Ipinag-utos ni Department of Transportation (DOTr) Secretary Arthur Tugade ang malawakang pagpapatupad ng pagbibigay ng libreng sakay sa lahat ng health workers at authorized persons outside of residence (APORs).

Inutusan ni Tugade ang Land Transportation Franchising and Regulatory Board (LTFRB) na palawakin ang programa hindi lamang sa Metro Manila kung hindi pati na rin sa probinsiya kahit na ano pang quarantine classification mayron ang lugar.

Kasama rin sa libreng sakay ang mga essential workers at mga APORs. “The program aims to help essential workers get to their destination safely and efficiently by providing them free transportation,” wika ni Tugade.

Sa ganitong paraan ay makakatulong din ito sa mga essential workers upang hindi masyadong maramdaman ang hindi magandang epekto sa kabuyahan nila na dala ng quarantine restrictions.

Matutulungan din ng nasabing programa ang mga operators at drivers ng mga public utility vehicles (PUVs) sa pamamagitan ng Service Contracting Program.

“This is like socialized transport system. The government pays for it and the people will just have to use it. This is our assistance to our countrymen,” saad ni Tugade.

Ang libreng sakay para sa mga health workers at APORs ay ipapatupad hanggang may pondo pa na nagagamit mula sa Bayanihan to Recover as One (Bayanihan II) para sa Service Contracting Program.

Sa ilalim ng batas, ang mga critically-impacted transport sectors ay bibigyan ng P9.5 billion na pondo kung saan ang malaking bahagi ng pondo ay ilalaan sa service contracting efforts na tutulong sa mga drivers at oprators na naapektuhan ng pandemya. May P5.5 billion ang nakalaan sa service contracting program ng pamahalaan.

“Under the Service Contracting Program, the DOTr through the LTFRB is giving payouts to participating operators and drivers of Public Utility Buses (PUBs) and Public Utility Jeepneys (PUJs). They are provided with performance-based subsidy based on the kilometers traveled by the vehicles,” dagdag ni Tugade.

Mula noong April 12, 2021, ang Free Ride Program para sa mga health workers at APORs ay may naitalang 2.2 million na kabuohang pasahero sa Metro Manila at karatig na lugar mula ng nagsimula ito noong March 18, 2021. Mula sa kabuohang ridership, may 587, 892 na pasahero ang mula sa National Capital Region (NCR) at 1,651, 722 mula sa ibang rehiyon ng bansa. Mayron 20 na ruta ang nasa ilalim ng nasabing programa sa Metro Manila.

Nanawagan naman si Tugade sa mga pasahero, operators at drivers na laging sumunod sa health protocols na ipanatutupad tulad ng paggamit ng face mask, face shield at pagsunod sa social distancing.  (LASACMAR)

Unahin ang kapakanan ng mamamayan kaysa pagtambak ng dolomite sa Manila bay Hinimok ng opisyal ng simbahan ang pamahalaan na unahing tugunan ang pangangailangan ng mamamayan.

Ayon kay Archdiocese of Manila Apostolic Administrator Bishop Broderick Pabillo, mahalagang bigyang prayoridad ang kasalukuyang suliranin sa kalusugan ng tao at ekonomiya. “Kung talagang ang problema ngayon ay COVID-19 ay talagang dapat ang atensyon natin at ang ating mga finances ay nakalagay dyan; tugunan muna natin ang pangangailangang pangkalusugan at ekonomiya ng mga tao,” pahayag ni Bishop Pabillo sa panayam ng Radio Veritas.

Ang mensahe ng obispo ay kaugnay sa muling pagtatambak ng mga dolomite sa Manila Bay bilang bahagi ng Manila Bay Rehabilitation Program na inilunsad ng Department of Environment and Natural Resources (DENR).

Dismayado si Bishop Pabillo sa mga hakbang ng pamahalaan na inuuna ang hindi napapanahon at pinag-aralang proyekto na una nang binatikos makaraang anurin sa dagat ang mga dolomite nang manalasa ang bagyo noong nakalipas na taon.

Igniit ng obispo dapat na unahin ang kapakanan ng mamamayan sa halip na ipagpatuloy ang naturang proyekto.

“Parang walang priority ang gobyerno, it shows a kind of insensitivity sa pangangailangan ng mga tao,” giit ni Bishop Pabillo.

Lalong ikinadismaya ng obispo ang pagpapatuloy ng dolomite project dahil marami ang nawalan ng trabaho at walang sapat na pambili ng pagkain ang mamamayan noong muling ipinatupad ang enhanced community quarantine ng dalawang linggo sa National Capital Region at karatig lalawigan.

Ang naturang proyekto na nagkakahalagang 389-milyong piso ay pinaniniwalaang hindi dumaan sa wastong pag-aaral kung saan unang nanindigan ang Greenpeace Philippines na hindi ito makalulutas sa suliranin sa Manila Bay.

Umaasa si Bishop Pabillo na mas higit na tutugunan ng pamahalaan ang pangunahing pangangailangan ng mamamayan tulad ng pamamahagi ng ayuda at pagpapalakas sa vaccination rollout na makatutulong mabawasan ang epekto ng coronavirus sa mamamayan. “Sa halip na gagastos sa dolomite, ‘yung budget pwede namang ma-realign; magbigay ng ayuda sa mga mahihirap, sa mga nawalan ng trabaho at ganun din ang pagbabakuna na mas kailangan natin ngayon,” saad pa ni Bishop Pabillo (Bishop Jesus “Jemba” M. Basco)