“AKO po’y naging SK Chairman since 2010 at kami po ang naging last batch noong 2013. Naging Kagawad ako sa ilalim ng pamumuno ng aking father. Ang Committee na hinawakan ko noon ay sports at infra hanggang naging Kapitan na ako sa aming barangay. 

Bale ako ang pumalit sa aking ama pagkatapos ng kanyang termino. Sa aking pagka-upo ang unang proyektong ginawa ko ay ang Peace & Order sa aming lugar.

Dahil gusto kong manatili ang katahimikan at kaayusan ng aming komunidad kaya naglagay ako ng mga CCTV sa bawat kanto para ma-monitor namin ang any untoward incidents.

Nagpailaw na rin sa mga eskinita para maging ligtas sa anumang kapahamakan ang aking mga kabarangay lalo na ang mga kababaihan gayundin sa mga malalabo na ang paningin para hindi sila matisod o matapilok dahil sa kadiliman. 

Pero sa aming kalsada sila Mayor Along at Congressman Malapitan ang nagpailaw. Sa akin mga eskinita…nagde-declogging din kami kamakailan at nilinis namin ang mga nakabara sa kanal para tuluy-tuloy ang agos ng tubig.

Para na rin mapaghandaan ang anumang darating na pinsala tulad ng baha lalo na sa tag-ulan. Sa Clean & Green naman, nagsagawa rin kami ng Clean-up drive every Friday na siyang pinapatupad ng ating DILG.

In case of emergency naman, mayroon kaming rescue patrol na siya naming ginagamit as responder ginagamit din namin sa paghatid-sundo sa mga na-ospital para di na mahirapan ang aking mga kabarangay.

Inaalalayan ko lagi sila, sa aming Senior Citizens nagkakaloob ako ng Cash gift sa kanilang birthday bukod pa ‘yan sa regalong bigay ng aming Mayor Along Malapitan.

Sa kalusugan naman, nagsasagawa kami ng Health & Medical Mission sa bawat nasasakupan namin dahil ibig kong manatili ang kanilang kalusugan at makaiwas sa anumang karamdaman, mahirap ang magkasakit sa panahon Ngayon.

Kaya naman, ang mga gamot na kanilang maintenance ay laging nakahanda.

Nakahanda rin ang aming Fire Extinguisher sakaling magkaroon ng sunog, pinaghahandaan namin ‘yan at tulung-tulong kami sa pag-aapula ng apoy. Ngayong darating na pasukan, may nakalaan na ring schools supplies para sa aming mga estudyante lalo na sa mga day care at elementary. 

Ang masasabi ko lamang sa aking mga kabarangay, sana ay tuloy-tuloy ang kanilang pagtulong sa bawat proyektong isinasagawa namin, magkaisa at magtulungan kami dahil hindi naman kami iba… parang magkakapatid, magkakamag-anak at kapamilya kaming lahat dito sa aming Barangay 144, Zone-13, Dist.1.

Tunay ko silang pinagmamalasakitan. Mahal ko ang aking mga kabarangay…iisang pamilya na po kami sa aming komunidad,” pagtatapos ni Kapitan.

Hiling din ng batang Kapitan Bryan sana muli silang magsama-sama sa patuloy na kaayusan ng kanilang barangay. Nais ko ring pasalamatan ang aming dakilang Mayor Along at Congressman Malapitan sa kanilang pagmamalasakit sa aming Barangay.

Dagdag pa niya, mabigyan siyang muling pagkakataon maglingkod para sa tuluy-tuloy na pagpapatupad ng proyektong pambarangay, ‘yan ang pagtatapos ng nagmamalasakit na kapitan Bryan Angelo E. Pascual. ( Sonny Asignacion)

KINONDENA ng isang mambabatas si Senate President Alan Peter Cayetano at ang mayoryang senado dahil sa pag-boycott sa sesyon ng dalawang magkasunod na araw.

Ayon kay ACT Teachers Representative at Deputy Minority Leader Antonio Tinio, ang pagboykot ay pagpapakita umano ng double standard kung saan walang kinakaharap na consequences o kahihinatnan ang mga senador sa pagliban habang nakakaharap sa parusa at multa ang mga ordinaryong government workers kapag absent.

Dumalo ang lahat ng 11 miyembro ng Senate minority bloc sa plenaryo ng alas-3 ng hapon nitong Martes, Hunyo 2, subalit bigo naman ang majority senators na magpakita. Inimpormahan ni Cayetano ang Senate secretary na hindi dadalo ang mayorya.

“This is a shameless display of entitlement and hypocrisy. Ordinary government employees—teachers, health workers, civil service workers—face salary deductions and disciplinary action for unexcused absences. But senators? They boycott the Senate, refuse to work, and face absolutely zero consequences,” ani Tinio.

 “This boycott has nothing to do with defending the Senate or protecting democratic principles. It is purely about self-interest. For Sen. Alan Cayetano to remain as Senate President and for his allies to hold their positions.”

Sinabi ng mambabatas na ang ginawa ng mga ito ay pag-abandona ng public duty. Nanumpa aniya ang mga senador ng pagsisilbihan ang sambayanan at konstitusyon subalit, sa halip ay inabandona nila ang kanilang tungkulin dahil nanganganib umano ang kanilang posisyon.

“This is the ultimate betrayal of public service—putting narrow partisan interest above the people’s right to a functioning Senate. The Senate majority must end this boycott immediately. They cannot hold the institution hostage because of their own political crisis,” pagtatapos ni Tinio.

(Vina de Guzman)

TIKLO ang 21-anyos na helper na wanted sa kaso ng Robbery at Acts of Lasciviousness sa Lungsod ng Valenzuela nang matunton ng pulisya sa kanyang pinagtataguan sa lalawigan ng Oriental Mindoro.

Sa ulat ng tanggapan ng Northern Police District (NPD) Acting Director P/BGen. Benliner Capili, ang akusado na residente ng Brgy., Bignay, Valenzuela City ay nakatala bilang No. 10 sa Top Ten Most Wanted Person sa Valenzuela CPS.

Nakatanggap ng impormasyon ang mga tauhan ni Valenzuela Police Chief P/Col. Joseph Talento na nagtatago ang akusado sa nasabing lalawigan nang tumakas umano ito makaraang malaman na mayroon na siyang warrant of arrest.

Kaagad nakipag-koordinasyon ang mga operatiba ng Warrant and Subpoena Section ng Valenzuela CPS sa local police units bago ikinasa ang operation na nagresulta sa pagkakaaresto sa akusado sa Barangay Zone 2, Pola, Oriental Mindoro.

Maayos naman umanong naisilbi sa akusado ang arrest warrant na inilabas ng Regional Trial Court Branch 285, at Metropolitan Trial Court Branch 81, kapwa ng Valenzuela City para kasong Robbery at Acts of Lasciviousness. (Richard Mesa)

PERSONAL na bumisita si Pangulong Ferdinand Marcos Jr. kasama sina DepEd Secretary Sonny Angara at Navotas City Mayor John Rey Tiangco sa Kapitbahayan Elementary School sa lungsod para pangunahan ang kick-off ng Brigada Eskwela 2026.

Binigyang-diin ng Pangulo ang kahalagahan ng Brigada Eskwela bilang sama-samang pagkilos ng pamahalaan, mga guro, magulang, at mga volunteer upang matiyak na handa ang mga paaralan bago ang pasukan sa eskwela.

Ininspeksyon din niya ang mga CCTV units na inilagay sa paaralan noong Abril 2026 upang tiyakin ang kaligtasan ng mga mag-aaral at mga guro, at maiwasan ang vandalism at iba pang banta sa seguridad.

Nagpasalamat naman si Mayor Tiangco sa Pangulo sa pagdalaw nito sa lungsod, bilang pakikiisa sa bayanihan sa paaralan, at paglaan ng oras para magbasa ng kwento at magbigay-saya sa mga batang mag-aral.

“Bukod sa paghahanda sa pasukan, alam nating memorable experience para sa mga batang Navoteño ang makasama at makausap siya,” dagdag niya. 

Kasunod nito, binisita din ni Pangulong Marcos, kasama si DSWD Sec. Rex Gatchalian ang mga pamilyang pansamantalang nanunuluyan sa evacuation center sa Phase 1C, Multipurpose Hall, Brgy., NBBS Kaunlaran, na naapektuhan ng sunog sa Brgy. NBBS Proper noong Enero 2026 para kamustahin at bigyan ng food packs, hygiene kits, at tulong pinansyal upang matugunan ang kanilang pangangailangan habang nagsisimula silang makabangon.

Pinasalamatan din ni Tiangco si DepEd Sec. Angara, DSWD Sec. Gatchalian para sa Tara, Basa! at kay DOLE Sec. Francis Tolentino sa paglalagay ng TUPAD workers na tumutulong sa paglinis at pag-aayos ng paaralan. 

(Richard Mesa)