PANSAMANTALANG sinuspinde ng Land Transportation Franchising and Regulatory Board (LTFRB), sa ilalim ng pamumuno ni DOTr Secretary Giovanni “Banoy” Z. Lopez, ang operasyon ng 24 na bus ng isang kumpanya matapos ang naganap na aksidente sa Baguio City na ikinasawi ng dalawang katao.

Ayon kay LTFRB Chairman Atty. Vigor D. Mendoza II, mananatiling suspendido sa loob ng 30 araw ang mga unit habang isinasagawa ang imbestigasyon upang matukoy kung may paglabag sa mga kondisyon ng kanilang Certificate of Public Conveyance.

“Tinitiyak natin ang patas at masusing imbestigasyon sa insidenteng ito. Hindi lamang ito bahagi ng ating mandato kundi usapin din ng kaligtasan at buhay ng mga komyuter,” ani Chairman Mendoza.

Sangkot sa aksidente ang isang bus ng North Genesis Bus Line, Inc. na bumangga sa isang nakaparadang truck sa Kilometer 6 ng Marcos Highway sa Baguio City noong madaling-araw ng Hunyo 16 habang patungo sa lungsod.

Batay sa ulat, dalawa ang nasawi matapos maipit sa loob ng bus, habang anim na iba pa ang nasugatan.

Sa inilabas na Show Cause Order, inatasan ang kumpanya na isailalim sa drug test ang lahat ng kanilang bus driver at ipasailalim sa roadworthiness inspection ang 24 na suspendidong unit.

Pinagpapaliwanag din ang kumpanya sa pamamagitan ng isang notarized na paliwanag kung bakit hindi sila dapat mapatawan ng kaukulang parusa kaugnay ng insidente, habang ipinag-utos naman ng LTFRB ang pagsusuko ng mga plaka ng lahat ng suspendidong bus upang matiyak ang pagsunod sa kautusan.

Kasabay nito, binigyang-diin ni Chairman Mendoza ang agarang pagbibigay ng insurance claims sa mga pamilya ng mga nasawi at sa mga nasugatan. Inatasan din niya ang mga opisyal ng LTFRB sa rehiyon na bantayan ang pagtupad ng kumpanya sa obligasyong ito.

Nanawagan naman si Chairman Mendoza sa mga operator at driver ng pampublikong sasakyan na patuloy na unahin ang kaligtasan sa kalsada, at suklian ang tiwalang ibinibigay ng kanilang mga pasahero sa pamamagitan ng ligtas na biyahe. (PAUL JOHN REYES)

One attachment  •  Scanned by Gmail

MATAGUMPAY na naharang ng Ninoy Aquino International Airport Inter-Agency Drug Interdiction Task Group (NAIA-IADITG), na binubuo ng Philippine National Police (PNP), Bureau of Customs (BOC) at Philippine Drug Enforcement Agency (PDEA), ang labing-apat (14) na mga inabandunang parsela na naglalaman ng pinaghihinalaang ilegal na droga sa isang coordinated interdiction operation na isinagawa sa Central Mail Exchange Center (CMEC) sa Domestic Road, Pasay City, noong Hunyo 15, 2026.

Ang operasyon ay isinagawa sa pamamagitan ng intelligence monitoring at mga pagsisikap sa cargo profiling sa pangunahing pasilidad ng pag-screen ng koreo ng bansa. Ang mga parsela ay nagmula sa iba’t ibang international locations, kabilang ang Thailand, India, United Kingdom, France, Estados Unidos at iba pang mga bansa, at ipinadala sa iba’t ibang indibidwal sa iba’t ibang lugar sa Pilipinas.

Batay sa initial assessment, narekober ng mga awtoridad ang humigit-kumulang 5.4 kilo ng pinaghihinalaang marijuana kush na may Standard Drug Price (SDP) na ₱8.25-M, humigit-kumulang 100,000 milliliters ng pinaghihinalaang liquid marijuana na may SDP na ₱5-M, at halos 9 na kilo ng pinaghihinalaang shabu na may SDP na ₱46.95-M. Kabilang sa mga karagdagang nakumpiska ang pinaghihinalaang methylenedioxymethamphetamine (MDMA) tablets, na karaniwang kilala bilang ecstasy, opium poppy derivatives, at iba pang mga controlled substances na nakatago sa mga maling deklaradong kargamento.

Ang kabuuang tinatayang halaga ng mga nakumpiskang ilegal na droga ay mahigit ₱60-M. Ang kontrabando ay itinago sa mga bagay na mukhang ordinaryong bagay tulad ng mga meryenda, produktong kape, mga palamuti, mga pansala sa bahay, mga organizer na gawa sa kahoy, mga laruan, at mga electronic equipment sa pagtatangkang maiwasan ang pagtuklas.

Pinuri ni PNP Chief Police General Jose Melencio C. Nartatez Jr. ang mga operating unit para sa matagumpay na interception, na binibigyang-diin ang kahalagahan ng patuloy na operasyon na pinapatnubayan ng intelligence.

“Hindi tayo titigil sa ganitong operasyon. We are strengthening our border control efforts not only at the street level but more importantly at entry points where illegal drugs attempt to enter the country,” sabi ni PNP Chief Nartatez.

Dagdag pa niya, ang tagumpay na ito ay sumusuporta sa PNP Focused Agenda sa ilalim ng Enhanced Managing Police Operations, na nagpapalakas ng koordinasyon sa mga ahensya ng pagpapatupad ng batas upang maiwasan ang pag-abot ng ilegal na droga sa mga komunidad. Pinagtibay din niya ang pagsunod sa direktiba ni Pangulong Ferdinand R. Marcos Jr. para sa isang mas ligtas at mas panatag na Pilipinas.

“This operation shows that our security systems are actively working. Tuloy-tuloy ang ating pagbabantay mula ports hanggang communities. The PNP remains firm in its duty to protect the public,” dagdag pa ni PGen Nartatez. 

Ang lahat ng naharang na parsela ay ibinigay na sa Philippine Drug Enforcement Agency para sa pagsusuri sa laboratoryo at wastong disposisyon, habang patuloy ang mga follow-up na imbestigasyon upang matukoy ang mga posibleng network sa likod ng tangkang kargamento. 

(PAUL JOHN REYES)

NANANAWAGAN ang Philippine National Police (PNP) sa mga paaralan sa buong bansa na paigtingin ang pagpapatupad ng kanilang mga security measures upang matiyak ang kaligtasan ng mga mag-aaral.

Ang panawagan ay ginawa ni PNP Chief PGen. Jose Melencio Nartatez, Jr. kasunod ng insidente ng pananaksak ng isang Grade 8 student sa pitong Grade 5 student ng Bethel Academy sa General Trias City, Cavite noong Hunyo 16.

Labis na ikinabahala ni Nartatez ang insidente at binigyang-diin na dapat manatiling ligtas ang mga paaralan bilang lugar ng pagkatuto at pag­hubog sa kabataan.

Nabatid din na dumadalo sa isang pagpupulong ang mga guro nang mangyari ang insidente, dahilan upang pansamantalang walang nagbabantay sa silid-aralan.

Dahil dito, inatasan ng PNP Chief ang Police Regional Office 4A at Cavite Provincial Police Office na magsagawa ng masusing imbestigasyon upang matukoy ang buong pangyayari at maiwasan ang kahalintulad na insidente sa hinaharap.

COLUMN

Transport News 

LASACMAR 

Pondo para sa BRT routes kulang

 HUMILING ang Department of Transportation (DOTr) sa Kongreso ng karagdagan pondo para sa development at improvement ng gagawing ruta para sa Bus Rapid System (BRT) sa kalakhang Maynila.

Subalit ayon kay transportation undersecretary Mark Steven Pastor na hindi sila binigyan ng malaking pondo sa taong 2027 para sa nasabing proyekto.

 “We requested a good amount. Even then, this year’s budget is only around nine percent of the DOTr initial request of P936.09 million. We hope our legislators will provide us the necessary financial support through our budget,” wika ni Pastor.

Noong 2026 binigyan ng P6.793 kabuong pondo ang DOTr habang sa nasabing pondo ang binigay lamang sa BRT ay P88.71 milyon na dinoble lamang ngayon taon mula sa pondong P45.79 milyon noong 2025.

 Kahit kulang ang pondong binigay sa proyekto ng BRT ay humahanap pa rin ang DOTr ng ibang klaseng transit system na puwedeng pangpalit sa EDSA busway na siyang naging hallmark na ng transportasyon sa Metro Manila.

Noong nakaraang taon ay nagplano ang DOTr na magtayo ng BRT system sa pagitan ng Espana Boulevard sa Manila at Quezon Avenue sa lungsod ng Quezon. Tiningnan din ng DOTr kung maaaring maglagay sa Katipunan Avenue.

 “We know that our budget is limited in the department and we have to maximize it where the impact is greater,” dagdag ni Pastor.

 Sa ngayon ay nakatuon ang kanilang pansin sa development at improvement ng mga istasyon ng EDSA busway kaugnay sa kanilang paghahanda na mailipat ang management sa pribadong sektor.

 “At present, the DOTr is evaluating all options for the busway’s public-private partnership (PPP) project, including whether to pursue a solicited process or wait for an unsolicited proposal. The DOTr is also assessing whether there is value in dividing the project concession between bus operations and station management,” saad ni Pastor.

Binibigyan din ng atensyon ang pagpapaganda ng Cebu BRT matapos ang paglulungsad ng partial na operasyon nitong taon.

Naka-focus rin ang plano ng DOTr sa traffic signalization upang maging epektibo ang transportasyon sa kalupaan at mabawasan ang pagsisikip sa mga lansangan dahil sa lumalalang trapiko sa kalakhang Maynila. LASACMAR