SI Erin Ocampo ang diumano’y tinutukoy na third party raw sa hiwalayang Aljur Abrenica at Kylie Padilla.

Hindi na kami magtataka kung isang araw, magsalita ito.

Isang malapit kay Erin ang nakausap namin at nakakaalam ng totoong pangyayari sa totoong naging dahilan daw ng hiwalayang Kylie at Aljur.  Alam din nito kung bakit na-involve ang pangalan ni Erin sa isyu ng mag-asawa.

Ang isa sa katotohanan, nagkaroon ng konek sina Erin at Aljur dahil nagpatulong daw si Aljur kay Erin sa business na pinagsamahan nila. At sina Erin at Kylie ay nagka-usap na rin daw at ang siste, pinayuhan pa raw ni Erin si Kylie na ayusin ang pagsasama nila.

Last year pa raw nangyari ang lahat ng ito kaya tila nagtataka ang source namin bakit biglang may mga ganitong isyu ngayon at may third party talaga na itinuturong dahilan.

From our source rin, si Erin daw ay happy sa kanyang relationship kunsaan, muli itong nakipagkabalikan sa kanyang ex-boyfriend.

***

NAGING positibo ang paghingi ng public help ng Kapuso star at isa sa cast ng seryeng Legal Wives na si Abdul Raman.

Sabi nga, basta ang magulang para sa kanyang anak ay gagawin ang lahat, gayundin naman ang isang anak sa kanyang magulang.  Ganito nga ang ginawa ni Abdul na hindi na nahiya na gamitin ang kanyang social media para makahingi ng tulong pinansiyal.

Binigay nito ang kanya GCash at nagsabing sana nga raw, ito na ang una’t-huling beses niyang gagawin yun dahil sa pagkakasakit ng nanay niya na kinailangan niyang isugod sa hospital.

Bukod kay Abdul, ang kanyang co-star sa serye na si Andrea Torres ay naging supportive rin dito. Nire-repost ni Andrea ang mga post ni Abdul at ang pinaka-recent update nga, nagpapasalamat ito dahil mukha ang mismong GCash niya ay sumuko na sa rami raw ng mga nagpapadala.

Aniya, “Andami pong nagpapadala di na po tinatanggap ng GCash ko, I am so grateful for everyone na nag participate and mag paparticipate pa lang.

“Please po if di na po pumapasok sa GCash ipadala niyo na lang po sa Metrobank ko po. Thank you po!”

At saka niya ibinigay ang detalye ng kanyang bank account.

***

SIMULA ngayong gabi, July 17, ang Pepito Manaloto: Ang Unang Kuwento na ang mapapanood sa GMA-7.

Prequel ito ng kuwento ng cast, lalo na siyempre ang mga bida na sina Pepito Manaloto at Elsa na Elsa dela Cruz pa noong 80’s at gagampanan ngayon nina Sef Cadayona at Mikee Quintos.

Kaya pansamantala munang hindi mapapanood ang mga regular cast ng show. Pero ipinaliwanag naman ni Michael V. na pansamantala lamang ito.

At ini-explain din daw niya ito sa cast at hindi maiwasan na naging very emotional ang lahat.

      “Very, very emotional,” saad ni Bitoy.

     “Actually, hindi ko nga sila maharap noong una. Hindi ko alam kung paano sasabihin. Pero, nanggagaling ako sa ano kasi… I’m coming from a place of care. 

“Ayokong ma-compromise ang health nila ng dahil sa akin. And I feel sort of responsible na baka kapag pinilit kong mag-trabaho sa location e, unfortunately magkasakit o may magandang hindi mangyari. I don’t want that responsibility on my shoulder.

“Kaya sabi ko, if you’re all agreeable to this, babalik naman tayo. All we have to do is wait for a few months, basta ang importante for me is safety and ini-assure ko naman sila na hindi naman mawawala ang show.”

At kung sakali man na mag-click ang bagong cast na nasa prequel, na-foresee na rin daw nila na if ever, pwedeng magsabay ang present at past time ng Pepito.

So it means, in time, everybody happy pa rin.

(ROSE GARCIA)

KAHIT may pandemya, hindi talaga mapipigilan ang paghataw ng #KimJe, dahil ang real-life couple na si Kim Molina at Jerald Napoles ay muling magtatambal sa kanilang pangalawang pelikula ngayong taon, ang Ikaw At Ako At Ang Ending na hatid ng Viva Films.

Mula sa kanilang unang successful na team up sa pelikulang Ang Babaeng Walang Pakiramdam na ‘di pa natitinag sa Top 10 movies ng Vivamax, ngayon naman ay naka-trabaho nila ang romantic movie hit maker na si Direk Irene Emma Villamor.

Ilan sa mga di malilimutang pelikula ni Direk Irene ay ang “Camp Sawi”, “Meet Me in St. Gallen”, “Sid & Aya: Not a Love Story”, “Ulan”, at “On Vodka, Beers, and Regrets”. At siguradong madadagdag ang Ikaw At Ako At Ang Ending sa mahabang listahan ng mga hit movies ni Direk Irene.

Iikot ang pelikula sa dalawang estranghero na pinagtagpo sa hindi inaasahang oras kung saan kapwa sinusubukang takasan ang kanilang mga miserableng reyalidad.

Nag-premiere sa YouTube ang teaser trailer ng pelikula noong July 11, at siksik ito ng takbuhan, car chasing at maiinit na love scenes ni Kim at Jerald, at mukhang puno ng suspense at aksyon ang pelikula.

Ngunit dahil ito ay pelikulang gawa ni Direk Irene, siguradong marami pang sorpresa ang mapapanood sa pelikula.

Siguradong marami rin ang masosorpresa sa kakaiba at mas daring na Kim at Jerald na mapapanood sa pelikulang ito, dahil ibang klase ng pag-arte ang kanilang ipapakita bukod sa kanilang pagpapatawa, kung saan mas kilala sila.

Kaya naman ipakita ang inyong suporta sa #KimJe at panoorin ang  Ikaw At Ako At Ang Ending sa August 13, streaming globally sa ktx.ph, iWant TFC, TFC IPTV at sa VIVAMAX.

Ngayon, mas pinadami na ang paraan para mag-subscribe sa VIVAMAX! Mag-subscribe gamit ang VIVAMAX app via Google Play Store at App Store. Unli-watch na sa halagang P29 para sa tatlong araw, P149 kada buwan o P399 para sa tatlong buwan para sulit na sulit.    Pwede kang magbayad gamit ang GCash, Globe, Smart, Visa/Mastercard, PayMaya o PayPal account na naka-link sa iyong Google or Apple account. Maaari ding mag-subscribe sa www.vivamax.net, pumili ng plan, at magbayad sa EC Pay outlets: 7 Eleven at All Day o via PayMongo, GrabPay at GCash o via PayMaya.

Para makapagbayad mula sa E-commerce, maaaring pumili sa Lazada, Shopee, GCash, ComWorks Clickstore, Paymaya o Globe One.  Para makapagbayad mula sa authorized outlets, maaaring pumili sa Load Manna, ComWorks, at Load Central partner outlets: Cebuana Lhuillier at Palawan Express.

Pwede ring tumawag sa inyong Cable Operators para mag-subscribe: Sky Cable, Cable Link, KCAT Fiber, Air Cable, Aklan Cable Television Co., Inc. Cebu Cable HD, Cotabato Cable Television Network Corp., Concepcion Pay TV Network Inc., BCTVI, Paradise Cable Television Nework, Inc., Wesfardell Connect, Z-energy Cable TV Network Inc.

Available din ang Vivamax sa Middle East! Sa ating mga kababayan sa UAE, Saudi Arabia, Kuwait, Oman, Bahrain, at Qatar, watch all you can na for only AED35/month.  Sa Europe, makakapanood na sa Vivamax sa halagang 8 GBP kada buwan.  Vivamax, atin ‘to!

Mas affordable, mas madami at mas madali na ang mag-subscribe, kaya naman #SubscribeToTheMax na sa ating Pambansang Streaming App, VIVAMAX!

(ROHN ROMULO)