SIMULA sa Setyembre 26, 2026 makakatanggap ng P60 dagdag sa arawang sahod ang mga minimum wage earner sa National Capital Region (NCR).

Ayon sa Department of Labor and Employment (DOLE), nakasaad sa Wage Order NCR-28 na inilathala noong Biyernes at magkakabisa makalipas ang 15 araw, tataas ang minimum wage ng mga manggagawa sa non-agricultural sector mula P695 patungong P755, habang sa agricultural sector ay mula P658 patungong P718.

Inilabas ng Regional Tripartite Wages and Productivity Board – NCR ang wage order matapos dumaan sa itinakdang tripartite na proseso sa pagtatakda ng sahod.

Pinaalalahanan ng DOLE ang mga employer na sumunod sa bagong wage rates sa sandaling magkabisa ang mga ito, at tiniyak sa mga mang­gagawa na babantayan ng departamento ang implementasyon.

Sa datos ng DOLE, tinatayang 1.1 milyong ­daily wage earners sa Metro Manila ang makikinabang sa dagdag-sahod.

Ang hakbang na ito ay bahagi ng pangako ni Pangulong Ferdinand R. Marcos Jr. na palakasin ang purchasing power ng mga manggagawa at isulong ang inklusibong paglago ng ekonomiya.

Kasunod ito ng panibagong reklamong natanggap ni Acting LTFRB Chairman Atty. Greg G. Pua, Jr. mula sa isang PWD na umano’y pinagkaitan ng diskuwento ng konduktor ng isang bus na bumibiyahe sa Central at North Luzon at Maynila.

Ayon kay Acting Chairman Pua, ang reklamo, na ipinadala rin sa naturang kompanya ng bus, ay iniendorso na sa LTFRB Legal Division para sa pagsusuri at kaukulang aksiyon.

Alinsunod ito sa tagubilin ni Pangulong Ferdinand “Bongbong” R. Marcos, Jr. na mahigpit na ipatupad ang mga tuntunin at regulasyon sa pampublikong transportasyon, lalo na ang mga may kinalaman sa kaligtasan sa kalsada at kapakanan ng mga pasahero.

“Hindi ito katanggap-tanggap dahil kung mapatutunayang totoo sa isinagawang imbestigasyon, hindi lamang ito paglabag sa kondisyon sa pagkakaloob ng Certificate of Public Convenience (CPC), kundi malinaw ding paglabag sa batas,” ani Acting Chairman Pua.

Ang CPC ay dokumentong inilalabas ng LTFRB na nagbibigay ng awtorisasyon sa isang PUV na bumiyahe at mag-operate.

Batay sa reklamo, hindi tinanggap ng konduktor ang PWD ID ng pasahero nang sumakay ito sa isang terminal sa Pampanga. Ayon pa sa sumbong, pinarusahan umano ng kompanya ang konduktor dahil sa pagbibigay ng diskuwento sa isang PWD.

Binigyang-diin ni Pua na obligasyon ng mga PUV operator na ipatupad ang fare discounts dahil nakabatay ang mga ito sa umiiral na batas: Republic Act No. 10754 para sa PWDs, RA No. 9994 para sa senior citizens, at RA No. 11314 para sa mga estudyante.

Nagbabala si Acting Chairman Pua na mahigpit ang LTFRB sa pagpapatupad ng polisiya sa fare discounts, gaya ng ipinakita ng mga naging aksiyon ng ahensiya sa mga nakaraang insidente.

“Ito ay malinaw na babala sa lahat ng PUV operator. Igalang at ipatupad ninyo ang polisiyang ito, kung hindi ay pananagutin namin kayo,” ani Acting Chairman Pua.

Hinimok din ng LTFRB ang mga commuter na ireport ang anumang pagtanggi sa fare discount at iba pang pang-aabuso sa LTFRB Hotline 1342, gayundin sa email at social media accounts ng ahensya. (PAUL JOHN REYES)

SHOOT sa selda ang dalawang hinihinalang drug personalities nang maaktuhan sumisinghot umano ng shabu sa Valenzuela City, Sabado ng hapon.

Sa kanyang ulat kay Northern Police District (NPD) Director P/BGen. Benliner Capili, kinilala ni Valenzuela Police Chief P/Col. Joseph Talento ang mga suspek bilang sina alyas “JE”, 41, at alyas “Kamote”, 32.

Sa ulat, nakatanggap ng impormasyon ang mga operatiba ng Valenzuela Police Station Drug Enforcement Unit (SDEU) ng impormasyon hinggil sa umano’y nagaganap na illegal drug activities sa Dulap Compound, Brgy., Pasolo.

Kaagad namang nagsagawa ng validation sa lugar ang mga operatiba ng SDEU sa pangunguna ni P/Lt. Sherwin Dascil na nagresulta sa pagkakaaresto sa mga suspek nang maaktuhan na sumisinghot umano ng shabu sa loob ng bahay ni alyas JE dakong alas-4:00 ng hapon.

Nakumpiska sa kanila ang isang nakabukas na plastic sachet na naglalaman ng hinihinalang shabu na nagkakahalaga ng P2,788 at ilang drug paraphernalias.

Ayon kay SDEU investigator P/MSg Ana Liza Antonio, kasong paglabag sa Sections 11, 12 at 15 under Article II ng R.A 9165 o ang Comprehensive Dangerous Drug Act of 2002 ang isinampa nila laban sa mga suspek sa Valenzuela City Prosecutor’s Office sa pamamagitan ng Inquest Proceedings. (Richard Mesa)