BILANG bahagi ng patuloy na ugnayan sa Binibining Pilipinas, mas inilapit pa ng NUSTAR Online ang mga tagahanga sa kompetisyon sa pamamagitan ng kapana-panabik na online campaign na makatutulong upang matukoy ang kauna-unahang NUSTAR Online Binibini. 

Idinisenyo upang ipagdiwang ang kagandahan, kumpyansa at pagpapakatotoo,  kinikilala ng espesyal na titulo na ito ang kandidata ng Binibining Pilipinas na siyang may pinakamahusay na kumatawan sa mga pagpapahalagang itinataguyod ng NUSTAR Online at matibay na kinatawan sa online na komunidad. 

Bago ang panahon ng pagboto, ang eksklusibong NUSTAR Online promotional video ay naipalabas na sa mga opisyal na Facebook at Instagram page kung saan ang mga kandidata ay ipinakikilala ang kanilang mga sarili at ibinabahagi ang kanilang pananaw sa mga pangunahing haligi ng pageant – Katawan, Kagandahan at Personalidad. Bilang bahagi ng kaparehong produksyon, gumawa ng patalastas pang telebisyon o TVC para sa ugnayan ng BBP x NUSTAR Online na ipapalabas sa susunod na mga araw. 

Ang promotional video at TVC ay hindi bahagi ng opisyal na botohan, parehong itong nagsisilbi bilang mahahalagang touchpoints na nagbibigay diin sa indibwalidad ng mga kandidata at nagpapakita ng matibay na ugnayan sa pagitan ng Binibining Pilipinas at NUSTAR Online. 

Ang magiging basehan ng opisyal na botohan ay ang headshot ng mga kandidata at kanilang larawan na naka-swimsuit, kung saan itatampok ang mga ito sa mga NUSTAR Online platform. 

Ang botohan para sa headshot category ay magaganap sa NUSTAR Online FB at IG pages simula Hunyo 5 hanggang Hulyo 17, 2026 samantala ang botohan para sa swimsuit category ay magaganap sa NUSTAR Online website simula Hunyo 15 hanggang Hulyo 17, 2026.  Ang mga tagasuporta ay hinihikayat na sumali at magpakita ng suporta para sa kanilang paboritong Binibini sa buong panahon ng botohan. Para sa kumpletong mechanics ng botohan, bisitahin ang NUSTAR Online FB page. 

Ang kandidata na makakakuha ng pinakamataas sa overall online voting engagement ay makakamit ang 50% sa final score habang ang natitirang 50% ay tutukuyin ng NUSTAR Online 

Management base sa pagganap ng kandidata at partisipasyon nito sa naturang ugnayan o partnership. 

Ang mananalo sa titulo ng inaugural NUSTAR Online Binibini ay tiyak na makakapasok sa Top 12 Finalists at iaanunsyo ito sa Grand Coronation Night ng Binibining Pilipinas sa Hulyo 18, 2026. 

Higit pa sa inaasam-asam na titulo, asahan na ang kauna-unahang NUSTAR Online Binibini ay magkakaroon ng mga kapanapanabik na oportunidad, eksklusibong pakikipagtulungan  at mga kapakipakinabang na karanasan sa NUSTAR Online, na higit pang magpapatibay ng kanyang paglalakbay hindi lamang sa pageant stage. 

Para sa mas eksklusibong nilalaman, events at premium lifestyle experiences, sundan ang NUSTAR Online sa @nustaronline. (

INIHAYAG na ang bagong pelikulang pagsasamahan nina Dingdong Dantes at Marian Rivera ay pinamagatang “Remember”. 

Ito na ang pinakahihintay na romantic drama ng real-life celebrity couple na mula sa direksyon ni Mae Cruz-Alviar at hatid ng ABS-CBN Studios at Star Cinema kasama ang APT Entertainment, AgostoDos Pictures, at Regal Entertainment. 

At pagkatapos ng reveal, lumipad na patungong Quebec, Canada ang mga bida at crew para kunan ang mga pangunahing eksena para sa paparating na pelikula. 

Parehong team na likod ng kanilang 2023 blockbuster hit na “Rewind” ang hahawak ng “Remember”.

Ibinahagi naman ni Dingdong na sobrang masaya siya sa muling nilang pagsasama ni Marian after three years.  Biro pa ng Kapuso Primetime King, mas makakasama na niya ngayon ang asawa, dahil pareho silang busy sa kani-kanilang projects. 

Tuwang-tuwa naman si Marian nang mabasa ang script ng movie, kaya sigurado silang magugustuhan ito ng kanilang tagasubaybay, na matagal na ring naghihintay sa muli nilang pagtatambal at dumating na nga ang tamang panahon. 

Siguradong kaabang-abang ang “Remember” na malakas ang chance na makapasok sa 2026 Metro Manila Film Festival sa December. 

***

Sigaw ng mga kabataan, ‘nasaan ang Hydra’ 

MATINDI ang ingay ngayon sa socmed tungkol sa opisyal na mainstream screening ng “Habang Nilalamon Ng Hydra Ang Kasaysayan” ni Dustin Celestino na unang pinalabas nuong Oktubre 2025 sa Cinemalaya.

Maingay ang sigaw ng mga kabataan at estudyante na sana’y dumami pa ang mga sinehan na magpapalabas ng political-drama na ito na pinagbibidahan nina Zanjoe Marudo, Mylene Dizon, Jojit Lorenzo, Nanding Josef, at Dolly de Leon.

Napapanahon ang ‘Hydra’ lalo na ngayong maraming hinaharap na pagsubok ang bansa ang mga mamamayan lalo na sa estado ng ekonomiya at pulitika dito sa Pilipinas.

Mapangahas ang ‘Hydra’ sa pagsiwalat sa mga realidad ng socio-cultural at political conflicts at kung paano nito naaapektuhan ang buhay at moralidad ng mga tao.

Layunin ng mga teachers na ipapanood ito sa kanilang mga estudyante para malaya nilang mapaguspaan sa paaralan ang mga isyung panlipunan.

Pero paano nga naman ito mapapanood kung sa iilang mga sinehan lang ito mapapanood?

SA naging panayam ni Heart Evangelista sa ‘Fast Talk With Boy Abunda’, tahasang inamin nito na minsan naranasan niyang maging isang “sugar mommy”.

Inamin din ng aktres/host/fashionista na halos siya na ang gumagastos sa loob ng kanilang dalawang taong relasyon.

Tanong ni Kuya Boy, dumaan ka ba sa point ng iyong buhay na gumastos ka para sa isang lalaki?

Matapang at walang kagatul-gatol na pag-amin niya, “I did have one boyfriend that I felt was not too proper.

“I didn’t like. There is something about him that left a bad taste in my mouth.

“Just one. I won’t say who.

“Lagi akong gumagastos. Sira ako sa lalaki. 

“That’s my language of love. that’s always been my language of love. 

“Ayun yung patanim ko kapag umalis ako na, ‘I’m sorry you lost it all’ ganyan.

“I’m very, very giving. I’m very generous.”

Justified naman ito dahil maging sa kaibigan ganun din si Heart.

“Pero kunwari sa pagkakaibigan I feel like… because I like to host… that’s me.”

Mahulaan kaya ninyo kung sino ang tinutukoy ni Heart sa mga past relationships niya?Isa-isahin natin ang mga lalaking na-link sa magandang aktres.

Una sa lahat ay si John Prats, na isinapubliko naman ni Heart.

Nabuo nuong 2000 ang kanilang loveteam at tuluyang naging magkarelasyon.

Sumunod ay si John Lloyd Cruz nuong 2005, pero hindi ito naisapubliko. Nanatili itong lihim, sa loob ng ilang buwan.

Matapos ang ang kanilang relasyon, pumasok sa eksena si Jericho Rosales. Marami nga ang nagsasabing greatest love ni Heart itong si Echo. 

Tatlong taon din tumagal ang kanilang relasyon na nagsimula noong 2005.

Naging kontrobersyal ang hiwalayang Heart-Echo.

Sumunod ang isang non-showbiz guy, na hindi rin naman nagtagal.

Muling umibig si Heart sa Japanese-Brazilian-model-actor na si Daniel Matsunaga. 

Nagkakilala ang dalawa sa taping ng prime timme drama series ng GMA na “Langit Sa Piling Mo” noong 2010.

At sa isang panayam kay Daniel, umamin itong sinagot siya ni Heart noong August 20, 2010.

Naging kontrobersyal din ang hiwalayan nila matapos ang dalawang taon.

Nang tuluyan silang maghiwalay muling binuksan ni heart ang kanyang puso sa piling ni senator Chiz Escudero, hanggang sa kasalukuyan.

Ngayon sa tanong na kung sino sa kanila ang tinutukoy ni Heart? Sino nga ba sa kanila ang may mga bali-balitang mahilig mamera sa kanilang mga nakaka-relasyon.

Bukod tanging isa lang talaga… siguro naman kilala niyo na kung sino siya!

***

OUT na ang indie aktor na si Drei Arias o Adrian Joseph Arias in real life.

Matapos siyang maging kinatawan ng King of The World Philippines noong 2025, ngayon opisyal na siyang kandidato ng Mister Gay World Philippines 2026 edition.

Si Drei ay isang pinoy actor, male pageant winner, model, Tiktoker, na tubong Malolos City, Bulacan.

Nagtapos sa kursong Bachelor of Arts Degree in theater Arts sa Bulacan State University.

Unang salang niya sa male pageantry ay nung sumali siya bilang Mister Bulacan (2018), Mister Continental Philippines – Tourism (2019), and mister Culture World Ambassador (2019) sa Ho Chi Minh, Vietnam. Nanalo siya bilang 1st runner up. Naiuwi rin niya ang tatlong major awards: Best National Costume (top 3), Best Talent (top 3), at Mr. Psalmstre.

Marami rin namang nagawang pelikula itong si Drei. Nakasama siya sa “Uncoupling” (2019), “Amore” (2020-2021), “My Toxic Lover” (2021), “Sana, Sana Tayo Sa Himig Ng Musika” (2021), “Why Love Why Season 2″ (2021), “L.A.F.S.” (2020), “Don Filipo” (2021), “Bingwit” (2022), at “Si Papa” (2017).

Kung may mga natuwa, marami rin ang nadismaya sa ginawang pag-amin ni Drei sa kanyang tunay na kasarian.

Bagama’t umamin siya dati na “gender fluid” siya, andun pa rin noon ang pagkalito sa tunay niyang pagkatao.

At ngayon nga na siya ang kinatawan ng ating bansa para sa nalalapit na Mr. Gay World Philippines, ano kaya ang naghihintay para sa future nito sa showbiz?

Sana naman hayaan na natin yung taong ilantad kung ano siya. Hindi ba’t mas mainam na ipakita niya kung ano talaga siya kesa sa itago niya ito.