2026 May 20 Archive - People's Balita

Archive for May 20th, 2026

Spurs kinailangan pa ng 2 OT para talunin ang OKC at makuha ang unang panalo 122-115

Posted on: May 20th, 2026 by Francis Paolo Torres No Comments

UMABOT pa sa dalawang overtime para makuha Nakuha ng San Antonio Spurs ang unang panalo sa best of seven Western Conference Finals laban sa Oklahoma City Thunder 122-115.

Bumandera sa panalo ng Spurs si Victor Wembanyama na nagtala ng 41 points at 24 rebounds.

Nagtala rin ng 24 points si rookie player Dylan Harper na siyang pumalit kay De’Aaron Fox matapos na ito ay mainjured.

Ito ang unang pagkatalo ng Thunder ngayong playoffs.

Sinabi ni Spurs coach Mitch Johnson na naging motibo para kay Wembanyama ang hindi nito pagkakuha ng Most Valuable Player na nakamit ni OKC star Shai Gilgeous-Alexander.

Nalimitahan lamang sa 24 points si Gilgeous-Alexander kung saan target ng OKC na maging unang koponan na maulit ang kampeonato mula ng makuha ng Golden State Warriors sa taong 2017 at 2018.

Alex Eala, tinalo sa first round ng Internationaux de Strasbourg

Posted on: May 20th, 2026 by Francis Paolo Torres No Comments

BIGO sa unang round ng Internationaux de Strasbourg ang Filipina tennis star na si Alex Eala matapos talunin ni Ukrainian qualifier Oleksandra Oliynykova, 6-3, 5-7, 3-6.

Sa ilalim ng 16-degree cloudy conditions sa Centre Court, nagsimula si Eala nang maayos at nakuha ang unang set matapos ipakita ang determinasyon, kabilang ang isang matagumpay na dropshot winner.

Naitala niya ang unang set, 6-3, sa kabila ng komplikadong estilo ni Oliynykova na puno ng looping shots, slices, at drop shots.

Ngunit sa ikalawang set, nakabawi si Oliynykova at pinilit si Eala na gumawa ng errors, dahilan upang mapunta ang set sa Ukrainian, 7-5.

Sa deciding third set, nagpakita si Eala ng determinasyon, nagpakitang-gilas sa mahahabang rallies at mahihirap na shot-making, kabilang ang short-angle forehand at swinging volley winners.

Gayunpaman, nakontrol ni Oliynykova ang laro sa huling bahagi ng set at nagwagi, 6-3, upang tuluyang manalo sa unang round.

Meet the Heroes of Eternia who joins forces with the legendary He–Man in “Masters of the Universe”

Posted on: May 20th, 2026 by Francis Paolo Torres No Comments

A prince far from his homeworld, with a few faces from the past to bring him back. In Masters of the Universe, Prince Adam (Nicholas Galitzine) grows up on Earth, having been sent there from Eternia for his own safety. As he grows to adulthood, familiar friends call upon him to wield the Sword of Power, and claim his destiny as He-Man, the most powerful man in the universe. Meet the heroes of Eternia who fight alongside He-Man against the evil forces of Skeletor (Jared Leto).

Watch the “Heroes of Eternia” vignette: https://youtu.be/VvPxI2YcTUE
One of the first people to call on him was Teela (Camila Mendes), a former student turned warrior goddess with special insights into the power of Grayskull. Along with her father, Man-At-Arms, they’ve been a force to be reckoned with back in Eternia, ruled by the tyrant Skeletor. “Teela is independent and self-sufficient. She had to grow up fast after her father sort of gave up on life a little bit,” Mendes says. “She had to toughen up and look after herself, in addition to looking after her father. I think she’s been hardened by that experience. But deep down, she has this inner sensitivity and really deep empathy.”Teela’s father, Duncan, a.k.a. Man-At-Arms, is also an important figure in Adam’s past. The powerful warrior served under Adam’s father, King Randor, and currently leads the fight against Skeletor. Idris Elba, who plays Man-At-Arms, has been a longtime fan of Masters of the Universe, and is hoping to pass the magic on to the new generation. “Everyone wanted to be He-Man,” he recalls. “It’s a massive slice of nostalgia and just being a part of it as an actor feels like an honor. I’ve got my son who’s young and into it as well. So passing that on, and being in a film that he might want to see feels good.”

He-Man’s other allies are veteran warriors that have existed as memories from his childhood. One of them is the headstrong Ram Man, played by Jon Xue Zhang. “Ram Man is often described as the human battering ram,” Zhang says. “He’s got springs for legs. He’s very strong and he has a propensity for using his head to resolve problems. It may not be in the most intelligent way, but it’s certainly the most direct way.”

Mekaneck, played by James Wilkinson, lengthens his already towering height by his odd, extendable neck. “He had this crazy-bad injury with his neck,” Wilkinson explains. “Man-At-Arms did a bunch of work on him and he then got this superpower of an extendable neck. Now he uses it to protect other people. So he had this tragic accident and then decided to help people.”

Fisto is not actually named that, but young Adam bestowed the nickname upon Malcom due to his prosthetic iron hand. “Fisto and Man-At-Arms, they’re brothers. And my character saved his life in battle, but lost an arm in the process. So, Man-At-Arms builds him this fist,” explains Jóhannes Haukur Jóhannesson, who plays Fisto.

Watch these heroes fight against the ultimate evil as Masters of the Universe arrives in Philippine cinemas on June 3.

(ROHN ROMULO)

ANTON, tiyak na pagtataasan ng kilay dahil bida na sa isang serye

Posted on: May 20th, 2026 by Francis Paolo Torres No Comments

POSIBLENG marami talaga ang nagulat at pwedeng napataas din ang kilay ng ipakilala ng Kapuso network na isang baguhan talaga ang binigyan ng napakalaking oportunidad para maging bida.

Ang dating PBB housemate at anak ng action star na si Roi Vinzon na si Anton Vinzon ang bida ng bagong GMA Afternoon Prime, ang “Kamao.”

Sa ginanap na mediacon, ayon kay Anton, “Malaking responsibilidad na mabigyan ng ganito kalaking project and hindi mawawala siyempre ang takot, ang kaba, ‘yung challenge, pero para sa akin nangingibabaw pa rin ang kasiyahan sa ginagawa ko.”

Isang boksingero ang papel na ginagampanan ni Anton. At ngayon pa lang, isang drama-action star na ang tawag sa kanya.

Kasama niya rin sa serye ang kanyang ama. Ramdam ang pagmamahal at respeto ni Anton sa kanyang daddy. At sabi nga niya, nagiging stage dad na ito dahil daw sa pagsuporta sa kanya.

Bukod sa mag-ama, kasama rin sa “Kamao” sina Neil Ryan Sese, Bruce Roeland, Amy Austria, Wendell Ramos, Matt Lozano, Therese Malvar, Chanty Videla, Andre Paras at Katrina Halili. Magsisimula na itong mapanood ngayong Lunes, May 25.

***

MAHIGIT isang taon ang naging cancer journey ni Kaye Abad.

Ngayon n’ya lang ito inilabas sa pamamagitan ng kanyang vlog.

Detalyado ang naging pag-document ni Kaye mula nang malaman niya na may breast cancer siya noong January 2025. At ngayon, she’s declared a cancer survivor.

Sa vlog ni Kaye, mararamdaman kung gaano kahirap, pero naging matatag siya dahil na rin sa kanyang faith sa Panginoon.

Sa Singapore nagpa-treat si Kaye. Hindi niya sinabi kung paanong treatment ang ginawa sa kanya. Pero base sa video niya, mukhang oral chemo ang ginawa niya.

Kasunod ng pag-out ni Kaye about her situation, nag-post din ang kanyang Mister na si Paul Jake Castillo at talagang ipinagsigawan nito ang pagmamahal sa asawa.

Sabi ni Paul Jake, “To the person who keeps this family tight, we love you sooo much!!! We love you so much!!!”

(ROSE GARCIA)

RICO, mas kabado sa ‘Project Baby’ kumpara kapag merong major concert

Posted on: May 20th, 2026 by Francis Paolo Torres No Comments

FOR the the first time ay naging lead star na sa isang movie ang OPM rock icon na si Rico Blanco,

Siya lang naman ang napiling leading man ng Kapamilya actress na si Sue Ramirez para sa rom com film ng Regal Entertainment, ang “Project Baby.”

Infairness naman kay Rico na kahit 50s na siya ay mukhang fresh at batambata pa rin ang kanya awra.

Aminado naman siya na pinaghandaan ang pelikula. Madalas nga siyang agwo-workout sa gym kaya naman may pa-topless siya sa movie.

Rebelasyon pa ng award-winning singer-songwriter, “I have so much love for acting. Even back in high school, I was already acting.

“Marami po ang pagkakapareha sa music. I also paint, I also do photography. “

Dagdag pa niya, “Ang gusto ko po sa acting, meron pong moment na hindi ninyo mauulit with your co-actors, with the people behind the cameras, with the people doing the lights.

“There are moments na magagawa ninyo nang isang beses lang, hindi mo siya mauulit. It’s like painting something that will be there forever.

“I want to be part of that where the thing that you create, the director and everyone, mapapanood siya forever and makaka-affect siya forever. “

Aminado rin si Rico na kinabahan talaga siya nang tanggapin ang offer ng Regal Entertainment na maging bida sa “Project Baby.”

“Kinakabahan ako,” pahayag niya.

“Mas kabado pa ako dito kesa kapag meron akong major concert or malaking music event kasi po, as you all know, bihira ko pong gawin ito.

“And I feel…minsan hindi ko alam kung totoo bang nangyayari na at this point in my life, ngayon po ako magkakaroon ng lead role in a Regal movie.”

Sambit pa ni Rico, “It’s like this morning, ginaganoon ko po yung sarili ko (sabay hawak sa pisngi) . I can’t believe all of this is happening.

“So when you said yung millions of views yung trailer, it’s still unbelievable to me.

“I’ve done so many things in my career that I am so grateful for. Nalagpas-lagpasan ko na lahat ng dreams ko.

“Ito po, I will be honest, hindi ko ito pinangarap at all tapos nangyayari so I am so filled with so much gratitude po.”

Kasama rin sa pelikula sina Alice Dixson, Matt Lozano, Arra San Agustin, Yasser Marta, Alex Calleja at marami pang iba, at mula sa direksyon ni Eric Quizon.

Hoping si Rico na makatatanggap din siya nang matinding suporta mula sa kanyang music fans, ngayon bida nga siya “Project Baby” na showing na mga sinehan nationwide sa June 10.

JM, inamin na hindi pa siya sinasagot ni FYANG

Posted on: May 20th, 2026 by Francis Paolo Torres No Comments

INAMIN ni JM Ibarra na hindi pa rin siya sinasagot ng ka-loveteam na si Fyang Smith. Tuloy-tuloy pa rin daw ang panliligaw niya sa dalaga

Sa interview sa kanya ng “Oh My Gan!”, natanong si JM sa real score sa kanila ni Fyang.

“Hindi kami nagmamadali parehas. I can say na until now, nandu’n pa rin sa panliligaw. Pero hindi ko naman minamadali. So far, consistent naman,” say ng aktor.

Inamin naman ni Fyang na aprub na aprub ang kanyang magulang kay JM, “Hindi lang ako, pati parents ko. First time na may magustuhan yung daddy ko na lalaki for me.”

Dagdag pa ni Fyang na mas naging close pa sila ni JM mula nang lumabas sila sa Bahay ni Kuya.

“Mas lumalim yung pagkakakilala ko sa kanya. Mas lumalim din yung pagpapahalaga ko sa kanya,” sambit ni Fyang.

Sagot naman ni JM, “Mas maraming bagay ngayon yung napapagkasunduan namin, medyo nagma-match na yung mga gusto namin sa buhay.”

Samantala, certified hit ang first solo movie ng tambalang JMFyang ang “Almost Us,” directed by Dan Villegas.

Hatid ito ng Regal Entertainment na palabas pa rin hanggang ngayon sa mga sinehan nationwide. (ROHN ROMULO)

Pedicab driver na wanted sa pangmomolestiya, tiklo sa Valenzuela

Posted on: May 20th, 2026 by Francis Paolo Torres No Comments

SHOOT sa kulungan ang 35-anyos na pedicab driver na wanted sa kaso ng pangmomolestiya sa isang menor-de-edad nang maaresto ng pulisya sa manhunt operation sa Valenzuela City.

Ayon kay Valenzuela Police Chief P/Col. Joseph Talento, ang akusado ay residente ng Brgy., Arkong Bato ay nakatala bilang Top 10 Most Wanted Person sa Valenzuela CPS.

Nakatanggap ng impormasyon ang mga operatiba ng Valenzuela Police Warrant and Subpoena Section (WSS) na naispatan ang presensya ng akusado sa kanilang lugar.

Dahil dito, ikinasa ng mga operatiba WSS ang operation laban sa akusado katuwang ang mga tauhan ng NDIT, RIU-NCR, at IG hanggang masukol siya malapit sa kanilang tirahan.

Hindi naman umano pumalag ang akusado nang arestuhin ng pulisya sa bisa ng warrant of arrest na inisyu ng Valenzuela City Regional Trial Court, Branch 270 para sa kasong Acts of Lasciviousness in relation to Section 5(b) of R.A. 7610 as amended by R.A. 11648 na may inirekomendang piyansa na P180,000.

Matapos nito, dinala ang akusado sa pagamutan para sa medical examination bago tinurnover sa Custodial Facility Unit ng Valenzuela CPS kung saan siya pansamantalang nakapiit habang hinihintay ang utos mula sa korte.

Pinuri naman ni Northern Police District (NPD) Acting Director P/BGen. Benliner Capili ang Valenzuela CPS sa kanilang matagumpay na operation na bahagi aniya ng pinaigting na kampanya ng NPD laban sa mga wanted na indibidwal at sa patuloy na pagsusulong ng kapayapaan, kaayusan at husitisya sa CaMaNaVa. (Richard Mesa)

CHINESE NATIONAL NA INARESTO, WALANG KAUGNAYAN SA ADMINISTRASYON NI ISKO

Posted on: May 20th, 2026 by Francis Paolo Torres No Comments

ANG Chinese national na inaresto dahil sa pekeng dokumentong Pilipino ay walang kaugnayan sa kasalukuyang administrasyon ng Maynila.

Itinanggi ni Manila City Administrator Atty. Eduardo “Wardee” P. Quintos XIV ang anumang koneksyon ng Pamahalaang Lungsod ng Maynila sa isang Chinese national na inaresto ng Bureau of Immigration (BI) dahil umano sa paggamit ng pekeng dokumentong Pilipino.

Itinuro ni Quintos si dating City Administrator Bernardito Ang—isang pangunahing opisyal sa ilalim ng administrasyon ni dating Mayor Honey Lacuna—bilang taong dapat tanungin kaugnay ng naturang mga dokumento.

Naglabas ng pahayag ang city administrator upang idistansiya ang kasalukuyang administrasyon ni Manila City Mayor Francisco “Isko” Moreno Domagoso kay Peter B. Zhuang, na inaresto noong Marso 30, 2026 dahil umano sa maling pagpapakilala at paggamit ng pekeng dokumentong Pilipino.

Binigyang-diin ni Quintos na si Zhuang ay “walang anumang koneksyon, kaugnayan, trabaho, pakikipag-ugnayan, o awtorisasyon mula sa Pamahalaang Lungsod ng Maynila sa ilalim ng kasalukuyang administrasyon.”

Dagdag pa ng city administrator, anumang ID, sertipikasyon, o dokumentong sinasabing ibinigay pabor kay Zhuang ay “lampas sa awtoridad, partisipasyon, at opisyal na kaalaman ng kasalukuyang administrasyon.”

Sinabi rin ni Quintos na hindi kukunsintihin ng pamahalaang lungsod ang “anumang uri ng maling pagpapakilala, hindi awtorisadong paggamit ng mga pangalan o tanggapan ng mga opisyal ng lungsod,” o pagsasamantala sa pagkakakilanlan at mga institusyon ng lokal na pamahalaan ng mga dayuhan.

Aniya, nananatiling nakatuon ang administrasyon ni Domagoso sa pangangalaga ng pambansang seguridad at pagtataguyod sa Konstitusyon.

Inaresto ng Bureau of Immigration si Zhuang noong Marso 30 dahil umano sa maling pagpapakilala at paggamit ng pekeng dokumentong Pilipino. (Gene Adsuara)

Forthwith sa impeachment, gawin na request ng mambabatas

Posted on: May 20th, 2026 by Francis Paolo Torres No Comments

INIHAYAG ni Kabataan Partylist

Rep. Renee Co na dapat simulan at ituloy agad ang impeachment trial ni Vice President Sara Duterte.

“The impeachment must proceed at once. It is a disservice to the Filipino people if the impeachment hearing is delayed any longer,” anang House Assistant Minority Leader.

Ang panawagan ay ginawa ng mambabatas kasabay ng pagsisimula nang pagpupulong ng impeachment court sa Senado.

Makaraang isinumite ang articles of impeachment sa Senado ng Kamara, umaasa ang mga grupo na magpupulong at tatalakayin agad nito ang usapin.

“Hindi dapat mahadlangan ng anumang gulo sa Senate leadership ang proseso ng impeachment. ” giit ni Co.

“Oras na ng pananagutan, hindi ng simpatiya o pamumulitika.”

Sinabi pa nito na iisa lang ang panawagan ng taumbayan, ang pagulungin na ang impeachment at pagulungin na ang mga kurakot.

(Vina de Guzman)

Dating UP prof at dating DBM Usec na si Kim Robert De Leon, bagong DBM Sec- Malakanyang

Posted on: May 20th, 2026 by Francis Paolo Torres No Comments

KINUMPIRMA ng Malakanyang ang pagtatalaga ni Pangulong Ferdinand Marcos Jr., sa UP Professor at dating dating DBM Undersecretary Kim Robert De Leon bilang bago at permanenteng kalihim ng Department of Budget and Management (DBM).

Si De Leon ang pinakabatang miyembro ng Gabinete ni Pangulong Marcos.

Sa press briefing sa Malakanyang, sinabi ni Presidential Communications Office Undersecretary and Palace Press Officer Claire Castro na inaasahan na manunumpa sa kanyang bagong tungkilin si De Leon, bukas, Mayo 19, 2026.

Isang career public servant, kinilala si De Leon para sa kanyang trabaho sa fiscal management, organizational reform, at digital transformation.

Nagtapos si De Leon ng magna cum laude at valedictorian mula UP-NCPAG. Nanguna rin siya sa 2016 Environmental Planning Licensure Examination at nagtamo ng Master’s degrees in urban and regional planning and public safety administration with academic honors.

Idagdag pa rito, nakakuha si De Leon ng sertipiko sa business process management mula sa Queensland University of Technology nong 2021, sa ilalim ng Australia Awards scholarship program.

Sa kabilang dako, sa tanong kung bakit si De Leon ang napisil ng Pangulo na italagang Kalihim ng DBM, ang sagot ni Castro ay ‘prerogative’ iyon ng Pangulo.

Samantala, si DBM former acting secretary Rolando Toledo ay itinalaga naman sa Board of Trustees, kakatawanin ni Toledo ang nangungunang orgaisasyon asosasyon ng mga government employees retirees o GSIS. (Daris Jose)