MASAYANG-MASAYA ang Kapuso actress na si Kylie Padilla.

Kahit na nasa huling Linggo na ang kanyang GMA Telebabad serye, ang “Bolera,” masasabing nagsimula at magtatapos ito ng mataas ang rating at isa sa matagumpay na primetime series ng GMA.

At comeback din ito ni Kylie sa telebisyon kaya malaking bagay talaga para sa kanya ang magtatapos na serye.

“Itong mainit na pagtanggap ng mga tao is a reward after. Kasi siyempre, ang tagal kong nawala. So, may uncertainties sa part ko na, oh my gosh, papanoorin pa ba ko?

“And I’m really thankful sa GMA and everybody sa cast, directors and producers dahil inalagaan talaga nila ‘ko and they made sure na maganda ang comeback show ko.

“I’m really, really happy.”

Kung may mami-miss man daw siya ngayong hanggang Biyernes na lang ang ‘Bolera’, ‘yung mismong character raw niya at siyempre raw, ang cast at staff.

“Ngayon pa lang, miss na namin ang isa’t-isa. Wala na sigurong mga ganito,” sey niya.

Pero sabi naman ni Kylie, since ilang buwan na rin since nag-last taping sila for “Bolera”, masasabi raw niyang nakapag-move-on at naka-recover na rin siya sa role niya.

May ginawa na nga siyang movie sa Switzerland kasama si Gerald Anderson at tingin daw niya, ready na rin siyang tumanggap muli ng bagong project.

“Nakaka-tatlong buwan na ‘ko so I think, I’m ready na to accept a new role. Although, no’ng nag-last taping kami, sobrang lungkot ko talaga.”

***

HINDI nagpahuli ang pamilya Sommereux, ito ang tunay na apelyido ni Christopher Roxas.

Meron na rin silang sariling family sitcom, ang ‘One For All, All For One!’ Mapapanood ito sa INC channel na Net25. At ang sitcom nila ang unang produced family sitcom ng network.

Alam ng lahat gaano ka-solid Iglesia ni Cristo ang pamilya nina Christopher at Gladys Reyes kaya no wonder na tinanggap nila ito at this time, kasama na ang mga anak nila na sina Christophe at Aquisha.

Nabanggit na ito ni Gladys nang makausap namin siya noong birthday niya at heto na nga, mapapanood na sila.
Nasabi naming hindi rin sila nagpahuli naman sa family sitcom naman ng mag-asawang Dingdong Dantes at Marian Rivera, ang “Jose & Maria: Bonggang Villa” ng GMA-7.

Sa Facebook post ni Christopher, sinabi niya na nitong pandemya, marami talaga siyang tinanggihang offer. At tingin daw niya, ito ang answered prayer ni Lord sa kanya. Ang gagawin niya ay isang makabuluhang project.

Aniya, “Ang dami kong tinangihan na proyekto tv at pelikula dahil gusto ko na baguhin ang takbo ng karera ko.. lahat ng offer sakin puro di pasok sa panlasa ko. Gusto ko parin umarte at artista parin naman ako.di nga lang sikat.

“Sabi ko sa sarili ko kung anu ang ibig ng Ama yun ang haharapin ko. Baka sa negosyo na lang talaga ako. Nanalangin ako sa Ama, hiningi ko na bigyan ako ng meaningful na proyekto. Naghintay ako ng may pag ibig at paniniwalang darating ‘to.

“Dumating nga at ‘di lang kami ni misis ang bida dito, pati buong pamilya ko. Ito ang patunay na paghiling at ibibigay sa atin sa tamang panahon. Salamat Ama sa family serye na ito. Sa ‘yo ang kapurihan.”

(ROSE GARCIA)

HOW soon time flies!

Nag-post si Megastar Sharon Cuneta ng baby picture ng youngest girl niya na si Miel Pangilinan who is turning 18 on September 2, 2022.

Maraming natuwa sa picture ni Miel at maraming nagpasalamat kay Sharon for sharing the cute baby photo of her youngest daughter.

Kasunod na post ni Mega ang pictorial ni Miel para sa kanyang debut, suot ang mga outfits na kulay pantone (shade of orange)

Maraming mga friends ni Ate Shawie na nagpahatid ng maagang pagbati para sa 18th bday ni Miel.

Last June ay nag-post si Miel sa kanyang IG account that she is an openly and publicly queer.

Maraming nag-react at nagulat that time. Hindi nila ini-expect that Miel would come out and reveal that she is queer.

***

SI Benz Sangalang ang main kontrabida sa ‘Sitio Diablo’, ang latest movie ng cult director na si Roman Perez, Jr.

Bida sa pelikula sina AJ Raval at Kiko Estrada.

Ayon kay Benz, kwento ng mga gang sa squatter at drug trafficking ang ‘Sitio Diablo’.

“Sobrang kakaiba po talaga ang movie na ito dahil sa panahon ngayon ay bihira ang gumagawa ng ganitong movie tungkol sa mga gang at buhay ng mahihirap sa Pilipinas,” sabi ni Benz.

Dapat din abangan ang mga action scenes nila sa movie.

Sa movie, Benz is playing the role of Tonix. Siya ang leader ng buong Sitio Diablo. Maangas si Tonix sa harap ng mga tauhan niya at kalaban pero pagdating sa pamilya niya ay may kabaitan di naman siyang nakatago.

Para paghandaan ang kanyang role physically, he went on a diet at nag-workout si Benz religiously. Nag-research din siya sa buhay ng mga squatter.

Ano ang masasabi niya sa kanyang partner na si Azi Acosta?

“Mabilis siyang matuto. Noong una ay medyo nahihirapan siya pero dahil nakikinig naman siya sa mga advice ni Direk Roman ay agad naman nakaka-pickup.”

Kumpara sa unang dalawang movies niya, feeling ni Benz ay nag-improve na ang acting niya sa ‘Sitio Diablo’. Mas maangas daw ang acting niya.

Bakit dapat panoorin ang ‘Sitio Diablo’?

“Dahil po bukod sa ang blockbuster director na si Direk Roman Ang gumawa nito ay ginawa po namin lahat ng cast dito ang best namin para magmukhang realistic at maganda ang kabuuan nang movie,” pahayag pa ni Benz sa ending ng aming chikahan.

(RICKY CALDERON)