NAGHAIN ng House Resolution si Caloocan City 2nd District Representative Edgar Erice, kasama sina Representatives Leila de Lima, Cielo Krisel Lagman, Presley De Jesus, at Elijah San Fernando na nag-uutos sa naaangkop na Committee ng House of Representatives na magsagawa ng inquiry, in aid of legislation, sa Pax Silica Agreement at sa pagpapatupad nito.

Ang proposed inquiry ay naglalayong tukuyin ang mga implikasyon ng kasunduan sa pambansang soberanya, pambansang seguridad, pamamahala ng datos, proteksyon sa kapaligiran, seguridad sa ekonomiya, at kasapatan ng mga umiiral na batas ng Pilipinas na namamahala sa artificial intelligence, estratehikong digital na imprastraktura, at pakikilahok ng dayuhan sa critical industries.

Binigyang-diin ni Rep. Erice na ang resolusyon ay hindi naglalayon na pigilan ang mga pamumuhunan, sa halip ay upang matiyak na ang mga proyekto ng pambansang kahalagahan ay magpapatuloy nang may ganap na transparency, pananagutan, at mga pananggalang para sa mamamayang Pilipino.

“The Philippines should welcome investments that create jobs, advance innovation, and strengthen our position in emerging technologies. However, Congress has a constitutional duty to ensure that projects of this magnitude are economically sound, fiscally responsible, environmentally sustainable, legally transparent, and genuinely beneficial to the Filipino people.” aniya.

Ayon sa mga mambabatas, layon nito na itatag kung mayroong sapat na legal at regulatory safeguards bago ganap na maipatupad ang mga malakihang estratehikong proyekto.

Kabilang sa mga pangunahing isyu na inaasahang susuriin ay: ang total projected public and private investments and the extent of firm financial commitments; Government incentives and the expected return on public investment; Ownership, operation, and control of strategic infrastructure; National security, cybersecurity, and data governance safeguards; Adequacy of power and water resources without adversely affecting existing consumers, Environmental impacts and sustainability measures;Technology transfer commitments and development of Filipino expertise; Employment opportunities for Filipinos across all skill levels; Participation of local enterprises in the project’s supply chain; and

Measurable public benefits and accountability mechanisms over the life of the project.

Layon ng resolusyon na tukuyin kung ang mga kasalukuyang batas ng Pilipinas ay nananatiling sapat upang pamahalaan ang mabilis na umuusbong na mga teknolohiya tulad ng artificial intelligence at strategic digital infrastructure, o kung kailangan ng mga legislative reforms.

Binigyang-diin ng mga may-akda na ang Kongreso ay may mahalagang tungkulin sa pagbabantay sa pagtiyak na ang mga pamumuhunan na kinasasangkutan ng mga kritikal na industriya ay sumusulong sa pangmatagalang pambansang interes ng bansa. (Richard Mesa)

ITO ang naging pahayag ni Leyte Rep. Ferdinand Martin G. Romualdez sa gitna ng mga ulat na sasampahan na siya ng kasong plunder ng Office of the Ombudsman.

Aniya, pinipilit ng Ombudsman ang kaso sa kanya at gagamitin ang mga testigo na nauna na nilang na- discredit at sinampahan pa ng kasong cyberlibel at perjury.

“Ito ba ang patas na imbestigasyon? Mga testigong ibinasura na, kinasuhan pa ng cyberlibel at perjury — gagamitin pa rin para lang ituro ako at ako lamang. Hindi ako uurong sa laban na ito. Hindi ako matitinag. Gawin natin ang tama,” giit ng dating Speaker.

Naunang nagpahayag ng katiyakan ang Ombudsman na sasampahan nila ng kasong plunder si Romualdez kaugnay ng umano’y iregularidad sa pambansang budget.

Ayon kay Ombudsman Jesus Crispin Remulla, ang kaso laban sa dating Speaker ay “ready for preliminary investigation.” (Vina de Guzman)

NASAMSAM ng Philippine Coast Guard (PCG) at Philippine Drug Enforcement Agency (PDEA) ang 75 kilo ng hinihinalang shabu na may standard drug price na ₱510 milyon sa magkasanib na operasyon ng mga awtoridad sa Batangas Port, Batangas City.

Ayon kay PCG Spokesperson Commodore Noemie Cayabyab, hinarang at hinalughog ng mga awtoridad ang isang puting van na nagresulta sa pagkakarekober ng 75 pakete na gawa sa foil na naglalaman ng puting mala-kristal na hinihinalang shabu. 

Tatlong suspek—dalawang lalaki at isang babae—ang naaresto sa operasyon. na pawang mga residente ng Barangay Talon-Talon, Zamboanga City, ang mga suspek at nahaharap sa kasong paglabag sa Section 5, Article II ng Republic Act No. 9165 o Comprehensive Dangerous Drugs Act of 2002.

Dinala at itinurn-over sa PDEA ang mga naarestong suspek, kasama ang mga nakumpiskang ebidensya, para sa kaukulang disposisyon at pagsasampa ng mga naaangkop na kaso. (Gene Adsuara)

GINAWARAN si Malabon City Mayor Jeannie Sandoval ng Eternal Flame of Governance Trophy ng RP Mission and Development Foundation Inc. (RPMD) para sa unang ranking survey ng organisasyon sa mga top performing mayors sa Pilipinas, na kinikilala ang kanilang namumukod-tanging serbisyo publiko, integridad, pagbabago, at patuloy na pangako sa pagpapabuti ng buhay ng kanilang mga nasasakupan sa pamamagitan ng epektibong pamamahala.

Ang pagkilala ay iginawad kay Mayor Jeannie matapos niyang makakuha ng 88.02% Index of Governance, 87.85% Trust Rating, at 88.20% Performance Rating No. 1 sa Ang “Boses ng Bayan” na sumusukat sa tiwala ng publiko, pamamahala, at pagganap ng pamumuno sa mga lokal na punong ehekutibo sa buong bansa.

Pormal na tinanggap ni Mayor Sandoval ang Eternal Flame of Governance Trophy mula sa mga opisyal ng RPMD na sina Mr. DJ Villanueva, Mr. Ivan Vargas, at Mr. Phyns Patalinghug sa isang awarding ceremony kasabay ng kanyang ikaapat na State of the City Address.

Ayon sa RPMD, ang independent, non-commissioned survey ay isinagawa noong Abril 2026, kung saan 5,000 rehistradong botante ang random na nakapanayam sa bawat rehiyon at lahat ng socioeconomic classes respondents ay tinimbang ang proporsyonal na bilang ng mga rehistradong botante sa bawat lungsod at mga barangay nito upang matiyak na ang resulta ay tumpak na sumasalamin sa mga damdamin ng kani-kanilang mga nasasakupan.

Ani Sandoval, ang pagkilala ay inialay niya sa bawat Malabueño at sa mga masisipag na empleyado ng Pamahalaang Lungsod, na sumasalamin sa sama-samang pagsisikap ng komunidad sa pagbuo ng mas matatag na lungsod.

“Ang parangal ay para sa bawat Malabueño at sa bawat kawani ng Pamahalaang Lungsod ng Malabon na patuloy na nagbibigya ng dekalidad at maaasahang serbisyo para sa patuloy na paglago at pag-ahon. Patunay ito na kapag nagkakaisa ang pamahalaan at mamamayan, mas marami tayong nagagawang makabuluhang pagbabago. Patuloy nating isusulong ang isang mas matatag, maayos, at mas maunlad na Malabon para sa lahat,” ani Mayor Jeannie.

Dagdag niya, ang pagkilala ay higit na nagpapatibay sa patuloy na pag-unlad ng lungsod sa ilalim ng kanyang administrasyon na naka-angkla sa Lucky 9-Point Agenda, ang transparent na pamamahala, proteksyong panlipunan, paglago ng ekonomiya, de-kalidad na pangangalagang pangkalusugan, edukasyon, pagpapaunlad ng imprastraktura, pagpapanatili ng kapaligiran, katatagan ng sakuna, at inklusibong mga pagkakataon para sa bawat Malabueño. (Richard Mesa)