• April 21, 2026

  • Ang Diyaryong Pinagkakatiwalaan

 

Archive for August, 2025

Nagpakatotoo dahil January pa naging single: BELA, nilinaw na hindi malungkot ang break-up nila ni NORMAN

Posted on: August 9th, 2025 by @peoplesbalita No Comments
NA-APPRECIATE namin ang actress/writer/director na si Bela Padilla.
Bagama’t napapangiti at tila napaisip pa, pero nagpaka-totoo rin nang tanungin namin kung single na ba siyang muli?
“Yes, I am,” sey ni Bela.
Nilinaw naman niya agad na hindi naman daw malungkot ang break-up nila ng Italian/Swiss boyfriend na si Norman Bay.
“No, it’s not sad. Okay naman kami.”
In fact, kahit daw hiwalay na sila, dinalaw pa rin siya ng ex-boyfriend kamakailan lang sa Pilipinas.  Halos limang taon din ang itinagal ng relasyon nila.
“Pero okay lang din naman. Sabi ko nga sa pelikula ko dati, some people are just meant to just passed by.”
Mutual decision naman daw nila ni Norman ang naging break-up nila.
Kamakailan lang din nang mag-desisyon na si Bela na mag-for good na siyang muli sa bansa. Noong pandemic ay nagdesisyon siyang manirahan sa London.
Kaya tinanong namin kay Bela kung ano ang nauna, ang desisyon niyang mag-for good na sa bansa o ang paghihiwalay nila?
“Hindi, definitely one of the biggest factors was me, moving back.”
At sabi rin niya, “Hindi rin naman kami magkasama. Nasa London ako, nasa Switzerland siya. So parang nahirapan na rin ako. Although the distance is shorter, it’s still a long-distance.
“Although, dumadalaw pa siya sa shooting, itong 100 Awit Para kay Stella, nandito pa siya sa sa Pilipinas noon. Napasyalan na niya ang buong Pampanga.”
January pa raw ng taong ito ay hiwalay na sila. Kaya kinumusta siya kung handa na ba siyang mag-entertain muli ng manliligaw?
“Siguro after I finished the promo for 100 Awit Para kay Stella,” natatawang sabi niya. “Why not? I love falling in-love. I don’t think theres anything wrong with that. Kaso hindi na ko marunong mag-date ng 2025
“Kung may kilala kayo,” biro pa niya.
Sa isang banda, ang “100 Tula Para kay Stella” nila ni JC Santos ay may sequel na after almost eight years, ang “100 Awit Para kay Stella” na mapapanood na sa September 10.
***
MAS naging memorable ang kaarawan ng longtime partner ni Lian Paz na si John Cabahug dahil sa ginawang social media post ni Paolo Contis.
Binati ni Paolo, pinasalamatan at talagang pinuri ang kabaitan at siyempre, ang mga ginawa ni John para sa pagpapalaki sa dalawang anak nila ni Lian na sina Xonia at Xalene. Pinasalamatan at pinuri rin ni Paolo si Lian.
Ang kabaitan daw nito kung kaya’t bine-bless sila. So siyempre, dahil sa post na ito ni Paolo, kunsaan, may picture rin na magkakasama silang lahat, nalaman ng netizens na all’s well na pala sa pagitan ni Paolo at nina Lian, John at dalawang anak nila.
Halatang natuwa naman sina Lian at John sa ginawang ito ni Paolo. Nang hingan nga namin si Lian ng reaksyon, sinabi niya na…, “I’m happy because hindi naman ito about sa amin ni Paolo or ni John. This is all because of God and His love for us.  Only God can turn pain into joy and heal our hearts.
“I want my children to see God’s hand in everything sa buhay namin. He is constantly working in our lives and he’s writing every story. Making it a beautiful testimony.”
Isa talaga kami sa natuwa sa pagiging open na ng communication ngayon nina Paolo at Lian, lalo na sa dalawang bata.
(ROSE GARCIA)

‘Ganito na ba ang kabataan ngayon?’: ALMA, ikinagulat ang mensaheng nanghihingi ng ‘nude pic’

Posted on: August 9th, 2025 by @peoplesbalita No Comments
IKINALOKA ng aktres na si Alma Concepcion nang makatanggap ng indecent message mula sa isang netizen sa kanyang social media account.
Ibinahagi ng isa sa longtime celebrity endorser ng Beautederm ni Ms. Rei Anicoche-Tan sa kanyang Facebook ang screenshot ng mensaheng natanggap mula sa bastos na netizen.
“Hi tita, can you send me nudes?”,” bagay na ikinagulat ni Alma.
Reaction naman niya, “Ganito na ba ang kabataan ngayon? Wala akong kababata na nagsabi sa mga tita namin na “Hi tita, can you send me nudes?”
At sa naturang Facebook niya, umani nga ng mga komento mula sa netizens na karamihan ay nabastusan sa sinabi ng nagpapantasya sa aktres, na walang profile pic at naka-lock din ang account.
Sey ng mga netizen…
“Ingat always po Love you Alma Concepcion. Kakatruma talaga mga kabataan Ngayon.”
“Kaninong kamag anak to check nyo bka  ipinapahiya nya na buong angkan nyo. Just click the link lang po.”
“Bastos Kang Bata ka ha. Kasuhan mo Yan friend.”
“The audacity to send you that kind of message Ma! Grabe hahaha.“
“Ewan kung paano pinalaki ang mga batang ganyan ng magulang…Mga bastos at walang modo…Ngayon pa lang mag ipon na ng pang pyansa ang Nanay at Tatay ng batang yan.“
“Nakalock din ang profile niya at dummy account pa,bastos talaga,baka swa-il din yan na pagkaanak kaya ganyan ang inaasal,nakakalungkot ang mga kabaan ngaun wala ng respeto sa mga nakakatanda.“
“Ang babastos naman nyan mommy, kapal ng mukha nanghihingi pa jusqq. nakakapurwisyo ang gantong bata.“
“baka hindi minor, pero iba pa din kamandag mo kase baks!“
“Asking your tita for nudes?
“Like you’re someone worth undressing for! Bro, even your profile pic ghosted you.”
“Mga batang 80’s never do that.“
“Wth…natawa ako sa “tita” pero, “pa send nudes”..gosh kids and teens these days. Matter of fact–human being these days all over the world. So sad.“



“Grabe na talaga ang kabataan Ngayon no wonder mataas ang HIV cases walang respeto e file a complaint po para magtanda.”

“Grabe walang respeto. Paano kung ginawa ng ibang tao sa Mama, Ate, Tita at Lola niya yan. Dahil yan sa TikTok at Internet.“
Pagbibiro naman ng isang netizen, “Alma Concepcion Hi Tita pa send po GCASH genern dapat.”
(ROHN ROMULO)

Proud sa nabiling luxury unisex bag: Latest trip ni ANTHONY sa US, puno ng exciting memories

Posted on: August 9th, 2025 by @peoplesbalita No Comments
PUNO ng exciting memories ang naging latest trip ni Kapuso singer Anthony Rosaldo sa US kamakailan.
Nagpakaturista muna si Anthony sa California, New York and Las Vegas pagkatapos ng sunud-sunod na trabaho sa TV at entablado.
Huling napanood ang ‘The Clash’ season one finalists sa tatlong locally-produced musicals na ‘Ang Huling El Bimbo’, ‘Liwanag Sa Dilim’ at ‘Rent’. Napapanood din siya sa weekly musical variety show ng GMA na ‘All-Out Sundays.’
Isa sa binili ng singer sa L.A. ay ang Bottega Veneta Andiamo Medium Leather bag na ang halaga, according to Net-A-Porter, ay $6,211.00 or P356,585.96.
Ang naturang bag ay gamit ng ilang male celebrities tulad ng rapper-producer na si A$AP Rocky, Euphoria star Jacob Elordi at ng actor-singer na si James Reid.
Gamit niya ang mamahaling unisex bag sa pagpanood niya ng Broadway musical na ‘Sunset Blvd.’ sa New York at sa ‘Cowboy Carter’ concert ni Beyonce sa Las Vegas.
(RUEL J. MENDOZA)

HOORAY FOR COMEDY! “THE NAKED GUN” REBOOT, STARRING LIAM NEESON AS LT. FRANK DREBIN JR., IS CERTIFIED FRESH ON ROTTEN TOMATOES

Posted on: August 9th, 2025 by @peoplesbalita No Comments

Liam Neeson as Lt. Frank Drebin Jr. in The Naked Gun reboot

Photo credit: Paramount Pictures

LOOKS like everyone wants a good laugh.

The Naked Gun reboot, starring Liam Neeson and produced by Seth MacFarlane, is certified Fresh on Rotten Tomatoes with a score of 89%. But it’s not just the critics who are having a laugh. Audiences are enjoying the film too. The Naked Gun has a 75% rating on the review aggregator’s Popcornmeter, and an impressive A- on Cinemascore.

“The Naked Gun focuses on the laughs, which are all performed with a surprising and crucial amount of restraint,” wrote Screen Rant in their review. “Jokes never overstay their welcome, but they still hang around, allowing plenty of time for the laughter to keep going.”

The Playlist was also impressed, especially with director Akiva Schaffer. “Schaffer sleekly and efficiently builds gut-busting laughs into every scene of this tight 85-minute runtime, ensuring satisfaction from top to bottom,” they wrote in their review.

In The Naked Gun, Neeson plays Lt. Frank Drebin Jr., son of Lt. Frank Drebin (famously played by Leslie Nielsen in the originals) and the only man who has the particular set of skills to lead Police Squad and save the world! Directed by Schaffer (Saturday Night Live, Popstar: Never Stop Never Stopping) and produced by MacFarlane (Ted, Family Guy), The Naked Gun stars Neeson, Pamela Anderson, Paul Walter Hauser, CCH Pounder, Kevin Durand, Cody Rhodes, Liza Koshy, Eddie Yu, with Danny Huston.

Watch the trailer: https://youtu.be/lhKbl1rq8Gs

Pamela Anderson is a scene-stealer as Beth Davenport in The Naked Gun.

Photo credit: Paramount Pictures

RogerEbert.com is all praises for Neeson, who is primarily known for serious roles, such as in his Oscar-nominated titular role in Schindler’s List, and of course, as an action star, thanks to his “very particular set of skills” in Taken. “The main reason that The Naked Gun is consistently smile-inducing is because of how wonderfully Neeson’s deadpan gravitas works with the material – a performer who can be so deadly serious doing things that are so deadly stupid,” they wrote.

There’s a lot of love for Anderson as well. In their article, The Hollywood Reporter said that Anderson’s “buoyant screen presence keeps [the dialogue] fresh and funny” and that her delivery “displays impeccable comic timing, never leaning too hard into a line when her breathy throwaway delivery can land a bigger laugh.”

“With rapid-fire gags and a game cast trying hard to play it all completely straight, this nakedly hilarious Naked Gun is a welcome return in a time where we can use a few good laughs,” said Deadline Hollywood.

Vulture couldn’t have said it better when they described the film as “Fall-out-of-your-seat-and-roll-on-the-floor hilarious. See it with the biggest audience you can find. It might just heal you. It might just heal the world.”

Don’t miss the single most important Naked Gun movie since the other Naked Gun movies. Watch The Naked Gun, only in cinemas August 13. Join the conversation with the hashtag #NakedGun and tag @paramountpicsph

Photo and Video Credit: “Paramount Pictures International”

(ROHN ROMULO)

Matuloy pa kaya ang pagtatambal nila ni Kathryn?: JAMES, first Filipino artist na pumirma sa isang Korean agency

Posted on: August 9th, 2025 by @peoplesbalita No Comments
PUMIRMA na pala ng management contract ang aktor na si James Reid sa Spring Company na isang Korean agency.
Ito ang may hawak ng ilang mga Korean actors at isa na rito ay ang grupo ni Ji Chang-Wook.
Pero as of this writing, ay wala pa rin namang pormal na pahayag o wala pa namang pino-post ang nabanggit na Korean management group tungkol sa pagpirma ni James ng kontrata sa kanila.
Binanggit na rin naman dati sa mga past interviews ni James na tuloy na raw ang kanyang comeback sa paggawa ng teleserye na kung saan maaaring makapareha niya si Kathryn Bernardo. Matuloy pa kaya ‘yun?
Pero ngayong nasa pamamahala na ang aktor ng isang Korean agency may pag-asa pa kayang mapapanood siya sa lokal teleserye o aabangan na lang natin siya sa isang Koreanovela?
Samantala, ayon pa rin naman sa post ng kanyang kumpanya na Careless Music, ang kontrata ni James ay nagmarka bilang unang Filipino artist ng nasabing Korean talent agency.
“James Reid signs with Korea’s @spring.company_official — the first Filipino artist to join their roster,” buong caption ng Careless Music sa kanilang post kalakip ang photos na andun si James at obviously ay representative ng Spring Company.
***
MARAMING mga pagbabago raw na aabangan ang mga tagasubaybay ng numero unong primetime show na “Batang Quiapo “
Marami raw ang mawawala sa programang ito ni Coco Martin pero may mga bagong papasok na mga sikat na senior stars, huh!
Ayon sa informant namin ay may mga kinakausap daw ang production team ni CoCo Martin na tiyak daw lalong kapana panabik na panoorin ng mga televiewers.
Sina Star for All Seasons and Batangas Gov. Vilma Santos-Recto, Megastar. Sharon Cuneta and super actress Dawn Zulueta ay kinumbinsi raw na maging parte na rin ng “Batang Quiapo”.
***
AT this juncture, nais naming pasalamatan ang lahat ng nagsidalo sa first birthday celebration ng aming apong si Marta Isabella Escala na ginanap sa Jollibee Tondo.
Siyempre sa lahat ng kanyang mga ninong at ninang sa pangunguna ni Madam Blessie Cirera, Arlene Sambile, Marilou Celino, Isabel Jimenez, Yolinda Manlangit, Norma Barcelon, Elmer Lupos, at iba pa.
Super ty din sa lahat ng mga kids na nakisaya kasama ang aming Baby Miles..
Thank you po sa inyo and to the one up there… To God be the Glory.
(JIMI ESCALA)

Nag-struggle siya sa ilang rejections: MAKI, inaming nakaranas na ma-sexual harass sa isang audition

Posted on: August 9th, 2025 by @peoplesbalita No Comments
INAMIN ng singer-songwriter na si Maki (Ralph William Datoon in real life) na nakaranas siya na ma-sexual harass sa isang audition noong 15 years old siya.
Ayon sa OPM singer, nag-struggle siya sa ilang rejections. At sa isang audition, hindi niya inakala na makakaranas siya na ma-verbally harass.
“I was 15 and sobra po akong full of passion, full of dreams, and then I auditioned. I did everything, nag-acting, nag-singing, dancing, in front of one person kasi ni-lock niya ‘yung pinto,” kuwento ni Maki.
Hindi binanggit ni Maki ang pangalan ng taong na nagtanong sa kanya ng mga sexual questions.
“Sabi po kasi niya is, ‘kailangan alam namin ‘tong mga bagay na ‘to kasi dapat kilala ka namin as an artist. So ako po, naniwala po ako, so kung anu-ano pong sinabi ko na mga bagay na-expose — feeling ko po, first time ko po kasi mahiyain po akong bata eh.”
Nagkunwari na lang daw si Maki na mag-CR siya para lang makalabas siya ng kuwarto.
“Di na po ‘ko bumalik, tapos nag-jeep po ako pauwi, tapos umiiyak po ako sa jeep. Dun ko lang po na-realize na hindi ko po alam kung ano ‘yung ginawa sa akin pero na-realize ko po that time, I was thinking about my.
“Yun lang po nasa isip ko, pumunta po ako ng kwarto na ‘yun for my dream. Maybe I’m not ready yet for this dream, so if my dream is too big, baka di ako big enough to achieve it.”
Nagtapos ng kanyang pag-aaral si Maki at dinala ng kaibigan niya ang kanyang demo sa Tarsier Records at pinapirma siya ng kontrata.
Ngayon ay isa na si Maki sa mga sikat na OPM singers ngayon dahil sa mgq singles niya na “Dilaw,” “Saan?”, “Kailan?”, “Bughaw,” at “Kahel na Langit.”
He is set to release his album “Kolorcoaster” on September 19.
***
ANG kilalang Lumpia Queen na si Abi Marquez ay may pangarap na makapagpatayo ng sariling restaurant balang araw.
“Someday. But I will take my time figuring out my taste, my cuisine,” sey ni Abi.
Nakilala si Abi dahil sa kanyang cooking videos sa TikTok at sa likod ng kaniyang tagumpay, kinilala at nagbigay pugay siya sa kaniyang team sa likod ng camera.
“To make videos as seamless as that, they really have to take a good, talented team behind it to make it kaya, ayan, we appreciate you, my team,” sabi pa ng food content creator.
Nang tanungin siya kung paano niya tinatanggap ang mga kritisismo, sinabi ni Abi na sinisimulan niya ito sa pagtanggap na ang pagkain ay isang personal na bagay sa iba’t ibang tao.
“Lahat tayo may kinalakihan na kunyari, recipe ng adobo, so I’ve accepted that and really willing to listen to that,” sey ni Abi na napapanood sa ‘Sanggang-Dikit FR’ sa GMA Prime.
(RUEL J. MENDOZA)

Nagsalita na sa pagkaka-link kay Piolo:  KYLE, kaiinisan dahil hadlang sa pag-iibigan nina JC at BELA

Posted on: August 9th, 2025 by @peoplesbalita No Comments
HINDI naiwasang tanungin ang Kapamilya actor na si Kyle Echarri tungkol sa mga naglalabasang tsismis sa kanila ng Ultimate Leading Man na si Piolo Pascual.
Marami kasi ang naglalagay ng malisya sa closeness nila ni Papa P.
Pero ayon kay Kyle, para na silang magkapatid ni Piolo at walang katotohanan ang mga naglalabasan sa social media.
Paglilinaw ng aktor, “I never really have to answer what the people say. Mali iniisip ng mga tao. Kapatid ko ‘yan. He is a brother, a best friend of mine.
“Ano isipin ng tao, sa kanila na. Kami, alam namin magkapatid kami. We are best friends.”
Dagdag ng isa sa bida ng ‘100 Awit Para Kay Stella’, “I have been asked this so many times. I know who I am. Kapatid ko ‘yan. He is like a brother to me. He has been a mentor to me for the past two years.”
Pahayag pa ng singer-actor sa pagiging close nila ni Papa P, “He came into my life at a very significant time when I was losing my sister. Ilan lang po nakaalam sa pinagdadaanan ko noon.
“One of the brothers that helped me out through the scenes na masakit at mahirap gawin dahil sa nangyari sa kapatid ko.”
Ilang beses na ring namang nagkatrabaho sina Piolo at Kyle tulad ng ‘Pamilya Sagrado’, na naging daan para mas maging close pa sila sa isa’t isa. May bago rin daw silang proyekto na malapit nang mapanood.
Samantala, malapit nang mapanood ang “100 Awit Para Kay Stella” sa September 10 na muling pinagbibidahan nina JC Santos at Bela Padilla at kasama na ngayon si Kyle na first time gagawa sa Viva Films.
Mula pa rin sa panulat at direksyon ni Jason Paul Laxamana.
Hindi nga makapaniwala ang batang aktor na siya ang napili para sa character ni Clyde na magiging ka-triangle nina Fidel (JC) at Stella (Bela), na itutuloy ang kuwento after eight years.
Malaki nga ang magiging bahagi ni Kyle sa kuwento at sigurado raw kaiinisan siya ng manonood dahil magiging hadlang siya sa pag-iibigan nina Stella at Fidel.
Aminado rin siya sa malaking challenge ang pagganap niya bilang Clyde, na mukha namang naitawid niya ng maayos.
For sure, marami nang excited na mapanood ang sequel ng blockbuster na ‘100 Tula Para Kay Stella’, na dapat maghanda na muling masaktan.
(ROHN ROMULO)

Novak Djokovic, hindi na maglalaro sa ATP Cincinnati Masters

Posted on: August 9th, 2025 by @peoplesbalita No Comments
TULUYAN nang umatras si tennis superstar Novak Djokovic sa ATP Cincinnati Masters.
Kinumpirma ng tournament officials ang desisyon ng 38 anyos na tennis legend ngunit hindi na inilabas ang dahilan ng kaniyang tuluyang pag-atras.
Mula noong Wimbledon semi-finals, hindi na muli sumali sa turneyo ang batikang tennis star, ngunit nakatakda pa rin siyang maglaro sa US Open kung saan ang main draw ay magsisimula na sa Agosto-24.
Sa kabila ng kaniyang hindi paglalaro sa nakatakdang turneyo, hawak pa rin ni Djokovic ang impresibong 45-12 (win/loss) tournament record sa ATP Masters 1000.

Premyo sa mga magwawagi sa US Open tinaasan

Posted on: August 9th, 2025 by @peoplesbalita No Comments
INANUNSYO ng organizers ng US Open kung magkano ang magiging prize money ng mga magwawagi.
Ayon sa tournament organizers na ang mga magwawagi sa men’s and women’s singles champion ay makakatanggap ng tig $5-milyon.
Ang nasabing halaga ay mas mataas ng 39 percent mula noong nakaraang taon na mayroong $3.6-M.
Sa kabuuan ay mayroong $90-M na premyo na siyang pinakamalaking premyo sa kasaysayan ng tennis.
Sa bawat stage kasi ay makakatanggap na ang mga manlalaro kung nakapasok sa quarterfinals ay mayroong $660,000 na premyo habang ang semifinalist ay aabot sa $1.26-M na premyo habang ang finalist ay mayroong kita na $2.5-M.
Mayroon itong pagtaas na 20 percent kumpara noong nakaraang taon na aabot lamang sa $75-M.
Bawat manlalaro ay makakatanggap ng tig $1,000 travel stipend ng bawat manlalaro at dalawang hotel rooms sa official player hotel.
Magsisimula ang US Open mula Agosto 18 hangganh Setyembre 7.

PBBM, pinagtibay ang commitment ng Pinas na panindigan ang ‘Asean principles’

Posted on: August 9th, 2025 by @peoplesbalita No Comments
MULING pinagtibay ni Pangulong Ferdinand R. Marcos Jr. ang commitment ng Pilipinas na panindigan ang Association of Southeast Asian Nations’ (ASEAN) principles at isulong ang regional development.
“We will uphold ASEAN principles and continue the region’s legacy of lasting peace and shared progress as we navigate our future together,” ang sinabi ni Pangulong Marcos sa isang video message para sa 58th ASEAN founding anniversary na in-upload sa state-run Radio Television Malacañang.
Ang Pilipinas, kasama ang Indonesia, Malaysia, Singapore, at Thailand, tinintahan noong Aug. 8, 1967, ang ASEAN Declaration, na nagtatakda ng kolaborasyon ng regional bloc at pagtutulungan alinsunod sa ‘kaunlaran ng ekonomiya at kapayapaan sa rehiyon at katatagan.’
Ang iba pang SEAN member-states ay Brunei Darussalam, Cambodia, Lao PDR, Myanmar, at Vietnam.
Binigyang diin ni Pangulong Marcos ang papel ng Pilipinas sa paglalatag ng pundasyon para sa isang rehiyon “anchored on peace, cooperation, shared progress, and prosperity.”
“Guided by the purpose and principles of ASEAN enshrined in its Charter, we have stood together in navigating evolving regional and global challenges over the years,” ayon sa Pangulo.
“Through solidarity and dialogue, we have also fostered mutually beneficial partnerships and we have advanced initiatives that uplift the lives of peoples and communities.” aniya pa rin.
Ang Pilipinas ay nakikipag-ugnayan sa Malaysia, kasalukuyang chair 10-member regional bloc, sa paghahanda ng bansa para sa pagho-host ng ASEAN meetings sa 2026.
Tanggap naman ni Pangulong Marcos na sa ilalim ng Malaysia’s chairship, ang ASEAN ay pinapatnubayan ng tema ng ‘inclusivity at sustainability.’
“This reflects not only the enduring aspirations of our region, but also the shared responsibilities that we must embrace in today’s dynamic and complex global environment,” anito.
“As the Philippines assumes the ASEAN Chairship in 2026, we will build on ASEAN’s achievements in responding to the region’s evolving priorities and in facing emerging challenges,” dagdag na pahayag ng Pangulo.
Ang ASEAN, itinuturing na fifth-largest economy ng buong mundo, nagpapanatili ng positibong paglago at patuloy na nagpapakita ng ‘economic resilience’ na may paglago na 4.7% noong 2024.
Samantala, ang kabuuang kalakalan ng bloc sa mga goods ay umabot na sa USD3.5 trillion noong 2024, habang ang foreign direct investment (FDI) ay sumirit sa USD229.8 billion, ipinako ang posisyon ng rehiyon bilang top investment destination sa hanay ng mga developing economies, ayon sa annual report ng rehiyon. ( Daris Jose)
People's Balita.
All rights reserved. © Copyright 2026.