MISMONG si Pangulong Rodrigo Roa Duterte na ang nagsabi na hindi pinipilit ng pamahalaan ang kahit na sinuman na sumali sa ibibigay na bakuna ng national government.

Sa public address ng Pangulo ay sinabi nito na libre ang bakuna at talagang pinaghandaan ng pamahalaan ang pera.

“Iyong Secretary of Finance — yesterday we had a Cabinet meeting or was it the other day? Sabi ni Sonny Dominguez, we have the money. We have the money and we have the right persons especially si Secretary Galvez. Ako pinili ko siya to be the sole person who would be responsible from the acquisition — from the purchase and up to the distribution. And I have called upon the police and the military to help kasi kung ang mga kababayan natin would opt to have the bakuna, magulo ‘yan. It’s either in health centers or a few police, few soldiers would just be there to supervise ‘yung linya, first come, first served na walang gulo at hindi magwawala ‘yung mga tao,” ayon sa Pangulo.

Kaya nga aniya ang bakuna na bibilhin ni Vaccine Czar Secretary Carlito Galvez Jr. sa China ay mahusay o mainam gaya ng ibang bakuna na naimbento ng mga Amerikano o mga Europeans.

“Hindi nagkulang ang Chinese, hindi sila nagkulang sa utak. Bright itong mga Intsik at they would not venture kung hindi sapat, it is not safe, sure, and secure. Iyong tatlo: it must be safe; sigurado, sure; and secure. That is the guarantee,” ani Pangulong Duterte.

“Ako, kung ano ang piliin ni Secretary Galvez would bind me. Parang ako na rin ang bumili ng bakuna. So hindi ako magbili ng bakuna na hindi tama. Itong Sinopharm pati Sinovac nabakunahan na nila lahat halos ang kanilang… Kaya normal na ang buhay nila ngayon. But they are afraid of the new strain. So pag-usapan natin ‘yan later on. So iyan ang ano,” dagdag na pahayag ng Pangulo.

Kung ayaw ng ilang mga mamamayan ng bakunang gawa ng China ay okay lang sa kanya.

“Walang problema. Kung kayong walang pera at gusto ninyo ng bakuna na mas maganda, mas mabisa, wala, tabla lahat ‘yan. Pareho lang ang pinag-aralan nila. The same microbes ang pinag-aralan nila so kanya-kanya ‘yan. It doesn’t mean to say that the Americans or the Europeans, the EU, are better than the Chinese. Ako, kung ano ang piliin ni Secretary Galvez, kung ano ‘yung responsibility niya, responsibility ko rin.  Ultimately, actually, sa lahat ng ito, kung may bulilyaso, iyong aming sa gobyernong pinili at nine-negotiate ngayon, kung may bulilyaso, at the end of the day, akin talaga ‘yang responsibilidad,” litaniya ng Pangulo sabay sabing siya na mismo aniya ang naggagarantiya na mahusay ang piniling bakuna nina Sec. Galvez at Health Secretary Francisco Duque III.

“Maniwala kayo. Maniwala kayo,” giit ng Pangulo. (Bishop Jesus “Jemba” M. Basco)

TINATAYANG aabot sa 137 million doses ng COVID-19 vaccines ang na-secure ng pamahalaan para sa susunod na taon.

Sinabi ni vaccine czar Sec. Carlito Galvez sa public address ni Pangulong Rodrigo Roa Duterte, Miyerkules ng gabi na manggagaling ito sa iba’t ibang brands ng bakuna na nagbigay na ng commitment ng suplay sa bansa.

“Maganda po ang negotiation natin kaya po secured na natin ang 137 million po na doses para next year. Puwede pong umakyat ‘yan na … sa 172,” ayon kay Galvez.

Sa susunod na buwan naman na inaasahang mauunang darating sa bansa ang mga bakuna ng Pfizer ng Amerika at Sinovac ng China.

“Pfizer po maganda rin po ang ating negotiation. Dinagdagan po — puwede pong madagdagan ang ating allocation at isa siya sa pinakamalaki na makukuha po natin, more or less 25 to 40 million. At natutuwa po kami dahil kasi hindi po tayo iniwan ng Pfizer at may commitment po sila na baka magkaroon po pagka nagpirmahan po tayo baka hopefully, kung mayroon silang excess from US at other countries, pwede pong mai-deliver po ‘to sa atin,” aniya pa rin.

Ibinalita rin ni Galvez na nagkapirmahan na rin ang pamahalaan at ang Serum Institute ng India para sa Novovax vaccines para sa 30 million doses na dadating din ngayong taon.

Inaasahan naman na ngayong araw ay magkakapirmahan na para sa bakuna naman ng AztraZeneca ng UK para sa 17 million doses na posibleng dumating ng 2nd quarter ng taon.

Aniya pa, ang Johnson at Johnson mula Amerika din ay nasa final stages na rin aniya ng approval ng kasunduan, habang may ongoing negotiations na rin para makabili ng Moderna ng Amerika din, kasama ang pribadong sektor.

Bukod dito ay may nagaganap na ring negosasyon ang gobyerno katuwang ang Russian Direct Investment Fund para makabili rin ng 50 hanggang 100 million doses na gawa ng the Galameya Institute sa Russia.

Sa kabilang dako, may inaasahan pa niyang libreng bakuna ang Pilipinas na nasa 42 million doses mula sa COVAX facility na sapat aniya para maibigay sa 20 percent ng populasyon ng bansa.

Kaya nga, hindi na magiging problema ang cold chain storage facilities dahil bukod sa pasilidad ng gobyerno, may service providers din aniya mula sa pribadong sektor.

Aniya, ikukunsidera naman ang geographical at sectoral issues sa pagbibigay prayoridad sa pagbabakuna at tiniyak niyang wala umanong magiging diskriminasyon dito.

Target pa rin ng pamahalaan na mabakunahan ang lahat ng 110 na milyon na populasyon ng bansa, pero hindi umano mamimilit ang gobyerno. (Daris Jose)