2021 July Archive - People's Balita

Archive for July, 2021

Toll rates para sa Skyway 3, inilabas na ng TRB

Posted on: July 10th, 2021 by @peoplesbalita No Comments

Nag-isyu na ng aprubadong toll rates ang Toll Regulatory Board (TRB) na sisingilin sa mga motorista na gagamit ng Skyway Stage 3 elevated expressway.

Kasunod ito ng anunsiyo ng San Miguel Corporation (SMC) na simula sa Hulyo 12 ay magsisimula na silang maningil ng toll fee para sa Skyway 3.

Ayon kay TRB spokesperson Julius Corpus, alinsunod sa aprubadong toll rates, maaaring maningil ang SMC Infrastructure ng P264 mula Buendia hanggang Balintawak; P105 naman mula sa Buendia hanggang Sta. Mesa; P30 mula Sta. Mesa hanggang Ramon Magsaysay at P129 mula Ramon Magsaysay hanggang Balintawak.

Matatandaang katapusan pa ng Disyembre, 2020 nang buksan ng SMC ang Skyway 3 sa mga motorista ngunit libre muna itong ipinapagamit sa ngayon.

Sinabi naman na ng SMC na ang sisingilin nilang toll fee ay gagamitin nila para sa episyenteng operasyon at maintenance ng elevated expressway.

Ang naturang 18-kilometrong Skyway 3 project, na may layuning paluwagin ang daloy ng trapiko sa EDSA, ang siyang nagdudugtong sa South Luzon Expressway (SLEX) at North Luzon Expressway (NLEX).

Sa tulong ng proyekto, nabawasan ang travel time mula Alabang hanggang Balintawak ng hanggang 30 minuto na lamang mula sa dating tatlong oras.

COVID cases sa PH nasa 1.4-M na, 4,289 bagong mga nadagdag na kaso

Posted on: July 10th, 2021 by @peoplesbalita No Comments

Bahagyang mataas ngayon ang naitalang bagong dagdag na kaso ng COVID-19 sa pilipinas kumpara nitong nakalipas na Martes.

Ayon sa ulat ng Department of Health (DOH) nasa 4,289 ang nadagdagan ngayon na nahawa sa virus kaya sa kabuuan sa buong Pilipinas mula noong nakalipas na taon ay nasa 1,450,110 na.

Bahagya ring nabawasan ang mga aktibong kaso sa bansa na nasa 47,519 o nagpapagaling pa ay katumbas ito ng 3.3 percent mula sa total cases.

Marami naman ang bagong gumaling sa mga kababayan mula sa coronavirus na umaabot sa 6,399.

Ang kabuuang bilang ng mga gumaling na sa bansa ay nasa 1,377,132.

Sa kabila nito nasa 164 ang mga bagong nasawi dulot pa rin ng deadly virus.

Ang death toll ngayon sa bansa ay nasa 25,459 na.

Meron namang apat na laboratoryo ang bigong makapagsumite ng kanilang mga datos.

Dancing the Tides’ ni XEPH SUAREZ, ire-represent ang bansa sa Cannes Film Festival

Posted on: July 10th, 2021 by @peoplesbalita No Comments

ISANG regional film project at 33 na production companies, institutions, at organizations ang bumubuo sa representasyon ng Pilipinas sa La Fabrique Cinéma de l’Institut français at Marché du Film ng Cannes Film Festival ngayong taon.

Itinatag noong 1959 kasabay ang ika-13 na edisyon ng Cannes Film Festival, ang Marché du Film ay ang business side ng festival kung saan nagtitipon ang film industry professionals upang makadiskubre ng panibagong film projects at makakuha ng karanasan mula sa isa sa mga pinakamalaking film markets sa buong mundo.

Habang magkakaroon din ng onsite events ang Marché du Film ngayong taon, ibibigay ng online platform nito ang parehong karanasan kagaya ng sa Cannes na mayroong live and real-time meetings upang tulungan ang business at networking ng film industry professionals mula sa buong mundo. Para sa edisyon ngayong taon, binubuo ng 37 na indibidwal na delegado ang Pilipinas na mula sa Producers Network at Filipino Film Producers.

Ang mga delegado ng Pilipinas ay mula sa Atom & Anne Mediaworks Corp., Chimera Visions, Creative Caboose, Digital Dreams Inc., Globe Studios, IndieGo Pictures Entertainment Inc., Rein Entertainment Productions, at RR Entertainment.

Ang kumukumpleto sa listahan ng mga lalahok na kumpanya ay ang ABS-CBN Film Productions, Amaya Films, Animation Vertigo Asia, Inc., Binisaya Movement Inc., Cignal TV Inc., Daluyong Studios, Eichef Media/HFilms, Epicmedia Productions Inc., ERK Productions, Filcor Media and Events Production, Firestarters, Fullhouse Asia Production Studios, Inc., Heartleaf Film Production, Heaven’s Best Entertainment, IRONoriel Productions, Ladder Production Films, Lakan Media Creatives, Mandala Video and Event Productions, Micromedia Digital Video Productions, QCinema, Reelabilities Studios, Sine Abreno, Ursa Studios Inc., UXS Inc., at Vineyard Films.

Mabibigyan ang mga delegado ng access sa online events at programs, Marché du Film Online booths at screenings, pavilions at participants’ information, online networking events upang makakilala ng potensyal na business partners, 1-year free subscription sa Cinando, at feature ng kanilang company profiles sa Marché du Film publication. Magkakaroon naman ng access sa Producers Network Programs at Meetings ang mga producers sa Producers Network. Idinaraos mula Hulyo 6 hanggang 15 ang hybrid format ng Marché Du Film habang onsite naman mula Hulyo 6 hanggang 17 ang ika-74 na season ng Cannes Film Festival.

“Over the years, the prestigious film market in Cannes has made international partnerships and collaborations available for our filmmakers. This year, regardless of the market being held online, it will continue to provide the same opportunities and experience that will greatly benefit our filmmakers in the industry,” wika ni Film Development Council of the Philippines (FDCP) Chairperson at CEO Liza Diño.

Irerepresenta naman ang bansa ng Dancing the Tides ni Xeph Suarez sa 2021 La Fabrique, isang film lab ng Cannes Film Festival. Ang pinakaunang feature film ni Suarez ay tungkol sa isang Muslim na transwoman na nagngangalang Astri na maligayang naninirahan kasama ang kaniyang nobyo na si Tambulah sa isang konserbatibong komunidad.

Nang maging 16 na anyos na si Astri, pinapaalala sa kaniya ng kaniyang ama na bilang “lalake,” kinakailangan niyang igalang ang kanilang tradisyon na ikasal sa babaeng napili para sa kanya.

Noong 2019, isa sa mga kalahok ng pinakaunang Southern Voices Film Lab (SoVo Lab) ng FDCP ang film project na ito kung saan nakakuha ito ng development fund na PHP 100, 000. Sa taon na iyon, napili ang project na ito sa First Cut Lab Manila na suportado din ng Ahensya.

Naging delegado si Suarez sa 2019 Southeast Asia Fiction Film Lab (SEAFIC) at sa sumunod na taon, napili ang Dancing the Tides sa Pustnik Screenwriters Residency 2020 at Ties That Bind 2020. Sa 2021 SoVo Lab Awarding Ceremony noong Hunyo, nakakuha naman ito ng Special Jury Prize na may kasamang Co-Production Grant na nagkakahalagang PHP 500,000.

Simula Hulyo 6 hanggang 17, magiging parte naman ang Dancing the Tides kasama ang iba pang siyam na napiling projects sa film lab, isang tailored program upang tulungan ang talented young directors mula sa mga umuusbong na bansa para madagdagan ang kanilang international exposure upang makabuo ng mga koneksyon kasama ang ibang partners.

Inimbitahan bilang guest speaker sa Cannes Docs ng Marché du Film ang Daang Dokyu Festival Director na si Baby Ruth Villarama para sa event nitong “Connecting the Dots: Asian documentaries and their home ground windows” noong Hulyo 8, habang magiging parte naman ng pitching session ng La Fabrique Cinéma 2021 sina Suarez at producer na si Alemberg Ang sa Hulyo 11 para i-highlight ang partnership sa Coprocity.

Para sa karagdagang impormasyon ukol sa Marché du Film, bisitahin ang https://www.marchedufilm.com/. Para sa Filipino film project sa La Fabrique, bisitahin anghttps://www.lescinemasdumonde.com/en/la-fabrique/2021/projet/dancing-tides.

(ROHN ROMULO)

Pag-abswelto kay Revilla sa graft hindi namin iaapela

Posted on: July 10th, 2021 by @peoplesbalita No Comments

Wala nang balak iapela ng Office of the Ombudsman ang pag-dismiss ng Sandiganbayan sa patung-patong na kaso ng graft laban kay Sen. Bong Revilla kaugnay ng P10 bilyong pork barrel scam.

“The SB First Division voted 3-2 to grant Senator Revilla’s Demurrer to Evidence, AND WE RESPECT ITS DECISION,” ayon sa tanggapan ng Ombudsman, Huwebes, pagdating sa 16 kaso ng senador.

Ngayong Lunes lang nang iulat ang pag-clear kay Revilla kaugnay ng “kakulangan ng ebidensya,” hatol na ibinaba matapos pagbigyan ang kanyang demurrer to evidence na hindi na nag-obliga sa kanya na depensahan ang sarili.

Ang ganitong desisyon ng opisina ay ibinabase raw ngayon sa karapatang iginagawad ng Saligang Batas sa lahat laban sa “double jeopardy.” Tumutukoy ang double jeopardy sa pagsagot ng akusado ng dalawang bses sa parehong reklamo.

“Consistent with the defendant’s constitutional right against double jeopardy, Ombudsman Samuel Martires sets the policy of no longer challenging the dismissal of cases/quashal of information and judgments of acquittal, either through a motion to dismiss, a demurrer to evidence or by a decision, rendered by the trial courts or the Sandiganbayan except when the People was clearly deprived of due process or there was mistrial.”

Taong 2014 nang akusahan si Revilla ng pagbubuhos ng kanyang Priority Development Assistance Fund mula 2006-2009 patungo sa mga “bogus” non-governmental organizations ni Janet Napoles, dahilan para makakuha raw ang actor-turned-senator ng P224.5 milyong kickback.

Na-convict para sa plunder sina Napoles kasama ang aide ni Revilla ni Richard Cambe. Gayunpaman, idinismiss din ang kaso ng huli matapos niyang pumanaw sa kulungan.

Una nang inabswelto sa plunder si Revilla kaugnay pa rin ng parehong isyu. Maliban kay Bong, kasamang inaakusahan sa pork barrel scam sina dating Sen. Jinggoy Estrada at dating Sen. Juan Ponce Enrile.

Miyerkules lang nang sabihin ni Jinggoy na makakatulong ang pagkakaabswelto ni Revilla oras na mapagdesisyunan niyang tumakbong senador para sa 2022.

Matatandaang tumakbo sa pagkasenador si Revilla taong 2019 at nanalo pa rin kahit na humaharap pa noon sa mga kaso kaugnay ng pork barrel scam. (Daris Jose)

CRISTINE, nanghihinayang na ‘di natanggap ang Best Actress award para sa ‘Untrue’; dadalo na ‘pag may filmfest entry

Posted on: July 10th, 2021 by @peoplesbalita No Comments

NANGHIHINAYANG si Cristine Reyes na hindi na natanggap personal ang Best Actress award which she won for the movie Untrue, na dinirek ni Sigrid Andrea Bernardo.

“Hindi naman kasi ako nag-expect na mananalo so when Viva asked me kung gusto kong pumunta sa festival, I turned them down,” kwento ni Cristine sa presscon ng Encounter na ginawa sa Botejyu-Estancia.

“Pero if ever na may movie ako uli na maisasali sa isang festival, dadalo na ako,” sabi pa ng lead actress ng Encounter na dinirek ni Jeffrey Jeturian.

Ayon pa kay Cristine, maganda ang working relationship nila ni Diego Loyzaga who plays her leading man sa Encounter although aminado si Diego na he was intimidated at first kay Cristine.

***

SA July 30 na ang ipalalabas ang Gameboys The Movie sa mga streaming platforms.

Kaya in-interview namin via FB messenger sina Kokoy de Santos at Elijah Canlas courtesy of Direk Perci Intalan of The Idea First Company, na producer ng phenomenal Pinoy BL movie.

Ano ang pakiramdam nina Elijah and Kokoy sa nalalapit na playdate ng Gameboys The Movie?

“Very excited na finally mapapanood na ng marami ang pinaghirapan naming project. Dugo at pawis ang inalay ng bawat isa sa amin dito, mapaharap man o likod ng camera,” sagot ni Kokoy.

“I’m just really excited to see the film myself. It’s always a different level of fulfillment as an artist once you see the output of everyone’s hard work and passion on the screen. I can’t wait for the new audiences and the whole Gameboys fandom to see it as well,” pahayag naman ni Elijah.

What do they look forward to sa nasabing event?

Sabi ni Kokoy, “Para sakin po, yung magiging aral na makukuha ng bawat isang makakanood nito,” samantalang sagot ni Elijah, “For the people to watch the film, new fans included.”

Ano naman ang kanilang natutuhan sa amazing journey ng Gameboys series?

“Natutunan ko na hindi lahat ng bagay ay palaging masaya, kailangan mo din pagdaanan ang sakit at poot para matamasa ang totoong ligaya,” seryosong pahayag ni Kokoy.

“This may sound cliché, but nothing really is impossible. Imagine, we were shooting the pilot for the first season over a year ago. With no idea how to work around the process of zoom filmmaking.

“Shooting remotely inside our homes. Being directed and instructed through zoom. Using our own personal phones as cameras. It’s crazy to think that all of that led us to today. It keeps me going,” mahabang pahayag naman ni Elijah.

“Hindi pa po, at wala akong idea kung ano ang kahihinatnan. Pero sigurado akong maganda ito. Dahil sa IdeaFirst,” sagot ni Kokoy when asked kung napanood na nila ang pelikula.

“Not yet. But I have no doubt it’s going to be amazing,” tugon naman ni Elijah.

How different is the movie, content-wise, from the series?

“Alam naman natin na nabitin tayo nang bongga sa series, tama? Tama! Kaya naman dito itutuloy natin ang nabitin na pagmamahalan. Excited? Very Excited!!!!!,” sabi ni Kokoy.

“I think the biggest and most obvious difference is that the movie is not told through the video call set-up that everyone was accustomed to from the first season. The movie is bolder, braver, and the stakes are just as high if not higher,” sagot naman ni Elijah.

Mabilis naubos ang tickets ng Gameboys The Movie nang mag-advance selling ito. Parang may contest nga ang mga fans nina Elijah at Kokoy dahil very proud silang ina-announce sa social media na may tickets na sila.

Yung mga fans na hindi pa nakabili ng tickets ay nakaabang sa announcement kung kailan available ang mga tickets for the local and international screening.

Lahat ng mga EliKoy fans ay excited nang mapanood ang Gameboys The Movie. At kasama kami roon.

(RICKY CALDERON)

HOLDAPER ARESTADO SA MALABON

Posted on: July 10th, 2021 by @peoplesbalita No Comments

REHAS na bakal ang kinasadlakan ng isang umano’y holdaper matapos kumasa sa kanya ang dalawang technician na kanyang hinoldap at inagawan ng cellular phone sa Malabon city, kamakalawa ng gabi.

Kinilala ni Malabon police chief P/Col. Albert Barot ang naarestong suspek na si Alexis Padilla, 29, ng Block 21, Lot 5, Dulong Hernandez, Brgy. Catmon na nahaharap sa kasong robbery hold-up at paglabag sa R.A. 10591 o ang Comprehensive Firearms and Ammunition Act.

Lumabas sa imbestigasyon nina P/SSgt. Mardelio Osting at P/SSgt. Diego Ngippol, hawak nina Genesis Aberilla , 25 ng No. 15 Angela Street at Louie Limsiaco, 32 ng No. 9 Magnolia Street sa Barangay Maysilo ang kani-kanilang cellular phone na parehong nagkakahalaga ng P12,000 habang naglalaro ng mobile legend dakong alas-9:30 ng gabi sa Angela St. sa naturang barangay nang sumulpot ang suspek na armado ng kalibre .38 revolver at nagdeklara ng holdap.

Habang kinukuha ng suspek ang mobile phone ng mga biktima, nakakita ng pagkakataon ang dalawa na agawin ang baril hanggang sa pambuno ang mga ito na nakatawag pansin sa mga nagrorondang tanod na nagresulta sa pagkakadakip kay Padilla.

Nabawi sa suspek ang ginamit nitong baril na may kargang tatlong bala at ang inagaw na mobile phone ng mga biktima na gagamiting ebidensiya ng mga pulis sa pagsasampa ng kaukulang kaso. (Richard Mesa)

Fernando, binalikan ang mga nagawa ng Bulacan laban sa pandemya

Posted on: July 10th, 2021 by @peoplesbalita No Comments

LUNGSOD NG MALOLOS- Binalikan ni Gobernador Daniel R. Fernando ang mga maagap na inisyatibo ng Bulacan na naging dahilan upang mapagtagumpayan ang laban sa pandemyang COVID-19 sa ginanap na 11th Joint Meeting of the Response, Law and Order, and Recovery Clusters ng Provincial Task Force (PTF) on COVID-19 sa pamamagitan ng aplikasyong Zoom kahapon.

Naniniwala si Fernando na ang pagbabalik-tanaw sa mga naisakatuparan ang maggigiya sa kanya at sa buong lalawigan sa tamang direksyon.

“Sa ating mabilis na pagkilos at paghahanda, naisagawa natin ang sumusunod- paghihiwalay ng COVID at non-COVID patients, agad na pagtatatag sa BICC, pagtatayo ng sariling testing at diagnostic facility sa loob lamang ng isang buwan, pagtatayo ng GeneXpert laboratory, at pagsunod sa PDITR strategy na kinilala ng IATF bilang isa sa sistematikong pagtugon ng mga LGU sa buong bansa,” pagiisa-isa ng gobernador.

Inalala rin niya ang mga hakbangin na isinagawa matapos ang pagtaas ng kaso ng COVID dahil sa mga bagong variant ng virus noong Pebrero 2021.

“Ipinatupad natin ang Bulacan Surge Capacity System, nagsagawa ng pagbabago sa work arrangement sa Kapitolyo, and focused on preventing and containing the COVID-19 pandemic habang inaalalayan natin ang socio-economic impact sa pamamagitan ng iba’t ibang uri ng ayuda mula sa pondo ng Pamahalaang Panlalawigan at tulong mula sa mga national agencies at mga non-government organizations,” dagdag pa niya.

Pinasalamatan ng punong lalawigan ang mga health worker, frontliner, at lahat ng Bulakenyo para sa kanilang pagsunod sa mga health protocol na nagbunsod ng patuloy na pagbaba ng mga kaso ng COVID.

“Sa mga pinakahuling ulat, gumaganda ang bunga ng ating mga pagsisikap to manage the health risks habang nagsisikap tayo tungo sa socio-economic recovery sa pagbubukas ng ating ekonomiya,” anang gobernador.

Sa pagpupulong, iniulat ni PTF Response Cluster Head Dr. Hjordis Marushka Celis na 96% o 39,227 sa kabuuang 40,922 kumpirmadong kaso ng COVID sa lalawigan ang gumaling na, dalawang porsiyento o 815 ang nananatiling aktibo, at ang dalawa pang porsiyento o 880 ang namatay dahil sa virus.

Disney+ Celebrates ‘Black Widow’ Release With Solo MCU Movie Posters

Posted on: July 10th, 2021 by @peoplesbalita No Comments

IN honor of Scarlett Johansson’s lengthy tenure with Marvel Studios and in celebration of the release of Black Widow—the first MCU movie in over two years—Disney+ (via Reddit user Samoht99) has changed the main posters for seven key films in the universe.

Every film in which Natasha Romanoff appears now displays a solo poster of her relating to her look in that film.

Johansson has played the former super assassin and SHIELD agent since Phase One of the Marvel Cinematic Universe. Even before becoming a founding member of the Avengers in the 2021 team-up movie, there was talk of a Black Widow solo outing. That never came to pass, and in Avengers: Endgame (2019), Natasha sacrificed herself to save half the universe.

Now, Black Widow is getting a prequel-esque solo adventure taking place between the events of Captain America: Civil War and Avengers: Infinity War. Expected to be her swan song/final MCU appearance, Cate Shortland’s Black Widow will explore the untold stories of Natasha’s past; including her experiences with the Red Room training program and that infamous Budapest reference.

The film will also introduce several new characters in fellow Red Room trainees Yelena Belova (Florence Pugh), Melina Vostokoff (Rachel Weisz), Russia’s version of Captain America in Red Guardian (David Harbour), and the enigmatic villain, Taskmaster.

As seen in the solo posters, Johansson’s Widow has changed a lot since 2010; evolving dramatically in both appearance and characterization.

From being hyper-sexualized in Iron Man 2 to a gritty outlaw in Avengers: Infinity War and leader in Avengers: Endgame, Black Widow sees Johansson on the other side of her character’s metamorphosis. It’s a wonder why it took seven films to earn a solo outing; Black Widow could’ve easily entered production and been released as part of Phase Three. However, the blockbuster will now look to the past and future simultaneously—which could be advantageous to everyone.

Natasha and Clint Barton, a.k.a. Hawkeye (Jeremy Renner) were the only founding Avengers without their own movies/franchises. Black Widow and Disney+’s upcoming Hawkeye series look to make up for lost time.

Black Widow’s mantle is expected to pass to Natasha’s surrogate sister, Pugh’s Yelena, who will be reprising her role in Hawkeye. Johansson doesn’t plan to return as her character, but Marvel Studios’ president, Kevin Feige, has expressed a desire to keep working with her in some capacity.

As evidenced by the Disney+ posters, she’s more than just a supporting player.

(source: screenrant.com)

(ROHN ROMULO)

Pope Francis labis ang pasasalamat sa mga nagdasal sa kaniyang mabilisang paggaling

Posted on: July 10th, 2021 by @peoplesbalita No Comments

Labis ang pasasalamat ni Pope Francis sa mga suporta at dasal na kaniyang natatanggap na “well wishers” matapos ang kaniyang operasyon sa large colon.

Sinabi ng 84-anyos na Santo Papa na hindi niya maipaliwanag ang kaligayahan sa dami ng mga nagdasal para sa mabilisan nitong paggaling.

Ayon naman kay Vatican spokesman Matteo Bruni na kumakain na ang Santo Papa at hindi na kailangan ang “infusion therapy”.

Magugunitang sumailalim sa symptomatic diverticular stenosis of the colon ang Catholic Pontiff nitong nakalipas na Linggo.

ALJUR, sinisisi ng netizens kung bakit sila nagkahiwalay ni KYLIE; ROBIN, ni-reveal na may third party

Posted on: July 10th, 2021 by @peoplesbalita No Comments

MARAMI kaming nababasa na galit kay Aljur Abrenica at sinisi ang huli sa paghihiwalay nila ng misis na si Kylie Padilla.

Kadalasan ng comment, “ang ganda na ni Kylie, nambabae pa.” “Maganda na nga ang misis, ipinagpalit pa rin.”

Nandiyang tinawag din si Aljur na mayabang at iba pa.

Hindi nagsalita sina Kylie at Aljur, pero ang ama ni Kylie na si Robin Padilla nga ang nag-reveal na third party ang dahilan. Hindi raw ito kayang tanggapin ni Kylie, pero sa pananaw ni Robin, gaya kasi ng pinagdaanan niya, for him e, tipong normal na sa lalaking mambabae, huh!

Sa statement ni Kylie, tipong sa ngayon they want to practice good co-parenting sa dalawang anak at tipong inaayos pa rin.

Kung pagbabasehan namin ang mga away-bati, hiwalayan at balikan nila noong mag-boyfriend at girlfriend pa, ‘di-malayong magkabalikan pa rin sila lalo na’t kasal na ngayon.

***

AWARE si David Licauco na ngayong pandemic, nasabay pa ang pagsa-shutdown ng kabilang network, ang ABS-CBN, kapansin-pansin na may mga Kapuso artists na hindi na muna nare-renew ang kontrata. At may mga galing sa kabila na pumapasok sa GMA-7.

Pero isa siya sa mapalad na muling ni-renew ng GMA Artist Center.

Kaya sey niya, “’Yung pagiging artista kasi, this is a dream of mine way back. So just giving the opportunity at nag-renew ako ulit this year and ‘yun nga, knowing na marami silang hindi na kinuha, sobrang happy lang.

“Dahil do’n, gusto kong bigyan ng sukli ‘yung trust na binigay nila sa akin. So sa mga next project ko, mas gagalingan ko pa. I’m just really thankful talaga.”

Ang huling show ni David ay ang Heartful Café katambal si Julie Anne San Jose. Hindi pa raw niya alam sa ngayon kung ano ang mga susunod niyan gagawin.

Pero bongga rin naman si David. Hindi lang talaga showbiz ang source of income niya. Bukod sa tinayong gym na inamin nitong naapektuhan din ng pandemic, may iba pa pala siyang mga business.

Mula sa pagiging happy-go-lucky noong High School, hindi rin daw niya akalain na….

“Ako ‘yung tipong hindi nag-aaral, hindi pumapasok. Palaging tulog. So wala lang, nakakatawa lang na parang ngayon, parang palagi akong nag-iisip.

“Hindi ko lang inexpect na magiging ganito ko actually, specially ‘yung pag-arte. Kasi, growing-up, mukha akong wasted, mukha akong madumi. Maduming tao, basically.”

Pero ngayon, masaya raw siya na he’s doing good both in his acting career and business.

***

ANG daming masaya para sa actress na si Bela Padilla.

Halatang nag-e-enjoy lang siya sa buhay niya ngayon at masaya kasama ang boyfriend.

Hindi nga naging hadlang ang pandemic para kay Bela na last year lang, lumipad din para magkita sila ng boyfriend ng Swiss-Italian boyfriend na si Norman Ben Bay. Then, nag-Turkey pa sila noong summer at ngayon nga, finally reunited for seems like, indefinite time sa mismong country ni Norman, sa Switzerland.

Ang unang post ni Bela aside sa mga pa-Instagram stories niya ay ang pagpapa-thank you niya for reaching 7 million followers in Instagram.

At sa caption niya, sa panahon na isang taon at kalahati na halos since nagkaroon ng pandemic at halos mas sa bahay pa rin ang mga tao, particular na ang Pinoy, given na talagang marami ang maiinggit sa mga post niya.

Ang hilig pa naman mag-post ni Bela na nagda-drive at para silang free as a bird ng boyfriend.

Sa caption niya, sey ni Bela, “Today, I woke up in a house facing vineyards and hiked without meaning to, to get to this natural pool. I go full circle on this post with 7 million followers with no filters and edits, no balloons and fanfare. Just natural, beautiful love for all of you.”

(ROSE GARCIA)