IPRINISINTA ni Philippine National Police (PNP) Acting Chief LtGen. Jose Melencio Nartatez Jr., kasama sina PNP Highway Patrol Group (HPG) Director PBGen. Hansel Marantan at BOC Chief PBGen. Nicolas Bathan ang hinihinalang smuggled na mga sigarilyo na tinatayang nagkakahalaga ng P1.5 bilyon matapos madiskubre ng pulisya sa 18 40-ft container vans sa loob ng Tala Cargo Solution sa Mabolo St., Maysilo. Malabon City. (Richard Mesa)
- April 27, 2026
Ang Diyaryong Pinagkakatiwalaan
Archive for January 2nd, 2026
Goitia: hindi kayang burahin ng mga kuwento ng Tsina ang karapatan ng Pilipinas
ANG pagtatangkang ipinta ng Tsina ang kontrol nito sa Scarborough Shoal bilang usapin ng “pangangalaga sa kalikasan” ay hindi nagbabago ng katotohanan. Kahit balutin sa magagandang salita, hindi nito napapalitan ang batas, at lalong hindi nito nabubura ang karapatan ng Pilipinas na kinikilala ng kasaysayan at ng pandaigdigang batas.
Sa mga nagdaang araw, sunod-sunod na ulat mula sa mga media na malapit sa estado ng Tsina ang naglalarawan sa Beijing bilang tagapangalaga ng Scarborough Shoal, habang ang mga mangingisdang Pilipino at presensya ng Pilipinas ang ginagawang problema. Maayos at tila siyentipiko ang tono, ngunit malinaw ang pakay: gawing normal ang kontrol ng Tsina at isantabi ang lehitimong karapatan ng Pilipinas.
“Hindi na ito bago,” sabi ni Chairman Emeritus Dr. Jose Antonio Goitia. “Matagal nang ginagamit ang magagandang salita para pagtakpan ang okupasyon. Nagbago lang ang bihis. Ngayon, conservation na ang tawag.”
Diretso na tayo. Ang Scarborough Shoal ay malinaw na nasa loob ng exclusive economic zone ng Pilipinas. Hindi ito opinyon o palagay. Pinagtibay ito ng arbitral ruling noong 2016.
“Hindi nababago ng magagandang salita ang legal na katotohanan. Hindi mo puwedeng tawaging pangangalaga ang isang bagay na wala kang karapatan.” ani Goitia.
Sabi niya, Ang pagturing sa Pilipinas na parang dayuhan sa sarili nitong dagat ay malinaw na pagbaluktot ng batas. Kahit anong bihis ang ibigay, ang pangangalaga sa kalikasan ay hindi kailanman kapalit ng soberanya.
Ang mga mangingisda ay hindi aniya dayo. Bago pa ang mga patrol at ulat, naroon na ang mga mangingisdang Pilipino sa mga katubigang ito. Dito sila nabuhay at dito nila itinaguyod ang kanilang pamilya.
“Hindi pumasok ang ating mga mangingisda bilang mga lumalabag. Ito ang dagat na kinalakihan nila at dito sila naghanapbuhay.” sabi ni Goitia.
Ang pagtawag aniya sa kanila bilang ilegal ay mali. Binubura nito ang kanilang kasaysayan at minamaliit ang kanilang hanapbuhay.
“Kung maayos ang bahura, walang batayan ang paratang. Kung may problema man, kailangang patas ang pagsusuri at isama ang epekto ng matagal na presensya ng malalaking barko, mga blockade, at mga paghihigpit.” dagdag ni Goitia.
Aniya, ang mga pahayag na inaangkin ng Tsina ang Palawan ay walang batayan. Hindi ito sinusuportahan ng kasaysayan, batas, o anumang kasunduan. Ang Palawan ay malinaw na bahagi ng Pilipinas, kinikilala ng pandaigdigang komunidad at pinamamahalaan ng bansa sa mahabang panahon. Walang seryosong historyador, legal na iskolar, o internasyonal na institusyon ang kumikilala sa ganitong kathang-isip.
“Kapag mas pinalalaki ang kasinungalingan, mas lantad itong nagiging mali. Ang Palawan ay hindi pinagtatalunan at hindi maaaring baluktutin ang kasaysayan nito.” giit ni Goitia.
Hindi sigawan o pananakot ang tugon ng Pilipinas. Sa ilalim ni Pangulong Ferdinand R. Marcos Jr., malinaw ang direksyon: batas ang sandigan at institusyon ang lakas.
Nangunguna ang Philippine Coast Guard sa pagbabantay sa ating karagatan at pagprotekta sa mga mangingisda, habang malinaw ang tindig ng Department of National Defense sa pamumuno ni Secretary Gilberto Teodoro na ang soberanya at karapatan ng Pilipinas ay hindi tinatakot at hindi tinatawaran.
“Hindi ito palabas, ito ay seryosong pamamahala.” sabi ni Goitia.
“Hindi nadedesisyunan ang soberanya sa ingay o dami ng ulat. Ito ay pinagtitibay ng batas, ng kasaysayan, at ng dangal ng bayang tumatangging mabura sa sariling karagatan.” pagtatapos niya.
(Richard Mesa)
Mula sa mahabang bakasyon… LTFRB, NAKA-ALERTO SA MILYUN-MILYONG PASAHERONG UUWI
NAGBIGAY-ALERTO ang Land Transportation Franchising and Regulatory Board (LTFRB), sa pangangasiwa ni Department of Transportation (DOTr) Secretary Giovanni Z. Lopez, sa lahat ng tauhan nito bilang paghahanda sa pagbiyahe ng milyun-milyong Pilipinong mananakay matapos ang mahabang bakasyon ng Pasko at Bagong Taon.
Ayon kay LTFRB Chairperson Atty. Vigor D. Mendoza II, inabisuhan na niya ang mga kompanya ng bus at iba pang transport operators na tiyakin ang pagiging ligtas at maayos ng kanilang mga sasakyan upang masiguro ang walang aberyang biyahe ng mga pasahero.
“Ang pagsunod ng mga kompanya ng bus at iba pang transport operators ay susuriin sa pamamagitan ng mga random at biglaang inspeksyon na isasagawa kasama ang iba pang ahensya ng pamahalaan,” ani Chairperson Mendoza.
“Layunin nating matiyak hindi lamang ang kaligtasan ng mga pampublikong sasakyan kundi pati ang kahandaan ng mga tsuper, lahat ng ito ay para maiwasan ang mga aksidente sa kalsada,” dagdag pa niya.
Dalawang nakamamatay na aksidente ang naitala sa panahon ng pag-uwi ng mga pasahero nitong Kapaskuhan, kaya’t target ng LTFRB ang zero road crash habang bumabalik ang milyun-milyong pasahero sa mga lungsod matapos ang bakasyon.
Inatasan din ni Chairperson Mendoza ang lahat ng Regional Directors na agad tugunan ang anumang reklamo at hinaing ng mga pasahero, lalo na laban sa mga pasaway na taxi drivers.
Babantayan din ng LTFRB ang pagsunod ng mga taxi companies at ride-hailing services sa mga bus terminal, pantalan, at paliparan sa buong bansa.
“Tututukan natin ang mga reklamo ng isnabero at pangongontrata ng ilang taxi drivers lalo na sa mga paliparan,” ani Mendoza.
Hinimok din niya ang mga pasahero na idulog ang kanilang mga reklamo sa LTFRB Hotline 0956-761-0739, at nangakong agad na kikilos sa mga hinaing kaugnay ng pampublikong transportasyon.
“Magkaisa tayo para mapabuti ang serbisyo ng ating transport system. Lalakas ang loob ng mga tiwaling PUV drivers kung walang magrereklamo. Magtulungan tayo sa bagay na ito,” binigyang-diin ni Mendoza.
(PAUL JOHN REYES)
P1.5 bilyon smuggled na sigarilyo, nasabat sa Malabon
TINATAYANG aabot sa P1.5 bilyong halaga ng smuggled na sigarilyo ang nasamsam ng mga tauhan ng Philippine National-Police-Highway Patrol Group (PNP-HPG) at Bureau of Customs (BOC) sa Malabon City, Huwebes ng hapon.
Sa isinagawang press briefing sa pangunguna ni Philippine National Police (PNP) Acting Chief LtGen. Jose Melencio Nartatez Jr., kasama sina PNP Highway Patrol Group (HPG) Director PBGen. Hansel Marantan at BOC Chief PBGen. Nicolas Bathan sinabi nito na habang nagsasagawa ng anti-carnapping operation ang mga tauhan ng RHPU-NCR sa M.H. Del Pilar Avenue, Brgy. Maysilo nang mamataan ang isang riding-in-tandem na walang suot na mga helmet.
Nang pahintuin ang mga ito sa checkpoint, nagtangkang tumakas ang riding-in-tandem na dahilan upang habulin sila ng mga pulis hanggang sa makorner ang rider sa loob ng Tala Cargo Solutions sa Mabolo St., Maysilo habang nakatakas ang angkas nito.
Ayon kay Gen. Marantan, dito nadiskubre nila ang 18 40-ft container vans na naglalaman ng pinaghihinalaang smuggled na mga sigarilyo na mula umano sa Korea na nagkakahalaga ng P1.5 bilyon dakong alas-2 ng hapon.
Sinabi ni PNP Chief Nartatez na ang pagkakadiskubre sa smuggled na mga sigarilyo ay matapos maabutan ng tauhan ng PNP-HPG ang ilang container van nakabukas habang tatlong indibiduwal din ang inaresto nang bigong magpakita ng kaukulang mga dokumento.
6 of 7,507
PB January 3, 2026 Saturday Page 3
Inbox
mary rose antazo
2:47 PM (8 hours ago)
to maryrose, Altedpublication, me
It looks like this message is in Filipino
PB January 3, 2026
Saturday
https://share.google/JFf5gFnXsiYtPThi0
Editorial
89% ng Pinoys puno ng pag-asa sa 2026 – SWS
NASA 89 percent ng mga Pinoy ang nagsabing sasalubungin nila ang pagpasok ng 2026 nang may pag-asa sa halip na mangamba.
Base sa latest survey ng Social Weather Station (SWS) na ginawa nitong Nobyembre, ito na ang pinakamababang puntos sa loob ng 16 taon simula noong 2009 na nakapagtala rin ng 89%.
Nagpapakita rin ito ng isang puntos na pagbaba mula sa 90% noong 2024 at 7 puntos na pagbaba mula sa 96% noong 2023.
Sa naturang survey, 11% naman ang nagsabing may takot sila sa pagsisimula ng 2026, mas mataas ng isang puntos sa 10% noong 2024 at may 7 point na taas mula sa 3% noong 2023. Ito rin ang pinakamataas na puntos mula nang itala ang 11% noong 2009.
Tinanong ang 1,200 adults sa survey ng “Ang darating na taon ba ay inyong sasalubungin nang may pag-asa o may pangamba?”
Nasa 92% din ang umaasa ng masayang Pasko, 83% naman ang umaasa na maging masaya o malungkot ang Christmas at malungkot na Christmas ay pumalo sa 79%.
“Hope for the coming New Year has always been higher among those who expected a happy Christmas than those who expected a sad Christmas,” ayon sa SWS.
Sa survey, ang may malaking pag-asa sa pagsalubong sa bagong taon ay mataas sa Balance Luzon (92%), Metro Manila (90%), Visayas (85%) at Mindanao (84%).
Ang naturang survey ay ginawa noong November 24-30, 2025 gamit ang face-to-face interviews.
Column with photo attached
Jemba in Action
Jess Basco
LTO REGIONAL OFFICE 10, NAGLABAS NG SCO KAUGNAY NG UMANO’Y ROAD RAGE AT PAGBUNOT NG BARIL
NAGLABAS ng Show Cause Order (SCO) ang Land Transportation Office (LTO) Regional Office 10 laban sa rehistradong may-ari at driver ng isang puting ISUZU D-MAX pickup, kaugnay ng isang insidente ng road rage na umano’y kinasangkutan ng pagbunot ng baril at nag-viral sa social media.
Ayon sa paunang imbestigasyon, ang insidente ay naganap nitong Disyembre 29, 2025, sa kanto ng 8th Street at Hayes Street, Cagayan de Oro City. Batay sa kumakalat na video sa Facebook, makikitang hinugot ng driver ng naturang sasakyan ang isang baril at gumawa pa ng malaswang hand gesture laban sa ibang mga motorista. Ang nasabing kilos, kapag napatunayan, ay maituturing na paglabag sa Land Transportation and Traffic Code, na tumutukoy sa pagbabawal sa isang “improper person to operate a motor vehicle.”
Dahil dito, inatasan ni LTO Chief Assistant Secretary Markus V. Lacanilao ang
LTO Regional Office 10 (LTO RO-10) sa ilalim ni Atty. Bokhaimen A. Mala, na magsagawa ng masusing imbestigasyon hinggil sa insidente at pagpaliwanagin ang rehistradong may-ari at ang driver ng sasakyan at personal na humarap sa LTO RO-10, sa MVIS Compound, Bulua, Cagayan de Oro City, sa Enero 5, 2026 (Lunes).
Kinakailangan din nilang magsumite ng sinumpaan o beripikadong paliwanag kung bakit hindi sila dapat patawan ng kaukulang parusang administratibo kaugnay ng insidente.
Habang isinasagawa ang imbestigasyon, ang ISUZU D-MAX ay pansamantalang inilagay sa ilalim ng ALARM. Bukod dito, ang lisensya sa pagmamaneho ng driver na nagmamaneho ng sasakyan sa oras ng insidente ay isinailalim sa siyamnapung (90) araw na preventive suspension.
Binigyang-diin ni Asec. Lacanilao, na ang kabiguang humarap at magsumite ng kinakailangang paliwanag ay magbibigay-daan sa agarang pagresolba ng kaso batay sa mga umiiral na ebidensya at record. (PAUL JOHN REYES)
Google Image Result for https://lookaside.fbsbx.com/lookaside/crawler/media/?media_id=1380803797411483
Google Image Result for https://lookaside.fbsbx.com/lookaside/crawler/media/?media_id=1380803797411483
News 1
P1.5 bilyon smuggled na sigarilyo, nasabat sa Malabon
TINATAYANG aabot sa P1.5 bilyong halaga ng smuggled na sigarilyo ang nasamsam ng mga tauhan ng Philippine National-Police-Highway Patrol Group (PNP-HPG) at Bureau of Customs (BOC) sa Malabon City, Huwebes ng hapon.
Sa isinagawang press briefing sa pangunguna ni Philippine National Police (PNP) Acting Chief LtGen. Jose Melencio Nartatez Jr., kasama sina PNP Highway Patrol Group (HPG) Director PBGen. Hansel Marantan at BOC Chief PBGen. Nicolas Bathan sinabi nito na habang nagsasagawa ng anti-carnapping operation ang mga tauhan ng RHPU-NCR sa M.H. Del Pilar Avenue, Brgy. Maysilo nang mamataan ang isang riding-in-tandem na walang suot na mga helmet.
Nang pahintuin ang mga ito sa checkpoint, nagtangkang tumakas ang riding-in-tandem na dahilan upang habulin sila ng mga pulis hanggang sa makorner ang rider sa loob ng Tala Cargo Solutions sa Mabolo St., Maysilo habang nakatakas ang angkas nito.
Ayon kay Gen. Marantan, dito nadiskubre nila ang 18 40-ft container vans na naglalaman ng pinaghihinalaang smuggled na mga sigarilyo na mula umano sa Korea na nagkakahalaga ng P1.5 bilyon dakong alas-2 ng hapon.
Sinabi ni PNP Chief Nartatez na ang pagkakadiskubre sa smuggled na mga sigarilyo ay matapos maabutan ng tauhan ng PNP-HPG ang ilang container van nakabukas habang tatlong indibiduwal din ang inaresto nang bigong magpakita ng kaukulang mga dokumento.
(Richard Mesa)
LTO REGIONAL OFFICE 10, NAGLABAS NG SCO KAUGNAY NG UMANO’Y ROAD RAGE AT PAGBUNOT NG BARIL
NAGLABAS ng Show Cause Order (SCO) ang Land Transportation Office (LTO) Regional Office 10 laban sa rehistradong may-ari at driver ng isang puting ISUZU D-MAX pickup, kaugnay ng isang insidente ng road rage na umano’y kinasangkutan ng pagbunot ng baril at nag-viral sa social media.
Ayon sa paunang imbestigasyon, ang insidente ay naganap nitong Disyembre 29, 2025, sa kanto ng 8th Street at Hayes Street, Cagayan de Oro City. Batay sa kumakalat na video sa Facebook, makikitang hinugot ng driver ng naturang sasakyan ang isang baril at gumawa pa ng malaswang hand gesture laban sa ibang mga motorista. Ang nasabing kilos, kapag napatunayan, ay maituturing na paglabag sa Land Transportation and Traffic Code, na tumutukoy sa pagbabawal sa isang “improper person to operate a motor vehicle.”
Dahil dito, inatasan ni LTO Chief Assistant Secretary Markus V. Lacanilao ang
LTO Regional Office 10 (LTO RO-10) sa ilalim ni Atty. Bokhaimen A. Mala, na magsagawa ng masusing imbestigasyon hinggil sa insidente at pagpaliwanagin ang rehistradong may-ari at ang driver ng sasakyan at personal na humarap sa LTO RO-10, sa MVIS Compound, Bulua, Cagayan de Oro City, sa Enero 5, 2026 (Lunes).
Kinakailangan din nilang magsumite ng sinumpaan o beripikadong paliwanag kung bakit hindi sila dapat patawan ng kaukulang parusang administratibo kaugnay ng insidente.
Habang isinasagawa ang imbestigasyon, ang ISUZU D-MAX ay pansamantalang inilagay sa ilalim ng ALARM. Bukod dito, ang lisensya sa pagmamaneho ng driver na nagmamaneho ng sasakyan sa oras ng insidente ay isinailalim sa siyamnapung (90) araw na preventive suspension.
Binigyang-diin ni Asec. Lacanilao, na ang kabiguang humarap at magsumite ng kinakailangang paliwanag ay magbibigay-daan sa agarang pagresolba ng kaso batay sa mga umiiral na ebidensya at record. (PAUL JOHN REYES)
89% ng Pinoys puno ng pag-asa sa 2026 – SWS
NASA 89 percent ng mga Pinoy ang nagsabing sasalubungin nila ang pagpasok ng 2026 nang may pag-asa sa halip na mangamba.
Base sa latest survey ng Social Weather Station (SWS) na ginawa nitong Nobyembre, ito na ang pinakamababang puntos sa loob ng 16 taon simula noong 2009 na nakapagtala rin ng 89%.
Nagpapakita rin ito ng isang puntos na pagbaba mula sa 90% noong 2024 at 7 puntos na pagbaba mula sa 96% noong 2023.
Sa naturang survey, 11% naman ang nagsabing may takot sila sa pagsisimula ng 2026, mas mataas ng isang puntos sa 10% noong 2024 at may 7 point na taas mula sa 3% noong 2023. Ito rin ang pinakamataas na puntos mula nang itala ang 11% noong 2009.
Tinanong ang 1,200 adults sa survey ng “Ang darating na taon ba ay inyong sasalubungin nang may pag-asa o may pangamba?”
Nasa 92% din ang umaasa ng masayang Pasko, 83% naman ang umaasa na maging masaya o malungkot ang Christmas at malungkot na Christmas ay pumalo sa 79%.
“Hope for the coming New Year has always been higher among those who expected a happy Christmas than those who expected a sad Christmas,” ayon sa SWS.
Sa survey, ang may malaking pag-asa sa pagsalubong sa bagong taon ay mataas sa Balance Luzon (92%), Metro Manila (90%), Visayas (85%) at Mindanao (84%).
Ang naturang survey ay ginawa noong November 24-30, 2025 gamit ang face-to-face interviews.
2026 budget, niratipikahan
NIRATIPIKAHAN ng Kamara sa pamamagitan ng viva voce vote ang conference committee report ng bicameral conference committee ng House Bill (HB) 4058 o 2026 General Appropriations Bill (GAB).
Ang hakbang, kasabay ng ratipikasyon ng Senado ay nagbigay daan para sa
pormal na pagsusumite nito sa presidente para rebyuhin at ipasa.
Nakatakdang lagdaan ng pangulo ang panukalang 2026 budget bilang batas sa unang linggo ng Enero 2026.
Para kay Speaker Faustino “Bojie” Dy III, ang pagkakapasa ng GAB ay isa sa pinakaimportanteng tungkulin ng Kamara sa ilalim ng Constitution.
“Isa sa pinaka-mabigat ngunit pinakamahalagang tungkulin (na) ipinagkatiwala sa atin sa Saligang Batas – ang pagpasa ng pambansang budget,” ani Dy.
Nakapaloob sa P6.7 trillion 2026 GAB ang pondo sa edukasyon na katumbas sa 4.1% ng gross domestic product (GDP).
Kabilang sa sector na binigyang prayoritasyon ay ang health at agriculture.
Paperless system at blockchain technology ipatutupad simula 2026
INIHAYAG ni Speaker Faustino “Bojie” Dy III na maglilipat sa paperless system at magpapatupad ng blockchain technology simula 2026.
Sa pamamagitan ng hakbang ay magiging kauna-unahang
legislative body sa Asya ang Philippine Congress na gagamit sa teknolohiya para palakasin ang transparency at public trust.
Ginawa ni Dy ang pahayag sa isang video message sa social media platforms ng Kamara isang araw matapos itong mag-adjourned makaraang ratipikahan ang P6.793-trillion 2026 national budget.
Sinabi ni Dy na ang reporma ay nagpapakita sa posisyon ng kamara na dapat anihin nito ang kumpiyansa ng publiko sa pamahalaan.
“As your Speaker, I have always said that trust in government is built not by words alone, but by actions,” ani Dy.
Sinabi nito na ang transition ay nagsisilbing susi sa mas malawak na hakbang para sa reporma at modernisasyon ng kongreso.
Ang inisyatibo ay isasagawa sa tulong at suporta ng Department of Information and Communications Technology.
“Once the transition is completed, we will be the first legislative body in Asia to adopt this technology,” saad nito.
(Vina de Guzman)
PBBM PINANGUNAHAN ANG BANSA SA PAGGUNITA SA ARAW NI RIZAL
PINANGUNAHAN ni Pangulong Ferdinand R. Marcos Jr., araw ng Martes, ang paggunita ng sambayanang Pilipino sa ika-129 anibersaryo ng kabayanihan at pagiging martir ng pambansang bayani na si Dr. Jose Rizal sa Luneta.
Kasama ng Pangulo ang Unang Ginang Louise Araneta-Marcos at kanilang mga anak, National Historical Commission of the Philippines (NHCP) Chair Regalado Trota Jose Jr., Manila Mayor Francisco “Isko” Domagoso, Armed Forces Vice Chief of Staff Lt. General Jimmy Larida, Supreme Commander ng Knights of Rizal na si Raymundo del Rosario, at iba pang mga opisyal at kawani mula sa pambansang pamahalaan, lokal na pamahalaan, unipormadong serbisyo, mga organisasyong sibiko, at mga kasapi ng Diplomatic Corps.
Sa isinagawang flag-raising at wreath-laying rites sa Monumento ni Rizal, sabay-sabay ding nagdaos ng mga programa sa Rizal Shrine sa Lungsod ng Calamba, Laguna na siyang lugar ng kapanganakan ni Rizal; sa Rizal Shrine sa Lungsod ng Dapitan, Zamboanga del Norte; at sa iba’t ibang monumento ni Rizal sa buong bansa.
Ayon sa NHCP, ang paggunita ngayong taon na may temang “RIZAL: Sa Pagbangon ng mga Mamamayan, Aral at Diwa Mo ang Tunay na Gabay,” ay nagbabalik-tanaw sa mga walang kamatayang aral mula sa buhay at mga akda ng pambansang bayani sa pagharap ng bansa at mamamayan sa mga bagong hamon.
Bilang tanda ng pagluluksa, nakataas sa kalahating-mast ang mga watawat sa buong bansa, bilang pag-alala sa isa sa pinakatanyag at pinakamahalagang bayani ng lahing Malay.
Nang barilin si Rizal noong araw na iyon ng Disyembre 1896, tuluyan nang sumiklab ang rebolusyon, na nagpasimula ng sunod-sunod na pangyayari na humantong sa kalayaan ng bansa mula sa 333 taong pananakop ng mga Kastila, ayon sa NHCP. ( Daris Jose)
PBBM, HINIMOK ANG MGA PILIPINO NA MAMUHAY AYON SA HALIMBAWA NI DR. JOSE RIZAL
HINIMOK ni Pangulong Ferdinand R. Marcos Jr., araw ng Martes ang mga Pilipino na humugot ng inspirasyon mula sa pambansang bayani na si Dr. Jose Rizal sa pamamagitan ng pagpapanatili ng pagmamahal sa bayan, katotohanan, at responsableng pagkamamamayan, habang ginugunita ng bansa ang Araw ni Rizal.
“Nawa’y lalong patibayin ng ating pagdiriwang ang ating paninindigan na isabuhay ang mga halagang kanyang ipinakita: pagmamahal sa bayan, paggalang sa katotohanan, walang pagod na paghahangad ng makatarungang reporma, at ang tapang na magsalita at kumilos para sa tama,” ang bahagi ng mensahe ng Pangulo.
“Nawa’y magsilbing inspirasyon ang paggunita na ito sa bawat Pilipino—lalo na sa kabataan na lubos na minahal ni Rizal—na ipares ang pagmamahal sa bayan sa responsableng pagkamamamayan upang mas makapaglingkod tayo sa bansa,” aniya pa rin.
Ayon kay Pangulong Marcos, sa pamamagitan ng kanyang mga sulatin at sakripisyo, ginising ni Rizal ang kamalayan ng mamamayan at ipinakita na ang mga Pilipino ay karapat-dapat sa dignidad, kalayaan, at kapangyarihang magtakda ng sariling kinabukasan.
“Today, as Filipinos demand integrity and accountability from its leaders, we look up to his life to provide us with guidance and strength,” sinabi ng Punong Ehekutibo.
“Sa kasalukuyan, habang hinihingi ng mga Pilipino ang integridad at pananagutan mula sa kanilang mga pinuno, tinitingala natin ang kanyang buhay upang magsilbing gabay at lakas,” aniya pa rin.
Dagdag pa ng Pangulo, sa lahat ng larangan ng buhay, pampubliko man o pribado, nawa’y gabayan ng mga prinsipyo ni Rizal ang ating pamumuhay at pagtatrabaho para sa bayan upang sa anumang ating ginagawa, palaging piliin ang malasakit kaysa sa kawalang-pakialam at ang bayan kaysa sa pansariling interes.
“Bumuo tayo ng isang bansa kung saan ang katarungang ipinaglaban niya ay maisakatuparan sa pang-araw-araw na buhay ng lahat ng Pilipino,” ang sinabi ni Pangulong Marcos.
“Sapagkat sa bawat gawa ng integridad at bawat paninindigan para sa katotohanan, binubuhay natin ang mga pangarap ni Dr. Rizal at inilalapit ang ating sama-samang pangitain ng isang Bagong Pilipinas sa realidad,” dagdag na wika nito. ( Daris Jose)