2021 January Archive - People's Balita

Archive for January, 2021

Mikael at Megan, nagsawa sa city at susubukang tumira sa probinsya

Posted on: January 9th, 2021 by @peoplesbalita No Comments

SUSUBUKAN ng mag-asawang Megan Young at Mikael Daez ang tumira ng isang buwan sa Subic.

Nabanggit nila noon sa kanilang podcast at gusto nilang masubukan ang tumira sa probinsya kunsaan tanaw nila ang mga bundok at maraming puno sa paligid.

Nagsawa raw kasi sila sa pagtira sa city lalo na noong magkaroon ng lockdown ng ilang buwan.

Sey ni Megan: “2021 is a new beginning for all of us ‘di ba? Well, we decided to test it out and, thankfully, they allowed us to rent first, so we’re testing out the waters on the feel of the house, how we feel about the environment, and kung good vibes, is it something we wanna do in the future?”

Mas gusto raw kasi ni Mikael na makapagsimula sila ng pamilya sa isang tahimik na lugar at hindi magugulo and privacy nila.

Kuwento pa ni Miss World 2013, tanaw daw sa balcony ng inuupahan nilang bahay ang green forest ng Subic.

“It feels so uplifting for me. Wow, uplifting. Rejuvenating, I feel like a new person. Maganda siya, pero kakaibang feeling nararamdaman ko just looking at this because, usually, I see a building in front of me. Now, I see a forest,” sey ni Megan.

Isang problema lang daw sa bagong tirahan nila, hirap silang i-pin ang kanilang address tuwing nagsa-shop online silang mag-asawa.

Naghahanda na rin daw ang mag-asawa sa ihu-host nilang singing competition sa GMA-7 na Sing For Hearts.

“We auditioned for this before the pandemic struck and completely forgot about it because we weren’t sure if they were going to continue the show. We weren’t even sure if they were going to pick us. We don’t know when that’s gonna start but we’re super excited because, as we’ve said, we’ve been doing this podcast but we’d also love to be able to take our hosting skills and our own rapport to TV so this is a start, right,” sey ni Mikael.

***

AMININ man o hindi ni Therese Malvar, enjoy siya sa pagganap sa mga lesbians role.

Unang best actress award ni Therese ay noong 13 years old siya sa pelikulang Huling Cha-Cha ni Anita. Ang role niya bilang batang lesbyana ay nagpanalo sa kanya sa 1st CineFilipino Film Festival 2013.

Kelan lang ay nagwagi ulit si Therese sa isang lesbian role sa pelikulang Distance. Nanalo siya sa bilang best young actress sa 7th Urduja Heritage Film Awards.

“Parehas po silang challenging but in a different way, kasi the difference between si Anita and then si Carla in ‘Distance’ was mas mature ‘yung sa ‘Distance.’ They’re both the same in slowly trying to figure out who they really want. So, that’s their similarity.

“But then Anita was dealt with really lightly, really fun. While sa ‘The Distance’ medyo mabigat na parang very, very confused siya and there are no light moments, ganun. Ang bigat kasi kinikimkim niya, hanggang sa huli, she was able to express and confess her feelings sa girl na gusto niya,” sey ni Therese.

Sa parehong pelikula ay may kissing scene si Therese sa kapwa niya babae.

“Both of them parehas may kissing scene pero mas mature. Wow! Mas mature, mas matagal sa ‘Distance’ dahil mas matanda na ‘yung character, ganun.”

Thankful si Therese sa mga direktor na nakatrabaho niya para magampanan niya ang mga mahihirap na roles.

“Thankfully the directors and the team that I have worked with sa mga projects ko sobrang galling po nila. Tinuturuan po nila ko if I don’t execute it that well, or if hindi kita sa mata ko or sa expression ko sa mga eksena. They would really help me.”

Kasalukuyang nagte-taping si Therese para sa GMA teleserye na Babawiin Ko Ang Lahat.

***

JAK, rumaket muna bilang photographer habang wala pang taping

HABANG wala pang pinagkakaabalahang lock-in taping, may bagong raket ang Kapuso Hunk Jak Roberto at ito ay ang maging isang photographer.

Nagsimula raw ang hilig ni Jak sa photography noong magkaroon ng lockdown last year. Dahil siya rin ang cameraman at editor ng kanyang YouTube vlog, pinag-aralan na rin niya ang photography.

Dahil sa magagandang kuha ni Jak, siya na ang pinaasikaso ng GMA Artist Center para sa latest artist portfolio nila.

Una niyang ginawan ng at-home photo shoot ay ang kapatid na si Sanya Lopez. Sumunod ay ang kanyang girlfriend na si Barbie Forteza.

May medyo na sexy shot si Barbie dahil kinunan siya ni Jak na backless pero may takip naman ang harap ng katawan niya.

Heto ang kuwento ni Barbie sa kanyang YouTube vlog: “Today is a pretty busy day because I’m gonna bring you guys with me and I will show you kung papaano kami nagfo-photo shoot dito sa bahay, kung papaano namin natu-turn into a photo studio ang aming bahay.

“Magshu-shoot kami today for our folio for GMA. Since pandemic nga po, hindi kami pwedeng masyadong madami sa studio so they opted to let us shoot na lang ourselves at home para mas safe nga naman.

“I’m pretty excited about this kasi creative ang aking mahal, so siya na ang bahala sa’kin. Super happy ako kasi we get to play with the layouts and the looks pero hindi naman super play, andoon pa rin naman si Barbie.

“Well… challenging, especially sa part mo kasi ikaw lahat. Pero masaya kasi wala tayong rules, alam mo ‘yon? May layouts pero tayo pa rin ‘yung nasusunod.” (RUEL J. MENDOZA)

Hinaing ng sportsman, businessman ng Rizal (Unang bahagi)

Posted on: January 9th, 2021 by @peoplesbalita No Comments

MATAGAL-TAGAL na ring kilala ng TP si Adi delos Reyes.

Isang mahusay na race organizer sa ilalim ng kumpanya niyang Eventologist Compnay na nakabase sa Metro Manila.

Maginoo, mahinahon, mabait, marunong makisama. Kaya hindi ko mapahindian ang paghingi niya ng tulong sa isa naming pag-uusap sa FaceBook messenger kamakailan.

Pero bago siya naging mahusay na race organizer/director (road, vertical at trail), minsan siyang naging top salesman ng Rubberworld, Adidas at Accel.

Siya rin ang nasa likod ng sports brand na Champion at nakapagdaos na rin ng vertical runs at 3×3 basketball event.

Noong Enero 2020, nagbasketbol ang nag-iisang 20-anyos na anak niyang lalaki na si Andrew Joshua delos Reyes sa kalapit na village nila sa San Mateo, Rizal at nagpalipas ng gabi sa pagbi-video games sa isang lugar na malapit sa bahay ng kaibigan at kalaro sa basketbol.

Ni-raid ng mga pulis ang bahay, naghahanap ng droga, hindi natiyempuhan ang may ari ng bahay nang mga sandaling iyon.

Mga dismayado, umaresto na lang ang mga awtoridad ng kahit na sino, kabilang si Andrew Joshua at dinala’t kinulong sa San Mateo jail.

Gulantang ang pamilya ni Adi, kinasuhan pa ang anak ng pag-iingat umano ng kalahating kilo ng marijuana nang walang basehan.

Maraming sablay sa police blotter na hindi maipaliwanag sa pamilya Delos Reyes.

“Lumaki ang ang anak ko sa sports at medical family. Maraming mali sa police report na hindi nila maipaliwanag,” hinaing ni Adi.

Sana masilip po ito ng mga nakatataas diyan sa bayan o lalawigan.

Dalangin ng OD na makuha ni Adi ang katarungan para sa kanyang anak.

Isa lang ito sa nakakalungkot na gawain ng ilang pulis, (REC)

Coo masigla pa rin kahit nagkakaedad

Posted on: January 8th, 2021 by @peoplesbalita No Comments

IBINAHAGI nina world-renowned Pinay tenpin bowler Olivia ‘Bong’ Coo Garcia at Gymnastics Association of the Philippines (GAP) president Cynthia Carrion-Norton ang mga karanasan sa katatapos na Philippine Sports Commission’s (PSC) women empowerment web series Rise Up! Shape Up.

Pinamagatan ang ikawalong episode ng dalawang buwan ng serye na “Aging Gracefully: Embracing Life’s Golden Years,” at nakatuon sa dalawang kinukunsiderang “accomplished women’s healthcare” pati sa best lifestyle practices sa kanilang mga taon.

Ikinagalak ni PSC Chairman William Ramirez ang pagdalo ng dalawang opisyal ng sports kung saan giniit niya ang importansiya ng mga kilalang sports figure sa pagiging malulusog, maliliksi at aktibo pa rin pa rin sa kanilang pamumuhay.

“These powerful and decorated women in the sports scene make us proud of their achievements and inspire us to prioritize our health proving that age is just a number,” wika ni Ramirez.

Nangangasiwa sa programa si PSC-Women in Sports Oversight Commissioner Fatima Celia Kiram. Secretary general ng Philippine Bowling Federation (PBF) si Coo, habang pangulo ng Gymnastics Association of the Philippines 9GAP) si Carrion.(REC)

2 tulak arestado sa higit P.4 milyon shabu sa Valenzuela

Posted on: January 8th, 2021 by @peoplesbalita No Comments

Mahigit sa P.4 milyon halaga ng shabu ang nasabat sa dalawang hinihinalang tulak ng ilegal na droga matapos masakote sa magkahiwalay na buy-bust operation ng pulisya sa Valenzuela city.

Ayon kay Valenzuela police chief Col. Fernando Ortega, bandang 8 ng gabi nang magsagawa ng buy-bust operation ang mga operatiba ng Station Drug Enforcement Unit (SDEU) sa pangunguna ni PLT Robin Santos kontra kay Joel Casuple alyas Belok, 41, malapit sa kanyang bahay sa Purok Orosco St. Mapulang Lupa.

Nang tanggapin ni Casuple ang P2,500 marked money mula sa pulis na nagpanggap na buyer kapalit ng isang plastic sachet ng shabu ay agad siyang dinamba ng mga operatiba.

Nakumpiska sa suspek ang nasa 60 gramo ng shabu na tinatayang nasa P408,000.00 ang halaga, buy-bust money, P2,000 bills, at cellphone.

Dakong 9:30 naman ng gabi nang masunggaban din ng mga operatiba ng SDEU si Jovert Bugna, 33 ng Candido St. matapos bentahan ng P300 halaga ng shabu ang isang pulis na nagpanggap na buyer sa buy-bust operation sa Cunanan St., Mapulang Lupa.

Ani SUDE investigator PSSg Carlito Nerit ,Jr., narekober sa suspek ang nasa P3 gramo ng shabu na tinatayang nasa P20,400 ang halaga, marked money, cellphone at P400 bills.

Kaugnay nito, pinuri ni Northern Police District (NPD) PBGen. Eliseo Cruz ang Valenzuela Police SDEU sa ilalim ng pamumuno ni Col. Ortega dahil sa matagumpat na operasyon kontra sa ilegal na droga. (Richard Mesa)

Perez maaring lumipat sa San Miguel Beer

Posted on: January 8th, 2021 by @peoplesbalita No Comments

NAGBUKAS na nitong Lunes, Enero 4 ang trade para sa 12 koponan na mga nagpiprepara para sa 46th Philippine Basketball Association (PBA) 2021 Philippine Cup sa darating na Abril 9.

Ipinahayag ni PBA commissioner Wilfrido Marcial, na pinairan ang moratorium sa trade sapul nang mag-Covid-19 nitong Marso 2020 sa bansa.

At malang din aniyang maraming swap ang maganap bago at pagkatapos ng ng 36th PBA Rookie Draft 2021 sa Marso 14.

Ang isa sa mga inaabangan sa pagbabalik ng palitan ng mga manlalaro ay si Christian Jaymar ‘CJ’ Perez ng Terrafirma Dyip, na umuugong na posibleng lumagak sa magbabagong bihis na San Miguel Beer.

Last trade sa propesyonal na liga nitong Pebrero 2020 pa, na naghatid kay John Paul ‘Poy’ Erra sa TNT buhat sa North Luzon Expressway sangkot ang Blackwater Elite.

Nananatiling tikom ang bibig ni San Miguel Corporation Sports Director Alfrancis Chua at Beermen coach Leovino ‘Leo’ Austria nang hingan ng komento kahapon ng People’s BALITA. (REC)

Disney’s Casting Call for a Filipino ‘Lola’ Could Be for ‘Spider-Man 3’

Posted on: January 8th, 2021 by @peoplesbalita No Comments

DISNEY is currently looking for a Filipino grandmother to play a role in an upcoming film.

The casting call posted at ProjectCasting.com and will expires on January 31:

“Katie Doyle Casting, Hawaii is assisting Sarah Finn Casting (Avengers: Endgame, The Mandalorian, Guardians of the Galaxy) in looking for an actress to play a role in an upcoming Walt Disney Studios film.

“No professional acting experience is required, but the applicant must speak English fluently and be comfortable traveling on a plane to Atlanta. They also should be currently authorized to work in the United States (either a US citizen, a green card holder, or an O-1 visa holder.)

“This role is shooting for a few days in mid February 2021 in Atlanta, Georgia.

“We will be reviewing videos the first week of January and will email anyone we’d like to invite to audition!

“We are committed to diverse, inclusive and authentic casting. We highly encourage performers who are Filipino or of Filipino descent to apply. For every role, please submit qualified performers, without regard to disability, race, age, color, national origin, sexual orientation or gender identity, or any other basis prohibited by law, unless otherwise specifically indicated.”

While the specific film has not yet been revealed, casting call details cause speculations that it is for Spider-Man 3, which is currently filming and casting in Atlanta.

And If Disney’s casting call is indeed for said Marvel’s film, it is no surprise if they’re casting the lola of Ned. Peter Parker’s friend is played by Filipino-American actor Jacob Batalon.

Ads January 8, 2021

Posted on: January 8th, 2021 by @peoplesbalita No Comments

PDu30, ipinag-utos ang pagpapaliban muna ng pagtataas sa kontribusyon ng mga PhilHealth members ngayong 2021

Posted on: January 8th, 2021 by @peoplesbalita No Comments

IPINAG-UTOS ni Pangulong Rodrigo Roa Duterte na ipagpaliban muna ang pagtataas sa kontribusyon ng mga PhilHealth members na nakatakdang ipatupad ngayong 2021.

Sinabi ni Senador Bong Go na ang katwiran ni Pangulong Duterte ay pandemic pa rin hanggang ngayon dahil sa Covid- 19.

“Pandemic tayo ngayon. Trabaho ng government na humanap ng paraan and to make easy for the people,” ayon kay Go.

Kaya nga, sinabi ni Go na pabor siya na ipagpaliban muna ang pagtataas sa kontribusyon ng mga PhilHealth members na nakatakdang ipatupad ngayong 2021.

“Base sa usapan namin ni Pangulong Duterte, sang-ayon naman po siya na ipagpaliban pansamantala muna ang pagtaas sa rates ng contributions ng PhilHealth habang may pandemya pa tayong kinakaharap,” ani Go.

Dagdag pa nito, kailangan ng Kongreso na magpasa ng batas para amyendahan ang Universal Health Care (UHC) Act, na siyang basehan ng PhilHealth sa dagdag-singil.

Ipinaliwanag ni Go na maraming nawalan ng trabaho kaya tulungan na lang muna ang mga kababayan natin lalong lalo na ang mga Overseas Filipino Workers na wala nang pambayad sa premium.

Pabor din daw si Pangulong Duterte na tustusan muna ang PhilHealth sakaling maurong ang premium hike.

Ani Go na personal siyang umapela kay Pangulong Duterte na kung maaari ay gobyerno na lang muna ang sumalo sakaling kulangin ang pondo ng PhilHealth sa mga susunod na panahon para hindi maisakripisyo ang pagpapatupad ng Universal Healthcare Law.

Sinabi ni Go na pabor din si Pangulong Duterte na huwag munang ituloy ang contribution hike bagamat ayaw niyang umabot sa puntong wala nang pambayad ang PhilHealth kaya mungkahi niya dapat ang gobyerno ang sumalo sa halip na ipasalo sa mga kababayan lalo na ang mga mahihirap at nawalan ng trabaho.

“The government, as a whole, must do its best to unburden Filipinos by shouldering the cost while ensuring that the UHC law is implemented and the services of PhilHealth are unhampered,” ani Go.

Maaalalang binatikos ang PhilHealth, na naging sentro ng kontrobersiya dahil sa umano’y malawakang katiwalian, matapos nitong ianunsiyong tuloy ang kanilang premium hike sa gitna ng pandemya.

Hindi umano bababa sa P15 bilyon ang nakulimbat ng mga opisyal nito sa pamamagitan ng iba’t ibang modus kaya wala itong karapatang magdagdag-singil, sabi ng ilang senador.

Nakausap na din ni Go si Budget Secretary Wendel Avisado kung saan nakuha niya ang pagsang-ayon nito sa kanyang paliwanag.

Samantala, ipinaalala naman ni Go sa PhilHealth na gamitin ang mga pumasok na pera sa kanila sa mga miyembro nito.

Tiniyak din ni Go na malaki ang tiwala niya kay PhilHealth President and CEO Atty. Dante Gierran na hindi siya papayag na may manakaw na pera ang ahensiya. (Daris Jose)

82 iba pa nais sa Olympics

Posted on: January 8th, 2021 by @peoplesbalita No Comments

NASA 83 national athletes ng 19 National Sports Associations (NSAs) , sa pangunguna ni 30th Southeast Asian Games PH 2019 Women’s Taekwondo gold medalist Pauline Louise Lopez ang mga sasabak sa mga Olympic Qualifying Tournament (OQT) sa pagnanais na makapag-32nd Summer Olympic Games 2020 sa Tokyo, Japan na inurong ng Hulyo 2021 sanhi Covid-19.

Inihayag kamakalawa Philippine Sports Commission (PSC) Chairman William “Butch” Ramirez na grupo karamihan ay sasailalim na sa mga bubble training sa Inspire Sports Academy sa Calamba City at New Clark Sports Hub sa Capas, Tarlac habang iba’y mga nasa ibayong dagat.

Idinagdag pa ng opisyal na balak ng government sports agency na ipadala sa iba’t ibang OQTs ang 29 na atleta at coaches mula sa tatlong combat sports na taekwondo, boxing at karate makaraan ang 90 na araw na Calambubble training camp sa Laguna.

Gagastusan ang 16 katao ng boxing ng P2M habang ang karate na may walo popondohan ng P1.5M at taekwondo ay may lima na gagastahan ng P1M sa bubble training. Para ang halaga sa room at lodging, meals, snacks, gym rentals at paggamit sa mga pasilidad.

Ang iba pang mga manlalaro na pa-OQT ay sina karetakas Jamie Christine Lim at Joane Orbon, judoka Junna Tsukii, weightlifter Hidilyn Diaz, marathoner Christine Hallasgo at iba. (REC)

Michael Jordan panalo ng $46,000 vs Chinese sportswear company

Posted on: January 8th, 2021 by @peoplesbalita No Comments

Iginawad ng isang korte ang panalo sa kaso ni NBA Hall of Famer Michael Jordan laban sa isang Chinese sportswear company.

Ang naturang kaso ay may kaugnayan sa “emotional damages” at legal expenses bunsod ng trademark issues.

Ayon sa ulat ng Variety, inatasan ng korte ang Chinese sportswear at shoe manufacturer ng sapatos na Qiaodan na magbayad ng $46,000 (RMB300,000) dahil sa paggamit sa pangalan ni Jordan na walang pahintulot.

Sinasabing ang salitang “Qiaodan” na kapag na-translate ang ibig sabihin ay Jordan.

Dahil dito pinagbabayad din ang kompaniya ng $7,600 (RMB50,000) dahil sa legal expenses para sa kabuuang $53,600 na babayaran.

Binigyang diin daw ng korte na ang paggamit ng salitang “Qiaodan” ay maituturing na panloloko sa mga customers.

Inatasan din ang kompaniya na mag-isyu ng public apology.

Napag-alaman din na umaabot sa 200 trademarks cases kontra sa naturang kompaniya ang nakahain kung saan ang iba sa mga ito ay limang taon na ang nakalipas.

Mula noong taong 2012, naghain na si Jordan ng 80 mga lawsuits.