IDINEKLARA ni Pangulong Ferdinand R. Marcos Jr. ang June 24, 2026, bilang special non-working day sa Lungsod ng Maynila para sa pagdiriwang ng 455th Founding Anniversary nito.

Sa ilalim ng Proclamation No. 1320, sinabi ng Pangulo na “it is but fitting and proper for the people of the City of Manila be given full opportunity to participate in the occasion and enjoy the celebration.”

Tinintahan ni Acting Executive Secretary Ralph Recto ang proklamasyon na may pahintulot ng Pangulo nito lamang Hunyo 16.

Samantala, idineklara naman ni Pangulong Marcos ang June 24 bilang special non-working day sa Munisipalidad ng Lian, Batangas, sa pamamagitan ng Proclamation No. 1321 sa pagdiriwang ng Sambuhos Festival, isang tradisyonal na water-dousing festival bilang pagkilala sa patron saint ng bayan na si Saint John the Baptist.

Ang pangalan ng kapistahan ay nagmula sa mga salitang Filipino na isa at buhos, tinutukoy ang tradisyon ng pagbabasa o paghuhugas ng tubig sa mga residente at mga bisita.

Ang kasanayan ay sumisimbolo sa biblical baptism na ginawa ni Saint John the Baptist sa Jordan River. (DARIS JOSE)

Ang bilateral meeting ay isinagawa sa ASEAN-Russia Commemorative Summit na iko-chair ng dalawang lider.

“Apparently, we are approaching the present threshold with an immense capital of mutual beneficial cooperation underpinned by good traditions of mutual respect and respect for legitimate interest of each other. Last year, bilateral trade exceeded $.5 billion. Of course, this is far from the limit. And of course, there is a good potential to enhance supplies of agriculture and energy resources,” ayon kay Putin.

Bilang tugon, sinabi ni Pangulong Marcos na ikinagagalak niya ang “forward-looking exchange on the different structural issues” na nakaaapekto sa kalakalan sa pagitan ng dalawang bansa.

“And as you have mentioned, Your Excellency, we – there are many potential areas that I think we should explore and I think that the present level of trade, although it is steady, I think that this is – there is a great deal more that we can do,” aniya pa rin.

Winika pa ng Pangulo na sa isinagawang Joint Commission on Trade and Economic Cooperation (JCTEC) sa Moscow noong September 2025, lumitaw na ang energy security at food security ang kanilang mutual concern.

“We note that during the JCTEC meeting held in Moscow, energy and food security emerged as a mutual – one of the mutual priorities of both our countries. And that is why we again, that B2B component at the sidelines of the JCTEC enabled Philippines and Russia to establish networks and to explore joint ventures,” ang sinabi pa ni Pangulong Marcos.

Sa kabilang dako, sinabi naman ni Putin na ito ang unang pagbisita ni Pangulong Marcos sa Russia, na nagkataon o natapat sa chairship ng Pilipinas sa ASEAN.

Gugunitain naman ng regional bloc at Russia ang 35 taon ng relasyon, na rerebisahin sa panahon ng ASEAN-Russia Commemorative Summit.

Binati naman ni Putin ang mga mamamayang Filipino sa pagdiriwang ng ika-128 na deklarasyon ng Philippine Independence noong Hunyo 12, na aniya’y isa ring national holiday sa Russia.

Binanggit din ni Putin ang naging pagbisita ng ama ni Pangulong Marcos na si dating Pangulong Ferdinand Marcos Sr. sa Russia noong 1976.

Mamarkahan naman ng Pilipinas at Russia ang 50 taon ng diplomatic relations ngayong buwan.

Matapos ang bilateral meeting, dumalo naman sina Putin at Pangulong Marcos sa gala kasama ang ibang pinuno ng gobyerno.

(DARIS JOSE)

INIMBITAHAN ni Pangulong Ferdinand Marcos Jr. si Russian President Vladimir Putin na bumisita sa Maynila para sa 21st East Asia Summit, isa sa mga pagpupulong sa pagho-host ng Pilipinas sa ASEAN Summits ngayong taon.

Sa isang Facebook post, sinabi ng Presidential Communications Office (PCO) na nagdaos sina Pangulong Marcos at Putin ng bilateral meeting sa sidelines ng ASEAN-Russia Commemorative Summit sa Kazan, Russia.

Si Pangulong Marcos, sa pagsasalita bilang ASEAN chair, “also invited President Putin to the 21st East Asia Summit in Manila, underscoring the role of the forum in promoting a stable, secure, and prosperous region,” ayon sa PCO.

Pinag-usapan naman ng dalawang lider ang potensiyal para sa pagpapalawak ng pagtutulungan habang tinukoy naman ng Pangulo ang halaga ng “regular political consultations.”

Aniya pa, mayroong “a great deal more that we can do” pagdating sa usapin ng energy at food security bilang ‘shared priorities’ kasama ang Russia.

Samantala, itinuro naman ni Putin ang “longstanding tradition” ng mutual respect sa pagitan ng Maynila at Moscow at nagpahayag na mayroong potensiyal para sa higit na pagtutulungan sa kalakalan, agrikultura at enerhiya.

“He also underscored the importance of existing mechanisms, including the Joint Russia-Philippine Commission on Trade and Economic Cooperation,” ayon pa rin sa PCO. 

( DARIS JOSE)

INIHAIN ni Deputy Speaker David “Jay-Jay” Suarez ang House Bill No. 9825, o “Digital Safety of Minors Act,” na nagsusulong na magkaroon ng mas ligtas na paggamit ng digital media sa mga batang pinoy sa pamamagitan ng paghihigpit sa pagbuo at maintenance ng social media accounts sa mga edad 16 anyos pababa.

“We are not banning technology or restricting children’s rights to learn and express themselves. We are simply making sure that digital spaces are designed with children’s developmental needs and safety in mind,” paliwanag ng Deputy Speaker. 

Nire-require sa panukala na magpatupad ang mga social media platforms ng resonable at naaayon, privacy-preserving age-assurance mechanisms mula sa pagbuo ng account at pagsasagawa ng peryodikong pagrebyu.

Mandato rin ang paglalagay ng safety-by-default settings sa mga users na 16 o 17 taong gulang , pagbabawal sa behavioral and targeted advertising na natuon sa mga users na mababa sa 18 taon gulang at pagkakaroon ng limitadong exceptions kapag mayroong verifiable parental o guardian consent.

“This bill ensures that the platforms profiting from our children’s attention finally take real responsibility through age assurance, safety-by-default settings, and strong privacy protections,” anang mambabatas.

“Social media and the internet have opened up tremendous opportunities for Filipino youth to learn, create, connect with others, and access information that can enrich their lives and future prospects. However, these same platforms also expose our children to serious risks that can harm their mental health, development, and safety. This bill ensures we protect them from those risks without taking away the genuine benefits of the digital world.” (Vina de Guzman)

PALALAWAKIN pa ng Department of Justice (DOJ) ang imbestigasyon sa pagkamatay ng dalawang student athlete ng Ateneo de Manila University noong June 8.

Ayon sa DOJ, kanila ring iimbestigahan ang pananagutan at responsibilidad nang mismong pamunuan ng unibersidad sa pagkasawi ng Ateneo Blue Eagles player na sina Rene Baterbonia at Divine Adili.

Binigyang-diin ni Justice Secretary Frederick Vida na ang paaralan ang pangalawang tahanan ng mga estudyante, obligasyon at responsibilidad nito na tiyakin ang kaligtasan ng mga mag-aaral.

Ayon kay Vida, hindi lamang nakatuon ang imbestigasyon ng justice department sa head coach ng Ateneo basketball team at sa iba pang assistant coach kundi maging sa posibleng pagkukulang at kapabayaan ng unibersidad kaya sa pagpili ng lugar kung saan idinaos ang kanilang training.

Nanawagan naman ang Kalihim sa publiko na iwasan ang pagiging judgemental kaugnay sa nasabing kaso.  (Gene Adsuara)

PINATIBAY ni Mayor Jeannie Sandoval ang pangako ng Pamahalaang Lungsod ng Malabon na isulong ang adolescent health and fostering healthy, produktibong kapaligiran sa trabaho sa pamamagitan ng paglagda sa Commitment Letter at Commitment Wall para sa Healthy Workplaces Initiative at ang pamamahagi ng Malabon Kabataan One Network for Empowerment at Kalusugan (KONEK).

Pinangunahan ni Mayor Jeannie, kasama sina Mr. Jomark Thom Agno, HEPO III at Healthy Workplaces Focal Person ng Department of Health at Mr. Reginald Santiago, HEPO II at Healthy Settings Lead ng DOH – Metro Manila Center for Health and Development; City Administrator Dr. Alexander T. Rosete; mga pinuno ng kagawaran ng lungsod; at mga kinatawan mula sa mga kasosyong ahensya at organisasyon ang ceremonial signing ng Commitment Letter at Commitment Wall para sa Healthy Workplaces Initiative noong Lunes.

Pormal na itinatag ang paglagda ng pangako ng Pamahalaang Lungsod ng Malabon at ng mga katuwang nitong ahensya na lumikha at mapanatili ang malusog at ligtas na kapaligiran sa trabaho.

Ang Commitment Letter ay sumasagisag sa pananagutan ng institusyon at dedikasyon sa kagalingan sa lugar ng trabaho, habang ang Commitment Wall ay sumasalamin sa sama-samang suporta at pagkakaisa ng mga kalahok na ahensya at organisasyon.

Binigyang-diin ni Mayor Sandoval na ang pamumuhunan sa kalusugan at kapakanan ng empleyado ay direktang nag-aambag sa pagpapabuti ng produktibidad, mas malakas na paghahatid ng serbisyo publiko, at napapanatiling pag-unlad ng komunidad.

“Bilang isang lider, naniniwala ako na ang lakas ng isang lungsod ay hindi nasusukat sa laki ng gusali o dami ng proyektong naitayo. Nasusukat ito sa kalagayan ng mga taong bumubuo rito. Kung malusog ang manggagawa, mas matatag ang pamilya. Kung matatag ang pamilya, mas matibay ang komunidad. At kung matibay ang komunidad, mas malakas ang lungsod,” ani alkalde.

Samantala, inilunsad din ng lungsod ang Malabon KONEK Manual, na kilala bilang Integrated Information Service Delivery Network for Adolescent Health and Development Manual of Referral.

Sa pamamagitan ng manual, hinahangad ng lungsod na pahusayin ang koordinasyon at mga sistema ng referral sa mga kagawaran ng lokal na pamahalaan, mga ahensya ng pambansang pamahalaan, mga paaralan, pasilidad ng kalusugan, at mga kasosyong organisasyon.

Magsisilbi rin itong gabay upang matiyak na ang mga residente, partikular na ang kabataan, ay may access sa mga mahahalagang programa at serbisyong pangkalusugan. (Richard Mesa)

HUMANDUSAY ang duguang katawan ng 26-anyos na bebot nang pagbabarilin hindi kilalang salarin na kanyang nakasalubong habang naglalakad sa Caloocan City, Miyerkules ng gabi.

Wala ng buhay ang biktimang residente ng 619 Aurora St. Barrio Concepcion, Brty. 188 Tala, North Caloocan nang datnan ng mga nagrespondeng tauhan ng Caloocan Police Sub-Station 14 habang nakahandusay sa Langit Road, Barrio San Isidro, Brgy. 188 Tala.

Sa ulat ng tanggapan ni Northern Police District (NPD) Director Benliner Capili, naglalakad sa Langit Road ang biktima dakong alas-6:15 ng gabi nang tatlong beses umanong paputukan sa ulo at katawan ng nakasalubong niyang salarin.

Ilang saksi ang nakakita sa suspek na nakasuot ng itim na jacket, itim na cap, puting pantalon, at puting sapatos na nagmamadaling tumakas patungo sa Phase 5, Brgy 176 Bagong Silang, bitbit ang ginamit na armas.

Ayon sa isang opisyal ng barangay, kilala sa kanilang lugar ang biktima bagama’t hindi siya residente ng kanilang barangay kundi pasulpot-sulpot lang.

Nagsasagawa na ng backtracking ang pulisya sa kuha ng mga CCTV sa lugar upang matukoy ang pagkakilanlan ng salarin habang inaalam pa ang motibo sa pamamaslang. 

(Richard Mesa)