LUMALAKI at dumarami na rin ang sangkot sa isyu ng “clean money” na sinimulan nina Mimiyuuh at Esnyr sa kanilang mukbang collab vlog. 

Naging isyu dahil ang P.A. ni Heart Evangelista ay nag-react sa naging pahayag ng dalawa na hinahangaan nila si Anne Curtis dahil clean money ang kung anuman meron ito.

In all fairness talaga, wala silang binanggit na pangalan ng kahit sino na hindi clean money. Kaya noon pa lang, nagulat na kami kung bakit nag-super react ang P.A. ni Hearty.

Pero hindi rito nagtapos. May pa-blind-item din si Heart tungkol naman sa influencer nang mag-guest ito sa show na “Your Honor” nina Chariz Solomon at Buboy Villar. 

Hirit ni Heart, ito, “‘Yung hindi ko ma-take ang ibang influencer kung umasta… Yabang mo, sis! I hate that. Natu-turn off ako.”

Hindi rin naman nagbanggit ng pangalan si Heart kung sino ang influencer, pero ang mga netizens na mismo ang may hula at nagpangalan na mukhang si Mimiyuuuh raw ang pinariringgan.

At heto ngayon, si Raymond Gutierrez, may patama rin sa post na “While others are so focused on fashion and what’s on sale or not, this is the state of our country,”

Si Heart naman ang iniisip ng mga netizen na baka pinatatamaan daw ni Raymond.

Naikokonek din kasi na alam ng karamihan na longtime friends sina Raymond at Anne.

Naku, sa totoo lang, nando’n pa rin talaga kami sa wala naman kasing pinangalanan sina Esnyr at Mimiyuuh. ‘Pag gano’n, mas safe pa rin talaga na ‘wag na mag-react.

***

NAGKAPALIT ng mga karakter na karaniwang ginagawa nila sina Wilbert Ross at Eric Ejercito. 

Si Wilbert kasi ang action dito, while si Eric ang more on sa romance side.


Silang dalawa ang mga bida sa pelikulang “The Guardian” ng VIVA Films, 

Ang director ng movie ay si Jeong Jang Hwan (Steel Rain, Save the Green Planet!), at pinagbibidahan din ng Infinite vocalist na si Nam Woo-hyun. Ang Korean actress na si Park Eun-hye, na best known epic drama series Jewel in the Palace. At kasama rin si Yassi Pressman.

Collaboration itong talaga ng Pinoy at Korean kunsaan, 100% dito sa bansa ang location. 

Nagulat sa mediacon ng “The Guardian” sina Eric at Wilbert. Do’n lang kasi nila nalaman na international pala ang release ng movie. Parang naging surpresa sa kanila. 

Ang “The Guardian” ay showing na sa September 2.

NAGLULUKSA ngayon si Sue Ramirez sa pagpanaw ng kanyang ina na si Concepcion “Chit” Dodd. 

Si Mommy Chit ay isang lider-manggagawa na nagsilbi bilang vice president ng Trade Union Congress of the Philippines (TUCP).

Kinumpirma ito ng aktres sa pamamagitan ng Instagram story nitong Martes, Agosto 18, na kung saan ibinahagi ang larawan nilang mag-ina na kuha noong birthday celebration niya.

“Mahal na mahal kita,” post ni Sue kasama ang white heart emoji.Sa kasunod na post, ibinahagi niya isang video clip na kung saan nasa loob siya ng kotse na nasa biyahe at habang malakas ang ulan.

“Kasabay kong umiiyak ang langit,” pahayag ng aktres.

Agad din na nag-post ng pakikiramay ang dating kasintahan ni Sue na si Negros Occidental Rep. Javi Benitez

“This is how I will remember Mommy Chit… flowers in her arms, that radiant smile, beautiful and completely herself,” panimula sa kanyang Facebook page kasama ang 

larawan ng ina ni Sue na hawak ang bouquet of flowers na ibinigay niya.

“Make no mistake, she was not soft. She had strong opinions and stronger principles, and she fought for the Filipino worker like it was personal. “So when she smiled at you like this, you knew you mattered. I brought her flower whenever I could. She always gave back more,” pagpapatuloy pa niya.

Nagpaabot din si Javi ng pakikiramay at panalangin para sa pamilya ng dating girlfriend.

“A daughter of Sipalay, Negros Occidental. My deepest condolences and prayers to her loved ones.

“Salamat sa imo kabuhi nga ginhalad para sa mga mamumugon. Pahuway na, Tita.(Salamat sa paglaan ng buhay mo sa pagtulong sa mga manggagawa. Pahinga na, Tita.)”

Our deepest condolences to the family.

IPINAHAYAG ng magandang teen actress na si Xia Vigor na masaya siya dahil ang mga plano ng Viva at ni Boss Vic del Rosario para sa kanya ay unti- unti nang natutupad.

Aniya, “Masaya po ako kasi nakikita kong nangyayari na iyong mga plan ng Viva for me, na na-mention nila na matalagal na po. 

“Like, siguro 2023 ay may mga plano na po si Boss Vic. Finally, may mga nagagawa na po sa plan and super excited po ako kung ano iyong abutin ng plan nila for me sa career ko, sa magiging journey po.”

Pagpapatuloy pa ni Xia, “I’m super-grateful po, kasi ay sunod-sunod ang mga project na ibinibigay nila sa akin ngayon. And nararamdaman ko po iyong pag-value nila sa akin, na hindi ko po ma-feel especially po kay Boss Vic na parang business lang ang inisiip nila. 

“Kasi mapi-feel mo talaga na Boss Vic treats you like a family, na may paki po talaga siya sa iyo, kaya super-grateful po ako sa Viva at kay Boss Vic.”

Nabanggit din Xia na hindi niya agad naintindihan nang sinabi ni Boss Vic sa kanya na may gagawin siyang movie.

“Kasi po, noong last time kaming pumunta sa Viva office para i-finalized yung project na gagawin ko, sinabi po sa akin ni Boss Vic na, ‘Xia, gagawin na iyong Second Miracle…’  Masaya po siya nang sinabi niya iyon sa akin, pero hindi ko po ma-gets ang sinabi niya. Bale, hindi ko po alam na MMFF movie pala iyon dahil wala pa pong nagsabi sa akin.

“So, sabi ko lang po, ‘Ah, sige po.’ Hindi man lang ako nakapag-thank you po kay Boss Vic,” natatawang sambit pa ni Xia.

“Nalaman ko lang po fully, na nag-sink-in na sa akin iyong sinabi po ni Boss Vic siguro after two days nang nag-post po ang Viva na official entry – ‘2nd Miracle In Cell No. 7’  … Doon pa lang po nag-sink-in sa akin, doon pa lang po ako nagtatatalon,” nakangiting pakli pa niya.

Nabanggit din ni Xia na dream come true sa kanya ang muling makasama si Aga Muhlach sa isang Metro Manila Film Festival project na part 2 ng kanilang blockbuster entry na “Miracle In Cell No. 7” noong 2019.

Saad niya, “Dream come true po talaga iyon sa akin since matagal na rin po akong hindi gumawa ng MMFF project. Ang first and last ko po ay iyong Miracle… na una.

“Siyempre I think it’s everyone’s dream naman lagi na makasali po rito, kasi iyon ang time na buhay talaga ang cinema. Tapos, maraming families ang nagpa-plan for Christmas na manood dito… So maingay siya, inaabangan siya at masaya iyong parade sa MMFF. So, grabe po ang core memories nito sa akin noong bata pa po ako.

“So, hindi ko po alam kung paano nila mae-execute talaga. Ang nasabi pa lang po sa akin, parang prequel-sequel siya, na ipapakita yung life ni Yesha (Xia) after ng tragic na nangyari sa father niya, kung paano siya nag-cope with all that.

“I think magiging inspiring siya sa mga kabataan, na makikita ang mga struggle niya pero sa huli ay magiging okay naman siya. Tapos ay naging lawyer pa siya paglaki niya, na nakita naman po natin sa part 1 ng movie,” masayang wika pa ng 17 year old na bagets. 

Incidentally, si Xia ay may mahalagang papel sa Viva One series na “Love U Lots” na tinatampukan din nina Wilbert Ross, Bea Binene, Katya Santos, Janno Gibbs, Candy Pangilinan, Vito Quizon, at iba pa.