MAY 54% na mga Filipino adults ang sumang-ayon na ang batas na magbabawal sa political dynasty ay dapat na agad na maipasa sa bansa.
Ito makikita sa pinakabagong survey ng Pulse Asia Research.
Ang survey, isinagawa mula December 12 hanggang 15, makikita na ang 21% ng mga pinoy ay “very much agree” at 33% naman ang nagsabi na “somewhat agree” nang tanungin ukol sa naiulat na: “Congress should immediately pass a law banning political dynasties.”
Mayroong “small majority” ng mga Filipino adults ang sumusuporta sa agarang pagpapasa ng batas, ang agreement ay pinakamataas sa Metro Manila (69%), nalalabing bahagi ng Luzon (59%), Visayas (59%), at mga miyembro ng Class D (57%).
Sa kabilang dako, 27% naman ang hindi masabi kung payag sila o hindi sa bagay na ito.
Samantala, 18% naman ng mga pinoy sa buong bansa ang hindi sumasang-ayon sa pagpapasa ng batas, kung saan 13% ang nagpahayag na “somewhat disagree” at 5% naman ang nagsabi na “very much disagree.”
Makikita rin sa survey na ang oposisyon ay mayroong pinakamataas sa Mindanao na may 27% at 20% naman sa hanay ng mga miyembro ng Class C.
Makikita rin sa survey na may 52% ng mga respondents ang nakikita ang pangangailangan sa madaliang pagkilos na maipasa ang batas upang patatagin ang Independent Commission Against Infrastructure Corruption (ICAIC), isang ganap na makapangyarihang independent body na mag-iimbestiga sa korapsyon sa infrastructure projects.
“Bare to sizeable majorities in Metro Manila (67%), the rest of Luzon (52%), the Visayas (61%), Class D (54%), and Class E (51%) share the same opinion on the matter,” ayon sa Pulse Asia.
Gayunman, may 33% ng Filipino adults ay undecided sa bagay na ito, habang 15% ang nagsabi na hindi nila nakikita ang pangangailangan para agad na maipasa ang nasabing batas. Ang oposisyon ang pinakamataas sa Mindanao na may 24% at 20% sa hanay ng mga miyembro ng Class C.
Ang independent surveyay isinagawa sa pamamagitan ng face-to-face interviews na may sample na 1,200 adults na may edad na 18 taong guang pataas.
Mayroon itong ±2.8% error margin na 95% confidence level.
Samantala, may ±5.7% error margin ang in-apply para sa Metro Manila, nalalabing bahagi ng Luzon, Visayas, at Mindanao, na may 95% confidence level.
Matatandaang, hinikayat ni Pangulong Ferdinand Marcos Jr. ang Kongreso na gawing prayoridad ang pagtalakay at pagpasa sa Anti-Dynasty bill at tatlong iba pa. ( Daris Jose)

HINIKAYAT ni Vice President Sara Duterte ang mga Filipino na maging matapang at magkaroon ng lakas ng loob na panindigan ang katotohanan at katarungan habang inaalala ang mga sakripisyo ng Pambansang Bayani Dr. Jose Rizal.
Sa paggunita ng Rizal Day, binigyang diin ni VP Sara kung paano naging isang inspirasyon ang walang takot na pagmamahal ni Rizal para sa bansa at ang pangarap na tunay na kalayaan sa pamamagitan ng kanyang mga isinulat.
“Ang tunay na aral ni Rizal ay malinaw: Ang kalayaan ay hindi lamang paglaya mula sa puwersang dayuhan, kundi pati na rin ang paglaya ng ating isip at damdamin mula sa pang-aabuso, pagkawatak-watak at kasamaan,” ang sinabi ni VP Sara sa isang video message.
“Sa paggunita natin sa kanyang sakripisyo, manumbalik nawa ang ating lakas at tapang na manindigan para sa katotohanan at katarungan. Huwag nating hayaang mamatay ang diwa ng karunungan at pagkakaisa,” aniya pa rin.
Binigyang diin din ni VP Sara na ang tunay at pangmatagalang pagbabago ay nagmula sa kaalaman, moral integrity, pinagsama-samang aksyon sa loob ng mga komunidad at institusyon. ( Daris Jose)