NAKARATING sa LAWYERS COMMUTERS SAFETY and PROTECTION (LCSP)  ang ilan sa mga ito at gusto natin i-post dito ang mga damdamin at saloobin ng tao tungkol dito, dahil kailangan malaman ng taumbayan kung ano ba talaga itong PMVIC na ito:

Saan nagmula ito? Solution ba talaga ito para raw bumaba ang aksidente sa lansangan? Napag-aralan bang mabuti ito?

Samantala, may pending investigation pa sa Committee on Transportation ni Cong. Sarmiento tungkol sa PMVIC! Wala pa nga lang resolution dahil nahinto ang mga meetings dahil sa pandemia;

Maraming mga tanong at haka-haka: Wala bang anomalya o corruption sa pagkakabuo nito?

Dapat din na ma-imbestigahan ni Cong. Marcoleta ang ibinunyag nya na “garapalang singilan” daw sa LTO patungkol sa mga PMVIC; pero bakit imbes na imbestigahan para may makasuhan at may makulong ay iniutos pa ni Cong. Marcoleta kay Assec. Galvante na agad payagang mag-operate ang mga PMVIC? Bakit?

May pending investigation din si Cong. Sarmiento sa P800M na binigay na budget sa LTO para gamitin sa pagpapatayo ng mga bagong MVIS. Nakakapagtaka kung bakit hindi daw ginamit ang budget at bagkus ay ipinasa pa sa mga pribadong negosyante ang pagi-inspeksyon ng mga sasakyan na kung saan namuhan ng P60M (ayon kay Cong. Marcoleta) bawat isa, sa pagpapatayo ng center.

Dapat din po malaman ng taumbayan kung sinu-sino itong mga namuhunan ng P60M bawat isang PMVIC, maaring magulat kayo kapag nalaman nyo kung sino ang mga ito!

Kanino ngayon babawiin ang halagang ito na pinuhunan nila? Eh diba sa taumbayan na naman na bugbog na sa gastusin!  Kaya naging napakamahal ngayon ng kailangang bayaran ng mga tao para makapag rehistro ng kanilang mga sasakyan. More or less 450% ang itinaas. Bukod pa ang gastusin sa ipapagawang sira ng kanilang sasakyan na makikita sa PMVIC inspection.

Sa haba ng pila sa PMVIC, masasayang din ang isang araw dahil mawawalan ng sweldo ang tao dahil kailangang lumiban sa trabaho.

Kailangang imbestigahan ito ng Congreso at Senado.   Nagtataka ang marami bakit tahimik sila tungkol dito!

Sa totoo, gustong malaman ng bayan kung sinu-sino ang mga may-ari ng mga PMVIC! (ATTY. ARIEL ENRILE-INTON)

MALABONG makabalik sa negosyo ang isang giant company kahit bigyan pa ito ng prangkisa ng Kongreso kung hindi naman nito aaregluhin ang tax dues.

“Maski na bigyan ninyo ng limang libong franchise ‘yan, hindi i-implement ‘yan… Just because you gave them franchise, it does not follow that all of their misdeeds in the pasy are condoned,” ayon kay Pangulong Rodrigo Roa Duterte sa kanyang public address, Lunes ng gabi.

“Wala akong galit, bayaran mo lang ang gobyerno, sasaludo ako sa inyo limang beses,” dagdag na pahayag ng Pangulo.

Hindi naman pinangalanan ni Pangulong Duterte ang nasabing kompanya subalit matatandaang noong Mayo ng nakaraang taon ay ipinag-utos ng National Telecommunications Commission sa ABS-CBN Corporation na itigil ang operasyon ng iba’t ibang TV at radio stations sa buong bansa alinsunod sa expiration ng legislative franchise nito.

Matatandaang, buwan ng Hulyo nang hindi na paboran ng mga kongresista ang pagbibigay ng prangkisa ng ABS-CBN.

Sa resolusyon ng House Committee on Legislative Franchises, iminungkahi nito na hindi bigyan ng prangkisa ang ABS-CBN.

Mula rito ay nagbotohan ang mga kasapi ng komite kung sila ay pabor o hindi sa naturang resolusyon.

70 mga kongresista ang pumabor na hindi bigyan ng prangkisa ang ABS- CBN habang 11 ang tutol sa mungkahi.

Ang 11 mambabatas na tumutol ay sina:
* Bienvenido Abante Jr, Manila 6th District
* Carlos Isagani Zarate, Bayan Muna party-list
* Christopher De Venecia, Pangasinan 4th District
* Edward Vera Perez Maceda, Manila 4th District
* Gabriel Bordado Jr, Camarines Sur 3rd District
* Jose “Ping-Ping” Tejada, North Cotabato 3rd District
* Lianda Bolilia, Batangas 4th District
* Mujiv Hataman, Basilan
* Sol Aragones, Laguna 3rd District
* Stella Luz Quimbo, Marikina 2nd District
* Vilma Santos-Recto, Batangas 6th District

2 naman ang nag-inhibit habang 1 ang nag-abstain.

Dahil sa desisyon, walang apela na magagawa ang ABS- CBN sa Kamara dahil walang ganoong hakbang sa rules.

Sa susunod na 19th Congress kung saan iba na ang Pangulo at iba na ang Speaker of the House ay maaari muling mag-apply ng panibagong prangkisa ang ABS- CBN.

Nauna nang sinabi ni House Speaker Alan Cayetano na conscience vote ang paiiralin sa pagboto sa franchise.

Samantala, habang nagaganap ang botohan, isang caravan naman ang ginawa ng mga ABS- CBN supporters sa labas ng Batasang Pambasa.

Kabilang sa mga Kapamilya artist na sumama sa caravan sa labas ng Gate 1 ng Batasang Pambansa sina Piolo Pascual at Kathryn Bernardo.

Maaalalang nag-expire ang prangkisa ng ABS- CBN noong May 4, 2020 sa gitna ng nararanasang  banta ng COVID-19 pandemic.

Ayon sa pamunuan ng ABS-CBN nag-aplay sila ng panibagong prangkisa noong taong 2014 ngunit napending lamang ito sa 16th, 17th, at 18th congress. (Bishop Jesus “Jemba” M. Basco)

Pinalawig ng Land Transportation Office (LTO) ang validity ng student permits at ng licenses ng drivers at conductors kasama ang motor vehicle registration hanggang March 31.

Ang extension ay valid para sa mga taong may edad na 17 hanggang 20 years old kasama rin ang mga taong may edad na 60 at pataas.

“The student permit and driver’s and conductor’s licenses of these age groups will be extended as they were required to remain in their residences during the pandemic quarantine period,” wika ng LTO.

Sa ilalim ng Inter-Agency Task Force for the Management of Emerging Infectious Diseases, ang may edad na 15 hanggang 20 at ang mga individual na may edad 60 pataas ay puwede lamang na makalabas ng kanilang tahanan kung may essential travel sa panahon ng pandemic.

Ito na ang ikatlong pagkakataon na ang LTO ay nag extend ng validity ng mga ilang nabigay na licenses dahil sa di tiyak na mahabang na restrictions ng COVID-19 pandemic.

Noong nakaraang May 2019, ang LTO ay nagsabi na kanilang palalawigin ang validity ng licenses, permits at motor vehicle registrations sa ilalim ng batas hanggang 60 days matapos ang resumption ng work.

At noong October, muli nilang pinalawig ang validity ng mga licenses nag hanggang Dec.31 dahil pa rin sa pandemic.  (LASACMAR)