2021 January Archive - People's Balita

Archive for January, 2021

Peoples Empowerment Act, inaprubahan sa huling pagbasa

Posted on: January 20th, 2021 by @peoplesbalita No Comments

Inaprubahan sa huling pagbasa ang mga mahahalagang panukala kabilang na ang House Bill 7950 o ang “People’s Empowerment Act.”

Sa botong 217-0, at anim na abstensyon, layon ng panukala na itatag ang sistema ng pakikipagsosyo sa pagitan ng mga lokal na pamahalaan at mga civil society organizations (CSOs) sa pamamagitan ng pagtatatag ng People’s Council sa bawat local government unit (LGU).

Ang People’s Council ay kabibilangan ng mga akreditadong CSOs, na makikibahagi sa pagbuo, implementasyon at susuri sa mga aktibidad ng pamahalaan.

Magpapanukala rin ng lehislasyon ang People’s Council, gayundin ang paglahok at pagboto nito sa antas ng Komite ng lokal na sanggunian.

Aprubado rin sa huling pagbasa ang HB 8140 o ang “Media Workers Act”; HB 8057 o ang “Magna Carta of Filipino Seafarers”; HB 8164 o ang “Philippine Veterans Bank Act”; HB 7460, na nagdedeklara sa Davao bilang “Chocolate and Cacao Production Capital of the Philippines”; at ang HB 2378, na nagdedeklara sa Lungsod ng San Jose del Monte, Bulacan bilang “Human Resource Capital.” (ARA ROMERO)

Lady Gaga at Jennifer Lopez, special guests sa inauguration nina US Pres. Joe Biden at Vice Pres. Kamala Harris

Posted on: January 20th, 2021 by @peoplesbalita No Comments

SINA Lady Gaga at Jennifer Lopez ang dalawa sa magiging panauhin sa inauguration ng bagong US President Joe Biden at US Vice President Kamala Harris ngayong January 20.

Magaganap ang sworn in nila Biden at Harris sa West Front ng US Capitol.

Si Lady Gaga ang aawit ng national anthem samantalang si J.Lo ay mag-perform ng isang musical number.

Star-studded ang naturang event with Tom Hanks na magiging host ng 90-minute primetime TV special celebrating Biden’s inauguration. Ibang performers ay sina Justin Timberlake, Jon Bon Jovi, Demi Lovato at Ant Clemons.

Four years ago, umiwas ang maraming celebrities sa inauguration ni President Donald Trump. Ngayon ay nagbu-volunteer pa ang iba na mag-perform sa inauguration ni Biden.

“When Democrats win you get the more standard celebrities. With Republicans you tend to get country music stars and race-car drivers,” ayon sa isang White House source.

Pero limited daw ang audience sa naturang inauguration due to the pandemic. Naging mahigpit din ang security dahil sa nangyaring riot sa Capitol.

Magiging virtual naman ang traditional quadrennial ball after the inauguration. Pero star-studded pa rin ito with Jason Alexander, David Arquette, Matt Bomer, Christopher Jackson, Ted Danson, Lea DeLaria, Keegan Michael-Key, Chrissy Metz, Mandy Patinkin and many others attending the event virtually mula sa kanilang mga tahanan. Ide-deliver ang handa ng ball sa kanilang address.

***

LAST Monday, January 18 nagsimula nang ipalabas ang fresh episodes ng GMA Primetime drama series na Love of My Life pagkatapos ng tatlong linggong recap.

Matatapos na ang lock-in taping ng buong cast at kabilang ang veteran actress na si Coney Reyes sa mami-miss ang naging samahan nila sa teleserye.

Sey ni Ms. Coney, hindi niya nakakalimutan ang pagganap niya bilang Isabella Gonzales.

“I miss the camaraderie we had on the set and the unselfish sharing of food, makeup tips, kwentos, and the laughter.

“Kakaiba ang bonding naming lahat dito sa show na ito lalo na dahil sa pag-iingat namin at pag-aalala para sa bawat isa.

“Of course, I will also miss playing the role of the strong-willed but loving, caring, generous Isabella Gonzales.”

***

NAG-CELEBRATE sina Meryll Soriano at Joem Bascon ng 1st month ng kanilang baby noong nakaraang January 17.

Pinost ni Meryll sa Instagram ang photo ng kanilang baby katabi ang cake nito at may caption na “Hep, Hep… Hurray!”

Kasama rin ang pamilya ni Joem sa naturang celebration. Sa isa pang IG post, karga ng ina ni Joem ang apo nito at nandoon din ang ama at dalawang kapatid ni Joem.

“Family is everything,” caption ni Meryll sa naturang post.

New Year’s Day 2021 nang i-reveal ni Meryll na sinilang niya ang baby nila ni Joem. January 2020 nang magkabalikan sila after nilang mag-break noong 2009. (RUEL J. MENDOZA)

JOLINA, na-scam ng cactus seller sa FB Marketplace

Posted on: January 20th, 2021 by @peoplesbalita No Comments

PINOST ni Jolina Magdangal sa kanyang IG account na na-scam siya ng isang cactus seller at mabuti na lang may nagbigay kaya wish granted pa rin.

Sabi ni Jolina, “Golden Barrel”, isa sa wish list ko na mga cactus at ngayon ay granted na. To @thepeapot Maraming maraming salamat sa pagiging generous sa akin. Panatag ang loob ko pag sayo nanggagaling ang mga plants ko dahil alam kong naalagaan mo na bago mo ibenta o ibigay.

“Iba ang appreciation ko ngayon sa pagkakabigay sakin nito dahil last sunday, na SCAM ako ng isang seller ng mga cactus sa FB Marketplace, sa kagustuhan ko makabili ng Golden Barrel, may isang seller na nagbebenta ng sobrang mura. Bumili tuloy ako sa kanya ng 3 gb at 7 pang kakaibang cactus. Ang ayos kausap, english speaking pa. Mode of payment ay gcash. Hapon ang huling text nya ay padeliver na ang mga order ko. At yun na ang huling text nya, nagmemessage ako nung gabi hanggang monday after lunch. Wala na.. pinapatay na ang tawag sa gcash number na binigay nya. Minessage pa sya ni mark sa Fb Marketplace para kunyari mag order at sumasagot! Pero sa akin ay wala na. At nung sinabihan ni Mark na asan na mga order ng asawa ko.. hindi na sinagot si Mark, at di na namin sya masearch.

“SCAM. First time nangyari sakin. Ganito pala feeling.

“Kung sino ka man “Samantha” (yun ang gcash name nya, hindi ko alam kung yun talaga name nya), maawa ka naman sa mga taong ninanakawan mo ng pinaghihirapang pera. Alam kong mahirap ang buhay ngayon pero hindi yan ang paraan para kumita ka. Maaaring after nito ay magpalit ka na ng account pero malamang itutuloy mo parin yang panloloko mo. Ang Diyos ay nakikita ang lahat lahat. At pinagdasal na kita sa kanya.

“Ingat tayong lahat.
“Thank you sa pag basa ng lahat ng ito, kung umabot ka dito.”

Last week, nag-post ang asawa ni Mark Escueta ng, “Just sharing, got this picture in google. Isa ito sa wish cactus ko.. “The Golden Barrel”. Malaki sya and gandang ganda talaga ako sa kanya. Yellow ang color ng spikes nya. Nagkakaroon sya ng flower and slightly mabango.”

Reaction naman ng netizens na maka-karma din ang nang-scam kay Jolina. May nag-share din na maraming talagang scammers sa FB Marketplace, kaya mabuting sa ibang online flatforms na lang mag-order. Mas okey din ang COD, kesa magbayad agad, para may protection sa mga scammers.

Anyway, ang gaganda nga ng cactus collection ni Jolina tulad ng ‘Tamarind Cactus’ na gusto na niyang magkaroon ng bulaklak.

Pero sa sa pinaka-favorite niya ngayon ang ‘Boobsie Cactus’.

Caption niya, “Dahil ako ay isang Beastfeeding advocate, nainlove ako sa cactus na ito. This is me.

“Meet my new and one of my most favorite cacti.. Myrtillocactus Geometrizans Fukurokuryuzinboku also known as “Booby or Boobsie Cactus or Titty Cactus”. Considered sya as rare cactus. A Japanese cultivar.

“Pwede syang lumaki hanggang 4.5 meters high and 10cm wide in diameter. Madali lang sila alagaan. Didiligan lang sila pag completely dry na ang soil.

#HalamanNanay #Cactus #BoobsieCactus #RareCactus.” (ROHN ROMULO)

Ads January 20, 2021

Posted on: January 20th, 2021 by @peoplesbalita No Comments

‘The world is on the brink of a catastrophic moral failure’ – WHO

Posted on: January 20th, 2021 by @peoplesbalita No Comments

Nagbabala ang World Health Organization (WHO) na nahaharap ngayon ang mundo sa kabiguan kung hindi maisagawa ang pantay-pantay na pamamahagi ng COVID-19 vaccines.

Ginawa ni Dr. Tedros Adhanom Ghebreyesus, director-general ng World Health Organization (WHO) ang babala kasabay ng WHO executive board session.

Ayon kay Dr. Tedros sa ngayon nasa 39 million vaccine doses na ang naipamahagi sa 49 na mga mayayamang mga bansa, samantalang kakarampot na 25 doses pa lamang ang naiturok sa mahihirap na bansa.

Tinukoy pa ng namumuno ng WHO na kung ipagpapatuloy ng mayayamang bansa ang sistema na “sila muna,” magdudulot lamang ito ng lalong pagtaas ng presyo ng bakuna, magkakaroon ng hoarding at tatagal pa lalo ang laban sa deadly virus.

“I need to be blunt: the world is on the brink of a catastrophic moral failure – and the price of this failure will be paid with lives and livelihoods in the world’s poorest countries,” ani Dr. Tedros. “The situation is compounded by the fact that most manufacturers have prioritized regulatory approval in rich countries where the profits are highest, rather than submitting full dossiers to WHO.”

Kasabay nito nanawagan si Ghebreyesus sa lahat ng mga bansa na magsama-sama na sa unang 100 araw ngayong taon ay maisagawa na ang pagbabakuna sa mga health workers at sa mga matatanda.

Nagpaalala rin ito sa mga bansa na meron ng umiiral na bilateral contracts at may control sa supply ng mga vaccines na maging bukas sa pinasukang kasunduan sa ilalim ng COVAX ng WHO.

“The recent emergence of rapidly-spreading variants makes the rapid and equitable rollout of vaccines all the more important. But we now face the real danger that even as vaccines bring hope to some, they become another brick in the wall of inequality between the world’s haves and have-nots. It’s right that all governments want to prioritize vaccinating their own health workers and older people first. But it’s not right that younger, healthier adults in rich countries are vaccinated before health workers and older people in poorer countries.”

Caperal ipinagmalaki nina Caguioa, Devance

Posted on: January 20th, 2021 by @peoplesbalita No Comments

HINDI naitago nina Mark Anthony Caguioa at Joe Calvin Devance ang pagsaludo kay Prince Renmer Caperal.

Ito’y nang anihin nang huli ang kanyang ang kanyang pagtitiyaga sa pangatlong taon sa Barangay Ginebra San Miguel, nang tanghaling Most Improved Player ng pandemic-shortened 45th Philippine Basketball Association (PBA) 2020 Philippine Cup sa Virtual Special Awards Night nitong Linggo.

Inalpasan ng Gin Kings big man sa karangalan ang frontliner ng Phoenix Super LPG na si Justin Chua sa nilikom na 2,447 votes (303 stats, 144 media, 2000 Commissioner’s Office) laban sa 2,096 ng Fuel Master na runaway winner sa media votes (2000), mula sa players ang kabuuan.

Dinaig din ng 27-anyos at may taas na 6-7 player ng Gin Kings sa MIP ang teammate ni Chua na si Jason Perkins at sina Raul Soyud bg North Luzon Expressway, Reynel Hugnatan ng Meralco at Javee Mocon ng Rain or Shine.

Naging ikatlong may dugong Never Say Die si Caperal na MIP awardee sa pagsunod kina Dante Gonzalgo (1989) at Reynaldo Cuenco (199) nang Anejo Rum 65ers pa ang dala ng crowd favorite professional team.

“So proud of this guy. Congrats Prince you really deserve it,” shoutout sa Twitter ni Caguioa. “Keep working hard.”

“I’m really proud of my boy @caperalprince ! It is your time to play big for this Ginebra team brotha!” hirit naman ng isa pang beterano ni coach Earl Timothy Cone na si Devance.

Support cast lang noon si Caperal pero nang maglaho noong Enero 2020 si Gregory William Slaughter, siya ang naging pambara ng alak sa paint.

May average si Caperal na 9.64 points, 4.0 rebounds at 1.0 assist sa Pampanga bubble noong Oktubre-Disyembre. Grabe iniangat buhat sa 1.2 markers at 1.5 boards per game lang 44th season 2019-20.

Congrats, Prince keep it up! (REC)

Jesus; Matthew 7:7

Posted on: January 20th, 2021 by @peoplesbalita No Comments

Ask, and it will be given to you.

Pinas, nakatipid ng $700 million sa pagbili ng COVID-19 vaccine- Galvez

Posted on: January 20th, 2021 by @peoplesbalita No Comments

NAKATIPID ang pamahalaan ng $700 million sa pagbili ng COVID-19 vaccines.

Ipinagmalaki ni Vaccine czar Secretary Carlito Galvez Jr. na nakatipid ang gobyerno sa pagbili ng bakuna dahil sa maayos na negosasyon ng pamahalaan.

Sa public address ni Pangulong Rodrigo Roa Duterte , Lunes ng gabi ay sinabi ni Galvez na nakatipid ang pamahalaan ng $700 million sa vaccine deals kung saan ay naibaba nila ng kalahati ang alok na presyo para sa bakuna.

“Noong kinompute ko po lahat ng mga brand, lumalabas po na naka-save po tayo ng $700 million. Meaning, ‘yong kanyang offer price naibaba po natin ng halos kalahati kaya po ang nangyari po ‘yong dati po, ‘yong plano po namin ni Secretary Duque na 70 million doses, umabot po ng 148 million doses,” ayon kay Galvez.

“Doon po napakita na maganda po ang presyo natin na nakuha. Halos lahat po ng prices, advantage po tayo,” dagdag na pahayag nito.

Giit ni Galez, malinis ang COVID-19 vaccine purchase deals dahil mahigpit nilang sinunod ang stringent measures.

Binigyang diin nito na hindi niya hinawakan ang anumang pondo na may kinalaman sa negosasyon sa pagbili ng COVID-19 vaccines.

“‘Yong deal po natin talaga pong sinasabi po natin sa ating mga tao, sa ating mamamayan na malinis po ‘yong deal natin at tsaka… wala po akong hawak na pera,” ang pahayag ni Galvez.

“Wala po tayong hinahawakan na pera. Ang pera ang magbabayad, bangko. Alam po natin na ang transaction ng bangko ay malinis po ‘yan. Hindi po tayo magkakaroon ng tinatawag nating corruption because of the World Bank integrity at tsaka po ‘yong Asian Development Bank,”aniya pa rin.

Aniya pa, kinumbinsi ng World Health Organization ang mga vaccine manufacturers na gawing available ang mga bakuna ng walang tubo.

Pumayag naman aniya ang mga pharmaceutical firms sa “no profit, no loss principle.”

“Yong ginawa po nating negosasyon, napaka-deliberate po at tsaka maganda po talaga. In fact, mapapangako ko po sa ating mahal na kababayan na ang lahat ng mga negosasyon at cost. Meaning, almost no profit,” ani Galvez.

Sa kabilang dako, sa gitna nang pag-aalinlangan sa halaga ng Sinovac COVID-19 vaccine, sinabi ni Galvez na ang presyo nito ay hindinalalayo sa presyo na ibinigay sa ibang bansa.

Ang paliwanag ni Galvez na ang Thailand ay maaaring nakakha ng “cheaper price” para sa Sinovac COVID-19 vaccine dahil maaaring mayroon na itong filling station para sa mga bakuna.

Aniya, ang pagkakaroon ng filling station ay nangangahulugan na ang manufacturer ay magdadala na lamang ng raw materials at ang bakuna ay kaagadd na ilalagay na kumpleto sa filling station.

“May capability po sila (Thailand) ng manufacturing po doon. Most likely, ‘yong kanilang arrangement is may filling station kaya nakamura po sila,” ani Galvez.

Sinabi pa ni Galvez na ang bakuna ay maaaring bilhin ng murang halaga kung ang pamahalaan ang siyang mismong hahawak ng freight at kukuha ng bakuna mula sa manufacturer. (Daris Jose)

Reyes tutumbok sa Enero 23

Posted on: January 20th, 2021 by @peoplesbalita No Comments

PINAG-AARALAN ni Efren ‘Bata’ Reyes at kanyang pamilya na ipatimbog sa mga awtoridad para kasuhan ang nagpakalat ng fake news sa social media nitong Sabado na patay na ang alamat ng bilyar.

Nakatakdang sumargo pa ang 66-anyos na, may taas na 5-9 cue artist kapareha si Ronato ‘Ronnie’ Alcano upang kalabanin ang kumpareng si Francisco ‘Django’ Bustamante na tatambal kay Carlo Biado sa Sharks 10-Ball Showdown, isang race-to-25 Scotch doubles sa buwang ito.

Tutumbok ang kompetisyon na ieere sa Sharks FaceBook page simula sa alas-3:00 nang hapon sa darating na Sabado, Enero 23. (REC)

DND, pinutol na ang kasunduan sa UP na nagbabawal sa PNP at AFP sa mga campuses nila

Posted on: January 20th, 2021 by @peoplesbalita No Comments

Pinutol na ng Department of National Defense (DND) ang 31-taon na kasunduan sa University of the Philippines (UP) na pagbabawal sa mga pagpasok ng mga kapulisan at kasundaluhan sa mga campuses kapag walang koordinasyon sa mga opisyal ng unibersidad.

Sa sulat ni DND Secretary Delfin Lorenzana kay UP President Danilo Concepcion, sinabi ito na ang nasabing desisyon ay bunsod sa mga natanggap nilang ulat na may mga komunista ang nanghihikayat umano sa mga estudyante na sumapi sa kanila.

Kailangan aniyang isakprisyo ang mahigit na tatlong dekada na kasunduan para mailigtas ang mga mag-aaral sa itinuturing na kalaban ng gobyerno.

Isa aniyang hadlang ang nasabing kasunduan para makapagbigay ng seguridad at kaligtasan sa mga mag-aaral.

Mayroon aniyang mga UP students na sumasapi sa Communist Party of the Philippines at New People’s Army kung saan ang iba sa kanila ay napapatay sa military operations.

“By reason of national security and safety of Up students, this Department intends to remedy this situation by terminating or abrogating the existing “Agreement” in order for us to perform our legal mandate of protecting our youth against CPP/NPA recruitment activities whose design and purpose is to destroy the democracy we have all fought for,” bahagi pa ng sulat. “The Department of National Defense only wants what is best for our youth. Let us join hands to protect and nurture our young people to become better citizens of our great nation.”

Ang nasabing kasunduan ay inilunsad noong June 1989 sa ilalim ni dating Pangulong Corazon Aquino na nagbabawal sa mga militar at police na basta pumasok sa mga campuses ng UP ng walang paalam sa university administration. (ARA ROMERO)