ILANG linggo na lang at mapapanood na sa Vivamax ang Revirginized na pinagbibidahan ni Megastar Sharon Cuneta na mula sa malikot na panulat at direksyon ni Darryl Yap.

Ni-repost ni Sharon sa kanyang Instagram ang pinost na photo ng kanyang leading man na si Marco Gumabao na may caption ng mahabang mensahe ng mga papuri sa kontrobersyal na direktor.

Ayon kay Mega, “ang mga pelikula ni Direk Daryll Yap ay laging sa unang tingin akala mo puro kalokohan at wala lang kuwenta. Dun mali ang mga nag-iisip ng ganon.   “Dahil and tatak ni Direk Da ay laging kalokohan ang simula, biglang sa dulo maaantig pala ang puso mo, may mapupulot kang aral.

“Isa na si Direk Da sa pinakanirerespeto kong direktor sa Industriya. Bata pa, magaling, original, bago. At alam nyo bang may nagbulong sa akin na itago na lang natin sa initials na “lablab” (hahahaha! Oo pati ako nagtataka bakit di siya kasali sa trailer! Pero duda ko kasi iba rin ang role nya dito at tinago muna ni Direk. 1M times ko pa gusto makatrabaho lablab ko pati si Direk!) – na ang I.Q. ni Direk ay nasa GENIUS levels? (Konti na lang di pa ako umabot Direk! Hahahaha!).”

Paniwala pa ng premyadong aktres, “Kaya alam niya ang ginagawa niya. Buong-buo ang tiwala ko kay Direk sa shooting namin. Di lang dahil laging “boss” ang tingin ko sa direktor ko kahit mas bata sakin o baguhan lang. pag umoo ako sa isang project, given na yun. Siya ang autoridad. Puede lang ako magsuggest o maglambing bilang artista pero wala akong karapatan magdemand.   “Ganyan dapat ang pagtrato sa Direktor at SA LAHAT ng kasama sa paggawa sa pelikula mula direk ng cinematography, cameramen, boom men, sound, art dept., prod. design, lahaaat hanggang talents/extras/co-stars, at utility.

“Lahat kasi tumutulong na gawan ka ng magandang pelikula. Dapat lang pakisamahan at respetuhin din sila. Bata pa ako ganon na ako.

“Kaya nagpapasalamat ako sa lahat ng staff at crew na bumuo ng “Revirginized.” Galing sa kaila-ilaliman ng puso ko. Napamahal talaga kayong lahat sa akin, at ang dasal ko ay mabigyan pa tayo ng Diyos ng madaming projects together bago ako mag-retire na ng husto.

“Kahit atatampo ako lagi sa Viva mahal ko si Direk Da at lahat ng nasa “Revirginized!” Mahalaga kayo sa puso ko. Di ko kayo makakalimutan hanggang sa huling hininga ko dahil minahal at inalagaan niyio ako!

“Si Carmela ay nakatatoo na sa puso ko at abot-langit ang pasasalamat ko na nakilala ko sya at naportray ng sa tingin ko naman ay maipagmamalaki niya.”

At dahil sa naturang pelikula na pagbabalik niya sa Viva Films, inamin ni Sharon na nagkaroon siya ng tatlong tunay na kaibigan.

Caption niya, “Marco & me. “Revirginized” streaming August 6 on Vivamax! This movie gave me three new friends I now truly love and value: Direk Daryll, @therealrosannaroces and my Pawi, @gumabaomarco , all of whom now mean so much to me. Thank you, Direk! “Most of all, again, thank you for my CARMELA!!! I love her truly! @therealrosannaroces @vincentimentsofficial #pawiandpawi.”

Marami na ngang excited na mapanood ang Revirginized simula sa Vivamax at mapapanood din sa Amerika sa pamamagitan ng TFC at iwanttv. Maghihintay din ng abiso ang iba pa nating kababayan sa iba’t-ibang panig ng mundo kung paano nila mapapanood ang pinag-uusapang pelikula ni Sharon dahil ayaw nilang magpaiwan.

(ROHN ROMULO)

ISANG taon na ang nakalipas mula nang maipasara ng Kongreso ang ABS-CBN dahil sa kawalan ng prangkisa nito.

Pero kahit na walang prangkisa ang network ay patuloy pa rin si Joem Bascon sa pagtratrabaho sa network.

Joem had been working sa ABS-CBN since he was 19 and after 15 years ay hindi raw niya akalain na daranasin ng network ang shutdown. Malungkot man ang nangyari, thankful pa rin si Joem na patuloy na nakapagbibigay nang saya ang network via teleseryes at iba pang uri ng palabas.

Naniniwala si Joem na kahit na nagkaproblema ang ABS-CBN, darating din ang panahon na muli itong makababangon if ever mabigyan ng bagong prangkisa.

“Malaki ang naitulong ng TV network sa bawat pamilyang Pilipino. Hindi naman titigil ang ABS-CBN sa pagbibigay serbisyo sa ma Pilipino.

“Kahit na dumaan tayo sa krisis, ipagpapatuloy pa rin ng ABS-CBN ang paglilingkod sa bawat Pilipino in whatever platform na pwede gamitin,” sabi pa ni Joem.

Habang wala pang show sa Kapamilya channel, paggawa muna ng pelikula ang pinagkakaabalahan ni Joem. Katatapos lang niya ng The Other Wife under the direction of Prime Cruz para sa Viva Films. Ka-partner niya sa movie sina Lovi Poe at Rhen Escano.

Ini-enjoy rin muna ng actor ang pagiging ama sa anak nila ni Meryll Soriano who was born last December.

“Masaya, kalmado, sobrang saya. Hindi ko siya mapu-put into words. Ini-enjoy ko every moment,” pagde-describe ni Joem sa pagiging brand new father niya.

Second time nina Joem at Lovi na magkasama rito sa The Other Wife.

Mababago raw ang pagtingin natin sa baliw na pag-ibig once mapanood natin ang pelikula. Kakaibang sexy thriller ito at hindi rin ito ordinaryong affair movie na napanood ninyo na.

Magaganap ang global premiere ng The Other Wife sa July 16  sa KTX.ph, iWant TFC, TFC, IPTV at VIVAMAX.

***

TAHIMIK pa rin si Aljur Abrenica sa paghihiwalay nila ni Kylie Padilla.

Hindi nagbibigay nang anumang pahayag si Aljur as of this writing.

Si Robin Padilla pa lang ang nagsalita at nagsabi na naiintindihan niya kung may third party involved sa paghihiwalay nina Kylie at Aljur dahil natural daw sa isang lalaki na matukso.

Siyempre may hindi nagkagusto sa ginawang pagtatanggol ni Robin kay Aljur, kung sakaling true nga may third party involved sa hiwalayan nila ni Kylie.

Ang dating kasi ay parang kinukunsinti ni Robin ang “pambabae” ni Aljur kasi there was a time na hindi rin naging “faithful” si Robin before.

Pero there are always three sides to a story – in this case, ‘yung version ni Kylie, ‘yung version ni Aljur at ‘yung totoong pangyayari kung bakit sila naghiwalay.

It is up to us kung kaninong version ang paniniwalaan natin. Since hindi naman nagsasalita si Aljur at hindi rin tayo sure kung magsasalita siya, hindi natin malalaman his side of the story.

Sa ngayon ay ‘yung kwento lang ni Kyle ang alam natin.

And then, the true story of breakup from another source na siyang makapagbibigay linaw sa mga tanong kung ano talaga ang cause ng hiwalayan.

For now, maganda na rin kung may agreement sina Kylie at Aljur kung paano nila aalagaan ang kanilang mga anak. May arrangement ba sila ng visitation rights? Pwede bang hiramin ni Aljur ang mga bata if he wants too?

Mas maganda rin na hindi magpalitan nang maanghang na salita sina Kylie at Aljur for the sake of their kids.

Mukhang cordial naman ang kanilang paghihiwalay.

(RICKY CALDERON)

NILINAW ni Vice Ganda na wala siyang galit sa mga artistang lumilipat ng ibang network tulad nga ng naging issue sa kanya recently kung saan ay naging kontrobersyal ang sinasabing tweet niya na pinabulaanan naman niya agad.

     “Hindi kami galit sa mga lumilipat katulad ng pinapalabas n’yong tsimis sa social media. Hoy 2021 na, ang cheap-cheap ng trabaho n’yo. Cheap n’yo,” paglilinaw ni Vice Ganda last Saturday sa episode ng It’s Showtime.

Matatandaang naintriga si Vice recently nang maakusahang nagparinig siya kay Bea Alonzo dahil sa kanyang tweet. Nakunan ng screenshot ang nasabing tweet na diumano’y binura na ng TV host/comedian. Mabilis niyang pinabulaanan ang nasabing post at kinondena ang mga taong nagpakalat ng fake news.

Samantala, sinabi rin ni Vice na unti-unti na siyang sumasaya ngayon matapos ang pagsasara ng ABS-CBN last year.

“Dati sobra akong nalulungkot, talagang nadudurog puso ko. Pero ngayon, sumasaya na ko. Parang, the pain that I felt before is giving me strength right now. My God, isang taon na po ang nakakalipas pero nakatindig pa rin tayo ha,” ani Vice.

Sabi pa ni Vice, maraming nag-akala na tutumba na ang network pero heto nga’t dahan-dahan itong bumangon kahit sa maliliit na paraan lamang.

***

MAY payo si Robin Padilla sa anak na si Kylie Padilla ngayong hiwalay na ito sa asawang si Aljur Abrenica ay magbalik sa showbiz.

“Sabi ko, ‘mahirap ‘yung ganyan ang sitwasyon ng puso mo tapos, wala kang gagawin. Dapat mag-ensayo ka, ibalik mo ‘yung fighting (form) mo, kasi ‘yun ang nakalimutan mo,’” sey ni Robin sa interview sa kanya ni Ogie Diaz.

Kinausap daw niya ang anak kamakailan at pinayuhang lumaban ulit.

     “Kinausap ko ‘yan, nun’g isang beses lang, nandito kami, bago mag-Father’s Day, sabi ko sa kanya, ‘lumaban ka ulit.’ Fighter kasi ‘yan, eh.”

Hanggang diyan lang daw ang kaya niyang ipayo at hindi na siya magbibigay ng advice tungkol sa marriage nito.

     “Pagdating sa marriage, ano ba ang maia-advice ko, eh failure rin kami ng mama niya. Anon’g credibility ko?”

But if there’s one thing, pinayuhan ni Binoe si Kylie na maging Muslim na lang din na tulad niya si Aljur.

     “Sabi ko nga, ‘pag-Muslim-in mo na lang si Aljur,’” sambit niya.

Si Binoe ang nag-reveal sa naturang panayam kay Ogie na may ibang babae si Aljur na naging dahilan ng hiwalayan. And as we all know, ang mga Muslim ay allowed na magkaroon ng mahigit sa isang asawa.

Pero sa kabila nito, pabor pa rin naman si Binoe kung magkakaayos ang mag-asawa.

     “Pero sana, huwag tumagal. Kung magbabalikan sila, ‘wag nilang patagalin. Kailangan, kaagad.”

(ROSE GARCIA)