitan ng PSA.

Samantala, tumanggap ng kanilang training allowance mula sa Technical Education and Skills Development Authority (TESDA) ang 25 nagtapos ng Computer Systems Servicing National Certification II.

Dumalo sa nasabing okasyon sina NBI Director Atty. Melvin Matibag, na kumatawan sa Pangulo, NHA District Manager Ms. Mishella T. Cruz; DTI CPAB-Advocacy Assistant Division Chief Ms. Vivien Alarcado; PhilHealth NCR North Branch Manager Mr. Rey T. Balena; City Administrator Dr. Alexander Rosete; First Gentleman Cong. Ricky Sandoval; at mga konsehal ng lungsod.

Nangako rin si Mayor Sandoval na patuloy siyang makikipag-ugnayan sa iba’t ibang ahensya ng pambansang pamahalaan upang matiyak na mas maraming programa, serbisyo, at oportunidad ang makakarating sa mga Malabueño na tutugon sa kanilang mga pangangailangan. (Richard Mesa)

News 2 with photo attached 

Pampublikong paaralan ng Valenzuela, nakatanggap ng Libreng Wi-Fi at Digi-Education

MATAGUMPAY na inilunsad ang “Connecting Futures: Free Wi-Fi for Public Schools and Digi-Education for Students and Teachers”, isang inisyatiba na pinangunahan ng PhilTower MIDC katuwang ang Synergeia Foundation kung saan isa ang Lungsod ng Valenzuela sa 12 napiling LGU na benepisyaryo ng libreng Wi-Fi program.

Sa panahon ng mabilis na digitalization, ang pag-access sa isang koneksyon sa internet ay nagiging higit na isang pangangailangan na umaabot sa sektor ng edukasyon, kung saan ang ilang mga nakahiwalay at disadvantaged na komunidad na kulang sa koneksyon sa internet ay kadalasang nahaharap sa mga hamon habang ang kanilang mga mag-aaral ay nahuhuli sa naturang mga pagsulong sa teknolohiya.

Kaya naman, ang paglulunsad ng nasabing programa ng PhilTower MIDC sa pakikipagtulungan ng Synergeia Foundation, ay pumupuno sa puwang na ito sa mga pangangailangang pang-edukasyon ng komunidad. Ang inisyatiba na ito ay naglalayong palakasin ang koneksyon sa pagitan ng mga mag-aaral at ng digital world para isulong ang pantay na pag-access sa kaalaman at mga digital na mapagkukunan.

Ang proseso sa pagpili ng unang 12 LGU ay sa pamamagitan ng mga pamantayan tulad ng Geographically Isolated and Disadvantaged Area Communities (GIDA), mga komersyal na prayoridad ng PhilTower, at mga kasosyo sa edukasyon ng Synergeia Foundation.

Ang mga piling pampublikong paaralan ay makakatanggap ng unit ng Starlink Wi-Fi na may internet subscription na ganap na sakop ng PhilTower MIDC at Synergeia Foundation. Bukod sa isang libreng koneksyon sa Wi-Fi, ang mga mag-aaral at tagapagturo ay nabigyan din ng access sa Digi-Education, isang serye ng mga digital na mapagkukunang pang-edukasyon.

Layon ng proyekto na maabot ang mga komunidad mula sa lahat ng bahagi ng bansa, lalo na ang maliliit na bayan na nahihirapan sa koneksyon sa internet, at bigyan sila ng isang mabilis na koneksyon na magbubukas ng higit pang mga pagkakataon sa pag-aaral para sa mga mag-aaral.

Kapwa binigyang-diin nina Mr. Devid Gubiani, Pangulo at CEO ng PhilTower MID, at Dr. Nene Guevara ng Synergeia Foundation ang layunin ng programang ito upang itaguyod ang katarungan sa edukasyon at bigyang kapangyarihan ang bawat indibidwal sa pamamagitan ng malakas na digital na koneksyon.

Sa kanyang welcome remarks, nagpasalamat si Mayor WES Gatchalian sa mga bukas-palad na sponsor para sa malaking halaga ng suporta sa lokal na pamahalaan sa pagpapatupad ng mga hakbangin nito sa paghahatid ng kalidad at pantay na edukasyon. “Dati ho, ang internet connectivity was a luxury; but now, it’s become a basic need for everybody. When I say ‘everybody’, that includes our learners and our students. I’m very thankful for the support of PhilTower and Synergeia for contributing free Wi-Fi access and strengthening the digital requirements of our public schools.”
(Richard Mesa)

TINIYAK ni Pangulong Ferdinand R. Marcos Jr. sa mga Pilipino na sapat ang suplay ng pagkain sa bansa habang nagsasagawa ang administrasyon ng mga hakbang upang mabawasan ang epekto ng patuloy na kaguluhan sa Middle East, partikular ang pagtaas ng presyo ng langis at iba pang pangunahing bilihin.

Sa isang Kapihan matapos ang kanyang paglahok sa 18th BRICS Summit sa New Delhi, India, sinabi ni Pangulong Marcos na nakatuon ang pamahalaan para magkaroon ng sapat na suplay ng pagkain at pagpapanatiling abot-kaya ang mga presyo, habang patuloy na naaapektuhan ng tensiyong geopolitical ang energy markets at global supply chains.

“There are certain things that you cannot control, you have no influence over, such as the war in Iran and the volatility of the prices of oil. You can, however, do something about food,” ani Pangulong Marcos.

“So, ’yun ang tinitiyak namin. That’s why in the past few days, marami kayong naririnig, sapat ang food supply dito sa atin sa Pilipinas,” dagdag ng Pangulo.

Sinabi ni Pangulong Marcos na bahagi ng estratehiya ng administrasyon ang pagtiyak sa sapat na suplay ng pagkain upang hindi maapektuhan ng sigalot sa Middle East ang pang-araw-araw na pamumuhay ng mga Pilipino.

Binigyang-diin ng Pangulo na partikular na tinututukan ng pamahalaan ang pagpapababa ng presyo ng pagkain habang patuloy na nagbibigay ng ayuda sa mga mahihirap na pamilya.

Bilang bahagi ng mga hakbang na ito, ibinahagi ni Pangulong Marcos na isinusulong ng Pilipinas ang posibleng pangmatagalang kasunduan sa suplay ng bigas sa Vietnam.

Sinabi ng Pangulo na tinalakay ang usapin sa kanyang 20-minutong bilateral meeting sa Vietnamese leader sa sidelines ng BRICS Summit kung saan kabilang sa mga napag-usapan ang rice imports, presyo ng bigas at posibilidad ng isang long-term contract.

“We talked about rice and rice importation and talking about a long-term contract. We talked about pricing. Hindi pa tapos. We’ve been talking about this for a long time,” ani Pangulong Marcos.

Binigyang-diin ng Pangulo na layunin ng mga pag-uusap na matiyak ang matatag na suplay ng bigas at mapababa ang presyo ng pagkain para sa mga Pilipinong mamimili.

“I am so concerned that the food prices have to come down, and we’re trying to do everything. At patuloy naman yung pagtulong natin sa mga hindi, yung walang may kaya para at least meron silang kinakain,” pahayag pa ni Pangulong Marcos.

Kabilang sa mga prayoridad na sinabi ng pamahalaang isusulong ng Pangulo sa BRICS Summit ang food at energy security, kasunod ng mga talakayan hinggil sa mga geopolitical conflict at epekto nito sa pandaigdigang kalakalan at supply chains.

Pinuri rin ni Pangulong Marcos ang mga local government unit sa pagtulong sa national government sa paghahatid ng ayuda sa mga komunidad, partikular sa panahon ng mga emergency at kahirapang pang-ekonomiya.

“And everybody is pitching in talaga. It’s always become very much a whole government approach,” ayon pa sa Pangulo.

Sinabi ng Pangulo na ang mas mahigpit na koordinasyon sa pagitan ng national at local government ay nakatulong upang mapalakas ang kapasidad ng pamahalaan na maabot ang mga vulnerable na Pilipino at maipagpatuloy ang pagbibigay ng tulong habang nagpapatuloy ang mga panlabas na hamon sa ekonomiya. (DARIS JOSE)

SINABI ni Pangulong Ferdinand R. Marcos Jr. na pinabibilis ng pamahalaan ang paggastos upang mapalakas ang ekonomiya at makalikha ng mas maraming trabaho. Aniya, inaasahan ng pamahalaan na makakahabol ang implementasyon ng mga proyekto sa mga susunod na buwan.

Sa Kapihan forum bago umalis ng India, sinabi ng Pangulo na makatutulong ang pagpapabilis ng paggastos sa pagpapasigla ng ekonomiya matapos maantala ang ilang proyektong pang-imprastraktura.

“We will be current in public spending in the next couple of months,” ayon sa Pangulo.

Ipinaliwanag ng Pangulo na bumagal ang paggastos sa imprastraktura matapos suriin ang mga kontrata kasunod ng 2025 State of the Nation Address.

“DPWH wasn’t spending kasi walang bagong kontrata kasi tinitingnan lahat ng kontrata kasi marami-rami ‘yon. Na-delay ngayon. That’s what happened,” ayon sa Pangulo.

Ayon kay Pangulong Marcos, naapektuhan din ng pagsusuri ang iskedyul ng bidding para sa mga proyekto ng pamahalaan, kaya lalo pang naantala ang implementasyon.

“This time wala na-bid. Na-delay nang na-delay nang na-delay,” ayon sa Pangulo.

Sinabi ng Pangulong Marcos na ang pagpapabilis sa implementasyon ng mga proyekto ng pamahalaan ay makatutulong sa paglikha ng trabaho at pagpapalago ng ekonomiya. ( DARIS JOSE)