2026 June Archive - People's Balita

Archive for June, 2026

Subic-Clark-Manila Batangas (SCMB) Railway tinutulak ng US

Posted on: June 27th, 2026 by Francis Paolo Torres No Comments

TINUTULAK ng United States na magkaroon na ng feasibility study ang proposal para sa pagtatayo ng Subic-Clark-Manila-Batangas (SCMB) Railway kung kaya’t naghahanap ng mga railway experts na siyang mamamahala sa gagawing proyekto.

Ayon sa US Trade and Development Agency (USTDA) sa isang pahayag na ginawa na sila ay naghahanap ng US contractor na siyang magiging watchdog sa mga deliverables na gagawa ng feasibility study.

“We are seeking a US contractor to act as a watchdog over deliverables submitted by the contractor working on the feasibility study,” wika ng USTDA.

Ibinigay ng USTDA ang technical assistance na kontrata sa isang Virginia-based na consultancy, ang Cadmus Group, noong nakaraang June 2025 na binigyan naman ng pondo na nagkakahalaga ng $3.8 milyon para sa nasabing FS.

Sa ilalim ng nasabing kontrata, ang Cadmus ay siyang mamahala sa preparatory studies kasama ang development ng isang railway transport model, port-rail integration. Kasama rin ang environmental impact assessment at regulatory, legal analysis.

Ayon kay Department of Transportation (DOTr) undersecretary John Batan na ang pag-aaral ay tuloy-tuloy at inaasahang matatapos ang FS sa susunod na taon.

“Based on the project notice, the company that will oversee the development of the study will review and assess each milestone deliverable submitted by Cadmus to us. The contract opens from initial information gathering to the final report and stakeholder presentation. The assessment should consider all relevant aspects of the scope of work and should give the professional opinion of the contractor as to whether the work presented in the deliverable is sufficient and acceptable for payment,” wika ng USTDA.

Dapat rin ang nasabing contractor ay makikipag-ugnayan sa mga co-funders ng nasabing FS tulad ng Manila-based Asian Development Bank (ADB) at Swedfund, na isang development finance arm mula sa Sweden.

Ang ADB ay nag commit ng $8 milyon para gamitin sa FS ng SCMB railway habang ang Swedfund ay magbibigay ng pondong P74 milyon.

Dagdag ni Batan na ang bansang United States ay may buong suporta sa proyekto ng SCMB railway upang makapanghikayat ito ng mga investors sa gagawing Luzon Economic Corridor (LEC).

Ang 250-kilometrong SCMB ay siyang magiging pangunahing logistics backbone ng LEC na naglalayon na makakatulong upang magkaroon ng mas mabilis at maayos na daloy ng mga kalakal sa buong key economic hubs sa Luzon. LASACMAR

PULISYA SA DAVAO, NAMAHAGI NG HELMET SA MGA RIDER BILANG HAKBANG SA PAGLILIGTAS NG BUHAY

Posted on: June 27th, 2026 by Francis Paolo Torres No Comments

BILANG bahagi ng kampanyang “Feel Safe, Feel Good,” personal na pinangunahan ng mga tauhan ng Regional Highway Patrol Unit 11 (RHPU 11) ang pamamahagi ng mga motorcycle helmet sa mga rider sa Davao Region. Layunin ng programa na hikayatin ang mas ligtas na pagmamaneho at mabawasan ang panganib ng malubhang pinsala sa mga aksidente sa kalsada.

Sa halip na puro pagpapatupad lamang ng batas, ipinakita ng mga pulis ang mas malawak na kahulugan ng kanilang tungkulin—ang pagprotekta sa buhay bago pa man mangyari ang anumang trahedya. Ang simpleng pamamahagi ng helmet ay naging simbolo ng malasakit at pagnanais na makauwi nang ligtas ang bawat motorista sa kanilang pamilya.

Pinuri ni Chief PNP, Police General Jose Melencio C. Nartatez Jr., ang inisyatibang ito at ang mga pulis na patuloy na naghahanap ng mga paraan upang maging mas malapit at mas kapaki-pakinabang sa komunidad.

“Ang tunay na sukatan ng ating serbisyo ay hindi lamang kung ilang batas ang naipatupad kundi kung ilang buhay ang ating natulungan at naprotektahan. Ang isang helmet na naipamigay ngayon ay maaaring maging dahilan upang may isang ama, ina, o anak na makauwi nang ligtas bukas,” ani PGen Nartatez.

Dagdag pa niya, “Mahalagang makita ng publiko na ang pulis ay hindi lamang tagapagpatupad ng batas kundi katuwang din sa pangangalaga ng buhay at kapakanan ng bawat mamamayan. Sa maliliit na paraan, maipapakita natin ang malaking malasakit.”

Patuloy na hinihikayat ng PNP ang lahat ng motorista na gawing bahagi ng kanilang araw-araw na paglalakbay ang pagsusuot ng tamang protective gear at pagsunod sa mga batas-trapiko. Sa bawat ligtas na biyahe, isang buhay ang napapangalagaan at isang pamilya ang naiiwasan sa pangamba.

Ang ganitong mga inisyatiba ay patunay na ang kapulisan ay patuloy na nagsusulong ng Bagong PNP para sa Bagong Pilipinas: Serbisyong Mabilis, Tapat at Nararamdaman, kung saan ang malasakit sa mamamayan ay hindi lamang ipinapangako kundi aktuwal na isinasabuhay. (PAUL JOHN REYES)

Walang nadamay na Pinoy sa Venezuela quake – DFA

Posted on: June 27th, 2026 by Francis Paolo Torres No Comments

TINIYAK ng embahada ng Pilipinas na walang nadamay na Pinoy sa Venezuela matapos magkasunod na tumama ang 7.5 at 7.2 magnitude na lindol doon.

“As of this writing, no reports of injuries or casualties have been received from Filipino nationals in Venezuela,” anang DFA.

Base sa pinakahuling ulat, 32 katao na ang nasawi habang 700 iba pa ang nasugatan.

Nagpaabot na rin ng taos pusong pakikiramay si Pangulong Ferdinand Marcos Jr. sa mga naulilang pamilya dahil sa nasabing lindol.

Ayon sa Pangulo, nakalulungkot ang naturang insidente. Sa ngalan aniya ng mga Filipino, nakikisimpatya ang Pilipinas sa Venezuela.

Nabatid kay Analyn Ratonel, spokesperson ng DFA, tinatayang mayroong 74 na Pilipino sa Venezuela, na marami sa kanila ay mga religious missionaries.

Sinabi rin ng DFA na nakikipag-ugnayan ang Embahada sa mga Pilipinong naninirahan sa kabisera ng Venezuela na Caracas at sa lungsod ng Barinas upang alamin ang kanilang kalagayan.

Pinayuhan ng DFA ang mga Pilipino na manatiling ligtas sa kanilang mga tahanan at subaybayan ang mga lokal na balita at mga abiso ng gobyerno para sa mga update sa sitwasyon.

Suporta sa Bayan Desk (SBD), higit 3,592 requests at nakapagpalabas ng P171,498,700 tulong ang Kamara

Posted on: June 26th, 2026 by Francis Paolo Torres No Comments

SA loob lamang ng 50 araw matapos buksan ang pinto sa mga nangangailangang Pinoy, ang Suporta sa Bayan Desk (SBD), naaprubahan ng Kamara ang 3,592 requests at pagpapalabas ng P171,498,700 tulong.

Base sa SBD accomplishment report mula Marso 18 hanggang Hunyo 22, 2026, naipropseso ng SBD ang nasa total na 3,738 requests – 3,103 na walk-in constituents at 635 endorsed ng mga mambabatas na may 3,592 o 96% approval.

Sa naturang mga panahon, nakapagsilbi ang SBD ng average na 72 kliyente kada araw, na may naaprubahang pondo na nasa P175,814,200, kung saan nasa P171,498,700 ang nai-release sa mga recipients.

Sinabi ni Speaker Faustino “Bojie” G. Dy III na “every single one of those 3,592 approvals is a Filipino family that didn’t have to go home empty-handed, patients who can now afford their medicines, their dialysis, their operation. Kapag may lumalapit sa gobyerno na nangangailangan ng tulong, hindi dapat sila pinapahirapan. Ang gusto natin ay mas mabilis, mas maayos, at mas makataong serbisyo. Ito ang layunin ng Suporta sa Bayan Desk.”

“When we established the Suporta sa Bayan Desk, we said this House would be a House of the People — ‘Alagang Kongreso’ — and in 50 days, PHP 171 million in real help was delivered to many of our kababayan who are in need. That is what public service looks like,” dagdag nito.

Inilunsad nitong Marso 17, 2026 at sinimulan ang operasyon ng Marso 18 sa ilalim ng liderato nina Speaker Dy at Majority Leader Ferdinand Alexander “Sandro” A. Marcos, ang SBD ay nagsisilbing one-stop facilitation center.

Tinutulungan nito ang mga aplikante na makumpleto ang mga documentary requirements bago mai-endorso ang kanilang requests sa mga partner agencies tulad ng Department of Social Welfare and Development (DSWD) at Department of Health (DOH).

Pinapurihan naman ni Majority Leader Marcos ang 96% approval rate nito na isang patunay na maaaring magsilbing frontline partner ang kamara sa social services.

“A 96-percent approval rate is not just a statistic — it is a guarantee that when someone who needs help enters the doors of SBD, they leave with a fighting chance. The achievement of SBD in its first 50 days of operation underscores the solid commitment of the House of Representatives to making government aid faster, more compassionate, and more accessible to our people,” dagdag nito.

Sa unang buwan ng operasyon nitong Marso, nakapagsilbi ang SBD sa may 507 kliyente; 1,138 noong April; 1,008 noong Mayo; at 939 sa unang 22 araw ng Hunyo.

Malaking bahagi ng approved requests na nasa 2,376 ay naproseso sa pamamagitan ng Department of Health (DOH), habang ang natitirang 1,216 ay nailapit naman sa Department of Social Welfare and Development (DSWD). (Vina de Guzman)

Mga kaso ng karahasan sa paaralan, isolated incidents – DepEd

Posted on: June 26th, 2026 by Francis Paolo Torres No Comments

IGINIIT ng Department of Education (DepEd) na nananatiling mga isolated cases ang pamamaril sa isang paaralan sa Tacloban City at iba pang kamakailang insidente ng karahasan sa mga paaralan.

Ayon kay DepEd Undersecretary Malcolm Garma, hindi minamaliit ng ahensya ang mga pangyayari, ngunit wala pang indikasyon na laganap o malawakan ang ganitong uri ng karahasan sa mga eskwelahan.

Gayunpaman, kinilala niya ang pangangailangang mas higpitan ang pagpapatupad ng mga school safety measures at palakasin ang koordinasyon sa mga magulang at komunidad.

Matapos ang Tacloban shooting na ikinasawi ng tatlong estudyante at ikinasugat ng dalawampu pa, sinabi ng DepEd na nire-review na nito ang pagpapatupad ng mga polisiya sa seguridad sa paaralan.

Kabilang sa mga hakbang ang paggamit ng CCTV cameras, paglalagay ng security guards, random bag inspections, at metal detectors sa mga paaralan.

Binanggit din ng DepEd na mayroon nang umiiral na guidelines sa school safety sa ilalim ng DepEd Order No. 6, Series of 2026, ngunit ang hamon ngayon ay kung gaano ito kahigpit na naipatutupad sa bawat paaralan.

Samantala, nagpapatuloy ang pagbibigay ng psychosocial support sa mga biktima, guro, at mag-aaral na naapektuhan ng insidente sa Tacloban. (DARIS JOSE)

Mary Grace Piattos bilang testigo sa impeachment trial: Strategy nila ‘yan- Malakanyang

Posted on: June 26th, 2026 by Francis Paolo Torres No Comments

SINABI ng Malakanyang na ‘strategy’ ng prosecution team ng Kamara de Representantes kung itutuloy nito na ipresenta ang isang “Mary Grace Piattos” bilang testigo sa impeachment trial laban kay Vice President Sara Duterte.

Ito’y sa kabila ng sinabi ng Philippine Statistics Authority (PSA) sa imbestigasyon ng Kamara na wala silang mga rekord ng kapanganakan, kamatayan o anumang iba pang pagkakakilanlan ng taong nagngangalang “Mary Grace Piattos.”

“Strategy po nila ‘yun. Strategy nila. Pero kung ayon sa PSA ay walang Mary Grace Piattos, so baka mahirapan silang makita kung sino ‘yung Mary Grace Piattos,” ang sinabi ni Castro.

Unang naging prominente ang pangalang Mary Grace Piattos sa pagsisiyasat ng House Committee on Good Government and Public Accountability noong 2024 tungkol sa paggamit ng pondo ng Office of the Vice President at ng Department of Education. Batay sa ipinakitang mga acknowledgement receipt sa paggamit ng confidential fund disbursements isa siya sa mga nakatanggap ng confidential funds mula sa mga opisina ng bise presidente.

Ayon sa pre-trial brief, haharap si Piattos bilang testigo para sa Article 1 ng reklamo na nag-aakusa kay Duterte ng paglabag sa Konstitusyon, graft and corruption, at pagtataksil sa tiwala ng publiko dahil sa maling paggamit umano ng P612.5 milyong halaga ng confidential funds.

Noong Pebrero, sinabi ng kampo ni VP Sara na handa silang ipaliwanag ang paggamit ng mga alyas para sa mga confidential funds, tulad ng “Mary Grace Piattos.”

Samantala, sina Xiaomi Ocho, Kokoy Villamin, Milky Secuya at iba pa, ang iba pang mga pangalan ding lumabas sa acknowledgement receipts. ( DARIS JOSE)

Malalaking pelikula at bituin, nominado sa ‘The 9th Eddys’…ANGELICA, BARBIE, KRYSTEL, JERICHO, DINGDONG at VICE GANDA, ilan lang sa maglalaban-laban (ni: ROHN ROMULO)

Posted on: June 26th, 2026 by Francis Paolo Torres No Comments

SINIMULAN ng The Society of Philippine Entertainment Editors (SPEEd) ang kalagitnaan ng taong 2026 sa pamamagitan ng paglalantad ng mga nominado sa The Entertainment Editors’ Choice o mas kilala bilang The Eddys.

Sa ika-9 nitong edisyon, isinagawa ang pag-aanunsiyo ng mga nominado sa labing-apat na kategorya kahapon, ika-25 ng Hunyo sa Luxent Hotel sa Quezon City, kung saan live itong napanood sa PlayTime Entertainment YouTube channel.

Ang naturang kaganapan ang nagsilbing pagbubukas ng nalalapit na pinakamaningning na gabi ng parangal sa ika-5 ng Hulyo sa Ceremonial Hall ng Marriott Grand Ballroom sa Newport World Resorts, Pasay City.

Pitong natatangi at mahusay na binusising mga pelikula na umakit sa mga manonood ang maglalaban-laban para sa Best Picture.

Kasama rito ang Bar Boys: After School, Eraserheads: Combo on the Run, I’m Perfect, Journeyman, Quezon, Sunshine, at UnMarry.

Magtutunggali naman para sa Best Director sina Sigrid Andrea Bernardo (I’m Perfect), Antoinette Jadaone (Sunshine), Jeffrey Jeturian (UnMarry), Christian Paolo Lat at Dominic Lat (Journeyman), Kip Oebanda (Bar Boys: After School), Jerrold Tarog (Quezon), at Maria Diane Ventura (Eraserheads: Combo on the Run).

Sa Best Actress award, maglalaban-laban sina Mylene Dizon (Habang Nilalamon ng Hydra ang Kasaysayan), Barbie Forteza (Kontrabida Academy), Krystel Go (I’m Perfect), Angelica Panganiban (UnMarry), Maris Racal (Sunshine), at Charo Santos (Only We Know).

Mainit din ang labanan sa kategoryang Best Actor nina Carlo Aquino (Bar Boys: After School), Dingdong Dantes (Only We Know), Joshua Garcia (Meet, Greet & Bye), Jericho Rosales (Quezon), JC Santos (Journeyman), at Vice Ganda (Call Me Mother).

Para sa Best Supporting Actress, nominado sina Susan Africa (How To Get Away From My Toxic Family), Eugene Domingo (UnMarry), Jennica Garcia (Sunshine), Odette Khan (Boys: After School), Rochelle Pangilinan (Child No. 82), at Sylvia Sanchez (I’m Perfect).

Maglalaban-laban sa Best Supporting Actor sina Lucas Andalio (Call Me Mother), Will Ashley (Bar Boys: After School), Rico Blanco (Manila’s Finest), Richard Quan (How To Get Away From My Toxic Family), Tom Rodriguez (UnMarry) at Zac Sibug (UnMarry).

Narito ang kabuuan ng mga nominado sa bawat kategorya.

Best Screenplay:

Kip Oebanda, Carlo E. Catu and Zig Dulay (Bar Boys: After School)

Dustin Celestino (Habang Nilalamon ng Hydra ang Kasaysayan)

Sigrid Andrea Bernardo (I’m Perfect)

Chris Martinez (Kontrabida Academy)

Jerrold Tarog at Rody Vera (Quezon)

Chris Martinez at Therese Cayaba (UnMarry)

Best Cinematography:

Hilarion Banks and Dominic Dycaico (Eraserheads: Combo on the Run)

Ber Cruz (Kontrabida Academy)

Pong Ignacio (Quezon)

Moises M.M. Zee (Salvageland)

Pao Orendain (Sunshine)

Best Visual Effects:

Sonny Burgos at Jaye Jacinto (Eraserheads: Combo on the Run)

Jericho Layson and Hanns Scheewe (Habang Nilalamon ng Hydra ang Kasaysayan)

Mylav Einah Infante (I’m Perfect)

Anthony Lyant (Magellan)

Bien Michael Caralian, Vincent Cheng, Jimmy dela Cruz and Santelmo Studio (Shake, Rattle & Roll: Evil Origins)

Post Bandits Inc. (Sunshine)

The Post Office (Quezon)

Best Musical Score:

Teresa Barrozo (Kontrabida Academy)

Frederik Sandoval and Emerzon Texon (Manila’s Finest)

Jerrold Tarog (Quezon)

Jose Antonio Buencamino (Salvageland)

Jose Antonio Buencamino, Mikhail Ali Hooshmand and Paulo Almaden (Shake, Rattle & Roll: Evil Origins)

Rico Blanco (Sunshine)

Best Production Design:

Melvin A. Lacerna (Journeyman)

Veronica San Antonio and Larissa Casingal (Kontrabida Academy)

Lav Diaz, Isabel Garcia and Allen Alzola (Magellan)

Digo Ricio (Manila’s Finest)

Monica Sebial (Quezon)

Carmela Danao (Salvageland)

Best Sound:

Jason Abell (Eraserheads: Combo on the Run)

Lamberto Casas Jr. and Kevin Padilla (Journeyman)

Roy Santos and Neil Diokno (Manila’s Finest)

Immanuel Verona and Fatima Salim (Quezon)

Ditoy Aguila (Shake, Rattle & Roll: Evil Origins)

Best Editing:

Chuck Gutierrez (Bar Boys: After School)

Chuck Gutierrez and Hilarion Banks (Eraserheads: Combo on the Run)

Aaron Alegre and Mark Cyril Bautista (Journeyman)

Jerrold Tarog (Quezon)

Benjamin Gonzales Tolentino (Sunshine)

Benjo Ferrer (UnMarry)

Best Movie Theme Song:

“Batas ng Api” (Kontrabida Academy)

“Jack en Poy” (Quezon)

“Kumpas” (Meet, Greet & Bye)

“Sandalan” (Manila’s Finest)

“Tala” (Call Me Mother)

Samantala, sina Concert Queen Pops Fernandez at TV host-brodkaster na si Kim Atienza ang magsisilbing hosts sa maningning na gabi ng parangal.

Taun-taong inoorganisa ng SPEEd, ang The Eddys ay isa sa mga pinakarespetadong award-giving bodies na naglalayong kilalanin ang kadakilaan at galing sa paglikha ng pelikulang Pilipino.

Dumating sa ginanap na nominees reveal kahapon ang singer na si Isha Ponti na naghandog ng dalawang awitin, si Shira Tweg na mula sa upcoming thriller film na Mantsa, ang Playtime host na si Sam Acosta na nagbasa ng major awards nominees, at ang kapatid ni Konsehal Alfred Vargas na si QC 5^th District Congressman PM Vargas.

Ang 9th Entertainment Editors’ Choice ay handog ng Society of Phil. Entertainment Editors katuwang ang Newport World Resorts, PlayTime Entertainment, at Echo Jham Productions; kasama ang Gold Sponsors Globe Telecom at Unilab Inc.; Silver Sponsors SoundCheck Inc. at Puregold CinePanalo Film Festival; at Major Sponsors: Luxent Hotel, RS Francisco, Beautéderm Corporation, PlayaLolita Beach Resort, Hotel and Restaurant.

May matinding paliwanag ang taga-Meralco… Reklamo ni CACAI, tungkol sa lumubong electric bill may sagot na (ni: REY PINEDA)

Posted on: June 26th, 2026 by Francis Paolo Torres No Comments

MARAMI talaga ang nagulat sa mga post ng ilang celebrities.

Kaugnay ito sa nga nagtaasan nilang Meralco bill.

Isa si Cacai Velasquez-Mitra na ‘di makapaniwala sa dumating niyang electric bill.

Ayon sa ipinost na resibo ni Cacai, umabot sa P94,355 ang nakonsumo nito sa loob lamang ng isang buwan.

Nakakagulat nga naman!

Sa ipinost nitong resibo may komento rin ang kapatid ng Asia’s songbird na si Regine Velasquez-Alcasid.

“Ayoko na sanang makisabay, pero mahimatay naman ako dito sa Meralco super conscious na nga ako sa gamit ng kuryente.

“Bahay lang po kami hindi commercial building.”

Ano nga kaya ang nangyari sa Meralco?

Matatawag bang error sa billing section ng Meralco?

O kaya masasabi bang glitch ito sa kanilang system?

Hindi bale sana kung ilang lang puwede pa siguro matanggap na error o glitch sa system. Kaya lang dami nilang nagrereklamo!

Sa advance technology ngayon, puwede pa sigurong mapalampas at i-consider na minsan unreliable din ang technology. Yan ay kung isa o dalawa lang ang nagrereklamo.

Pero kung marami na, teka! Ibang usapan na yon!

Kapabayaan na yan sa parte ng departamento ng billing section ng Meralco!

Sa hirap nga naman nang buhay ngayon, dadagdag pa ba ang ganitong klaseng problema?

Sa rami ng empleyado niyo nangyayari pa ba ang ganito?

Tsaka nangyari na rin ang ganitong problema sa mga nakaraang taon!

Sabi nga ng ibang netizen, kapabayaan ba ito o matatawag nang katangahan?

Samantala, naglabas ng opisyal na pahayag tungkol dito at ayon kay Meralco vice president and head of corporate communications Joe Zaldarriaga.

“Ms. Cacai’s account is classified as a high-load service and there was no unusual surge in her consumption, which is also reflected in the historical chart in her bill,” pahayag niya.

“The increase in her electricity usage during the period in question is consistent with her seasonal consumption pattern.

“The actual consumption remains within the normal range of her previous bills, both when compared with the preceding months and with the same period last year.”

Wala pang updates si Cacai tungkol sa June electric bill niya at sa napag-usapan nila ng Meralco.

Ads June 26, 2026

Posted on: June 26th, 2026 by Francis Paolo Torres No Comments