UMABOT sa kabuuang 276 job applicants ang hired on-the-spot sa isinagawang Mega Job Fair ng Pamahalaang Lungsod ng Caloocan na ginanap sa Caloocan Sports Complex. Pinasalamatan ni Mayor Along Malapitan ang Public Employment Service Department at mga katuwang kumpanya sa paglalapit ng trabaho at pagtitiwala sa kakayahan ng mga Batang Kankaloo. (Richard Mesa)
- July 28, 2026
Ang Diyaryong Pinagkakatiwalaan
Archive for July 27th, 2026
LTFRB: Magkakaroon ng konsultasyon sa mga PUVs
INUTUSAN ng Department of Transportation (DOTr) sa pangunguna ni DOTr Secretary Giovanni Lopez ang Land Transportations Franchising and Regulatory Board (LTFRB) na magkaroon ng konsultasyon sa mga operators at drivers ng public utility vehicles (PUVs) upang talakayin ang kanilang petisyon para sa pagtataas ng pamasahe.
“I ordered the LTFRB to initiate consultations in connections with pending fare hike petitions of the drivers and operators of public utility vehicles, primarily the public utility jeepneys (PUJs),” wika ni Lopez.
Dahil dito ay magkakaron ng recomputation ang LTFRB upang magkaroon ng tamang adjustments dahil sa tumataas ng presyo ng produktong petrolyo. Ang recomputation ay based sa naka-pending na petisyon ng mga grupo sa transportasyon na nagkakahalaga ng ten-peso fare hike.
Gagawin ang ganitong aksyon dahil na rin sa kautusan ni President Ferdinand Marcos na pag-aralan kung paano mababalanse ang kapakanan ng mga drivers at mga pasahero dahil sa hinaharap na pagtataas ng pamasahe.
Sinabi rin ni Marcos na ang LTFRB ay kailangan magsimula ng proseso kung saan maaari ring magkaroon ng posibilidad na mapalawak ang tulong na ibibigay ng pamahalaan tulad ng fuel subsidy o di kaya ay fuel discount.
“In that way, we can help manage inflation. I believe the president will also take up and address this issue, as it is a priority for him,” saad ni Lopez.
Binigyan diin ni Lopez ang kahalagahan ng masusing pag-aaral sa petisyon na inihain ng grupong Manibela at iba pang asosasyon sa transportasyon. Dapat na bigyan pansin ang magiging epekto nito sa inflation na siya ngayon kinababahala ng mga mamamayan ng bansa.
“The complication right now is that we also have to address inflation. In a recent survey, one of the top concerns of our fellow Filipinos is how to manage inflation because it will greatly affect the prices of commodities,” dagdag ni Lopez.
Dagdag naman ni LTFRB chairman Vigor Mendoza na dapat ay may mga factors na dapat bigyan ng konsiderasyon tulad ng kakayanan ng mga pasahero sa pagbabayad ng karagdagan pasahe at epekto ng inflation sa gagawing fare adjustment.
Samantala, ang Manibela naman ay humihiling sa LTFRB na alisin ang suspensyon sa P1 jeepney fare increase at payagan pa ang karagdagan P1 upang magkaroon ng P2 the minimum increase sa pamasahe.
Tinatawagan din nila ang pamahalaan na tanggalin ang excise at value-added taxes sa mga produktong petrolo upang bumaba ang presyo nito.
Nang nakaraang linggo ay nagtaas ang mga kumpanya ng langis kung saan nagkaroon ng maximum price increase ang diesel na nagkakahalaga ng P10.68 kada litro habang ang gasolina ay tumaas ng P3.65 at ang kerosene ay tumaas ng P11.77 dahil sa patuloy na kaguluhan sa middle east. LASACMAR
2 tambay, huli sa aktong bumabatak ng droga sa Valenzuela
KULUNGAN ang kinasadlakan ng dalawang drug suspects nang maaktuhang gumagamit umano ng iligal na droga sa magkakahiwalay na lugar sa Valenzuela City.
Sa ulat ni Police Investigator PSSg Alfredo Mendoza III, nagsasagawa ng Anti-Criminality Operation ‘Oplan Galugad’ ang mga tauhan ng Police Sub-Station 3 nang maaktuhan nila si alyas “Joey”, 43, na sumisinghot umano ng shabu sa loob ng isang nakaparadang tricycle sa Libra St., Brgy., Marulas dakong alas-9:50 ng gabi.
Nasamsam sa kanya ang isang plastic sachet na naglalaman ng hinihinalang shabu, isang nakabukas na plastic sachet na may bahid ng shabu, at mga drug parapernalya.
Nauna rito, dakong alas-7:55 ng gabi nang mahuli din sa akto ng mga tauhan ng Police Sub-Station 2 si alyas “Angel”, 34, na gumagamit rin umano ng shabu sa Lower Tibagan, Barangay, Gen T De Leon.
Nakumpiska sa suspek ang isang plastic sachet na may bahid ng hinihinalang shabu at mga drug parapernalya.
Mahaharap ang mga suspek sa kasong paglabag sa R.A 9165 o ang Comprehensive Dangerous Drug Act of 2002.
Patuloy na hinihikayat ni Valenzuela Police Chief P/Col. Joseph Talento ng publiko na makiisa sa pagpapanatili ng kapayapaan at kaayusan sa pamamagitan ng maagap na pagbibigay ng impormasyon tungkol sa mga taong may kahina-hinalang gawain.
(Richard Mesa)
PDEA, DDB NAGHATID NG TULONG SA BATAAN COMMUNITY NA NAKATUKLAS SA FLOATING SHABU NA BILYON ANG HALAGA
NAGHATID ang Philippine Drug Enforcement Agency (PDEA) at ang Dangerous Drugs Board (DDB), ng essential government services sa mga residente ng Barangay Sisiman, Mariveles, Bataan, bilang pasasalamat sa komunidad na ang katapatan at pagbabantay ay nakatulong sa isa sa pinakamahalagang pagsisikap sa bansa laban sa ilegal na droga.
Ang community outreach program, sa pangunguna nina DDB Chairman Secretary Oscar F. Valenzuela at PDEA Director General Undersecretary Isagani R. Nerez, ay nagbigay sa mga residente free medical consultations, legal assistance, haircuts, coffee, at information on drug rehabilitation and intervention services. Nakatanggap din ang mga pamilya ng mga supot ng bigas, tsinelas, damit sa pamamagitan ng isang ukay-ukay drive, at mga gamit sa paaralan para sa mga bata.
Dumalo sa aktibidad ang mga kinatawan mula sa Armed Forces of the Philippines (AFP), Philippine National Police (PNP), DDB, at mga katuwang na non-government organization, na nagbigay-diin sa whole-of-nation approach ng gobyerno sa pagsusulong ng kapakanan ng komunidad at pagpapalakas ng kampanya laban sa ilegal na droga.
Kinikilala ng inisyatibong outreach ang huwarang integridad ng mga mamamayan ng Barangay Sisiman, lalo na ang 10 mangingisda na, noong Hunyo 2, 2025, ay nagsuko sa mga awtoridad ng humigit-kumulang ₱1.514 bilyong halaga ng methamphetamine hydrochloride, o shabu matapos matuklasan ang mga ilegal na droga na lumulutang sa karagatan ng Masinloc, Zambales. Ang kanilang katapatan ay pumigil sa mga ilegal na droga na makarating sa mga komunidad at malaki ang naitulong sa kampanya laban sa droga ng gobyerno.
“This outreach program is our way of expressing our sincere gratitude to the people of Barangay Sisiman. Their decision to report and surrender the illegal drugs demonstrated that ordinary citizens play an extraordinary role in protecting our communities. Their honesty serves as an example that patriotism begins with doing the right thing, even when no one is watching.” sabi ni Undersecretary Nerez.
Binigyang-diin niya na ang aktibidad ay kumakatawan sa higit pa sa paghahatid ng mga pangunahing serbisyo ng gobyerno. “Today is about recognizing a community that stood with the government in safeguarding our nation from the threat of illegal drugs. We are here not only to provide assistance but to honor the trust, courage, and civic responsibility shown by the people of Sisiman. When communities and government work together, we become stronger in defeating the drug menace.”
Alinsunod sa direktiba ni Pangulong Ferdinand R. Marcos Jr. na paigtingin ang kampanya laban sa ilegal na pagpupuslit ng droga, patuloy na pinalalakas ng PDEA ang partnerships with local government units, law enforcement agencies, at coastal communities upang maiwasan ang pagsasamantala sa katubigan ng Pilipinas bilang mga ruta ng transportasyon at mga lugar ng pagbababa ng malalaking dami ng ilegal na droga. (PAUL JOHN REYES)
Fuel discount sa PUVs tataasan
IKINOKONSIDERA ng Land Transportation Franchising and Regulatory Board (LTFRB) ang pagpapalawig at pagtaas ng fuel discount para sa mga pampublikong sasakyan, sa gitna ng patuloy na pagtaas ng presyo ng petrolyo bunsod ng nagpapatuloy na gulo sa Middle East.
Ayon kay LTFRB Chairman Vigor D. Mendoza, patuloy ang pakikipag-ugnayan ng ahensiya sa iba’t ibang concerned agencies upang matulungan ang public transport sector sa epekto ng oil price hike. Bukod sa recomputation ng pasahe, tinatalakay rin ang posibilidad ng sustaining, expanding at increasing ng fuel discount bilang alternatibong hakbang.
“We are factoring everything in the conduct of review and recomputation, and this includes the fact that it is difficult to do so because the situation in the Middle East remains unpredictable and unstable,” pahayag ni Mendoza.
Sa kasalukuyan, nasa P10 kada litro ang fuel discount na ibinibigay sa mga passenger jeepneys at UV Express. Mahigit 87,000 PUVs na ang nakinabang dito, mula sa kabuuang 143,000 na nakalista sa sistema.
May mga panukalang palawakin at dagdagan pa ang discount upang makatulong sa dagdag na gastusin sa operasyon, na matagal nang hiling ng sektor ng PUVs. Aminado si Mendoza na kakailanganin ng malaking budget para maisakatuparan ang programa.
“Increasing and expanding the fuel discount is the most logical and practical measure in the middle of the uncertainty on the situation in the Middle East. This will be factored in the ongoing discussions,” dagdag pa ng LTFRB chairman.
Una nang nangako ang LTFRB na bibilisan ang diskusyon sa panukalang dagdag-pasahe. Para sa mga pampasaherong jeep, target ng ahensiya na maitaas sa P5 ang minimum na pasahe.