2025 August Archive - People's Balita

Archive for August, 2025

PBBM, pinagtibay ang commitment ng Pinas na panindigan ang ‘Asean principles’

Posted on: August 11th, 2025 by @peoplesbalita No Comments

MULING pinagtibay ni Pangulong Ferdinand R. Marcos Jr. ang commitment ng Pilipinas na panindigan ang Association of Southeast Asian Nations’ (ASEAN) principles at isulong ang regional development.

“We will uphold ASEAN principles and continue the region’s legacy of lasting peace and shared progress as we navigate our future together,” ang sinabi ni Pangulong Marcos sa isang video message para sa 58th ASEAN founding anniversary na in-upload sa state-run Radio Television Malacañang.

Ang Pilipinas, kasama ang Indonesia, Malaysia, Singapore, at Thailand, tinintahan noong Aug. 8, 1967, ang ASEAN Declaration, na nagtatakda ng kolaborasyon ng regional bloc at pagtutulungan alinsunod sa ‘kaunlaran ng ekonomiya at kapayapaan sa rehiyon at katatagan.’

Ang iba pang SEAN member-states ay Brunei Darussalam, Cambodia, Lao PDR, Myanmar, at Vietnam.

Binigyang diin ni Pangulong Marcos ang papel ng Pilipinas sa paglalatag ng pundasyon para sa isang rehiyon “anchored on peace, cooperation, shared progress, and prosperity.”

“Guided by the purpose and principles of ASEAN enshrined in its Charter, we have stood together in navigating evolving regional and global challenges over the years,” ayon sa Pangulo.

“Through solidarity and dialogue, we have also fostered mutually beneficial partnerships and we have advanced initiatives that uplift the lives of peoples and communities.” aniya pa rin.

Ang Pilipinas ay nakikipag-ugnayan sa Malaysia, kasalukuyang chair 10-member regional bloc, sa paghahanda ng bansa para sa pagho-host ng ASEAN meetings sa 2026.

Tanggap naman ni Pangulong Marcos na sa ilalim ng Malaysia’s chairship, ang ASEAN ay pinapatnubayan ng tema ng ‘inclusivity at sustainability.’

“This reflects not only the enduring aspirations of our region, but also the shared responsibilities that we must embrace in today’s dynamic and complex global environment,” anito.

“As the Philippines assumes the ASEAN Chairship in 2026, we will build on ASEAN’s achievements in responding to the region’s evolving priorities and in facing emerging challenges,” dagdag na pahayag ng Pangulo.

Ang ASEAN, itinuturing na fifth-largest economy ng buong mundo, nagpapanatili ng positibong paglago at patuloy na nagpapakita ng ‘economic resilience’ na may paglago na 4.7% noong 2024.

Samantala, ang kabuuang kalakalan ng bloc sa mga goods ay umabot na sa USD3.5 trillion noong 2024, habang ang foreign direct investment (FDI) ay sumirit sa USD229.8 billion, ipinako ang posisyon ng rehiyon bilang top investment destination sa hanay ng mga developing economies, ayon sa annual report ng rehiyon. (Daris Jose)

House Bill No. 933, o “An Act Regulating the Use of Sidewalks and Public Roads in All Urban Areas and for Other Purposes, ” isinusulong

Posted on: August 11th, 2025 by @peoplesbalita No Comments

BILANG suporta sa kasalukuyang kampanya ng gobyerno na panatilihing malinis, maayos, walang harang at public safety, isinulong ng isang mambabatas na ma-regulate ang paggamit ng sidewalks o bangketa at kalsada.

Nakapaloob ito sa inihain ni Surigao del Norte Rep. Bernadette Barbers na House Bill No. 933, o “An Act Regulating the Use of Sidewalks and Public Roads in All Urban Areas and for Other Purposes.”

Layon ng panukala na mabawasan ang lumalalang trapiko sa siyudad ay magkaroon ng kaayusan at tamang paggamot ng public roads at sidewalks.

Ayon sa mambabatas, ilang bangketa ang ginagamit ng mga vendors na siyang dahilan para mapilitan ang pedestrians sa kalsada. Habang ang ilang homeowners at businesses na walang parking ang gumagamit sa kalsada bilang kanilang pribadong paradahan.

Iginiit nito na ang mga kalsada ay hindi para gamitin sa personal na gamit at ang taxpayers ay may karapatan para sa access nito.

Batay sa ilang pag-aaral, lumilitaw na ang mga residente sa Metro Manila ang nasasayangan ng ilang oras dahil kada taon dahil sa trapiko.

Sa panukala, ipagbabawal ang public roads bilang paradahan sa business operations o terminals. Papayagan lamang ang pansamantalang paggamit nito sa pamamagitan ng permits na inisyu ng LGUs.

Pagbabawalan naman ang LGUs o agencies mula sa pagtatalaga ng public roads bilang parking areas o terminals, kahit na may bayad.

Gayundin, ipagbabawal din ang pagtatayo ng istraktura o business activities na haharang o hahadlang sa bangketa habang papayagan naman ang pansamatalang paggamit sa pamamagitan ng special permit.

Ang sinumang lalabag ay pagmumultahin ng mula P1,000-P10,000 at kukumpiskahin ang nakaharang o nakahadlang sa bangketa at maiimpound din ang sasakyan na iligal na nakaparada.

“This bill is about restoring discipline, fairness, and safety on our streets. Sidewalks are for pedestrians. Roads are for vehicles. When we respect that, we move better as a society,” ani Barbers. (Vina de Guzman)

US pinasalamatan sa karagdagang tulong

Posted on: August 11th, 2025 by @peoplesbalita No Comments

PINASALAMATAN ni Speaker Ferdinand Martin Romualdez ang United States government sa karagdagang alokasyon na ₱13.8 million ($250,000) na emergency shelter assistance at hygiene kits para sa 3,000 pamilyang Pilipino na naapektuhan ng matinding pagbaha dala ng bagyo at habagat nitong naklipas na Hulyo.

Ayon sa Speaker, ang nasabing tulong ay sumasalamin sa malakas na partnership sa pagitan ng Pilipinas at US.

“We deeply appreciate this generous assistance, which will significantly help many of our kababayans as they rebuild their homes and regain a sense of normalcy. This gesture from Washington reaffirms the U.S.’s unwavering commitment to stand with the Filipino people in both good times and in times of great need,” ani Romualdez.

Nitong Biyernes, inihayag ng U.S. Embassy sa Manila ang karagdagang pondo na ilalaan sa emergency shelter materials at hygiene kits para sa tinatayang nasa 15,000 indibidwal na nananatili sa mga evacuation centers sa probinsiya ng Rizal, Laguna, Bulacan at Pampanga.

Sa pamamagitan nitong supplemental assistance, ang total U.S. humanitarian support para sa disaster response efforts sa Pilipinas ay umabot na sa ₱27.6 million ($500,000).

Ang International Organization for Migration (IOM), sa pakikipagtulungan ng Department of Social Welfare and Development (DSWD), ang mamamahagi ng shelter-grade tarpaulins, repair kits, at essential household items sa pamilyang nasira ang bahay.

Ang bawat kit ay naglalaman ng basic construction tools at materials na magagamit sa pagpapatayo muli ng kanilang kabahayan habang nilalaman naman ng hygiene kits ay sabon, timba at cleaning supplie. Ang IOM ay magmomonitor ng sanitation conditions sa evacuation centers upang makatulong na maiwasan ang pagkalat ng sakit.

Hinikayat naman ni Speaker Romualdez ang DSWD na siguruhin ang episyente at transparent na pamamahagi ng tulong.

Nanawagan din ito sa iba pang government agencies at local government units na siguruhin na ang mga pamilyang nasa evacuation centers ay may access sa malinis, safe hygiene at sanitation facilities.

(Vina de Guzman uzman)

Autism care support sa buong bansa, isinusulong ng mambabatas

Posted on: August 11th, 2025 by @peoplesbalita No Comments

DALA na rin sa magastos at mahal na gamutan para sa autism lalo na sa ordinaryong pamilyang Pilipino, isinulong ni Bacolod lone district Rep. Albee Benitez ang paglalaan ng suporta sa mga ito.

Layon ng House Bill No. 3379 o National Autism Program bill na mabigyan ng suporta ang tinatayang nasa 1.2 milyong Pilipino, kabilang na ang halos 350,000 bata, na may autism o naninirahan kasama ng mga ito.

Sa kanyang explanatory note, sinabi ni Benitez na dala na rin sa gastusin para sa assessment at therapies, ay kadalasang hindi matustusan ng mga low at medium-income families ang regular na gastusin para dito.

Ibinunyag ng United Nations International Children’s Emergency Fund (UNICEF) na ang poverty rates ay 50% na mas mataas sa kabahayan na may batang may disabilities.

“It is more than crucial that the government make available free or affordable services for the diagnosis and therapies of children on the spectrum,” ani Benitez.

Upang matugunan ang inaccessibility para sa autism treatment, bubuuin ng HB 3379 ang Autism Support Allowance Program sa ilalim ng Department of Social Welfare and Development (DSWD) na siyang maglalaan ng regular stipend na nagkakahalaga ng P4,000.00 sa pamilya na may POS.

Maglalaan din ang panukala ang iba pang serbisyo tulad ng free developmental assessment sa lahat ng batang Pilipino na 5 anyos pababa, free occupational, speech, at behavioral therapy sa mga DOH hospitals; at libreng gamot para sa POS na na-diagnosed na may Level 3 Autism.

Sinabi ng mambabatas na ang initial consultations cost ay nasa P4,000 hanggang P5,000 bawat sesyon at kapag nakumpirma at irerekomenda na magkaroon ng kaukulang therapt ng 4-5 beses kada linggo, ang gastos ay nasa P1,000 per session.

“It is incumbent upon the government to provide necessary support for persons on the spectrum to afford them better prospects of a future where they reach their full potential, and become self-reliant and functional members of society,” pagatatapos ni Benitez.

(Vina de Guzman)

Top 6 most wanted person sa sexual assault sa Malabon, nabitag sa Taguig

Posted on: August 11th, 2025 by @peoplesbalita No Comments

ARESTADO ang isang lalaki na wanted sa kaso ng sexual assault sa Malabon City sa isinagawang manhunt operation ng pulisya sa Taguig City.

Nakatanggap ng impormasyon ang mga tauhan ni Malabon Police Chief P/Col. Allan Umipig na naispatan sa Bonifacio Global City, Taguig ang akusado na si alyas “Darwin”, 30.

Ayon kay Col. Umipig, ang akusado ay nakatala bilang No. 6 sa Most Wanted Person (MWP) sa Malabon Police kaya inatasan niya ang Warrant and Subpoena Section (WSS) para arestuhin si alyas Darwin.

Agad nakipag-ugnayan ang mga tauhan ni Col. Umipig sa Sub-Station 1 ng Fort Bonifacio, Taguig City, at HACKETT Security Agency saka ikinasa ang operation na nagresulta sa pagkakaaresto sa akusado dakong ala-1:20 ng hapon sa 9th Avenue, BGC.

Si alyas Darwin ay binitbit ng mga tauhan ni Col. Umipig sa bisa ng warrant of arrest para sa Sexual Assault in relation to Section 5 (b) of R.A. No. 7610 na inisyu ng Regional Trail Court (RTC) Branch 73, Malabon City, noong February 24, 2022, na may inirekomendang piyansa na P120,000.00 para sa kanyang pansamantalang paglaya.

Pansamantalang nakapiit ang akusado sa custodial facility unit ng Malabon CPS habang hinihintay ang pagpapalabas ng commitment order mula sa hukuman para sa paglilipat sa kanya sa City Jail.

Pinuri naman ni P/BGen. Jerry Protacio, Acting District Director ng Northern Police District (NPD) ang matagumpay na operation at dedikasyon ng arresting units. (Richard Mesa)

Kelot, huli sa baril sa search warrant sa Caloocan

Posted on: August 11th, 2025 by @peoplesbalita No Comments

SWAK sa kulungan ang isang lalaki matapos makuhanan ng hindi lisensyadong baril sa bisa ng ipinatupad na search warrant ng pulisya sa Caloocan City.

Sa kanyang ulat kay NPD Acting District Director P/BGen. Jerry Protacio, sinabi ni Caloocan Police OIC Chief P/Col. Joey Goforth, nakatanggap ng impormasyon ang Station Intelligence Section (SIS) na nag-iingat umano ng hindi lisensyadong baril ang 42-anyos na lalaki na residente ng Brgy. 177.

Nang makakuha ng kopya ng search warrant na inisyu ng Caloocan City Regional Trial Court (RTC) Branch 124, para sa paglabag sa R.A 10591, ay agad sinalakay ng mga tauhan ni Col. Goforth ang bahay ng suspek.

Sa harap ng mga saksi mula sa elected barangay opisyal at media representative, hinalughog ng mga operatiba ng SIS ang bahay ng suspek kung saan nasamsam nila ang isang kalibre .38 revolver na kargado ng limang bala.

Nang walang naipakita ang suspek na mga dokumento na nagpapatunay ng pagmamay-ari niya ng natutang baril, inaresto siya ng mga pulis dakong alas-10 ng gabi.

Kasong paglabag sa R.A 10591 o ang Comprehensive Firearms and Ammunition Regulation Act ang isinampa ng pulisya laban sa suspek sa Caloocan City Prosecutor’s Office. (Richard Mesa)

Squad leader ng teroristang grupo na wanted sa Samar, nalambat sa Caloocan

Posted on: August 11th, 2025 by @peoplesbalita No Comments

NAGWAKAS na ang maligayang araw ng 50-anyos na squad leader ng Communist Terrorist Group (CTG) na wanted sa iba’t-ibang mga kasong kriminal sa Eastern Samar at Palawan nang matunton ng pulisya sa kanyang pinagtataguan sa Caloocan City.

Nakatanggap ng impormasyon ang mga tauhan ni Northern Police District (NPD) Acting District Director P/BGen. Jerry Protacio hinggil sa pinagtataguang lugar ng miyembro ng teroristang grupo sa lungsod na itinuturing na No. 1 Provincial Level Most Wanted Person sa Eastern Samar.

Agad ikinasa ng mga tauhan ng District Special Operation Unit (DSOU) ng NPD ang pagtugis sa akusado na nagresulta sa pagkakaaresto sa akusado dakong alas-7 ng umaga sa Langit Road, Phase 7B, Brgy. 176 Bagong Silang.

Bitbit ng mga tauhan ng DSOU-NPD ang dalawang warrant of arrest na inilabas noong Abril 2008 at Disyembre 9, 2021 ng Regional Trial Court (RTC) ng Eastern Samar laban sa akusado para sa mga kasong murder at Direct Assault with Attempted Murder.

Naglaan ang korte ng piyansang P200,000 para sa kasong murder habang P72,000 naman sa kasong direct assault with attempted murder.

Lumabas sa rekord ng Crime Research and Analysis Section (CRAS) na nasangkot din ang akusado sa kasong attempted direct assault noong 2015 sa Eastern Samar at frustrated murder sa Palawan noong 2018,

Sinabi ni BGen. Protacio na mabibigat ang mga kasong kinasangkutan ng akusado na nagsisilbing banta sa kaligtasan ng publiko. (Richard Mesa)

SENIOR CITIZEN AT 3 IBA PA, HULI SA OPERASYON KONTRA DROGA NG PDEA SA GREENHILLS

Posted on: August 11th, 2025 by @peoplesbalita No Comments

ARESTADO sa isang buy-bust operation ng PDEA sa isang mall sa Barangay Greenhills, San Juan City ang isang 63 taong gulang na babae na kinilala sa alyas na MAMI at 3 iba pa, noong Biyernes Agosto 8, 2025, kung saan nakumpiska ang tinatayang 200 gramo ng methamphetamine hydrochloride o mas kilala sa tawag na shabu.

Ayon sa PDEA Bulacan Provincial Office, tatlong suspek pa ang nahuli na kasama ng senior citizen na kinilalang sina; alyas JON, 27 taong gulang; alyas LOU, 19 taong gulang; at alyas YAEL, 25 taong gulang.

Nakarekober ang mga operatiba ng dalawang plastic sachet na nakatali at naglalaman ng 200 gramo ng shabu, pati na rin ang marked money na ginamit ng undercover agent.

Ayon sa PDEA, si MAMI ay sangkot sa malawakang bentahan ng shabu sa San Juan City at mga karatig lugar sa probinsya ng Bulacan.

Ang mga nakumpiskang iligal na droga ay ipapadala sa PDEA RO3 laboratory para sa forensic examination.

Ang magkasanib na operasyon ay kinabibilangan ng pagtutulungan mula sa PDEA Provincial Offices sa Bulacan at Bataan, PDEA NCR, at PNP Drug Enforcement Unit sa San Juan City.

Ang mga suspek ay sasampahan ng kasong non-bailable sa ilalim ng seksyon 5 (pagbebenta ng mapanganib na droga) na may kaugnayan sa seksyon 26B (sabwatan para magbenta ng droga) ng Republic Act 9165. Ang seksyon 5 ay may parusang habang buhay na pagkabilanggo at multa na mula 5 daang libo hanggang 10 milyong piso. (PAUL JOHN REYES)

DOH: Kaso ng leptospirosis sisirit pa

Posted on: August 11th, 2025 by @peoplesbalita No Comments

UMABOT sa 2,396 kaso ng leptospirosis ang naitala ng Department of Health (DOH) mula Hunyo 8 o isang linggo matapos ideklara ng PAGASA ang tag-ulan, hanggang Agosto 7, 2025.

Nakaalerto na ang mga DOH Hospitals sa bansa at nagbukas na rin ng ilang mga leptospirosis fast lanes para mabilis na matingnan ang mga pasyenteng dudulog ng konsultasyon.

Simula alas-10 ng umaga nitong Agosto 9, 2025 nasa 19 DOH hospitals na ang kumpirmadong may Leptospirosis Fast Lanes. Dito nangyayari ang assessment para malaman kung kailangan i-admit sa ospital ang pasyente o hindi. Dito rin tinitingnan ang risk level ng pasyente para mabigyan ng reseta sa tamang paggamit ng doxycycline.

Paalala ng DOH, agad na kumonsulta sa doktor kung nalubog sa baha o putik dahil sa ulan.

‎Handa naman ang ahensya sa inaasahang pagtaas sa kaso ng leptospirosis matapos ang sunud-sunod na pagbaha mula Hulyo 21 dulot ng habagat, bagyong Crising, Dante, at Emong.

Samantala, binabantayan din ng DOH ang mga kaso ng dengue na umabot na sa 8,171 mula Hulyo 6-Hulyo 19. Mas mababa ito ng 33% kumpara noong Hunyo 22-Hulyo 5, na nasa 12,166 kaso.

Payo ng DOH, ‘wag maging kampante sa banta ng dengue—maaraw man o maulan.

Matatandaang sinabi ng ahensya na Pebrero nitong taon na maaaring tumaas ang kaso ng dengue ngayong tag-ulan pero ano mang panahon ay puwedeng mangitlog ang lamok at makapagkalat ng sakit.

Pull back the curtains from the Land of Oz and go behind-the-scenes in the “Wicked: For Good” first look

Posted on: August 9th, 2025 by @peoplesbalita No Comments

“It’s wild. It’s unbridled. It feels really, really epic,” is how Elphaba actress Cythnia Erivo describes the closing chapter of the spellbinding film adaptation, Wicked: For Good. Directed by Jon M. Chu, the film is the end to the untold story of the witches of Oz, Elphaba and Glinda (Ariana Grande).

Watch the “First Look” featurette: https://youtu.be/-Cwax1wsaOI

“It’s a much more mature, emotional journey about the consequences of the hard choices you make,” explains Chu, as Elphaba and Glinda are exploring a new dynamic, having separated in the first film.

Watch the end of a magical journey as Wicked: For Good arrives in Philippine theaters on November 19. Check out Universal Pictures PH (FB), UniversalPicturesPH (IG), and UniversalPicsPH (TikTok) for the latest news and updates.

About Wicked: For Good:

And now whatever way our stories end, I know you have rewritten mine by being my friend.

Last year’s global cinematic cultural sensation, which became the most successful Broadway film adaptation of all time, now reaches its epic, electrifying, emotional conclusion in Wicked: For Good.

Directed once again by award-winning director Jon M. Chu and starring the spectacular returning cast, led by Academy Award® nominated superstars Cynthia Erivo and Ariana Grande, the final chapter of the untold story of the witches of Oz begins with Elphaba and Glinda estranged and living with the consequences of their choices.

The film is produced by returning Tony and Emmy winning powerhouse Marc Platt p.g.a. and by multiple Tony winner David Stone. The executive producers are Stephen Schwartz, David Nicksay, Jared LeBoff, Winnie Holzman and Dana Fox. The first film, Wicked, released in November 2024, earned 10 Academy Award® nominations, including Best Picture, and won the Oscars® for Costume Design and Production Design. To date, the film has grossed $750 million worldwide.

Wicked: For Good is based on the generation-defining musical stage play with music and lyrics by legendary Grammy and Oscar® winning composer and lyricist Stephen Schwartz and book by Winnie Holzman, from the bestselling novel by Gregory Maguire. The screenplay is by Winnie Holzman and Winnie Holzman & Dana Fox. The film score is by John Powell & Stephen Schwartz, with music and lyrics by Stephen Schwartz.

(ROHN ROMULO)