3 panukalang batas, sinertipikahang urgent ni PDu30

TATLONG panukalang batas ang sinertipikahang urgent ni Pangulong Rodrigo Roa Duterte .

Ito ay ang Senate Bill No. 2094, Senate Bill No. 1156, at ang Senate Bill No. 1840.

Sinabi ni Presidential Spokesperson Harry Roque, bahagi ang tatlong bill na ito sa mga legislative reform agenda ng Duterte administration.

Aniya pa, ang pag-“certify as urgent” sa mga panukalang batas na ito ay magpapabilis sa paglago ng ekonomiya ng bansa sa pamamagitan ng paglikha ng mga business program na makakahikayat ng mas marami pang dayuhang negosyante.

Dahil dito maraming mga trabaho at oportunidad ang maibibigay sa bawat Pilipino. (Daris Jose)