MAINGAT at praning ang actress na si Tanya Garcia dahil aminado itong sobrang takot na makakuha ng COVID-19 virus, kaya gano’n na lang talaga ang gulat niya nang silang buong pamilya ay maging positibo rito.

Last week of March daw nang malaman nila na positive silang lahat. Siya, ang mister na si Mark Lapid at ang tatlong anak nilang babae na sina Mischa, Mattie at Madel at ang dalawang yaya nila.

Nagkataon pa na nasa Pampanga sila nang ang panganay na anak ay bigla raw lagnatin at mag-chill, that time pa lang, nagtaka na raw si Tanya bakit ito nagkakagano’n, wala naman ubo at sipon.  Nang i-antigen test daw niya, positive nga ito at lahat na sila, nag-take na ng test at yun na, lahat sila ay COVID-19 +!  Mas na-confirm ito nang mag-pcr swab test na sila.

Until now, hindi nila malaman kung saan nila nakuha ang virus. Kung si Mark man daw na ang nagdala na may time na pumapasok sa opisina, lahat naman daw sa office at mga kasama nito, including his driver, negative. Same goes sa ilkang kasambahay nila sa Pampanga at family side rin ni Mark.

Aminado si Tanya na nakakatakot pero kapag nandoon na raw pala sa situwasyon na yun, wala ka ng choice kung hindi lakasan ang loob. Ipinagpapasalamat na lang daw niya na sabay-sabay silang nag-positive kaya sama-sama lang silang lahat sa bahay na nag-quarantine. Lahat din sila ay asymptomatic, maliban kay Mark na may comorbidity dahil may dati ng naging problema sa liver niya.

Si Mark lang daw ang na-confine ng 1 week sa hospital at nang makalabas, isolated na ito sa ibang room.

At dahil nga naranasan na maging COVID-19, mas maingat daw siya lalo ngayon.

Nag-finale na ang kanyang GMA Afternoon prime na Babawiin Ko Ang Lahat at may bagong offer na raw sa kanya ang network. Pero nagpasabi raw siya na gusto muna niyang maging fully vaccinated bago mag-lock-in taping.

Ang maganda lang, after her comeback sa Babawiin… feel ni Tanya na this time, magtutuloy-tuloy na siyang muli sa pag-arte at na-miss din daw pala niyang talaga.

***

IBINUKO ni Marthena Jickain, ikalawang anak ni Aiko Melendez ang kuya niya na si Andre Yllana. 

Sa YouTube vlog ni Aiko, ipinakita nito na sa halip na dalhin sa parlor, siya mismo ang gumupit sa buhok ng anak.

At habang ginugupitan ito, tinanong ni Aiko si Marthena kung sino raw sa tingin nito ang crush ng kuya niya.  Ang bilis ng sagot ng ayon kay Aiko ay mahiyain niyang bunso.

Sey ni Marthena, si “Liza Soberano” raw ang crush ng kuya niya na nakumpirma nga rin ni Aiko kay Andre na totoo.

***

PARANG nakawala sa hawla si Kris Bernal.   

Aminado naman kasi ito na napakadalang nilang magkita ng fiancé na si Perry Choi simula nang magkaroon ng pandemic. At kapag nagkita pa raw sila, kumakain lang sila sa loob ng sasakyan.

Pero dahil birthday nga niya and most likely, her last birthday as single, nakawala ito at ang fiancé.  Makikkita naman sa mga post niya sa kanyang Instagram account habang flaunt niya talaga ang kanyang katawan sa mga pa-two piece niya.

Nakapag-beach na ito at ang fiancé at hindi nga maitago ni Kris ang saya at pagkasabik. Pagkasabik sa dagat o sa outdoor at siyempre, sa kanyang jowa.

At dahil sunod-sunod nga ang kahubaran niya sa mga post niya sa kanyang IG nag-birthday lang siya, nagpaliwanag naman ito sa isang post niya.

Sey ni Kris, “Apologies if it may seem that I post so much about my bday. Tbh, this is the only time that I was able to go out NOT because of work. This is the only time that I am able to enjoy with Perry and have my ME time.

“As you may know, I’m always busy because of my work, business, and my mind would always wander around as well.  I can’t stand not doing anything. There’s always got to be something that I’m doing.

     “This is why I’m so grateful and happy for having quality time with Perry and myself. Pasensya na po! Pagbigyan nyo na po, it’ll end soon!”

(ROSE GARCIA)

KASABAY ng celebration ng 10^th year niya sa showbiz ni Morisette ay ang silver anniversary naman ng awiting “Shine” na composition ni Trina Belamide na second prize winner sa Metropop in 1996.

Si Mori ang napili nina Trina at Jonathan Manalo, creative manager ng Star Music, para mag-record ng bagong version ng “Shine” for the song’s silver anniversary.

Sa zoom conference noong Huwebes ay ikinuwento ni Mori na madalas niya itong inaawit sa mga singing contest. When she still joining singing contests in Cebu, karamihan daw sa piyesa niya ay English songs and sa mga OPM, itong “Shine” ang isa sa kanyang paborito.

Although the song was first recorded by Ima Castro and was also sung for a commercial by Regine Velasquez, Mori believes ang bagong version ng “Shine” has her own distinct sound.

Since iconic na ang status ng kanta kaya ang sabi nina Trina at Jonathan na dapat isang mahusay na singer din ang aawit nito. And Mori was there only choice. Kasi kailangan daw na may impact ang song kapag narinig ng mga tao.

Nang malaman ni Mori na ire-record niya ang “Shine”, sinabi niya na gusto niya na magkaroon ito ng gospel flavor.

     “I want it to be sort of praise song for the Lord. Despite the pandemic, I have managed to have some achievements, little miracles that I would like to be thankful for.

“I want it also to be a thank you song for my fans and family. If not for the Lord’s light, wala tayong lahat dito ngayon,” sabi pa ng singer.

***

PATULOY ang paghahatid ng ABS-CBN ng delakidad na programa tuwing Linggo sa TV5 dahil mapapanood na ang patok na mga pelikula ni Fernando Poe Jr. na Ang Padrino at Ang Pagbabalik ng Panday sa “FPJ: Da King” sa Mayo 23 at 30.

I-rescan lang ang digital TV box na ginagamit sa bahay, gaya ng TVplus, para mapanood sa TV5 ang mga pelikulang ito.

Samahan si FPJ sa Ang Padrino sa kanyang pagganap bilang si Emong, na kinikilalang “padrino” sa kanyang bayan dahil sa kakayahan nitong ayusin ang anumang gusot.

Pero masusubok si Emong dahil may mga maimpluwensyang tao ang makakalusot sa batas na siya niyang ikagagalit at magtutulak sa kanya para ialagay sa sariling kamay ang batas.

Samantala, nagbabalik naman si Flavio para tugisin ang nabuhay na si Lizardo (Max Alvarado) sa Ang Pagbabalik ng Panday.    

Sa kanilang pagtugis sa kaaway, haharapin nina Flavio at mga kakamping Temyong (Lito Anzures) at Lando (Bentot, Jr.) ang mga demonyo at si Bruhilda (Rosemarie Gil), ang diwata bumuhay kay Lizardo at nagbigay sa kanya ng kapangyarihang kayang tapatan ang sandata ni Flavio.

Mapapanood ang FPJ: Da King tuwing Linggo mula 2 hangang 4 PM sa TV5, pagkatapos ng ASAP Natin ‘To, kung saan natutunghayan ang weekly concert experience tampok ang world class performances ng pinakasikat na Kapamilya celebrities.

Isa ang TV5 sa platforms kung saan nae-enjoy ang mga palabas ng ABS-CBN sa patuloy nitong paghahanap ng paraan na maabot ang mga Pilipino nasaan man sila.

Bukod sa TV5, mapapanood din ng mga taga-Visayas at Mindanao sa cable ang FPJ: Da King sa A2Z Channel at Kapamilya Channel.

Kung gustong manood online, pwedeng tutukan ang mga palabas ng ABS-CBN sa Kapamilya Online Live sa YouTube channel at Facebook page ng ABS-CBN Entertainment.

Para makapanood naman ng advanced episodes, pwedeng gamitin ang iWantTFC app at website, pati na ang WeTV at iflix.

Para sa updates, sundan ang @abscbnpr sa Facebook, Twitter, at Instagram o bisitahin ang  www.abs-cbn.com/newsroom.

(RICKY CALDERON)