KUNG marami tinamaan sa nag-trending ng trailer ng pelikulang Family Matters na entry ng Cineko Productions sa Metro Manila Film Festival (MMFF) 2022, na humamig ng milyung-milyong views last month, hindi naman nabigo o nadismaya ang mga naunanang nakapanood noong araw ng Pasko.

Patuloy ngang pinipilihan at usap-usapan ang Family Matters na kung saan nagtagisan sa pag-arte sina Noel Trinidad, Liza Lorena, Nonie Buencamino, Mylene Dizon, Agot Isidro, JC Santos, James Blanco, Ian Pangilinan at Nikki Valdez.

Napakahusay ng pagkakasulat ni Mel del Rosario at pagkakadirek ni Nuel Crisostomo Naval, kaya malakas ng laban nila sa Best Picture, Best Director at Best Screenplay, bukod pa lalaban din ang buong cast sa acting category.

Sigurado rin na labis na natutuwa ngayon si Pandi, Bulacan Mayor Enrico Roque na sa first day ng MMFF 2022 ay na sa Top 4 sila agad, at bali-balitang tumaas na nga dahil sa patuloy na sinusuportahan ng manonood.

Sa special preview ng Family Matters sa Gateway Cinema, na kung saan kasama naming nanood si Nikki, masasabi naming hindi talaga siya nagpakabog kina Agot at Mylene.  Damang-dama talaga namin ang character niya bilang Ellen, at ang eksena nila ni Liza ang unang nagpatulo ng luha namin. Kaya bet na bet namin siyang magwagi ng Best Supporting Actress.

Kuwento naman ni Nikki, nag-cut na raw ang eksena nila ni Liza, pero umiiyak pa sila ng beteranang aktres, dahil masyado ngang maganda yun scene nila kaya dalang-dala sila.

Say pa ni Nikki, “ang background ng character ko talaga, before dumating si JC, kami talaga ang close.  Parang I was the favorite until dumating si ‘menopause baby’.

“I think may pagka-real lang and organic yun scene namin nina Tita Liza, siyempre nanay and daugther.”

At kung mga part sa movie talaga siyang naiyak ay ang mga eksena ng award-winning actor na si Nonie, na matindi rin ang laban sa Best Supporting Actor.

Aminado si Nikki na sobra siyang naapektuhan at iniyakan talaga niya.

“I wish I have more than time to take care of my dad.  I lost my dad in 2015.  Kaya everytime na lumalabas ‘yun eksena ni Tito Noni, naiiyak ako.”

Wish lang namin na mas marami pang pami-pamilyang makapanood ng Family Matters, ganun din ang mga kabataan ngayon, na tiyak maraming tatamaan at matututunan. Dahil sa pelikulang ito na worth talagang panoorin, mas lalo pa ninyong mamahalin ang inyong mga magulang.

(ROHN ROMULO)

KINATUWA tiyak ng mga nagmamahal kay Kris Aquino ang muling pagbabalik ni Kris sa social media.

Tiyempo pa namang Pasko nang mag-post muli si Kris sa kanyang IG account, isang buwan mula noong huli siyang naging aktibo sa kanyang IG account.

Update na may kinalaman sa post niya a month ago ang laman ng bagong post ni Kris, tulad ng dokumento mula sa U.S. Citizenship and Immigration Services ng United States Department of Homeland Security; na aabutin raw ng halos tatlong buwan bago pa maaprubahan ang extension ng pamamalagi nila nina Josh at Bimby sa Amerika.

Aabutin kasi ng halos sampung buwan bago makumpleto ni Kris ang sinimulan na sa kanyang immunotherapy treatment na ang gamot ay katulad ng sa chemotherapy pero mas mababa ang dosage.

Nakakatuwa pa na may lyrics ng kanta sa post ni Kris, ang ‘Sana Ngayong Pasko’ ni Ariel Rivera, na hindi raw nila iyon magiging theme song dahil happy vibes ang hatid kay Kris ng mga call center agent dito sa Pilipinas na nagdarasal at nagpapaabot ng positibong mensahe para sa kanila ni Bimby kapag nakakausap niya sa phone ang mga ito at nalalaman na siya si Kris Aquino.

Kaya nagpapasalamat si Kris sa mga ito.

Narito ang kabuuang post ni Kris…

“we’ve been here for more than 6 months. Atty Marlon (recommended to us by the 🇵🇭 consulate to be our immigration lawyer) filed the necessary paperwork so that we can extend our stay in the 🇺🇸 legally. A few days ago we did our biometrics scan…i was warned- you’ll need to wait 2-3 months to get the extension approval.

“Discussing my 4 diagnosed autoimmune ailments (2 are life threatening) and a highly likely 5th because of my distinct physical manifestations isn’t something i want to do on Christmas Eve- but i have to BECAUSE gusto kong mag THANK YOU sa inyong lahat who still keep me, my sons, and my sisters & their families back home in your prayers.

“A lot of times i’ve had to verify over the phone my identity & 80% of the time BPOs from back home handle the calls. It’s heartwarming to hear the agents who know the calls are being recorded be “Dedma” & say- “ma’am, my family always pray for you because we want you to regain your health…” others have said, “Ms Aquino, i hope your treatment is working & that you’ll be healed…”

“You all have your personal problems & heartaches BUT because of you, HINDI ito ang naging theme song namin nila kuya & bimb:

Pasko na naman, nguni’t wala ka pa
Hanggang kailan kaya ako maghihintay sa iyo?
Bakit ba naman kailangang lumisan pa?
Ang tanging hangad ko lang ay makapiling ka

Sana ngayong Pasko ay maalala mo pa rin ako
Hinahanap-hanap pag-ibig mo
At kahit wala ka na, nangangarap at umaasa pa rin ako
Muling makita ka at makasama ka
Sa araw ng Pasko…

“We may be an ocean apart, BUT it matters so much to know that many of you who don’t even know me or my sons personally, care enough to remember us & want me to win this seemingly endless battle with my autoimmune conditions…

“May God bless your kind & compassionate hearts… my Christmas wish is makabawi ako sa ginagawa nyong mabuti para sa ‘kin ngayon-my 1st cycle of immunotherapy treatment (same medicine as chemo BUT at a much lower dose given over a longer period of time) will take about 10 months… for now idadaan ko na lang po ang pasasalamat ko sa mga pinagkakatiwalaan kong mga kaibigan sa religious & medical communities. #christmas2022 #thankful”

(ROMMEL L. GONZALES)

KINUMPIRMA ni Heart Evangelista via social media na sa Pilipinas siya mag-celebrate ng New Year kasama ang kanyang mister na si Sen. Chiz Escudero.

Sa isang Instagram update, nabanggit nga ni Heart sa caption na uuwi siya para makasama si Chiz sa Bagong Taon: “Living between 2 worlds Paris and Manila. 2 clocks in one @philipsteinph walking around Paris before heading home for New Year. Ps. See you soon @escuderochiz.”

Dahil sa post na ito ni Heart, nasagot na rin ang katanungan ng marami tungkol sa tunay na estado ng relasyon nila ni Chiz.

Noong September nagsimula ang usap-usapan ng mga marites na pauwi na sa hiwalayan ang pagsasama nila Heart at Chiz. Ginawang dahilan ng mga marites ang laging pag-alis ni Heart ng bansa at ang pag-drop nito ng Escudero sa kanyang social media accounts.

Minsan ding nakita ang pag-iyak ni Heart sa isang photo shoot at hindi rin daw binati ni Heart ang mister noong kaarawan nito.

Pero in fairness to Heart, wala itong binigay na anumang statement na may problema sa pagsasama nila ni Chiz. Tahimik lang siya at pinabayaan niyang mag-assume ang mga asumera at mga chismoso’t chismosa sa social media.

Sa pagbalik ni Heart sa Bagong Taon, umaasa ang marami na sabay sila ni Chiz na magsalita tungkol sa kanilang pagsasama.

***

ISA sa big highlights ng buhay ni Jason Abalos ngayong 2022 ay ang magpakasal sila ng long-time girlfriend niyang si Vickie Rushton.

Kaya sa pagpasok ng 2023, baby naman daw ang gusto ni Jason mula kay Vickie.

Sa latest post ng aktor sa Instagram, ito ang nakalagay: “Last year’s Christmas post na gamit yong picture namin sa marriage banns vs ngayon Mr. and Mrs na, ang daming nangyari na dapat ipagpasalamat sa taas, yong pinakamalupit na blessing na lang ni Lord ang hinihintay namin baka next year may cute na naka singit na sa gitna 🙂 Maligayang pasko sa ating lahat 🙂 pagmamahal sa bawat isa.”

Noon pa naman sinasabi ni Jason na gusto niyang magkaroon ng maraming anak kaya nagpatayo siya ng malaking bahay na maraming kuwarto para sa future kids nila ni Vickie.

Kinasal sina Jason at Vickie noong September sa San Antonio De Padua Parish Church in Nasugbu, Batangas. Kabilang pa sa pinapasalamat ng aktor sa taong ito ay noong manalo siya bilang provincial board member ng Nueva Ecija noong nakaraang May elections at ang maging Navy Reservist sila ng kanyang misis noong November.

Walang banggit si Jason kung may gagawin ba siyang bagong teleserye sa GMA. Huli niyang teleserye ay ang ‘Tres Hermanas’.

(RUEL J. MENDOZA)