2021 May Archive - People's Balita

Archive for May, 2021

Pfizer vaccine iturok sa mahihirap – Duterte

Posted on: May 22nd, 2021 by @peoplesbalita No Comments

Pinatitiyak ni Pangulong Rodrigo Duterte na ibibigay sa mga mahihirap ang COVID-19 vaccine na gawa ng US-based Pfizer-BioNTech na nanggagaling sa COVAX Facility.

Ayon kay Presidential Spokesperson Harry Roque, ang kautusan ng Pangulo ay batay sa patakaran ng COVAX facility.

“Ipinag-utos din po ng Pangulo na ibigay ang Pfizer sa mga mahihirap or sa indigent population dahil ‘yan po ang patakaran ng COVAX,” ani Roque.

Inaasahan na nasa 2.2 milyon bakuna pa na gawa ng Pfizer ang darating sa bansa ngayong Mayo bukod pa sa 193,000 na nai-deliver na.

Prayoridad ng COVAX facility na maibigay ang suplay sa mga health workers, matatanda at mga taong may ibang karamdaman.

Sinabi rin ni Roque na huwag ilagay sa mga mall ang Pfizer kundi sa mga vaccination sites ng mga barangay kung saan mababa ang takeup ng vaccines.

Naniniwala rin si Roque na tumataas na ang kumpiyansa ng mga tao sa bakuna (Daris Jose)

Pacquiao No. 4 sa GOAT list

Posted on: May 22nd, 2021 by @peoplesbalita No Comments

Pasok si Manny Pacquiao sa Top 25 Greatest Boxers of All Time ng isang online site dahil sa tagumpay na nakamit nito at sa kontribusyon nito sa mundo ng boksing.

Inokupahan ni Pacquiao ang ikaapat na puwesto sa ilalim ng nangunang sina No. 1 Muhammad Ali, No. 2 Sugar Ray Robinson at No. 3 Mike Tyson.

Nagkasya lamang sa ikawalo si undefeated American fighter Floyd Mayweather Jr. habang ikalima naman si Rocky Marciano, ikaanim si Joe Louis at ikapito si Sugar Ray Leonard.

Binigyang-diin ng naturang site ang malaking naitulong ni Pacquiao upang muling mai-angat ang boxing hindi lamang sa Pilipinas maging sa buong mundo.

Matatandaang halos pabagsak na ang industriya ng boksing nang umusbong ang pangalan ni Pacquiao na naging daan upang muling bigyan ng ningning ang naturang sport.

“Manny transcended the sport of boxing in a time when boxing is on a decline. He is the glimmer of light in the darkness that surrounds the world of boxing,” ayon sa The Top Tens.

Naging armas din ni Pacquiao ang bilis at lakas nito na tunay na nagpahanga sa kanyang milyun-milyong fans sa mundo.

Bukod pa rito ang magandang pag-uugali ng Pinoy champion sa labas ng boxing na isa sa dahilan para makahakot ng maraming fans sa tuwing sumasalang ito sa ibabaw ng ring.

Blockbuster ang halos lahat ng laban nito.

Mabango ang pangalan ni Pacquiao na bukod-tanging boksingero sa mundo na nagkamit ng world title sa walong magkakaibang dibisyon.

PNP trucks, choppers at speedboats naka-standby na para sa Covid-19 vaccine delivery – PNP chief

Posted on: May 22nd, 2021 by @peoplesbalita No Comments

Inalerto ni PNP Chief PGen. Guillermo Eleazar ang apat na Helicopter PNP Special Action Force at 200 speedboat ng PNP Maritime group para gamitin sa paghahatid ng bakuna sa munisipyo sa labas ng Metro Manila.

Ayon sa PNP Chief, ito’y alinsunod sa direktiba ni DILG Sec. Eduardo Año sa PNP na tumulong sa paghahatid ng bakuna sa mga liblib na lugar at isla sa iba’t ibang panig ng bansa.

Ito’y matapos na atasan ng Pangulo ang DILG na I-supervise ang mabilis na pagdeliver ng bakuna sa gitna ng mga ulat na may mga napanis na bakuna.

Kasabay nito, inatasan din ni Eleazar ang lahat ng Police commanders na maglatag ng Security plan sa paghahatid ng bakuna at sa mga vaccination sites.

Sinabi ni Eleazar na makakaasa ang puliko na 24/7 magtatrabaho ang PNP upang makatulong na makamit ng bansa ang herd Immunity laban sa virus.

Samantala, bumuo na ang PNP Directorate for Police Community Relations (DPCR) ng panuntunan sa pakikipag-ugnayan ng mga pulis sa mga organizer ng community pantries.

Ayon kay sa ilalim ng binuong panuntunan na ang presensya ng mga pulis sa community pantries ay upang tiyakin lamang ang peace and order at nasusunod ang minimum public health safety protocols.

Kasabay nito, pinuri ni Eleazar ang paghingi ng paumanhin ni PNP Human Rights Affairs Office chief Police Brigadier General Vincent Calanoga sa mga organizer na natakot sa umano’y profiling.

Ilang mga alkalde hindi sang-ayon sa isinusulong ng DILG sa hindi na pag-anunsiyo ng bakuna

Posted on: May 22nd, 2021 by @peoplesbalita No Comments

Hindi sang-ayon ang ilang alkalde sa Metro Manila sa panukalang hindi na sabihin sa mga mamamayan ang COVID-19 vaccine na ituturok sa kanila.

Kasunod ito sa naging pahayag ni Department of Interior and Local Government (DILG) Secretary Eduard Año na dapat hindi inaanunsiyo ang mga brand na gagamitin ng mga LGU para hindi na magkaroon ng pilahan.

Ayon kina Navotas City Mayor Toby Tiangco at Marikina Mayor Marcelino Teodoro na dapat pag-aralang mabuti ng gobyerno ang nasabing direktiba dahil magdudulot ito kawalan ng tiwala ng mga tao sa bakuna.

Sinabi naman ng Marikina Mayor na ang vaccination process ay maging deliberative at karapatan din aniya ng mga tao na malaman ang bakuna na ituturok sa kanilang katawan.

Magugunitang nagbunsod ang desisyon ng DILG sa rekomendasyon ng Department of Health (DOH).

Tiniyak din ng DOH na ang lahat ng mga bakuna ay dumaan sa matinding pag-aaral kaya ito ay epektibo.

Paliwanag pa ni Ano na kanila pa ring nirerespeto ang right to information ng mga indibidwal.

Kaya sila naglabas ng nasabing desisyon ay para maiwasan na ang naganap na pagdami ng mga tao na pipila sa mga vaccination center.

Magugunitang dumami ang pumila sa mga vaccination site matapos na ianunsiyo ng mga LGU na ang gagamitin na mga bakuna ay galing sa western brand. (Gene Adsuara)

‘Instant classic’ naging banggaan ng Lakers at Warriors sa play-in

Posted on: May 22nd, 2021 by @peoplesbalita No Comments

Ngayon pa lamang tinawag na ng ilang sports analyst na instant classic ang naging banggaan kanina ng Los Angeles Lakers at Golden State Warriors.

Ang dalawang team ay dati na ring naging kampeon.

Makapigil hininga pa ang matchup ng dalawang magkaribal na team na kabilang sa koponan ang mga best players ng liga na sina LeBron James at shooting king na si Stephen Curry.

Ang dalawa ay kapwa dating mga NBA Most Valuable Players.

Hindi naman nabigo ang mga fans sa excitement na sa huli ay nanaig ang defending champion na Lakers, 103-100.

Dahil dito umusad na ang Lakers bilang number 7 sa Western Conference upang harapin ang number 2 na team na Phoenix Suns sa pagsisimula ng kanilang best-of-seven series sa first round sa Lunes.

Ang Warriors naman ay buhay pa ang pag-asa kung saan haharapin sa knockoit game para sa number 8 spot ang Memphis Grizzlies na naunang tinalo ang San Antonio Spurs.

Sinuman ang manalo sa labanan ng Warriors at Grizzlies, haharapin naman nila ang NBA top team na Utah Jazz.

Gilas 3×3 todo ensayo na!

Posted on: May 22nd, 2021 by @peoplesbalita No Comments

Doble-kayod na ang Gilas Pilipinas 3×3 bago tumulak patungong Graz, Austria para sa FIBA 3×3 Olympic Qualifying Tournament sa Mayo 29 hanggang 30.

Ayon kay Gilas 3×3 head coach Ronnie Magsanoc, sumasalang sa dalawang ensayo kada araw ang kanyang bataan dahil ngayon lamang nakumpleto ang tropa.

“In terms of effort, I really could not ask for anything more from the players during our first week of training, and they also did their best to build on that with our online training sessions,” ani Magsanoc.

Itutuloy ang twice-a-day training hanggang sa Sabado bago umalis ang delegasyon sa Linggo patungong Austria.

Tiwala si Magsanoc sa magiging laban ng Gilas 3×3 kontra sa matitikas na koponan sa mundo.

Nasa Pool C ang Pilipinas kasama ang Slovenia, France, Qatar at Dominican Republic.

Kailangan ng Gilas 3×3 na makakuha ng dalawang panalo o higit pa upang umabante sa knockout quarterfinals.

“Now it’s about bringing everything together and forming a team that we can be proud of, a team that can compete against the best in the world,” ani Magsanoc.

Bibitbitin nina Joshua Munzon, Mo Tautuaa, CJ Perez at Alvin Pasaol ang bandila ng Pilipinas sa Olympic qualifiers kung saan ipaparada ng tropa ang bagong Gilas 3×3 jersey.

Miss Universe Myanmar THUZAR WINT LWIN, balitang ‘di na makababalik pagkatapos magsalita sa kaganapan sa bansa

Posted on: May 21st, 2021 by @peoplesbalita No Comments

MARAMI ang nalungkot at naawa para kay Miss Universe Myanmar 2020 Thuzar Wint Lwin dahil hindi na raw ito makababalik sa kanyang bansa pagkatapos niyang magsalita tungkol sa mga nagaganap sa kanilang bansa sa US media.

Nakahanda na raw ang arrest warrant niya kapag dumating siya sa Myanmar.

Kabahagi si Thuzar sa mga nagpoprotesta laban sa military coup kaya ang national costume niya ay may kasamang banner na “Pray for Myanmar”. Ito ang nagpanalo sa kanya as Best National Costume. Nakapasok din siya sa Top 21.

Nag-disguise daw siya para makatawid sa immigration para makarating sa US. Pero pagdating sa US, nawala lahat ng pina-check-in niyang bagahe, kasama na ang national costume.

Tinulungan siya ng mga kababayan niya sa US sa replacement ng national costume na isang ethnic Chin origin. Kaya laking tuwa niya na siya pa ang nanalo ng National Costume Award.

Kasama na rito ang pagkuwento niya sa media ng mga nangyayari sa kanyang mga kababayan.

“The soldiers patrol the city every day and sometimes they set up roadblocks to harass the people coming through…In some cases, they fire without hesitation. We are scared of our own soldiers. Whenever we see one, all we feel is anger and fear,” kuwento niya sa New York Times.

Dagdag pa niya: “Thousands have been arrested and violence increased as security forces used water cannons, rubber bullets, and live ammunition to disperse protesters. Over 300 individuals have reportedly been killed and the youngest victim was a seven-year-old little girl.

“Our people are dying and being shot by the military every day. I would like to urge everyone to speak about Myanmar. As Miss Universe Myanmar since the coup, I have been speaking out as much as I can.”

***

SA pamamagitan ng kanyang programang Wowowin-Tutok To Win, nakalikom ang TV host na si Willie Revillame ng higit sa P8 million na ido-donate sa nasunog na Philippine General Hospital.

Nalungkot si Willie nang mapanood niya ang video kunsaan maraming mahihirap na pasyente ng PGH ay kunsaan-saan lang nakapuwesto. Merong sa may parking lot, sa may kalsada at sa corridor. Kabilang na rito ang mga sanggol na may sakit at kailangang operahan.

Ilan sa mga ito nga ay COVID-19 patients na wala pang mapaglagyan dahil sa nasunog na parte mg building ng PGH.

Kaagad na nagbigay ng P1 milyon si Willie para sa PGH. Sunod ay tinawagan niya ang tatlong kaibigan niya na sponsors ng kanyang programa. Mabilis na nagbigay ang mga ito ng tig-isang milyong piso para sa mabilis na pagbangon ng PGH.

Pero naliitan si Willie sa P4 million na donation nila sa PGH kaya ginawa niyang P5 million ang donasyon ng ‘Wowowin’ kaya umabot sa P8 million ang total donation sa PGH.

Nais ni Willie na bumalik agad sa normal ang operasyon ng PGH dahil maraming mga matatanda at bata na umaasa sa serbisyong medical ng naturang ospital.

***

MAGIGING tatay na ang Riverdale star na si KJ Apa dahil buntis na ang kanyang girlfriend na si Clara Berry.

Pinost ng aktor sa Instagram ang hazy picture noong Wednesday, May 19, kunsaan nasa sofa silang dalawa at kita ang pregnant belly ni Clara.

Matagal nang nagsasama sina KJ at Clara simula noong maging official ang relasyon nila noonv February 2020. Sumunod pa si Clara sa Vancouver kunsaan nagsu-shoot si KJ ng Riverdale.

(RUEL J. MENDOZA)

VP Leni, bakunado na laban sa Covid-19

Posted on: May 21st, 2021 by @peoplesbalita No Comments

NABAKUNAHAN na noong Miyerkules si Vice President Leni Robredo gamit ang AstraZeneca COVID-19 vaccine sa Quezon City.

Ito ang first dose ni VP Leni laban sa Covid -19.

Sa isang kalatas, sinabi ni VP Leni na natanggap niya ang kanyang unang bakuna kasama ang mga miyembro ng kanyang staff lalo pa’t lahat sila ay nasa ilalim ng A3 category o persons with comorbidities.

“Done with my first dose of the vaccine. Now being monitored,” ani VP Leni.

“Everything has been seamless,”dagdag na pahayag nito.

Nauna nang sinabi ni VP Leni na mayroon siyang hypertension.

Ang AstraZeneca ay mayroong efficacy rate na 70% matapos ang first dose base sa ebalwasyon ng Philippine Food and Drug Administration (FDA).

Ang 70% rating ay tataas matapos na maibigay ang second dose makaraan ang apat hanggang 12 linggo.

Samantala, Mayo 3, 2021 naman nang magpabakuna si Pangulong Rodrigo Duterte ng Sinopharm COVID-19 vaccine.

Sa video na inilabas sa Facebook page ni Senador Bong Go, makikita si Health Secretary Francisco Duque III na siyang nagturok ng bakuna sa pangulo.

Bago ito tinurukan ay kinumusta muna ni Duque ang Pangulo na sinagot naman nito na maayos ito.

Sinabi naman ni Pangulong Duterte na matagal na niyang hinihintay na mabakunahan pero kinakailangan pa aniyang hintayin ang assessment ng kanyang doktor, na pinili ang Sinopharm vaccine. (Daris Jose)

LGUs inatasan ng DILG na huwag inanunsyo nang advance ang COVID-19 vaccine brands

Posted on: May 21st, 2021 by @peoplesbalita No Comments

Nilinaw ng Department of the Interior and Local Government (DILG) na ipagbibigay alam sa mga indibidwal na magpapaturok ng COVID-19 vaccines ang brand na available sa vaccination sites.

Sinabi ito ni DILG Secretary Eduardo Año kahit pa inatasan na nila ang mga local government units na huwag magsasagawa ng advance announcements sa kung anong brand ang gagamitin nila sa kada araw nang pagbabakuna.

Nilinaw ng Department of the Interior and Local Government (DILG) na ipagbibigay alam sa mga indibidwal na magpapaturok ng COVID-19 vaccines ang brand na available sa vaccination sites.

Abiso ni PDu30 na baka maulit ang lockdown dahil sa bagong COVID variant, hindi dapat pang ipagtaka -Malakanyang

Posted on: May 21st, 2021 by @peoplesbalita No Comments

BAHAGI na ng estratehiya ng pamahalaan ang pagpapatupad ng lockdown ngayong panahon ng pandemya.

Ang pahayag na ito ni Presidential Spokesperson Harry Roque ay makaraang sabihin ni Pangulong Rodrigo Roa Duterte na may posibilidad na muli itong ipatupad sa layuning mapigilan ang pagkalat ng mga bagong variant ng sakit.

Aniya, hindi naman nahinto ang implementasyon ng lockdown.

Sinabi ni Sec. Roque na kasama ang granular o localized lockdown sa mga istratehiya ng gobyerno na ang layunin ay pigilan ang paglaganap ng virus.

Aniya, nasa kapangyarihan na ng mga lokal na pamahalaan na may otoridad namang mai- implementa ang naturang paghigpit sa isang komunidad na kanilang nasasakupan.

Subalit, pagdating naman sa quarantine classification, malinaw na naman sa lahat ang formula tungkol dito na kung saan ay tinitingnan ang average daily attack rate, ang two-week attack rate at ang health care capacity.

“Well, unang-una hindi naman talaga tayo tumigil mag-lockdown. Hanggang ngayon po kasama sa ating istratehiya iyong granular or iyong localized lockdown. So kahit anong classification po naririyan po iyan ‘no, ang kapangyarihan ng mga lokal na pamahalaan na mag-resort to granular and localized lockdown,” ayon kay Sec. Roque.

“Pero pagdating naman sa quarantine classification, malinaw na malinaw na po iyan, alam na ng lahat ng ating mga kababayan iyan – tinitingnan po natin ang ADAR, iyong average daily attack rate, iyong daily attack rate at saka iyong two-week attack rate at saka iyong ating health care capacity ‘no. So, formula na po iyan, kasama rin iyong social at saka political implications ng lockdown,” dagdag na pahayag nito. (Daris Jose)