NAG- WITHDRAW sa 2026 French Open doubles tournament sina Alexandra “Alex” Eala at Victoria Mboko, batay sa updated draw na inilabas nitong Miyerkules.Balita sa Pilipinas

Sa bagong draw, wala na ang pangalan nina Eala at Mboko, at pinalitan sila nina Leylah Fernandez at Diana Shnaider na sasabak kontra kina Oksana Selekhmeteva at Anastasia Zakharova.

Nauna nang natapos ang kampanya ni Eala sa singles matapos matalo kay Iva Jovic, 6-4, 6-2.

Wala pang inilalabas na opisyal na dahilan sa pag-withdraw ng dalawa sa doubles event.

Samantala, magpapatuloy pa rin sa singles competition si Mboko at nakatakdang humarap kay Katerina Siniakova sa second round ngayong araw ng Huwebes.

HINDI alintana ng masipag na Kapitana Echel Pacis ang kanyang propesyon bilang dating teacher at nurse sa Manila Doctors Hospital bagkus pinili niya ang makapaglingkod sa kanilang barangay upang higit pang makatulong sa kanyang mga kabarangay.
Unang siyang pumasok sa pulitika bilang Kagawad hanggang sa naging Kapitana ng nasabing lugar. Sa kanyang panunungkulan, ang kalinisan ang siyang pangunahin niyang proyekto upang maiwasan Ang anumang sakit sa kanyang lugar nasasakupan. Alam niya bilang dating nurse ay mahirap ang magkasakit lalo na ang mga bata, kabataan pati na ang mga senior citizens kaya’t priority niya talaga ang health concerns ng kanyang constituents.
Sa proyektong Clean & Green naman ay gumawa sila ng ” HAPAG” na binubuo ng mga iba’t bang gulay na siyang bagong in-adopt at initiated by DILG na ang layon ay manatiling maging malusog ang lahat.
Pinailawan din ng butihing ina ng Brgy. 139, Zone-12, Dist.1, Caloocan ang buong paligid ng kanilang komunidad kasabay ang paglalagay ng mga CCTV sa bawat sulok ng lugar upang ma-monitor ang galawan sa loob at labas ng barangay.
Para matiyak pa ang kaligtasan ng kanyang mga kabarangay, nagpalagay si Kapitana Echel ng bakal na gate para hindi makapasok ang sinumang nag-iisip ng masama sa kanyang mga nasasakupan. Lingguhan din ang kanilang clean-up drive, de-clogging at feeding programs bilang bahagi ng kanilang serbisyo publiko.

At ngayong Back to School na muli ay naghanda si Kapitana Pacis ng libreng school supplies upang kahit paano ay makabawas sa gastusin ng mga magulang na nagpapa-aral.
Nagbibigay din si Kapitana ng scholarship program sa mga estudyanteng gustong mag-aral ngunit kapos sa buhay.
“Gagawin ko po ang lahat sa abot ng aking makakaya mapaglingkuran nang husto ang aming mga kabarangay. Nagpapasalamat din po ako sa mga kasama kong mga Kagawad sa kanilang pakikipagtulungan para sa kaayusan ng kapaligiran at siyempre, labis din po ako nagpapasalamat sa aming Mayor Along Malapitan sa kanyang mga tulong sa aming barangay. Asahan din po ng aking mga kapatid, kamag-anak at mga kaibigan na kapag ako ay palaring maupong muli ay lalo ko pong pag-iibayuhin ang aking pamamalakad para madama nila ang aking pagmamahal sa kanila,” pahayag ng inang tunay na nagmamalasakit sa barangay, Kapitana, Echel Pacis.
( Sonny Asignacion)

SA loob lamang ng 24-oras, umabot sa labing-isang wanted persons ang arestado sa manhunt operations na isinagawa ng mga units ng Northern Police District (NPD) at police stations sa magkakahiwalay na lugar sa CaMaNaVa area.
Sa ulat ng tanggapan ni NPD Acting Director P/BGen. Benliner Capili, kabilang sa mga naaresto ang 20-anyos na kelot na nakatala bilang Most Wanted Person sa Manila Police District dahil sa pagkakasangkot sa pagbebenta ng illegal na droga.
Ikinasa ng mga tauhan ni Caloocan Police Chief P/Col. Joey Goforth ang operation laban sa akusado nang makatanggap sila ng impormasyon na nagtatago umano ito sa Caloocan City.
Hindi na nakapalag ang akusado nang masukol ng tumutugis na mga tauhan ng Caloocan Police Sub-Station 2 sa 3rd Avenue, Brgy. 120, Caloocan City.
Dinakip ang akusado sa bisa ng arrest warrant na inisyu ng Regional Trial Court Branch 38, Manila City noong April 29, 2026 para sa Service of Sentence dahil sa kasong paglabag sa Sections 5 at 11, ng  RA 9165 na walang inirekomendang piyansa.
Sa pamamagitan ng Six-Point Strategic Program Thrust nito, pinatitibay ng NPD ang pangako nitong pangalagaan ang mga komunidad, pagpapanatili ng kapayapaan at kaayusan, at paghahatid ng mabilis, mahusay, at maaasahang serbisyo ng pulisya sa publiko. (Richard Mesa)

MARIING isinusulong ni Deputy Speaker Janette Loreto-Garin ang pagpapalawig ng feeding program ng gobyerno para sa mga batang Pinoy sa ginanap na pagtalakay ng Committee on Appropriations ng substitute bill para sa panukalang “Masustansyang Pagkain para sa Batang Pilipino Act,” kung saan nagsisilbi siyang bilang isa sa mga principal authors.

Sa ilalim ng panukala, isinusulong ang paglalaan sa nasa P10 bilyon para daycare children sa ilalim ng Department of Social Welfare and Development, na sumasakop sa 200 feeding days para sa tinatayang nasa 2 million beneficiaries.

Nasa P43.2B para sa Phase 1 implementation sa ilalim ng Department of Education, na sumasakop sa Kindergarten hanggang Grade 3, kung saan target nito ang tinatayang 8 million school children para sa 200 feeding days.

Sinabi ni Garin na ang panukalang alokasyon ay para sa direct cost ng masustansiyang pagkain, partikular na yaong nanggaling mula sa local farmers at mangingisda, masiguro na ang government funds ay direktang mapapakinabangan ng mga batang Pilipino children at local food producers.

Iginiit naman nito na walang bahagi ng panukalang pondo ay dapat gamitin sa maintenance and other operating expenses (MOOE) tulad ng meetings, orientations o kitchen tools.

“Every peso should go to feeding children and supporting our farmers and local producers. This is about nutrition, education, and livelihood working together,” ani Garin.

Ayon sa mambabatas, ang sapat na nutrisyon ay direktang nakakaapekto sa kalusugan, cognitive development, mas maayos na school participation, at higher learning outcomes sa mga bata.

“This is an investment in our children and in the country’s future. Nutrition is directly connected to learning, productivity, and long-term national development. If we want a stronger Philippines, we must start by ensuring that our children are healthy and well-nourished,” dagdag ni Garin.

(Vina de Guzman)