2025 August Archive - People's Balita

Archive for August, 2025

No More Delays: LCSP Urges for Immediate Alternative Toll Payment Systems

Posted on: August 12th, 2025 by @peoplesbalita No Comments

THE Lawyers for Commuters Safety and Protection (LCSP) is urging the Department of Transportation (DOTr) and the Toll Regulatory Board (TRB) to introduce more toll payment options alongside the existing RFID system.

Earlier this month, DOTr Secretary Vince Dizon set a timeline for Metro Pacific Tollways and San Miguel Corporation to resolve RFID operational concerns by the first half of 2026. He also emphasized that full interoperability—where a single RFID sticker works across all tollways—requires resolving expressway connection issues first.

While RFID has brought convenience to many motorists, the issues surrounding it are not new. These concerns have been raised repeatedly over the years, yet they remain unaddressed—causing daily inconvenience for thousands of drivers. These recurring problems include:

a) Occasional delays in barrier lifting

b) Unexplained balance deductions

c) Unreadable RFID stickers

d) The “floating money” issue—funds loaded but not immediately reflected in the system

LCSP believes these long-standing problems should be addressed alongside the introduction of more payment choices. The group points to similar reforms in public transport, where the DOTr announced that LRT and MRT commuters would soon be able to pay fares via credit cards, debit cards, and now with mobile wallets such as GCash and Maya—removing the need for stored-value Beep cards and helping reduce queues.

Applying this approach to tollways would allow:

a) Exact fare deductions – Only the actual toll is charged, without requiring locked-in balances

b) Greater convenience – Faster and more flexible reloads via popular digital platforms

c) Reduced delays – Minimizing congestion from malfunctioning RFID tags

With the Christmas and holiday season fast approaching—when traffic congestion on expressways is expected to worsen—LCSP stresses that action should not be delayed until 2026. Motorists have already endured these RFID-related issues for years and continue to experience them daily. Introducing e-wallet, card, and other digital payment options now would provide greater flexibility, ease traffic bottlenecks, and deliver a smoother travel experience—while still allowing RFID for those who prefer it.

=======================

Atty. Albert N. Sadili

Spokesperson

Lawyers for Commuters Safety and Protection (LCSP)

09660859816 – Viber and Mobile number

DOH: Leptospirosis fast lanes, bukas na sa 19 na pagamutan

Posted on: August 12th, 2025 by @peoplesbalita No Comments

INIULAT ng Department of Health (DOH) na bukas na ang Leptospirosis Fast Lanes sa may 19 na pagamutan sa bansa.

Sa isang Facebook post, sinabi ng DOH na hanggang 10:00am ng Agosto 9, 2025 ay nasa 19 na ang DOH hospitals na kumpirmadong may Leptospirosis Fast Lanes.

Kabilang dito ang San Lorenzo Ruiz General Hospital; East Avenue Medical Center; Quirino Memorial Medical Center; Dr. Jose N. Rodriguez Memorial Hospital and Sanitarium; Dr. Jose Fabella Memorial Hospital; Philippine Orthopedic Center; San Lazaro Hospital; Valenzuela Medical Center; Tondo Medical Center; Las Piñas General Hospital and Satellite Trauma Center; Amang Rodriguez Memorial Medical Center; Rizal Medical Center; Jose R. Reyes Memorial Medical Center; National Children’s Hospital; National Center for Mental Health; Lung Center of the Philippines; National Kidney and Transplant Institute; Philippine Children’s Medical Center; at Research Institute for Tropical Medicine.

Ipinaliwanag ng DOH na layunin ng pagbubukas ng “Leptospirosis Fast Lanes” na mas mapabilis ang konsultasyon at gamutan.

“Dito, nangyayari ang assessment para malaman kung kailangan i-admit sa ospital ang pasyente o hindi. Dito rin tinitignan ang risk level ng pasyente para mabigyan ng reseta sa tamang paggamit ng doxycycline,” anang DOH.

Una nang nag-anunsiyo ang Philippine General Hospital (PGH) at Ospital ng Maynila (OSMA) na overcapacity na ang mga emergency rooms ng kanilang mga pagamutan bunsod na rin ng pagtaas ng leptospirosis cases.

Ads August 12, 2025

Posted on: August 12th, 2025 by @peoplesbalita No Comments

12 – 4-merged

Gilas Pilipinas papalakasin ang depensa sa must-win game kontra Iraq

Posted on: August 11th, 2025 by @peoplesbalita No Comments

MAY ilang mga pagbabago na gagawin ngayon ang Gilas Pilipinas para sa huling must-win na laro kontra sa Iraq sa FIBA Asia Cup na ginanap sa Jeddah, Saudi Arabia.

Sinabi ni Gilas head coach Tim Cone sa dalawang pagkatalo nila sa Chinese Taipei at New Zealand ay nagkumahog sila sa pagdepensa sa three-points shot.

Kanilang pag-aaralan pa rin kung bakit nakakalusot ang mga three-points shots ng mga koponan na kanilang nakaharap.

Mahalaga aniya na tignan at kilalanin sa mga koponan kung sino ang tinaguriang shooters.

Umaasa ang Gilas coach na mabaligtad ang dalawang pagkatalo.

Gaganapin ang paghaharap nila ng Iraq sa huling laro sa Group D ngayon Agosto 9 dakong alas-4 ng hapon.

Pacquiao, muling nanguna sa WBC rankings

Posted on: August 11th, 2025 by @peoplesbalita No Comments

MULING pinatunayan ni Pinoy ring icon Manny Pacquiao na ang edad ay hindi hadlang sa pagbabalik sa larangan ng boxing.

Sa kabila ng apat na taong pamamahinga, siya ay muling isinama sa WBC welterweight rankings ngayong Agosto 2025.

Pinakahuling laban niya ay si Mario Barrios sa Las Vegas noong Hulyo 19, 2025, kung saan nagtapos ito biolang draw.

Pumasa si Pacquiao sa lahat ng kinakailangang medical tests at drug screening ng WBC Clean Boxing Program.

Ayon sa WBC, karapat-dapat siyang muling isama sa listahan dahil sa kaniyang magandang record.

Maraming tagahanga ang sabik na muling masilayan ang “Pambansang Kamao” sa mga susunod pa nitong laban.

Para kay Pacquiao, ang laban na ito ay hindi lamang pagbabalik, kundi patunay na ang puso ng isang kampeon ay hindi kailanman kumukupas.

Wala sa lugar. hindi kinakailangan. masamang salita

Posted on: August 11th, 2025 by @peoplesbalita No Comments

ITO ang reaksyon ni House Committee on Human Rights Chair Bienvenido “Benny” Abante Jr. sa naging pahayag ni Senadora Imee Marcos matapos bumotong pabor na i-archive ang impeachment complaint laban kay Vice President Sara Duterte.

Ayon kay Abante, hindi na nakuntento sa ginawang pagboto sa impeachment ay kinakailangan pang magpahayag ng nakakahiyang tirada.

Tinukoy nito ang naging patama at personal na pag-atake ng senadora laban kay Speaker Martin Romualdez.

“There was no need for insults, innuendo, and personal barbs. What the moment required were rational arguments, not reckless theatrics. Sadly, her language was more appropriate for a kindergarten playground, not a legislative chamber. Isipin nyo naman. Nasa records ng Senado yan. Her words will now have a place side by side with the eloquent and elegant sentences of greats like Sen. Claro M. Recto. Nakakahiya,” ani Abante.

Ikinalungkot ni Abante ang uri ng lengguwahe ni Marcos na hindi lamang minaliit ang institusyon na kanyang irerepresenta kundi isang banta rin sa kortesiya at respeto sa pagitan ng dalawang kapulungan ng kongreso.

“Respecting one another is not just a matter of etiquette. It contributes to more constructive governance. The people expect us to conduct ourselves with professionalism, not pettiness. That’s the least they deserve from those entrusted with public office,” pagtatapos ni Abante.

(Vina de Guzman)

GAMING BUSINESS NI ATONG ANG, SISILIPIN NG BIR

Posted on: August 11th, 2025 by @peoplesbalita No Comments

SISILIPIN ang Bureau of Internal Revenue (BIR) ang mga negosyo ng gaming business tycoon na si Charlie ‘Atong’ Ang upang tiyakin kung nagbabayad ito ng kaukulang buwis.

Ayon kay BIR Commissioner Romeo Lumaguil Jr, na lahat naman ng mga negosyanteng may kinalaman sa online gambling ay kanilang tinitingnan lalo na kung may mga impormasyon silang natatanggap patungkol sa hindi pagbabayad ng tamang buwis.

Aniya, kanilang susuriin para masiguro na hindi ‘tax evader’ ang naturang negosyante.

Dagdag pa ni Commissioner Lumaguil, kanila ring tinitignan ang lahat ng mga sangkot dahil nais lamang aniya ng ahensya na siguradong nagbabayad lahat ng buwis, (Gene Adsuara)

PDEA, NAGBIGAY NG ₱9.4M PABUYA SA 26 NA CIVILIAN INFORMANTS SA BUONG BANSA

Posted on: August 11th, 2025 by @peoplesbalita No Comments

NAKATANGGAP ng kabuuang ₱9,400,641.00 cash rewards ang dalawampu’t anim na civilian informant mula sa Philippine Drug Enforcement Agency (PDEA) noong Agosto 8, 2025 sa ilalim ng Operation: Private Eye (OPE), isang citizen-based information collection program na idinisenyo upang hikayatin ang aktibong partisipasyon ng mga pribadong mamamayan na mag-ulat ng mga aktibidad ng ilegal na droga sa kanilang mga komunidad.

Sa PDEA National Office sa Quezon City, walong impormante na nagsuot ng full face mask at nakilala lamang sa pamamagitan ng kanilang mga code name para manatiling anonymous, ang personal na nakatanggap ng kanilang monetary rewards sa seremonya, habang ang iba ay nakakakuha ng kanilang cash reward sa mga Regional Office sa buong bansa.

“Hats off sa mga impormante na maingat na nagbigay sa amin ng impormasyon na humahantong sa matagumpay na pagpapatupad ng 29 na high-impact na anti-drug operations, pagsamsam ng malaking halaga ng mga illegal na droga at pag-aresto sa mga high-value drug personalities sa buong bansa,” sabi ni PDEA Director General Undersecretary Isagani R Nerez.

Dalawang impormante ang nagsilbing top earners na may tig-₱2,000,000.00. Kabilang sa mga ulat na kanilang ibinibigay sa mga awtoridad ay nagresulta sa pagkakakumpiska ng 119,930.55 gramo ng methamphetamine hydrochloride o shabu at pagkakaaresto sa isang drug personality sa interdiction operation sa Port of Calapan, Oriental Mindoro noong Marso 21, 2025 at pagkakasamsam ng 29,926.10 gramo ng shabu at pagkakaaresto sa tatlong drug personalities kasunod ng buy-bust operation sa Norzagaray, Bulacan noong Mayo 15, 2025.

Ang Operation Private Eye Reward Committee ay binubuo ng mga pangunahing opisyal at miyembro ng PDEA mula sa negosyo, akademya at sektor ng relihiyon na may napatunayang integridad at katatagan, sinuri, pinag-isipan at inaprubahan ang resolusyon na nagbibigay ng pabuya sa pera sa mga impormante.

“Nagtatrabaho sa likod ng mga eksena, ang mga pribadong mamamayan na ito turned-informants ay gumanap ng mahahalagang papel sa proseso ng pangangalap ng intelligence at nag-aalok ng mahalagang mga lead sa pagsisiyasat tungkol sa patuloy na aktibidad ng droga. Nagbigay sila sa amin ng mahahalagang impormasyon na kung hindi man ay magiging hamon para sa pagpapatupad ng batas na matuklasan nang nakapag-iisa, kapalit ng mga pagsasaalang-alang sa pera at pagiging kompidensyal”, dagdag pa ni Undersecretary Nerez.

“Ang kahalagahan ng aktibong pakikilahok ng mamamayan sa paglaban sa iligal na droga ay hindi maaaring masira, lalo pa ang epekto nito sa pagbabagong paglalakbay ng bansa tungo sa isang “Bagong Pilipinas”.

“Be a private eye. Sumali sa kampanya laban sa droga sa pamamagitan ng pag-uulat ng mga aktibidad ng ilegal na droga sa pamamagitan ng aming hotline number 0917867732. Huwag matakot. Kasama ninyo ang PDEA”, hinikayat ni DG Nerez ang publiko. (PAUL JOHN REYES)

PBBM, nakipagpulong sa mga opisyal ng tinaguriang ‘largest dialysis care network’ ng Asya

Posted on: August 11th, 2025 by @peoplesbalita No Comments

NAKIPAGPULONG si Pangulong Ferdinand Marcos Jr. sa mga pinuno ng tinaguriang “largest dialysis network” ng Asya para sa mas malalim na pagtutulungan sa pagsusulong ng universal healthcare sa bansa.

Sinabi ng Presidential Communications Office (PCO) na ang miting ay bahagi ng agenda ni Pangulong Marcos sa Bangalore — ang final leg ng kanyang five-day state visit sa India.

Sa isang social media post, sinabi ng PCO na nakapulong ng Pangulo ang mga opisyal mula sa NephroPlus para muling pagtibayin ang commitment kapuwa ng Pilipinas at India sa pagpapalawak ng access sa high-quality, patient-centered renal care.

“They decided to have a meeting with us, especially now that our rates are P6,350 (from P2,500) per session for each dialysis patient. So they are seeing that it’s now going to be very profitable,” ang sinabi ni Health Secretary Teodoro Herbosa sa isang panayam.

“That’s good because then the government does not have to build many dialysis centers; all it does is make sure that the private sector does provide quality dialysis for Filipinos,” aniya pa rin.

Ang NephroPlus ay kinokonsiderang “Asia’s most extensive dialysis care network’ na nago-operate sa India, Nepal, Pilipinas at Uzbekistan, na may mahigit sa 400 clinics across sa buong kontinente.

Ayon sa National Kidney and Transplant Institute, may 64,845 na mga filipino ang naitala na sumailalim sa dialysis treatment noong 2024 , 22% na mas mataas kaysa sa 53,296 na naitala noong 2023.

Samantala, ‘as of March 2025’, iniulat ng Philippine Renal Disease Registry ng Department of Health na ang hypertensive nephrosclerosis ay kabilang sa 33.07% kidney disease cases sa bansa.

Sumunod ang diabetic nephropathy na may 30.04% at chronic glomerulonephritis na may 12.20%.

( Daris Jose)

Ruling ng Korte Suprema sa impeachment ni VP Sara, ‘no bearing on merits’ – PBBM

Posted on: August 11th, 2025 by @peoplesbalita No Comments

BENGALURU, India —NILINAW ni Pangulong Ferdinand R. Marcos Jr. na ang naging desisyon ng Korte Suprema na may kaugnayan sa in-archive na impeachment case laban kay Vice President Sara Duterte ay tumutugon lamang sa procedural issues at hindi nasaling ang mismong nilalaman ng reklamo.

“Let me clarify. The merits of the case were not examined by the Supreme Court… This does not decide the merits of the case. It just talked about procedure. So the procedure was faulty, was lacking. So that is the assessment of the Supreme Court,” ang sinabi ni Pangulong Marcos sa Philippine delegation reporters sa isang briefing sa kanyang naging state visit sa India.

“It has no bearing on the rightness or wrongness of the impeachment,”diing pahayag ng Pangulo.

Sinabi pa ng Pangulo na wala pang paglilitis at ang nilalaman ng impeachment complaint ay hindi pa napagde-debatehan.

“Again, there has been no trial. So the merits of the case have not been examined, tried, adjudicated, argued, discussed. So, accountability just doesn’t come into it. People have to understand, it is a procedural question,” ayon sa Chief Executive.

“They said the date was wrong, the way the House did it was not correct. It had nothing to do with the contents of the impeachment complaint, but with how the impeachment was handled,” ang winika ng Pangulo.

Sa kabilang dako, iginiit ng Pangulo na walang papel ang ehekutibong sangay ng pamahalaan sa impeachment proceedings.

“I keep telling you, the executive has no role in this. The president has no role. I’m an impeachable officer. I cannot involve myself in any of this. So, it’s really the Supreme Court, the Senate and the House,” anito.

Nauna rito, inaprubahan ng Senado ang paglalagay sa archive ng impeachment case laban kay VP Sara kasunod ng pasya ng Korte Suprema na ito ay labag sa Konstitusyon.

Sa botong 19-4, nanaig ang mosyon ni Senate Majority Leader Joel Villanueva na i-archive ang kaso, bilang tugon sa ruling ng Korte Suprema na nagsabing walang bisa ang reklamo mula sa simula at walang hurisdiksyon ang Senado rito. Si Senador Panfilo Lacson ang tanging nag-abstain.

Ang mosyon ni Villanueva ay nagbago sa orihinal na mungkahi ni Senador Rodante Marcoleta na tuluyang ibasura ang kaso. Tumutol dito si Senate Minority Leader Vicente “Tito” Sotto III, iginiit niyang nagtipon na ang Senado bilang impeachment court, kaya’t may hurisdiksyon ito sa usapin.

Ipinaliwanag naman ni Senate President Francis “Chiz” Escudero na ang pag-archive ay hindi nangangahulugang itinatanggi ang mga naganap, kundi isang legal na pagsunod sa desisyon ng Korte Suprema.

Tinangka ni Sotto na ipatigil ang orihinal na mosyon ni Marcoleta sa tulong ni Sen. Risa Hontiveros, ngunit ito’y nabigo sa botong 19-5.

Binigyang-diin ni Escudero na maaaring muling buksan ang kaso mula sa archive kung sakaling baligtarin ng Korte Suprema ang desisyon nito.

(Daris Jose)