2021 March Archive - People's Balita

Archive for March, 2021

LOCKDOWN SA NAVOTAS CITY HALL, PINALAWIG

Posted on: March 3rd, 2021 by @peoplesbalita No Comments

NILAGDAAN ni Mayor Toby Tiangco ang Executive Order No. TMT-019 na nagpapalawig ng hanggang March 9, 2021 ang lockdown sa Navotas City Hall, kabilang ang Navotas City Hall Annex (kasama ang NavoServe) at Franchising Permits Processing Unit.

Ayon kay Mayor Tiangco, sa isinagawang mass testing ng mga kawani ng city hall, napag-alaman na may nadagdag na 63 na nagpositibo sa COVID-19.

“Para mapangalagaan ang kapakanan ng bawat empleyado at mga mamamayang pumupunta sa city hall, kinailangan pong habaan pa ang ating lockdown. Kung may urgent concerns man po sa alinmang tanggapan ng pamahalaang lungsod, maaari po kayong mag-email sa office.mayor@navotas.gov.ph” ani alkalde.

Paalala niya, manatiling mag-ingat dahil hindi nakikita ang virus at kahit hindi man aniya iindahin ang COVID-19, maaaring ang mga kasama sa bahay na mahihina ang katawan ang lubhang maapektuhan o mamamatay.

Unang isinailalim sa lockdown ang Navotas City Hall noong 23 February, 8:01PM, hanggang sa Linggo, 28 February, 11:59PM matapos may 24 kawani nito ang nagpositibo sa COVID-19.

Nitong March 1, 2021, umabot na sa 6,137 ang tinamaan ng naturang sakit sa lungsod, 358 dito ang active cases, 5,586 ang mga gumaling at 193 ang binawian ng buhay. (Richard Mesa)

Fernando, Cardenas, inilunsad ang Bulacan Republicans para sa NBL season 4

Posted on: March 3rd, 2021 by @peoplesbalita No Comments

LUNGSOD NG MALOLOS– Inilunsad nina Gob. Daniel R. Fernando at Romy Cardenas bilang mga team owner ang Bulacan Damayan Republicans, kinatawan ng lalawigan ng Bulacan sa National Basketball League Season 4 at binuksan ang try out sa Bulacan Capitol Gymnasium sa lungsod na ito, Lunes ng umaga, para sa mga nagnanais na mapabilang sa team.

Sinabi ni Fernando na habang hindi pa natutuloy ang plano nitong Bulacan Sports Academy dahil sa pandemya, patuloy pa rin ang layunin niyang palakasin ang mga Bulakenyong atleta.

“Gusto kong magkaroon ng advance learning and technology ang mga manlalarong Bulakenyo, pero sa ngayon, nang imbitahan tayo ng NBL, kinuha natin ‘yung opportunity na palakasin ‘yung ating mga homegrown basketball players at i-develop ‘yung kanilang discipline, sportsmanship and humility,” ani Fernando.

Ayon naman kay Cardenas, naniniwala siya at sumusuporta sa gobernador at nais din niyang ipakita na kayang makipaglaban ng mga Bulakenyo sa propesyunal at pambansang liga.

Samantala, sinabi ni Games and Amusements Board (GAB) Chairman Baham Mitra na makakaasa ang lahat na sinusunod nila ang mga protokol sa kalusugan at palaro ngunit inaasahan din niya na ang mga atleta na rerespetuhin nila ang mga opisyal at iiwas sa anumang gulo sa palaro.

Ipinaliwanag naman ni NBL Executive Vice President Rhose Montreal na inimbitahan nila ang gobernador dahil batid nila ang pagmamahal nito sa isports kung kaya naman nailunsad ang proyektong Bola Kontra Droga ilang taon na ang nakararaan.

“We believe na kapag si Gob ang nag-handle mas magiging maayos at maalagaan ang team,” ani Montreal.

Bukod dito, inanyayahan din ni NBL Vice President for Operations Commissioner John Edward Aquino ang mga nangangarap maging propesyunal na manlalaro na ituloy ang kanilang mga pangarap.

“The only requirement is the PSA to prove that you really are a homegrown in that area. Apart from that sa age, since professional league na 21-35 na, and everyone will get a license from GAB, not just that coach and players but everyone in the team, and that is a matter of privilege, ibig sabihin ‘pag may ginawa kang mali at after maimbestigahan, pwedeng bawiin,” paliwanag ni Aquino.

Naitatag ang NBL noong 2018 bilang isang developmetal league at unang professional homegrown league sa mundo na naglalayong paghusayin ang talento ng mga homegrown na atleta ng mga bayan, lungsod o lalawigan na magsisimula sa Abril.

Kahanay na ng NBL ang Philippine Basketball Association at Chooks-to-Go 3×3 sa listahan ng mga professional leagues sa bansa na nagbibigay ng pagkakataon sa mga manlalaro na magkaroon ng exposure at hindi upang makipagkumpetensya sa kapwa nila propesyunal na paliga. (Bishop Jesus “Jemba” M. Basco)

Taguig City, Zele Wellness Center lalahok sa WNBL

Posted on: March 3rd, 2021 by @peoplesbalita No Comments

DIDRIBOL na rin ang Taguig City at ang Zele Wellness Center para sa 1st Women’s National Basketball League (WNBL) 2021 na nakatakdang ihayag sa mga susunod na araw ang petsa sa pagsisimula ngayong taon makaraan ang negosasyon sa Inter-Agency Task Force (IATF).

Kinumpirma ng dalawang ballclub ang partisipasyon sa unang propesyonal na ligang pambabae sa sport sa bansa ngayong linggo upang itaas ang mga kasali sa pitong team.

Ang Taguig City Sports Division chief at National Basketball League (NBL) Taguig team coach na si Bing Victoria ang kumatawan para kay Mayor Lino Edgardo Cayetano, sa pagkumpirma ng pagsali ng lungsod sa WNBL.

Sina WNBL executive vice president Rhose Montreal at league commissioner Edward Aquino naman ang malugod na tumanggap sa aplikasyon sa liga ng nasabing koponan.

Nagalak din sina Montreal at Aquino sa pagbahagi ng ZWC nina team owners Rhys Anton Sicat at Xzandrei Jeigh Ajero kung saan ang coach ay si Corvi Concepcion.

Nabatid naman kay Victoria na huhugot sila ng mga manlalaro sa mga free agent ng iba’t ibang team upang makabuo ng isang palaban ding koponan sa lalong madaling panahon.(REC)

Pagdanganan sa Abril pa makakahataw sa LPGA

Posted on: March 3rd, 2021 by @peoplesbalita No Comments

PUMALO na ang 72nd Ladies Professional Golf Association Tour 2021 first full-field event nitong Pebrero 25-28, ang Gainbridge LPGA sa Orlando, Florida, pero sa kalagitnaan pa ng Abril makakapag-umpisa ang longest hitter ng nagdaang taon na si Bianca Pagdanganan.

Maaari ring umasa ang 23-taong gulang na Pinay golf star mula sa Quezon City sa LPGA Drive On Championship sa Golden Ocala sa nasabi pa ring estado sa Marso 4-7.

Kaya lang may kalabuan pa rin at malamang na sa Lotte Championship sa gitna ng Abril pa ang maging debut ni Pagdanganan ngayuong taon bilang second rookie season niya sa world major ladies golfest.

Sanhi ito nang pinaiiral na 2021 playability rules na katulad sa 2020 annual priority list para sa mga kalahok bawat kada linggo.

Pebrero 7 pa bumalik ng US si Pagdanganan na nag-average ng 283.07 yards sa 10 niyang torneo noong Hulyo-Disyembre. (REC)

ANGEL, labis ang pasasalamat sa ginawang tribute ng FDCP bilang isa sa ‘Cinemadvocates’; tatanggap din ng IVR Award sa ‘4th EDDYS’

Posted on: March 3rd, 2021 by @peoplesbalita No Comments

NAGPASALAMAT si Angel Locsin sa ginawang tribute ng Film Development Council of the Philippines (FDCP) na kung saan isa siya sa ginawaran ng 2021 Cinemadvocates sa katatapos lang na 5^th Film Ambassadors’ Night.

Post ni Angel, “Thank you @fdcpofficial for this heartwarming tribute.
“Masuwerte lang ako na meron akong @neil_arce na hindi ako pinapabayaan at laging nasa tabi ko kahit na anong mangyari. “Si @dimplesromana na isa sa pinakamabuting puso na makikilala mo na mahahawa ka sa pagmamalasakit sa tao, pagpupursige, pagiging totoo, at mabuting kaibigan.

“Si @gines.sarangaya na bukod sa napakatalino at maabilidad, ay mulat sa mga dinadananas ng tao at handang tumulong ano mang oras. Si Dra. @marevmatic2019 , na isang tunay na bayani. Kahit naka-quarantine ay nais pa ring magbigay serbisyo at makatulong. “At syempre, sa lahat ng mga naniwala. Nakakahiya man na ako ang nabigyan ng parangal, pero sila po ang rason kung bakit ako nakakakilos. Sana sa pinakita nila, marami pa hong mabigyang inspirasyon.

“Maraming salamat FDCP.”

Sagot naman ni Dimples Romana sa kanyang post, “I love you Mars. Ngayon pwede ko na kayo mabisita kasi Hindi na ako matatakot mabanggit sayo ang surprise tribute.”

Maraming followers niya ang bumati at ganun din ang ilang mga stars tulad ni Ruffa Gutierrez,

“Congratulations Gel!! You are truly an inspiration. Mabuhay ka!!”

“Congratulations Gel! God bless your pure heart.” post naman ni Eula Valdes.

Say naman ni Dra. Marev Matic, “You deserve it angel!!! Couldn’t think of anybody more commendable than you. Take care.

“Thank you for allowing me to have a greater platform to help. It has been an utmost pleasure and honor to have worked with you guys @therealangellocsin, @neil_arce, @dimplesromana, @gines.sarangaya. always keep safe, stay healthy and take care. Til the next outreach.…”

Samantala, isa naman si Angel sa mga napiling bibigyan ng parangal sa 4^th EDDYS (Entertainment Editors’ Choice) ng Society of Philippine Entertainment Editors (SPEEd) na magkakaroon ng virtual event sa March 22, 2021.

Kasama niya sa list ng first recipients ng ilulunsad na IVR (Isah V. Red) Award sina Senator Ramon ‘Bong’ Revilla Jr., Angel Locsin, Kim Chiu, Ramon Ang, Rhea Anicoche-Tan at Claire de Leon-Papa dahil sa kahanga-hanga nilang pagtulong sa mga Pilipinong naapektuhan ng global health crisis.

Kaabang-abang din ang labing-apat na kategorya ang paglalabanan, kabilang na ang Best Picture, Best Director, Best Actress at Best Actor na mula sa mga de-kalidad at natatanging pelikula ng 2020.

Ganun din ang pagpaparangal sa EDDYS Icon awardees, pati na rin ang taunang special awards.

ANDREA, ini-enjoy ang pagiging single at dedma na lang muna sa lovelife

Posted on: March 3rd, 2021 by @peoplesbalita No Comments

INI-ENJOY ni Kapuso actress Andrea Torres ang single life niya ngayon, kaya ayaw na niyang sumagot tungkol sa kanyang lovelife.

Sa ngayon, ang dream niya, makapag-travel mag-isa sa ibang bansa, at gusto niyang puntahan ang mga lugar sa Europe.

“Inspired ako ng novel-turned-movie na ‘Eat, Pray, Love,’ na ang bida ay nag-travel alone sa Italy, India at Bali,” kuwento ni Andrea.

“Iyong lead star, hinanap ang sarili matapo ang dinaanang hiwalayan sa karelasyon. Kaya dream ko nga ngayon, mag-biyaheng mag-isa at gusto kong puntahan ang Europe.

“Mahilig kasi akong mag-ikot-ikot, maglakad-lakad, mag-explore-explore.

“Kahit dito sa atin, mahilig akong maglakad-lakad sa streets, puntahan kung ano lang ang maisipan kong cafe o restaurants, kahit mag-isa lamang ako. Kapag nasa abroad naman ako, gusto ko ring nakikipag-usap sa strangers. I make friends with them.

“Kaya kapag natapos na itong pandemic na pinagdaraanan natin, balak kong mag-travel alone, magkakalapit lamang naman ang mga bansa sa Europe, madali lang puntahan, mati-train mo lamang itong lahat.”

Naikuwento pa ni Andrea, kahit sa lock-in taping nila ng upcoming Kapuso primetime series nilang Legal Wives, ini-enjoy niyang i-explore ang lugar na mag-isa.

“Minsan na nga akong naligaw sa pagbalik ko sa location namin. Meron kasing lake doon sa lugar na gusto kong puntahan, pero hindi ko nakita at naligaw na rin ako sa pagbalik,” natatawang patapos ni Andrea.

Very soon ay mapapanood na ang cultural drama series na Legal Wives sa GMA-7, kasama ni Andrea sina Dennis Trillo, Alice Dixson, Bianca Umali at iba pang cast, sa direksyon ni Zig Dulay.

***

AT five years old, mukhang gusto nang sundan ni Maria Letizia Dantes o si Zia nina Dingdong Dantes at Marian Rivera, ang yapak ng mga magulang kapag nagkataon.

Ngayon pa lamang kasi ay nagpapakita na ng hilig si Zia sa trabaho ng parents niya.

Sa Instagram post ni Dingdong last Friday na ipinakikita niyang may hawak na clapper si Zia sa harap ni Marian, while may suot itong fluffy cat ears sa kanyang ulo.

“My clapper loader and 2^nd AC (assistant cameraman) for today,” caption ni Dingdong.

Ngayong pandemic, hindi na umaalis ng bahay si Marian, at si Dingdong nasa bahay lamang kung walang mahalagang dapat gawin sa labas.

Kaya si Marian, bilang host ng OFW drama anthology na Tadhana, ng GMA Network, ay sa bahay na lamang niya sinu-shoot ang mga spiels niya ng show, habang si Dingdong ang nagdidirek sa kanya.

Nakikita ni Zia ang ginagawa ni Dingdong, kaya hayun, nagprisintang clapper girl ng ama.

***

MASAYANG dumalo ang pamosong TVJ ng Eat Bulaga, sina Senator Tito Sotto, Vic Sotto at Joey de Leon, sa 50^th wedding anniversary celebration ng producer nilang si Mr. Antonio P. Tuviera at misis nitong si Mads Tuviera.

Kaya tuwang-tuwa ang tatlo nang for the first time, pagkalipas ng isang taon, dahil sa Covid-19 pandemic, ay muli silang nagkita-kita, sa isang mahalagang okasyon.

Si Senator Tito nakikita lamang nila kapag may Zoom meeting ito sa Senado, at sina Vic at Joey naman, kahit napapanood araw-araw sa kani-kanilang segment sa EB, work from home lamang sila kaya hindi rin sila nagkikita nang personal sa APT Studios. (NORA V. CALDERON)

Sotto pinayuhan ng Kano

Posted on: March 3rd, 2021 by @peoplesbalita No Comments

TINAGUBILINAN ng Amerikanong coach na kasalukuyang nagmamando sa Thailand national men’s basketball team na si Chris Daleo si National Basketball Association (NBA) prospect Kai Zachary Sotto.

Aniya kamakalawa, pagtuunan na lang muna ng 18 taon, may taas na 7-3, at tubong Las Piñas, ang kanyang talento at iwasan ang maraming asungot na humawak sa napakamura pa lang niyang karera sa basketball.

Pinarating nang nagmamalasakit sa Pinoy cage phenom ang abiso sa social media account na @DaleoChris, base na rin sa kanyang mga pinagdaanan, giniit na marami ring mahuhusay siyang nahawakang basketbolista pero bigla ring bumagsak dahil sa dami ng handlers.

“Over my years I coached great phenoms, Lenny Cooke and Ronnie Fields. Great players with unlimited potential, but many handlers. Sadly, with so many voices trying to dictate the direction of the player, hyping the player, and always jumping spot to spot, The players never made it,” diin ng Thai mentor.

Buhat ang sentimyento niya sa maling desisyon ng East West Private (EWP) sa paghawak kay Sotto.

Nasa Tate na ang binate para maglaro sa Ignite Team ng 20th NBA G League 2021 sa Orlando, Florida. Pero pinabalik pa ng ‘Pinas sa kabila na napakahigpit ng pagbiyahe dahil sa pandemya kaya pagbalik ng Estados Unidos hindi na tinanggap ng koponan.

Pumarito ang cager para saklolohan ang national team na pa-30th International Basketball Federation (Fiba) Asia Cup 2021 Qualifiers third and final window, pero kinansela pati nang ilipat ang event sa Doha, Qatar sanhi ng pandemya.

Tinanggap pa agad ng US handler na Ohio-based management firm (EWP), ang pabuya ng G League kay Sotto para mawala ang amateur status nito, ban nang maglaro sa US National Collegiate Athletic Association (NCAA), kahitr sa University Athletic Association of the Philippines (UAAP).

Payo rin ng Opensa Depensa sa iyo Kai, at sa iyong ama, nakakasira rin sa media ang marami mong asungot. Kaya tsugiin ang iba o magbawas ka. (REC)

“MONSTER HUNTER” OPENS IN PH CINEMAS THIS MARCH

Posted on: March 3rd, 2021 by @peoplesbalita No Comments

MANILA, March 2, 2021 — Big action and big monsters are meant to be seen in the BIG SCREEN.

This month, moviegoers will get the full cinematic experience again as Columbia Pictures’ new fantasy action thriller Monster Hunter, opens in Philippine cinemas March 2021!

Film fans are advised to refer to the websites and social pages of their favorite cinemas for more details regarding the film’s playdate and screening times.

Watch the trailer with message from Milla Jovovich below:

https://youtu.be/0q-_Gopcw5s.

In Monster Hunter, behind our world, there is another: a world of dangerous and powerful monsters that rule their domain with deadly ferocity. When an unexpected sandstorm transports Captain Artemis (Milla Jovovich) and her unit to a new world, the soldiers are shocked to discover that this hostile and unknown environment is home to enormous and terrifying monsters immune to their firepower. In their desperate battle for survival, the unit encounters the mysterious Hunter (Tony Jaa), whose unique skills allow him to stay one step ahead of the powerful creatures. Facing a danger so great it could threaten to destroy their world, the brave warriors combine their unique abilities to band together for the ultimate showdown.

Nearly 20 years ago, writer-director Paul W. S. Anderson and star Milla Jovovich teamed up with videogame company Capcom and Constantin Film to produce Resident Evil, based on the bestselling videogame. Six movies and $1.2 billion in box office later, the franchise stands as the most successful videogame adaptation of all time.

Now, the team has reunited for Monster Hunter, based on Capcom’s bestselling video game of all time, “Monster Hunter: World,” and the origins of the project point to Anderson’s time in Japan. “I was actually a fan of the ‘Monster Hunter’ game before a lot of people in America and Europe, because I spent a lot of time in Japan,” Anderson explains. “It became one of my favorite countries to visit. Because of that, I started playing ‘Monster Hunter’ in 2008 – and by 2009 I was pitching Capcom on making a movie of the game.”

Over the next nine years, during his frequent trips to Japan, Anderson would play the game – which became something of a passion project. Because the gameplay of “Monster Hunter: World” doesn’t rely on a narrative, Anderson had free rein to invent a story. “It felt like an amazing opportunity to build a whole world on the movie screen, and there were countless stories to tell within that world. The more I thought about it, the more stories and characters began to take root.”

Anderson’s screenplay took a decidedly grounded approach to the wild fantasy elements of monster hunting – in storytelling and design, he would give the real-world audience hooks to latch on to. So, in his story, Anderson focused on a real-world team that becomes trapped in the monster world, and the monster world’s locations would be drawn from some of the real world’s strange and unusual but very real locations.

At every turn, though, Anderson and the filmmakers kept hewing close to the original games that inspired them. “The movie pays honor not just to the ‘Monster Hunter: World’ game, but to the entire franchise that I personally have loved for ten years now,” says Anderson. “The game creators have created a richly textured world, and we embraced that.”

When he’d completed the screenplay, Anderson had to do a bit of convincing with Jovovich to play the lead role. “My first thought was, really, from zombies to monsters? You’ve got to be kidding me,” jokes the star of Resident Evil. “He said, ‘Just read it,’ and when I did, I felt like it captured everything I love about making action movies, but I really loved the character of Captain Artemis. She just felt real to me,” concludes Jovovich. “I felt like it would be wonderful to play somebody that disciplined.”

Monster Hunter is distributed in the Philippines by Columbia Pictures, local office of Sony Pictures Releasing International. Connect with #MonsterHunterMovie (ROHN ROMULO)

Sangley Airport muling sasailalim sa bidding

Posted on: March 3rd, 2021 by @peoplesbalita No Comments

Gustong muling buksan ng provincial government ng Cavite ang bidding ng proyektong Sangley Point International Airport (SPIA) sa mga interestadong kumpanya matapos na terminuhin ang nasabing airport deal.

Ang SPIA ay dati pa na binigay ang airport deal sa kumpanya ni Lucio Tan na MacroAsia Corp. at ang China Communications Construction Co. Ltd (CCCC)

“The Cavite provincial government special selection committee has recommended the non-approval of the redevelopment of the former airbase due to the various deficiencies of the submission of requirements to conclude the joint venture agreement for the SPIA project,” wika ni Cavite Gov. Jonvic Remulla.

Kinumpirma naman ng MacroAsia na kanilang natanggap ang isang sulat mula sa provincial government ng Cavite na nagsasabing dahil sa rekomendasyon ng public-private partnership selection committee, ang kanilang notice of selection at award para sa SPIA project na binigay noong Feb. 12, 2020 ay kinakansela na.

Tatlong beses ng binigyan ng extensions ang MacroAsia at CCCC ng Cavite provincial government upang kumpletuhin ang kanilang mga requirements dahil sa konsiderasyon na may pandemic.

“While negotiations with the MacroAsia-CCCC team have been cancelled, the project would restart and hopefully have a successful negotiation with any qualified partner. A new international airport is important for the country in the long run, that the cancellation is not in prejudice of anyone applying again,” dagdag ni Remulla.

Ang iba pa na mga kumpanya na bumili ng bid documents para sa SPIA noong 2019 ay ang Prime Asset Ventures Inc., Philippine Airport Ground Solutions Inc. at Langham Properties Inc.

Subalit ang MacroAsia-CCCC tandem lamang ang nagsumite ng nag-iisang bidder para sa SPIA.

Bumili rin ng bid documents ang Metro Pacific Investments Corp (MPIC) para sa SPIA subalit hindi nila sinumite ang kanilang actual bid.

Ang proyektong SPIA ay pinangangasiwaan ng Cavite government sa ilalim ng Public-Private Partnership (PPP) program na hindi na kailangan ang approval ng National Economic and Development Authority (NEDA) para sa implementasyon ng nasabing airport project.

Dahil sa cancellation, mabibigyan ng pagkakataon ang ibang mga tycoons at dating NAIA aspirants na magsama-sama para sa malaking proyektong ito.

Ang dating NAIA consortium na nag bid para sa rehabilitation ng Ninoy Aquino International Airport (NAIA) ang nagsabi naman na kanila munang kukunsultahin ang ibang orihinal na miyembro ng dating NAIA consortium kung lalahok sila sa bidding ng SPIA. (LASACMAR)

MGCQ sa buong bansa, kung may 20 milyong bakuna na! – Duterte

Posted on: March 3rd, 2021 by @peoplesbalita No Comments

Nakahanda na si Pangulong Rodrigo Duterte na buksan ang ekonomiya basta’t umabot sa 20 milyon hanggang 40 milyon doses ang naka-stock na bakuna laban sa COVID-19.

Ginawa ng Pangulo ang pahayag matapos dumating sa bansa kamakalawa ang bakuna na donasyon ng China.

Sinabi ng Pangulo na hindi kailangang umabot sa 110 milyon ang bakuna.

“Kung mayroon ng — if the vaccine is available to anybody for one reason or another, sa mga probinsiya na-distribute na ‘yan kasi hindi naman mag-abot ng 110 million. Eh sa estimate nila it’s about 40 million. Kung maka-hit tayo ng 40 million o nandiyan na ‘yong vaccine, maski mag — mayroon tayong mga 20, 30, buksan ko na. Buksan ko na dahil sa economy,” ani Duterte.

Sinabi ng Pangulo na lugmok ang ekonomiya kaya dapat mabilisan ang pagpapabakuna.

“I am considering it actually. ‘Pag start… Buksan ko na because there are two things that are really bugging us: it’s the economy and COVID-19. Nakatutok ‘yan. Our economy is really down, as in down. So the earlier na mabilisan itong vaccine, the better,” ani Duterte. Idinagdag ng Pangulo na kailangang kumain, magtrabaho ay magbayad ng mga bills ang mga mamamayan na mangyayari lamang kung bukas ang ekonomiya upang lumago ang mga negosyo

Sinabi ng Pangulo na isang milyon doses ng bakuna ang inaasahan ngayong buwan at kailangang magkaroon ng 2 milyon doses para mailagay sa modified general community quarantine ang Metro Manila.

Pero kung magkakaroon aniya ng maraming bakuna ay bubuksan lahat ng Pangulo ang mga negosyo.