KAALIW na naman ang pinost ni Megastar Sharon Cuneta sa kanyang Instagram account na kung saan pinagtabi ang photo na kasama niya si Marco Gumabao para sa movie na Revirginized at si Gabby Concepcion na kasama naman si Sanya Lopez para sa GMA series na First Yaya.

Caption ni Mega, “And you, Kitina’s Papi! Kala mo ikaw lang may batang partner ha?! Game ka na ba?! @concepciongabby Ako walang kaproble-problema. You na lang hinihintay ng bansa!”

Agad naman nag-react ang kanyang followers na sabik na sabik kung kailan ba matutuloy ang reunion movie nila ni Gabby, na sa taong ito ay magpo-40 years na ang kanilang loveteam. Ang bongga lang, pag nangyari ngayong 2021 ang kanilang muling pagtatambal, tiyak na malaking selebrasyon ito.

Ilan naman sa naging reaction ng netizens:

“Tita Shawie hayaan mo na yang si Gabby. Parang ang mature nga niya don sa kapartner niya sa Yaya serye.”

“Big hit tong My First Yaya ng GMA7. Tease pa Ms. Sharon free promo ng serye ni Sir Gabby.”

“Tita Shawie, move on na po pls lang. Carebears na sayo c Papa Gabby. Wag mo na po ipilit ang pagpapapampam. D ka na po teenager. Lol.”

“Jusko Sharon okay na kami sa KathNiel, LizQuen tantanan na, walang bansang naghihintay sa comeback nyo as loveteam. Tama na pabebe, act your age, mahiya ka sa asawa at mga anak mo uy.”

“Mas gusto ko naman tambalan ng sharon at gabby kesa sa mga jeje love team na sinabi mo lol..kaloka ka.”

“Kakaawa ka Shawie…d ka pa rin sumusuko sa pagpapapansin sa ex mo. Eh dalaga na mga anak mo sa asawa mo. Gang kailan ba.”

“hindi yan papansinin ni gabby.”

“Mauna pa yatang mag move on si Bea Alonzo kaysa kay Tita Shawie.”

“She actually has a valid point about double standard. If older man + younger girl – ok lang sa marami. Pero the reverse – big deal agad. We should be all open-minded enough to accept that what’s good for the goose should also be good for the gander.”

“Though puro kdrama na ako now, will def watch gabby+sharon with mom and sisters, masayang treat/bonding ito.”

“Mega, sorpresahin mo na lang kami sa movie nyo ni Gabby. Ilang taon na yang nauudlot eh.”

Samantala, nag-post din si Sharon ng throwback photo nila ni Diamond Star Maricel Soriano, na isa rin sa dream project ni Mega na hindi talaga matuloy-tuloy.

Kaya parang inip na inip na si Sharon kaya isiniwalat na ang saloobin sa kanyang IG post, “Ano na, Mary?! Itong babaeng ito mga 1,000 times ko na sinasabi na gumawa na kami ng movie! Ateng ko hintayin pa ba natin mag-65?!!! Eh bakit kasi tuwing bini-bring up ko iniiba mo ang topic!!!

“Ayan sinumbong na kita sa netizens para alam nila ikaw lang hinihintay ko! Tara na Mary! @maricel.soriano.official.”

Well, hintayin na lang natin kung makakakuha ba sila ng magandang story para matuloy na ang pagsasama ng Diamond Star at Megastar, na for sure, kahit ang Viva Films ay magkaka-interes at puwede rin naman sina Sharon at Maricel na ang mag-produce.

‘Wag na sana nilang hintayin na umabot pa sila sa senior years bago maisipang gumawa ng pelikula.

(ROHN ROMULO)

DAHIL sa pag-amin ni Gerald Anderson sa relasyon nila ni Julia Barretto, matindi ang bashing na natatanggap ng Kapamilya actor sa Instragram.

Sa isang IG post ni Gerald ay ginamit niya ang quote ng NBA superstar na si Lebron  James, “People will hate you, rate you, shake you and break you. But how strong you stand is what makes you,”

Hindi ito nagustuhan ng mga netizens. Sinagot ni bebotrm ang post ni Gerald: “The thing is you are not Lebron James.”

Post naman ni anjiegalon, “Walang maniniwala sa iyo uy! Lahat ng mga nakarelasyon mo, lahat sila, galit sa pagkababaero mo.”

Comment naman ng ibang netizens hindi na dapat idinamay pa ng actor si Lebron James sa post niya dahil madadamay lang si Lebron sa pagiging negative ng image ni Gerald.

Pero may nagtatanggol din kay Gerald na ang sabi ay may third party rin sa hiwalayan ni Gerald at ni Bea Alonzo.

Pati ang nanahimik na si Joshua Garcia ay nadamay pa at sinabi na may atraso rin ito kay Julia.

Pero clear na totoong may relasyon sila Gerald at Julia, at ito ang dahilan kung bakit nagkahiwalay sina Gerald at Bea.

Panay ang deny ni Julia before. Wala raw silang relasyon ni Gerald. Hindi raw niya ito boyfriend at wala raw siyang inagaw.

Pero ngayon, alang-alang sa promo eh aamin sila na totoong may relasyon sila. So sino baa ng nasira sa kanilang pagsisinungaling?

Kaya ang comment ng mga tao, huwag raw sana madagdag si Julia sa listahan ng mga babaeng pinaiyak ni Gerald.

***

PALABAS na sa www.heypogi.com ang unang BL movie ni Rex Lantano titled Daddy Love.

Thankful si Rex kay Direk Monti Parungao who offered him the lead role sa 4-episode BL series na ito.

Bukod sa ito ang una niyang BL series, first time din ni Rex na magbida sa isang movie. First time din niyang nagkaroon ng kissing scene with a fellow male actor. Ito rin ang first ever kissing scene niya sa pelikula.

We remember sa isang kwentuhan ay nabanggit ni Rex na he was offered the role sa Daddy Love na mabilisan. Kumbaga, hindi siya masyadong nakapaghanda physically for the role eh may mga eksena pa naman na he had to be half-naked from waist up.

Hindi lang ang kakaibang kwento ng May-December gay romance ang tinatalakay sa serye kundi pati rin ang HIV awareness na medyo nalilimutan natin dahil ang lahat ay concerned sa effect ng Covid-19 virus sa mga buhay natin.

Ayon pa kay Rex, he was challenged by the role he played sa Daddy Love. Pero malaki ang kanyang pasasalamat sa kanyang director na si Direk Monti dahil tinulungan siya nito para magampanan nang maayos ang kanyang papel.

Alam naman ni Rex that competition is showbiz is tough and a good role doesn’t come along too often. Kaya masaya na siya sa paminsan-minsan paglabas, kahit small roles, sa Maalaala Mo Kaya.

Siyempre nangangarap din siya na maging parte ng isang malaking teleserye at makatrabaho ang ilan sa mahuhusay at tinitingalang mga director sa industriya.

Habang naghihintay ng bagong acting assignment, abala muna si Rex sa pagtulong sa bagong bukas nilang family business na Lola Mame Restaurant sa Taguig. (RICKY CALDERON)

MARAMI rin celebrities ang natutuwa at kinikilig sa pagiging open na ngayon nina Gerald Anderson at Julia Barretto sa relasyon nila.

Timing sa birthday ni Gerald noong Linggo ang pag-amin ng dalawa. Naging visible na si Julia na kasama ni Gerald sa gift-giving nito at malaya na rin si Julia na mag-post ng intimate message sa boyfriend.

Pero, sa kabila ng pag-amin nila, bakit ba tila ang dami pa rin talaga na “nega” sa relasyon ng dalawa.

At dahil nagkaroon ng mims tungkol sa mga actress na na-link kay Gerald na halos lahat ay endorser ng iba’t-ibang shampoo brands, may netizen na nagtanong sa IG post ni Julia nang, “pang-ilang shampoo ka na?”

May tahasan pang nag-comment kay Julia nang, “Sana all fineflex Hahahaha sana di moi na dineny noon gir, jusq.”

“I still remember how she denies everything.”

At ang ina-assume nga na sagot ni Bea Alonzo sa naging pag-amin ni Gerald, ang daming nag-reply sa IG post ni Julia nang, “The ultimate truth teller.”

Katulad nina Derek Ramsay at Ellen Adarna, aba, may nagtataning na rin sa relasyon ng dalawa na kesyo magbi-break din daw.

***

WALA raw problema kay Joaquin ‘JD’ Domagoso kung madalas na naikukumpara man siya ngayon sa tatay niya, si Mayor Isko Moreno lalo na noong panahong nagsisimula pa lang din itong mag-artista.

“Basta ako, mas pogi ako,” biro niya.

“Given naman yun na mako-compare kami. But that’s not my focus naman. That’s what he want to do when he was a kid and ako naman, gusto ko rin namang mag-artista. 

     “So, hindi ko naman kino-compare yung mga achievements niya sa akin. We have our own phases and experiences.”

At tahasan din sinabi ni JD na ayaw niyang tumira sa Malacanang at hindi rin naman daw tatakbong Presidente ng bansa si Yorme.

Kasi nga, sa March 15, magpa-pilot na ang kanyang primetime series sa GMA-7, ang First Yaya na kunsaan, umiikot din ang kuwento sa buhay ng Presidente ng bansa na ginagampanan naman ni Gabby Concepcion.

    “Ayoko po, ayoko po talaga,” sey niya.

“Baka mag-iba ang tingin ng tao sa akin. Mahirap ang buhay e, may bodyguard ka na palagi. Paano ka makaka-enjoy sa buhay?”

     At sabi niya, “Actually, ang Dad ko, ayaw rin naman niyang mag-Presidente. Hanggang Mayor lang siya.”

     ***

HULING Linggo na pala ngayon ng GMA Telebabad na Anak ni Waray vs. Anak ni Biday.

Kaya naman tutok lahat sa magiging ending ng pinagbibidahan nina Barbie Forteza at Kate Valdez, gayundin nina Dina Bonnevie at Snooky Serna.

Then, ang Love of My Life naman, nasa huling dalawang Linggo naman na ang intense ng bawat episodes, sa true lang.

Simula ngayong Lunes, parang tapatan muli ang Kapuso at Kapamilya.  Yun nga lang, sa ibang network na napapanood ang mga serye ng ABS-CBN at dito malalaman kung kahit nasa TV5 na ito, talagang susundan pa rin ng mga manonood, kasama na kasi ang highest-rating and long-running primetime series na FPJ’s Ang Probinsyano.

Pero mukhang hindi nauubusan ng pambala ang Kapuso network. Magtatapos man ngayong Linggong ito ang Anak ni Waray vs. Anak ni Biday, inaabangan na ang papalit dito  na First Yaya.  (ROSE GARCIA)